05th May2020

ແຮງງານທີ່ກັກຕົວພາຍໃນເມືອງໄຊທານີ ບໍ່ມີເຊື້ອພະຍາດໂຄວິດ ພ້ອມສືບຕໍ່ຕິດຕາມຢູ່ເຮືອນ

by somchan

ທ່ານ ບຸນວັນ ຈະຊົ່ວເກົ້າ ຮອງເຈົ້າເມືອງໄຊທານີ ນະຄອນຫຼວງວຽງຈັນ ທັງເປັນຫົວຫນ້າຄະນະ ອະນຸກໍາມະການສະເພາະກິດ ຕ້ານພະຍາດ (COVID-19) ເມືອງໄຊທານີ ໃຫ້ສໍາພາດວັນທີ 27 ເມສາ 2020 ວ່າ: ນັບແຕ່ມີຄໍາສັ່ງຂອງນາຍົກລັດຖະມົນຕີສະບັບເລກທີ 06/ນຍ ອະນຸກໍາມະການ ສະເພາະກິດ ຕ້ານພະຍາດໂຄວິດ-19 ຂັ້ນເມືອງ ກໍໄດ້ເອົາໃຈໃສ່ຈັດຕັ້ງປະຕິບັດຢ່າງເຂັ້ມງວດ ເຊິ່ງຜ່ານ ການຈັດຕັ້ງປະຕິບັດໃນເບື້ອງຕົ້ນ ເຫັນວ່າມີຄວາມຫຍຸ້ງຍາກ ແຕ່ພວກເຮົາກໍໄດ້ເອົາໃຈໃສ່ໂຄສະນາ ປະຊາສໍາພັນເພື່ອໃຫ້ປະຊາຊົນມີຄວາມເຂົ້າໃຈຢ່າງເລິກເຊິ່ງ ແລະ ໄດ້ຮັບການຮ່ວມມືເປັນຢ່າງດີຈາກ ຫົວຫນ່ວຍທຸລະກິດ ຕະຫຼອດຮອດພໍ່ແມ່ປະຊາຊົນພາຍໃນເມືອງ ພ້ອມນັ້ນ ກໍໄດ້ເອົາໃຈໃສ່ຄຸ້ມຄອງພື້ນ ທີ່ຂອງການເຂົ້າ-ອອກເຮືອນຂອງພໍ່ແມ່ປະຊາຊົນພາຍໃນບ້ານ ທົ່ວເມືອງມີດ່ານກວດກາທັງຫມົດ 77 ດ່ານ ໃນນີ້ດ່ານໃຫຍ່ມີ 7 ດ່ານ.

ສໍາລັບແຮງງານລາວທີ່ກັບຈາກຕ່າງປະເທດຂອງເມືອງໄຊທານີມີທັງຫມົດ 962 ຄົນ ໂດຍນໍາໄປ ກັກບໍລິເວນ 14 ວັນໃນ 15 ສູນ ເຊິ່ງແຕ່ລະສູນແມ່ນໄດ້ຈັດແບ່ງທີມແພດຕິດຕາມວັດແທກ ອຸນຫະພູມຢ່າງໃກ້ຊິດ ຜ່ານການຕິດຕາມກວດກາ ເຫັນວ່າມີກໍລະນີສົງໄສເປັນພະຍາດໂຄວິດ-19 ຈຶ່ງ ນວນ 4 ຄົນ ໄດ້ສົ່ງໄປກວດຫາເຊື້ອຢູ່ໂຮງຫມໍ ຜົນອອກມາບໍ່ພົບເຊື້ອ ພຽງແຕ່ເປັນໄຂ້ຫວັດທໍາມະດາ ມາຮອດວັນທີ 16 ເມສາ 2020 ເມືອງໄຊທານີສາມາດປົດປ່ອຍແຮງງານຫມົດແລ້ວໃນ 15 ສູນ ເຫັນ ວ່າແຮງງານແຕ່ລະຄົນມີສຸຂະພາບແຂງແຮງດີ ສ່ວນການຊ່ວຍເຫຼືອຂອງສັງຄົມ ເມືອງໄດ້ມີການ ປຸກລະດົມຫົວຫນ່ວຍທຸລະກິດທີ່ມີເງື່ອນໄຂປະກອບສ່ວນເຄື່ອງອຸປະໂພກ-ບໍລິໂພກຈໍານວນຫນຶ່ງ ໃນນີ້ກໍ ໄດ້ສືບຕໍ່ມອບໃຫ້ກັບພໍ່ແມ່ປະຊາຊົນທີ່ມີຄວາມທຸກຍາກຂາດເຂີນ.

ສໍາລັບທິດທາງໃນຕໍ່ຫນ້າ ເພື່ອເຮັດໃຫ້ການສືບຕໍ່ຈັດຕັ້ງປະຕິບັດຄໍາສັ່ງເລກທີ 06/ນຍ ໃຫ້ມີ ຄວາມເຂັ້ມງວດຂຶ້ນຕື່ມ ທາງຄະນະສະເພາະກິດຂັ້ນເມືອງ ຕ້ອງສືບຕໍ່ໂຄສະນາປະຊາສໍາພັນໃຫ້ພໍ່ແມ່ ປະຊາຊົນມີຄວາມເຂົ້າໃຈຕໍ່ຜົນຮ້າຍ ແລະ ວິທີປ້ອງກັນຕົນເອງຈາກພະຍາດໂຄວິດ-19 ສືບຕໍ່ກວດກາ ຮ້ານຄ້າ ຮ້ານກິນດື່ມ ບໍ່ໃຫ້ມີການເປີດບໍລິການຈົນກວ່າຮອດວັນທີ 3 ພຶດສາພາ 2020 ໃຫ້ອໍານາດ

ການປົກຄອງບ້ານຕິດຕາມແຮງງານ 962 ຄົນທີ່ປົດປ່ອຍອອກຈາກສູນໄປພັກເຊົາຢູ່ເຮືອນນໍາຄອບຄົວ ກະກຽມຮ່ວມມືກັບຄະນະສະເພາະກິດເພື່ອຮອງຮັບແຮງງານລາວທີ່ຈະເຂົ້າມາໃຫມ່ຫຼັງວັນທີ 3 ພຶດສະພາ 2020 ໂດຍຈັດສູນຮອງຮັບຢູ່ຫຼັກ 27 ສູນນີ້ສາມາດຮອງຮັບແຮງງານໄດ້ເຖິງ 500 ຫາ . 1000 ຄົນ ແລະ ສືບຕໍ່ເຝົ້າລະວັງ ໃຫ້ປະຊາຊົນມີສະຕິຕື່ນຕົວປ້ອງກັນຕົນເອງ ເພື່ອຮ່ວມກັນສະກັດ ກັ້ນ ແລະ ຕ້ານພະຍາດໂຄວິດ-19.

Off

Comments are closed.