12th May2020

ຄະນະໂຄສະນາປ້ອງກັນຄວບຄຸມ ແລະ ແກ້ໄຂການລະບາດຂອງ ໂຄວິດ 19 ກະຊວງປ້ອງກັນປະເທດລົງເຜີຍແຜ່ເອກະສານຢູ່ ກອງບັນຊາການທະຫານແຂວງວຽງຈັນ

by somchan

ໃນຕອນເຊົ້າຂອງວັນທີ່ 7 ພຶດສະພາ 2020 ຄະນະປ້ອງກັນການຄວບຄຸມ ແລະ ແກ້ໄຂການລະບາດຂອງ ໂຄວິດ 19 ກະຊວງປ້ອງກັນປະເທດລົງເຜີຍແຜ່ເອກະສານ ຢູ່ກອງບັນຊາການທະຫານແຂວງວຽງຈັນ ໂດຍພາຍໃຕ້ການເປັນປະທານຂອງ ພັນເອກ ປ.ອ ດຣ ຈັນສະໝອນ ມະຫາວົງ ຫົວໜ້າການທະຫານວິທະຍາຄານການແພດ ກອງທັບທັງເປັນຫົວໜ້າ ຄະນະອະນຸກຳມະໂຄສະນາການປ້ອງກັນ,ຄວບຄຸມ ແລະ ແກ້ໄຂການແຜ່ລະບາດຂອງພະຍາດ ໂຄວິດ 19 ,ກະຊວງປ້ອງກັນປະເທດ,ເປັນກຽດເຂົ້າຮ່ວມມີ ພົນຈັດຕະວາ ສາຍໃຈ ກົມມະສິດ ຫົວໜ້າການທະຫານ  ກອງພົນທີ່ 1 ,ມີບັນດາຄະນະພັກ-ຄະນະບັນຊາກອງບັນຊາການທະຫານແຂວງວຽງຈັນ ,ກອງພັນໃຫ່ຍ 497,ວິຊາການຂອງບັນດາກົມກອງອອ້ມຂ້າງເຂົ້າຮ່ວມ ເອກະສານທີ່ນຳມາເຜີຍແຜ່ໃນຄັ້ງນີ້ມີເອກະສານ ແລະ ຊີ້ແຈງກ່ຽວກັບການແຜ່ລະບາດຂອງພະຍາດ ໂຄວິດ 19 ໂດຍໄດ້ຍົກໃຫ້ເຫັນສະພາບການແຜ່ລະບາດຢູ່ໃນທົ່ວໂລກທີ່ຍັງສືບຕໍ່ໍ່ຮ້າຍແຮງແລະເພີ່ມຂື້ນເລື້ອຍໆ,ສະເພາະຢູ່ພາຍໃນປະເທດຂອງພວກເຮົາກໍມີຜູ້ຕິດເຊື້ອຄືກັນ,ນອກນັ້ນຍັງໄດ້ຍົກໃຫ້ເຫັນຂອງທີ່ມາຂອງພະຍາດໂຄວິດ 19 ,ວິທີ່ຕົ້ນຕໍໃນການ,ຄວບຄຸມການລະບາດ,ການກວດກາເຊື້ອພະຍາດຢູ່ໃນກົມກອງຂອງຕົນໃຫ້ຖືກຕ້ອງຕາມຫຼັກການວິທະຍາສາດດຳເນີນຢ່າງປະສິດທິຜົນພ້ອມທັງແນະນຳວິທີການຕ່າງໆໃນການປ້ອງກັນຕົວເອງຄື:ໝັ່ນລ້າງມືໃສ່ສະບູເປັນປະຈຳຫຼືເຈວລ້າງມືໃສ່ຜ້າອັດປາກ-ອັດດັງ ອະນາໄມທຳຄວາມສະອາດບ່ອນພັກອາໃສ ເຝົ້າລະວັງຕິດຕາມຄຸ້ມຄອງປິ່ນປົວແລະແຍກປ່ຽວຄົນເຈັບທີ່ມີອາການສົງໃສຕາມກຳນົດ,ລີກລຽງການເອົາມືສຳຜັດຕາດັງປາກ,ເອົາໃຈໃສ່ໃນການກິນດື່ມໃຫ້ສະອາດ,ຜັກຜ່ອນໃຫ້ພຽງພໍ,ອອກກຳລັງກາຍ,ກັກຕົວເອງໃນກໍລະນີເດີນທາງມາຈາກພື້ນທີ່ສຽ່ງ.ຈາກນັ້ນຜູ້ແທນກອງປະຊຸມໄດ້ພັດປຽ່ນກັນຂື້ນປະກອບຄຳຄິດເຫັນ ແລະ ສົນທະນາສອບຖາມບາງບັນຫາທີ່ຍັງບໍ່ທັນເຂົ້າໃຈຍັງເປັນການແລກປ່ຽນຄວາມຮູ້ກັບນັກວິທະຍາກອນ ກ່ຽວກັບວິທີປ້ອງກັນແລະການກຽມພ້ອມຮັບມືກັບພະຍາດໂຄວິດ19 ,ເພື່ອນຳໄປຈັດຕັ້ງປະຕິບັດໃຫ້ໄດ້ຮັບປະສິດທິຜົນສູງ.ໂອກາດດັ່ງກ່າວ ພັນເອກ ປ.ອ ດຣ ຈັນສະໝອນ ມະຫາວົງ ຫົວໜ້າການທະຫານວິທະຍາຄານການແພດກອງທັບ ທັງເປັນຫົວໜ້າຄະນະອະນຸກຳມະໂຄສະນາການປ້ອງກັນ,ຄວບຄຸມ ແລະ ແກ້ໄຂການແຜ່ລະບາດຂອງພະຍາດ ໂຄວິດ19 ກະຊວງປ້ອງກັນປະເທດຍັງໄດ້ເໜັ້ນໜັກຫຼາຍບັນຫາທີ່ສຳຄັນເປັນຕົ້ນແມ່ນໃຫ້ທຸກຄົນເອົາໃຈໃສ່ແລະເປັນເຈົ້າການໃນການປ້ອງກັນພະຍາດໂຄວິດ19ເພື່ອບໍ່ໃຫ້ເກີດເຊື້ອພະຍາດລະບາດໃນກຳລັງປ້ອງກັນຊາດ ບັນຫາສຳຄັນຕ້ອງຖືເອົາການໂຄສະນາສຸຂະສຶກສາໃຫ້ພະນັກງານ-ນັກຮົບພ້ອມທັງນຳເອົາເນື້ອໃນຈິດໃຈໃນຄັ້ງນີ້ໄປຈັດຕັ້ງເຜີຍແຜ່ຢູ່ກົມຂອງຕົນໃຫ້ໄດ້ຮັບຜົນດີ

Off

Comments are closed.