05th May2020

ກະຊວງ ປກສ ຮັບເຄື່ອງຊຸກຍູ້ຈາກ 2 ພາກສ່ວນ ເພື່ອຕ້ານໂຄວິດ-19

by somchan

ໃນວັນທີ 27 ເມສາ 2020 ບໍລິສັດ ບຸນທະລາ ຈະເລີນຊັບ ແລະ ຮ້ານນຸກແອທິກ ເກັດຕິ້ງ ຂາຍປີ້ຍົນທັງພາຍໃນ ແລະ ຕ່າງປະເທດ ໄດ້ມອບເຄື່ອງຊ່ວຍເຫຼືອປະເພດນ້ຳດື່ມ, ໝີ່ ແລະ ປອງປາ  ໃຫ້ກະຊວງປ້ອງກັນຄວາມສະຫງົບ ເພື່ອຊຸກຍູ້ວຽກງານຕ້ານ ແລະ ສະກັດກັ້ນ ການແຜ່ລະບາດຂອງພະຍາດໂຄວິດ-19 ລວມມູນຄ່າ 9 ລ້ານກວ່າກີບ ໂດຍການມອບຂອງທ່ານ ນັນສະສັກ ບຸນທະລາ ປະທານບໍລິສັດ ບຸນທະລາ ຈະເລີນຊັບ ແລະ ທ່ານ ຮຸ່ງແປງ ແກ້ວວົງສາ ປະທານຮ້ານນຸກແອທິກ ເກັດຕິ້ງ ຂາຍປີ້ຍົນທັງພາຍໃນ ແລະ ຕ່າງປະເທດ, ຕາງໜ້າກ່າວຮັບໂດຍ ພັອ ອານຸເດດ ຄູນຄຳ ຮອງຫົວໜ້າຫ້ອງວ່າການກະຊວງ ປກສ.

ໃນໂອກາດນີ້, ພັອ ອານຸເດດ ຄູນຄຳກໍ່ໄດ້ສະແດງຄວາມຂອບໃຈ ທັງສອງພາກສ່ວນ ທີ່ໃຫ້ການຊຸກຍູ້ຊ່ວຍເຫຼືອ ແລະ ເຫັນໄດ້ຄວາມສຳຄັນ ຕໍ່່ການປະຕິບັດໜ້າທີ່ຂອງກຳລັງ ປກສ  ໃນການຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ໃນຄັ້ງນີ້.

Off

Comments are closed.