12th May2020

30 ວັນແລ້ວທີ່ປະເທດລາວບໍ່ພົບຜູ້ຕິດເຊື້ອ ພະຍາດ ໂຄວິດ19 ເພີ່ມ

by somchan

 

ຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂພະຍາດອັກເສບປອດ ທີ່ເກີດຈາກເຊື້ອຈຸລະໂຣສາຍພັນໃໝ່ ຫຼື ໂຄວິດ19 ໃຫ້ຮູ້ວ່າມາຮອດວັນທີ່ 11 ພຶດສະພາ 2020 ນີ້ຄະນະຮັບຜິດຊອບເຝົ້າລະວັງກວດວິເຄາະຕົວຢ່າງເຊື້ອພະຍາດ ໂຄວິດ 19 ແມ່ນບໍ່ພົບຜູ້ຕິດເຊື້ອເພີ່ມມີພຽງແຕ່ໂຕເລກຜູ້ຕິດເຊື້ອສະສົມ19 ຄົນຄືເກົ່າ ແລະ ໃນນີ້ສາມາດປິ່ນປົວໄດ້ແລ້ວ 3 ຄົນ.

ດຣ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຖະແຫຼງຂ່າວປະຈຳວັນທີ່ 12 ພຶດສະພາ 2020 ນີ້ ໃຫ້ຮູ້ວ່າ:ຜ່ານການເຝົ້າລະວັງ ແລະ ກວດວິເຄາະຫາຕົວຢ່າງເຊື້ອພະຍາດ ໂຄວິດ 19 ມາຮດອວັນທີ່ 11 2020 ນີ້ ເຊິ່ງມີຄົນເຂົ້າປະເທດລາວທັງໝົດ ໂດຍຜ່ານສາຍການບິນ ແລະ ດ່ານສາກົນມີ 1789 ຄົນໄດ້ເກັບຕົວຢ່າງມາກວດທັງໝົດ 327 ຄົນ ແລະ ໃນນີ້ກໍລະນີສົງໃສ 41 ຄົນ ຜ່ານການກວດວິເຄາະຕົວຢ່າງທັງໝົດແມ່ນບໍ່ພົບເຊື້ອ ພະຍາດ ໂຄວິດ 19 ແລະເຮັດໃຫ້ປະເທດລາວຮັກສາໄລຍະຫ່າງ 30 ວັັນ ແລ້ວບໍ່ມີຜູ້ຕິດເຊື້ອພະຍາດໂຄວິດ19.

Off

Comments are closed.