27th Apr2020

ຮອງນາຍົກລັດທະມົນຕີ ລົງເຄື່ອນໄຫວ ຊຸກຍູ້ວຽກງານສະກັດກັ້ນ ແລະຄວບຄຸມ ການແຜ່ລະບາດຂອງ ພະຍາດ ໂຄວິດ 19

by somchan

ວັນທີ 26 ເມສາ 2020 ນີ້ ປອ ສອນໄຊ ສີພັນດອນ ຮອງນາຍົກລັດທະມົນຕີ, ລັດທະມົນຕີ ກະຊວງ ແຜນການ ແລະ ການລົງທຶນ ພ້ອມດ້ວຍຄະນະ ໂດຍມີ ທ່ານ ສີຫຸນ ສິທິລືໄຊ ຮອງ ເຈົ້າຄອງ ນະຄອນຫລວງວຽງຈັນ, ມີຮອງ ລັດທະມົນຕີ ກະຊວງ ຖະແຫຼ່ງຂ່າວ ວັດທະນະທຳ ແລະ ທ່ອງທ່ຽວ, ທ່ານ ເຂົ້າ ເມືອງ, ເມືອງ ໄຊທານີ, ຫົວຫນ້າ ພະແນກ ແລະພາກສ່ວນທີ່ກຽ່ວຂ້ອງເຂົ້າຮ່ວມ ການລົງເຄື່ອນໄຫວຊຸກຍູິວຽກງານສະກັດກັ້ນ ແລະຄວບຄຸມ ການແຜ່ລະບາດຂອງພະຍາດ ໂຄວິດ 19 ຢູ່ບ້ານ ໄຊສົມບູນ, ຫ້ອງແຖວຂອງປະຊາຊົນຍູ່ບ້ານສ້າງຄູ່ ເມືອງ ໄຊທານີ ແລະ ໂຮງແຮມ ແລນມາກ ນະຄອນຫລວງວຽງຈັນ ມີຄະນະຮັບພິດຊອບ ໂຮງແຮມ ແລະ ອຳນາດການປົກຄອງບ້ານ ແລະ ປະຊົນໃຫ້ການຕ້ອນຮັບຢ່າງອົບອຸ່ນ.

ໃນໂອກາດທີ່ມີຄວາມຫມາຍຄວາມສຳຄັນດັ່ງກ່າວນີ້ ທ່ານ ຮອງນາຍົກລັດທະມົນຕີ ໄດ້ຮັບຝັງການລາຍງານສະພາບຈູດພິເສດພາລະບົດບາດຂອງບ້ານຫລັງການເໜັງຈີງຂອງປະຊາຊົນພາຍໃນບ້ານ, ຫ້ອງແຖວ ແລະການດຳເນີນ ທຸລະກິດໂດຍຫຍໍ້ໃນໄລຍະການແຜ່ລະບາດຂອງ ພະຍາດ ໂຄວິດ 19 ໂດຍສະເພາະແມ່ນ ການຈັດຕັ້ງປະຕິບັດຄຳສັ່ງແນະນຳເລກທີ 06 ຂອງນາຍົກລັດທະມົນຕີ ແລະ ຖະແຫລງການຕ່າງຽຂອງເຂົ້ານະຄອນຫລວງວຽງຈັນ ແລະ ຂອງເມືອງວາງອອກ, ທາງອຳນາດການປັກຄອງບ້ານ ແລະ ພໍ່ແມ່ ປະຊາຊົນ ແລະ ຜູ້ປະກອບການ ໂຮງແຮມ ໄດ້ປະສານສົມທົບກັບຫນ່ວຍງານສະເພາະຂອງນະຄອນຫລວງວຽງຈັນ, ແລະຂອງເມືອງ ໄດ້ລົງໂຄສະນາເຜີຍແຜ່ແນະນຳຜ່າສນຮຸບການຕ່າງຽເຊັນ: ລະບົບໂທລະໂຄ່ງຫົວຫນ່ວຍ 10 ຫລັງຄາເຮືອນ, ບັນດາຫ້ອງແຖວ ໂຮງແຮມ ພັກເຊົາ ພ້ອມນີ້ຍັງໄດ້ລົງກວດກາຈິດຕາມເຜັ້າລະວັງຢ່າງຕໍ່ເນື່ອງ ເຮັດໃຫ້ບ້ານ, ຫ້ອງແຖວ ແລະ ໂຮງແຮມ ມີຄວາມສະງົບ ເປັນລະບຽບຮຽບຮ້ອຍ ແລະ ບໍ່ມີຜູ້ຈິດເຊື້ອພະຍາດ ໂຄວິດ ຢູ່ພາຍໃນບ້ານ ແລະ ໂຮງແຮມ.

ໂອກາດນີ້ທ່ານ ຮອງນາຍົກລັດທະມົນຕີ ໄດ້ກ່າວຍ້ອງຍໍຊົມເຊີຍຕໍ່ການເອົາໃຈໃສ່ຢ່າງຕັ້ງຫນ້າຂອງອຳນາດການປົກຄອງ ພໍ່ແມ່ ປະຊາຊົນ ແລະ ຜູ້ປະກອບການ ໂຮງແຮມ ທີ່ພ້ອມກັນເອົາໃຈໃສ່ຈັດຕັ້ງຜັນຂະຫຍາຍຄຳສັ່ງ ເລກທີ 06 ຂອງນາຍົກລັດທະມົນຕີ ແລະພ້ອມນີ້ ທ່ານຍັງໄດ້ຮຽກຮ້ອງໃຫ້ອຳນາດການປົກຄອງບ້ອງ ແລະ ຜູ້ປະກອບການ ໂຮງແຮມ ເອົາໃຈໃສ່ ມາດຕະການແກ້ໄຂການດຳລົງຊີວິດການປົບປຸງພັດທະນາຊີວິດການເປັນຢູ່ໃນໄລະການແຜ່ລະບາດຂອງພະຍາດ ໂຄວິດ 19 ແລະ ມີຕວາມຕື່ນຕົວເອົາໃຈໃສ່ເຂັມງວດປ້ອງກັນຕົນເອງຢູ່ພາຍໃນບ້ານ ເຮືອນ, ໃນໂອກາດດັ່ງກ່າວໄດ້ເປີດໂອກາດໃຫ້ຜູ້ປະກອບການ ແລະ ອຳນາດການປັກຄອງບ້ານ ປະຊາຊົນນຳສະເຫນີບັນຫາຄວາມຫຍຸ້ງຍາກ, ຄວາມຕ້ອງການຊ່ວຍເຫລືອໃນໄລຍະການລະບາດຂອງພະຍາດ ໂຄວິດ 19 ເພື່ອຈະນຳເອົາຄຳຄິດເຫັນສະເຫນີນັ້ນໄປປັບແກ້ໃຫ້ການຊ່ວຍເຫລືອ.

ພ້ອມດຽວກັນນີ້ ທ່ານ ຮອງນາຍບົກລັດທະມົນຕີ ພ້ອມດ້ວຍຄະນະ ກໍ່ໄດ້ມອບເຄື່ອງຊ່ວຍເຫລືອຈຳນວນຫນຶ່ງໃຫ້ອຳນາດການປົກຄອງບ້ານ ແລະ ປະຊາຊົນ ເຊັ່ນປະກອບມີ: ໄຂ່, ຜ້າອັດປາກ ແລະເຫັ້າ 90.

Off

Comments are closed.