05th May2020

ກອງປະຊຸມສະຫລຸບຖອດຖອນບົດຮຽນໃນການເຄື່ອນໄຫວວຽກງານ ຂອງຄະນະສະເພາະກິດ

by somchan

ຄະນະສະເພາະກິດການຕິດຕາມການກວດກາ ປ້ອງກັນສະກັດກັ້ນແລະຄວບຄຸມການແຜ່ລະບາດຂອງພະຍາດໂຄວິດ 19 ກົມໃຫຍ່ການເມືອງປ້ອງກັນຄວາມສະຫງົບ ໄດ້ຈັດກອງປະຊຸມສະຫລຸບຖອດຖອນບົດຮຽນໃນການເຄື່ອນໄຫວວຽກງານ ໃນໄລຍະຜ່ານມາ ໃນວັນທີ 4 ພຶດສະພາ 2020ນີ້ ເປັນປະທານໂດຍ ພຈົວ ຄຳສາຍ ຈັນທະວົງ ຮອງຫົວຫນ້າກົມໃຫຍ່ການເມືອງປ້ອງກັນຄວາມສະຫງົບ ທັງເປັນຫົວຫນ້າຄະນະສະເພາະກິດການຕິດຕາມ ກວດກາ ປ້ອງກັນສະກັດກັ້ນ ແລະ ຄວບຄຸມການແຜ່ລະບາດໂຄວິດ 19 ຂັ້ນກົມໃຫຍ່ການເມືອງ ປກສ ມີບັນດາຄະນະສະເພາະກິດ, ບັນດາກົມກອງອ້ອມຂ້າງເຂົ້າຮ່ວມ.

ພັທ ຄຳຫລ້າ ອິນທະວົງ ຮອງຫົວຫນ້າຫ້ອງການກົມໃຫຍ່ການເມືອງ ປກສ ໄດ້ຜ່ານບົດສະຫລຸບການເຄື່ອນໄຫວວຽກງານຂອງຄະນະສະເພາະກິດແຕ່ວັນທີ 3 ມີນາ – ວັນທີ 3 ພຶດສະພາ 2020 ໃນນີ້ ຄະນະສະເພາະກິດໄດ້ຕິດຕາມ ປ້ອງກັນ ສະກັດກັ້ນ ແລະ ຄວບຄຸມການແຜ່ລະບາດຂອງພະຍາດໂຄວິດ 19 ຂອງກົມໃຫຍ່ການເມືອງ ປກສ ໄດ້ເປັນເຈົ້າການຊຸກຍູ້ວຽກງານສື່ມວນຊົນ ປກສ ທີ່ເປັນກະບອກສຽງຂອງກຳລັງ ເອົາໃຈໃສ່ເຜີຍແຜ່ແນວທາງນະໂຍບາຍຂອງພັກ, ມະຕິຄຳສັ່ງຂອງຂັ້ນເທີງກ່ຽວກັບວຽກງານການຕ້ານການແຜ່ລະບາດຂອງພະຍາດໂຄວິດ 19 ດ້ວຍຫລາຍຮູບການ ແລະ ເຂົ້າໃຈງ່າຍ, ພ້ອມທັງເປັນເຈົ້າການຕອບຕ້ານການບິດເບືອນຂອງພວກກຸ່ມຄົນບໍ່ດີ ແລະ ສື່ສັງຄົມອອນລາຍຕ່າງໆ, ໄດ້ແນະນຳໃຫ້ບັນດາກົມກອງອ້ອມຂ້າງກົມໃຫຍ່ການເມືອງ ສຶກສາອົບພະນັກງານນັກຮົບຂອງຕົນເອົາໃຈໄສ່ປະຕິບັດທິດຊີ້ນຳຂອງຂັ້ນເທີງໂດຍສະເພາະແມ່ຄຳສັ່ງເລກທີ 06/ນຍ, ຕິດຕາມຂໍ້ມູນຂ່າວສານ, ຫນັງສືພິມ, ວິທະຍຸ, ໂທລະພາບ ເພື່ອເປັນຄວາມຮູ້ພື້ນຖານໃນການກະກຽມຮັບມື, ປ້ອງກັນສະກັດກັ້ນ ແລະ ຄວບຄຸມການແຜ່ລະບາດຂອງພະຍາດດັ່ງກ່າວ, ພ້ອມທັງແນະນຳໃຫ້ເອົາໃຈໄສ່ເພີ່ມພູນພະລິດຜົນ, ປູກຝັງ-ລ້ຽງສັດ, ສ້າງຄວາມເຂັ້ມແຂງດ້ວຍຕົນເອງ ໃນກໍລະນີການແຜ່ລະບາດຂອງພະຍາດດັ່ງກ່າວຫາກມີການແຜ່ລະບາດແກ່ຍາວ. ໂດຍລວມແລ້ວ ໃນໄລຍະຈັດຕັ້ງປະຕິບັດໃນໄລຍະຜ່ານມາ ເຖີງປະຈຸບັນສະພາບຂອງພະນັກງານ-ນັກຮົບ ໃນກົມໃຫຍ່ການເມືອງ ປກສ ແມ່ນມີຄວາມປອດໄພດີ, ພະນັກງານແມ່ນມີແນວຄິດອຸ່ນອ່ຽງທຸ່ນທ່ຽງເຊື່ອຫມັ້ນຕໍ່ການນຳພາຂອງພັກ, ປະຕິບັດຕ່ມມະຕິຄຳສັ່ງຄຳແນະນຳຂອງຂັ້ນເທີງຍ່າງເຂັ້ມງວດ ໂດຍສະເພາະແມ່ນຄຳສັ່ງເລກທີ 06 ຂອງນາຍຍົກລັດຖະມົນຕີ, ສາມາດປ້ອງກັນສະກັດກັ້ນພະຍາດໃດ້100% ພາຍໃນກົມໃຫຍ່ການເມືອງ ປກສ ບໍ່ມີຜູ້ຕິດເຊື້ອ.

