05th May2020

ເຊັນສັນຍາຮ່ວມມືດ້ານວິທະຍາສາດ ແລະ ເຕັກໂນໂລຊີ ໃນຂົງເຂດຊາວໜຸ່ມ-ເຍົາວະຊົນ

by somchan

ກະຊວງວິທະຍາສາ ແລະ ເຕັກໂນໂລຊີ ແລະ ສູນກາງຊາວໜຸ່ມປະຊາຊົນ ປະຕິວັດລາວ ໄດ້ເຊັນບົດບັນທຶກຄວາມເຂົ້າໃຈວ່າດ້ວຍການຮ່ວມມືດ້ານວີທະຍາດສາດ ແລະ ເຕັກໂນໂລຊີ ໃນຂົງເຂດຊາວໜຸ່ມ-ເຍົາວະຊົນ ໃນວັນທີ 30 ເມສາ 2020 ນີ້ ໂດຍການເປັນປະທານ ແບະ ລົງນາມເຊັນບົດບັນທຶກ ໂດຍທ່ານ ບັນດິດ ສຈ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ແລະ ທ່ານອາລຸນໄຊ ສູນນະລາດ ເລຂາຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ  ພ້ອມດ້ວຍ ພະນັກງານຫຼັກແຫຼ່ງທັງສອງຝ່າຍເຂົ້າຮ່ວມ.

ການເຊັນບົດບັນທຶກຄວາມເຂົ້າໃຈໃນຄັ້ງນີ້ ເພື່ອກຳນົດຂອບເຂດການຮ່ວມມືດ້ານວິທະຍາສາດ ແລະ ເຕັກໂນໂລຊີ ຂອງທັງສອງຝ່າຍເພື່ອພັດທະນາຊາວໜຸ່ມ-ເຍົາວະຊົນລາວ ໃຫ້ກາຍເປັນນັກວິທະຍາສາດ ແລະ ມີຄວາມເຂົ້າໃຈຢ່າງເລິກເຊິ່ງ ກ່ຍວກັບບົດບາດຄວາມສຳຄັນຂອງວຽກງານວິທະຍາສາດ ແລະ ເຕັກໂນໂລຊີ ກັບການພັດທະນາເສດທະກິດສັງຄົມ ເຫັນດີເປັນເອກະພາບຮ່ວມມືກັນຄື: ໂຄງການນ້ອງຢາກເປັນນັກວິທະຍາສາດ  ທັງສອງຝ່າຍຈະຮ່ວມມືກັນ ຈັດກິດຈະກຳໂຄສະນາເຜີຍແຜ່, ປູກຈິດສຳນຶກທາງດ້ານວຽກງານວິທະຍາສາດ ແລະ ເຕັກໂນໂລຊີ ໃຫ້ແກ່ຊາວໜຸ່ມລາວ ແບບເອເລັກໂຕນິກ ຈະຮ່ວມກັນຄົ້ນຄວ້າ ແລະ ພັດທະນາເວບໄຊ, ແອັບພຣີເຄເຊິນ ໃນໂທລະສັບມືຖື ລະບົບ ເອັນດຣອຍ ແລະ ລະບົບໄອໂອເອສ ແລະ ລະບົບຖານຂໍ້ມູນຂອງພິພິທະພັນ ຊາວໜຸ່ມ ບົນພຶ້ນຖານການສະໜອງ ແລະ ປ້ອນຂໍ້ມູນຂອງສູນກາງຊາວໜຸ່ມປະຊາຊົຊ ປະຕິວັດລາວໃຫ້ສຳເລັດ ກ່ອນກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII, ທັງລາຍການໂທລະພາບ, ວິທະຍຸ ແລະ ສື່ອອນລາຍໃນຮູບແບບຕ່າງໆ ໃຫ້ສອດຄ່ອງກຸ່ມເປົ້າໝາຍ ກັບວຽກງານວິທະຍາສາດ ແລະ ເຕັກໂນໂລຊີ, ຈັດຝຶກອົບຮົມ, ສຳມະນາ ແລະ ແລກປ່ຽນຄວາມສຮູ້ທາງດ້ານວິທະຍາສາດ ເຕັກໂນໂລຊີ ແລະ ນະວັດຕະກຳເພື່ອສ້າງຄວາມຮູ້ ຄວາມເຂົ້າໃຈ ແລະ ສາມາດນຳໃຊ້ເຂົ້າໃນວຽກງານຕົວຈິງ ຕາມຄວາມຮຽກຮ້ອງຕ້ອງການຂອງການພັດທະນາ ແຕ່ລະໄລຍະ ແລະ ດ້ານອື່ນໆ. ກ່ຽວກັບວຽກງານວິທະຍາສາດ ແລະ ເຕັກໂນໂລຊີທີ່ສອດຄ່ອງ ແລະ ສັງຄົມມີຄວາມຮຽກຮ້ອງຕ້ອງການບົນພື້ນຖານການຕົກລົງເຫັນດີເປັນເອກະພາບຂອງສອງຝ່າຍ.

Off

Comments are closed.