05th May2020

ພາກສ່ວນທຸລະກິດມອບເຄື່ອງຊ່ວຍຫາຍໃຈ ໃຫ້ລັດຖະບານ ຊ່ວຍຕ້ານໂຄວິດ-19

by somchan

ໃນວັນທີ 5 ພຶດສະພາ 2020 ນີ້ ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ຕາງໜ້າລັດຖະບານຮັບເຄື່ອງອຸປະກອນ ຊ່ວຍຫາຍໃຈ 5 ຊຸດ ມູນຄ່າ 1,480,000,000 ກີບ ຈາກກຸ່ມບໍລີສັດ ພົງຊັບທະວີ ຈຳກັດຜູ້ດຽວ ເພື່ອປະກອບສ່ວນໃນການຕອບສະໜອງທາງດ້ານອຸປະກອນການແພດ ໃຫ້ແກ່ການຊ່ວຍປິ່ນປົວ ຜູ້ຕິດເຊື້ອພະຍາດໂຄວິດ-19 ຕາງໜ້າມອບໂດຍທ່ານ ນາງ ວຽງສະຫວັນ ເສນາພອນ ຮອງປະທານກຸ່ມບໍລິສັດ ພົງຊັບທະວີ ຈຳກັດຜູ້ດຽວ.

ໃນໂອກາດດຽວກັນນີ້, ທ່ານຮອງນາຍົກລັດຖະມົນຕີ ຍັງໄດ້ກ່າວຄຳຂອບໃຈຕໍ່ຄະນະປະທານ ແລະ ພະນັກງານຂອງກຸ່ມບໍລິສັດພົງຊັບທະວີຈຳກັດຜູ້ດຽວ ທີ່ໄດ້ເອົາເຄື່ອງອຸປະກອນຊ່ວຍຫາຍໃຈ ສຳລັບການປິ່ນປົວຜູ້ຕິດເຊື້ອພະຍາດໂຄວິດ-19 ໃນຄັ້ງນີ້. ເຊິ່ງເປັນການປະກອບສ່ວນທີ່ສຳລັບໃນການສະກັດກັ້ນ ການລະບາດ ແລະ ຊ່ວຍປິ່ນປົວຜູ້ຕິດເຊື້ອໂຄວິດ-19 ໃຫ້ມີຄວາມປອດໄພ.

Off

Comments are closed.