ສຳລັບທິດທາງແຜນການໃນຕໍ່ຫນ້າເພື່ອເປັນການສືບຕໍ່ຈັດຕັ້ງປະຕິບັດຄວບຄຸມການແຜ່ລະບາດຂອງພະຍາດດັ່ງກ່າວ ຮັບປະກັນໃຫ້ມີຄວາມສະຫງົບປອດໄພ, ມີຄວາມເປັນລະບຽບຮຽບຮ້ອຍໃນສັງຄົມ ແມ່ນຈະໃດ້ສຸມໃສ່ ໃຫ້ແຕ່ລະກົມກອງສືກສາອົບຮົມການເມືອງແນວຄິດໃຫ້ພະນັກງານ-ນັກຮົບ ໃນກົມກອງຂອງຕົນສືບຕໍ່ຕິດຕາມເຝົ້າລະວັງ ໃນການປ້ອງກັນສະກັດກັ້ນການແຜ່ລະບາດຂອງພະຍາດດັ່ງກ່າວ ດ້ວຍຄວາມຮັບຜິດຊອບສູງ ໃຫ້ຖືເອົາວຽກງານດັ່ງກ່າວ ເປັນວຽກງານທີ່ສຳຄັນ, ສືບຕໍ່ວຽກງານໂຄສະນາຂອງສື່ມວນຊົນໃນການເຜີຍແຜ່ບັນດາເນື້ອໃນຈິດໃຈ, ມະຕິຄຳສັ່ງແລະເອກະສານຕ່າງໆ, ຕອບຕ້ານຕີຖອຍຂ່າວລວງ ຂ່າວບິດເບືອນຄວາມເປັນຈີງທີ່ສ້າງຄວາມປັ່ນປ່ວນໃນສັງຄົມ, ຊຸກຍູ້ໃຫ້ບັນດາກົມກອງນຳພາພະນັກງານນັກຮົບເອົາໃຈໄສ່ເພີ່ມພູນພະລິດຜົນ, ປູກຝັງລ້ຽງສັດ ເພີ່ງຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ.

Off

Comments are closed.