05th May2020

ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈໍາກັດຜູ້ດຽວ (LHC) ມອບເງີນ ແລະ ເຄື່ອງອຸປະກອນຕ້ານໂຄວິດ 19 ໃຫ້ກອງບັນຊາການ ປກສ ແຂວງວຽງຈັນ

by somchan

ໃນວັນທີ 27 ເມສາ 2020 ຈະມານີ້ ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນ ໄຟຟ້າ ຈໍາກັດຜູ້ດຽວ (LHC) ໄດ້ນໍາເອົາເຄື່ອງອຸປະກອນການແພດແລະ ເງິນສົດ ມາມອບໃຫ້ກອງ ບັນຊາການປ້ອງກັນຄວາມສະຫງົບແຂວງວຽງຈັນ ເພື່ອຕ້ານພະຍາດອັກເສບປອດຈາກເຊື້ອຈຸລະໂລກສາຍພັນໃຫມ່ ໂຄວິດ-19.

ເຄື່ອງທີ່ນໍາມາມອບໃນຄັ້ງນີ້ມີ: ຜ້າອັດປາກ-ອັດດັງ ຈໍານວນ 5.000 ອັນ ມູນຄ່າ 10.000.000 ກີບ ແລະ ເງິນສົດ ຈໍານວນ 20.000.000 ກີບ ລວມມູນຄ່າທັງຫມົດ 30.000.000 ກີບ ພິທີມອບ-ຮັບເຄື່ອງດັ່ງກ່າວ ໄດ້ຈັດຂື້ນທີ່ສະໂມສອນກອງບັນຊາການ ປກສ ແຂວງ ໂດຍມີຄະນະພັກ-ຄະນະບັນຊາກອງບັນຊາການ ປກສ ແຂວງ, ບັນດາຫ້ອງ ແລະຕາງຫນ້າ ບໍລິສັດ ທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈໍາກັດຜູ້ດຽວ (LHC) ເຂົ້າຮ່ວມ,

ໃຫ້ກຽດມອບໂດຍທ່ານ ຕູ ເວີນ ລ້ຽງ ຮອງປະທານບໍລິສັດ ທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈໍາກັດຜູ້ດຽວ (THC) ພ້ອມຄະນະ ແລະ ຕາງຫນ້າຮັບໂດຍທ່ານ ພົຈວ ປອ ທອງ ເຄນ ບຸນຫມັ້ນ ຫົວຫນ້າກອງບັນຊາການ ປກສ ແຂວງ ພ້ອມຄະນະ ໂອກາດນີ້ ທ່ານຫົວຫນ້າກອງ ບັນຊາການ ປກສ ແຂວງ ກໍໄດ້ມອບໃບກຽດຕິຄຸນ ແລະ ສະແດງຄວາມຂອບໃຈ ແລະ ຮູ້ບຸນຄຸນຕໍ່ ບໍລິສັດ ທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈໍາກັດຜູ້ດຽວ (LHC) ທີ່ນໍາເອົາຜ້າອັດ ປາກ-ອັດດັງ ແລະ ເງິນສົດຈໍານວນຫນຶ່ງມາມອບໃຫ້ ເພື່ອນໍາໃຊ້ເຂົ້າໃນວຽກງານຕົວຈິງ ແລະ ເຫັນໄດ້ຄວາມຫມາຍຄວາມສໍາຄັນຕໍ່ວຽກງານຕ່າງໆຢູ່ພາຍໃນ ປກສ ແຂວງວຽງຈັນ ຫວັງວ່າໂອກາດຫນ້າຈະໄດ້ຮັບການຊ່ວຍເຫຼືອຕື່ມອີກ.

 

Off

Comments are closed.