27th Apr2020

ນາຍົກລັດທະມົນຕີພ້ອມດ້ວຍຄະນະລົງເຄື່ອນໄຫວຢ້ຽມຢາມໃຫ້ກຳລັງໃຈພະນັກງານແພດ,ຫມໍທີ່ໂຮງຫມໍ ມຶດຕະພາບ

by somchan

ວັນທີ 27 ເມສາ 2020 ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມຄະນະສະເພາະກິດປ້ອງກັນ, ຄວບຄຸມ ແລະ ແກ້ ໄຂການລະລະບາດຂອງພະຍາດໂຄວິດ 19, ເຄື່ອນໄຫວຢ້ຽມຢາມພະນັກງານແພດຫມໍ ໂຮງຫມໍ ມິດຕະພາບ ແລະ ຄົນເຈັບທີ່ຈິດເຊື້ອພະຍາດໂຄວິດ 19 ທີ່ນອນປິ່ນປົວຢູ່ໂຮງຫມໍມິດຕະພາບ ນະຄອນຫລວງວຽງຈັນ, ໂດຍໃຫ້ການຕ້ອນຮັບຂອງ ດຣ ສະຫນອງ ຟອງສະນະ ຜູ້ອຳນວຍການ ໂຮງຫມໍ ມິດຕະພາບ ພ້ອມຄະນະ ແລະພະນັກງານແພດຫມໍ.

ພ້ອມນີ້ທ່ານ ອຳນວຍການ ໂຮງຫມໍ ມິດຕະພາບ ໄດ້ລາຍງານການຈັດຕັ້ງປະຕິດໜ້າທີ່ວຽກງານໃນການປິ່ນປົວຜູ້ຕິດເຊື້ອພະຍາດໂຄວິດ 19 ແລະ ການເປັນຍູ່ຂອງພະນັກງານແພດຫມໍ ທີ່ເອົາໃຈໃສ່ ປິ່ນປົວຜູ້ຕິດເຊື້ອພະຍາດໂຄວິດ 19 ແມ່ນໄດ້ເອົາໃຈໃສ່ປະຕິບັດນະ ໂຍບາຍຕໍ່ເຂົ້າເຈົ້າເປັນຢ່າງດີ ແລະ ມີຄວາມຮັບພິດຊອບສຸງ. ຢູ່ລາວມີຜູ້ຕິດເຊື້ອ 19 ຄົນ ແລະ ສາມາດປິ່ນປົວຫາຍດີແລ້ວ 7 ຄົນ ຍັງເຫລືອຜູ້ຕິດເຊື້ອ 12 ຄົນ.

ໃນໂອກາດນີ້ ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ສະແດງຄວາມຍ້ອງຍໍຊົມເຊີຍຕໍ່ພະນັກງານແພດຫມໍທີ່ສຸມທຸກສະຕິປັນຍາຄວາມຮູ້ຄວາມສາມາດເຂົ້າໃນການປິ່ນປົວ ແລະ ກອບກູ້ເອົາຊີວິດປະຊາຊົນ ແລະພົນລະເມືອງລາວຜູ້ທີ່ຕິດເຊື້ອໂຄວິດ 19 ດ້ວຍຄວາມຮັບພິດຊອບສຸງ ແລະ ມີທ່າອຽ່ງດີຂື້ນເລື້ອຍໆ ໃນການປິ່ນປົວຄົນເຈັບໃຫ້ຫາຍດີຈາກເຊື້ອພະຍາດໂຄວິດ 19 ແລພ້ອມນີ້ ທ່ານໄດ້ສະແດງຄວາມເປັນຫ່ວງເປັນໄຍຕໍ່ພະນັກງານແພດຫມໍໃນການດຳລົງຊີວິດ, ການເປັນຢູ່, ໃນການຊ່ວຍເຫລື່ອສັງຄົມ, ກໍ່ຄືປະເທດຊາດໃຫ້ຜ່ານພົ້ນວິກິດການແຜ່ລະບາດຂນອງພະຍາດໂຄວິດ 19 ທາງລັດຖະບານ ແລະພາກສ່ວນທີ່ກ່ຽວຂ້ອງພ້ອມໃຫ້ການຊ່ວຍເຫລືອ ແລະອຳນວຍຄວາມສະດວກໃນທຸກດ້ານຕໍ່ການຈັດຈິ້ງປະຕິບັດຫນ້າທີ່ຂອງພະນັກງານແພດຫມໍໃນການປະກອບສ່ວນເຂົ້າໃນການປິ່ນປົວຜູ້ຕິດເຊື້ອພະຍາດໂຄວິດ 19 ໃຫ້ຜ່ານພົ້ນວິກິດນີ້ໄປດ້ວຍດີ.

 

Off

Comments are closed.