14th Jul2020

ສປປ ລາວ ຍັງບໍ່ພົບຜູ້ຕິດເຊື້ອ ພະຍາດໂຄວິດ 19 ເພີມ

by somchan

ຕາມການຖະແຫຼງຂ່າວຂອງຄະນະສະເພາະກິດ ເພື່ອປ້ອງກັນຄວບຄຸມແລະແກ້ໄຂ ພະຍາດໂຄວິດ 19 ໃນວັນທີ 14 ກໍລະກົດ ໂດຍ ດຣ ຣັດສະໝີ ວົງຄຳຊາວ ຮອງຫົວໜ້າກົມຄວບຄຸມ ພະຍາດຕິດຕໍ່ ກະຊວງສາທາລະນະສຸກໃຫ້ຮູ້ວ່າ: ໃນວັນທີ 13 ກໍລະກົດ ໄດ້ເກັບຕົວຢ່າງມາກວດວິເຄາະ ທັງໝົດ 315 ຄົນ ໃນນັ້ນແຮງງານລາວມາແຕ່ໄທ 293 ຄົນ ແລະ ກໍລະນີສົງໄສ 22 ຄົນ, ຜົນກວດທັງໝົດແມ່ນບໍ່ພົບຜູ້ຕິດເຊື້ອ ສັງລວມການກວດວິເຄາະແຕ່ເດືອນ ມັງກອນ ຫາວັນທີ 13 ກໍລະກົດ ໄດ້ເກັບຕົວຢ່າງມາກວດທັງໝົດ 20,769 ຕົວຢ່າງ, ກວດພົບເຊື້ອສະສົມ 19 ຄົນ ເປັນເວລາ 93 ມື້ ທີ່ ສປປ ລາວ ບໍ່ພົບຜູ້ຕິດເຊື້ອ ປະຈຸບັນທົວປະເທດມີສູນຈຳກັດບໍລິເວນທັງໝົດ 70 ສູນ, ມີຜູ້ຖືກຈຳກັດບໍລິເວນຢູ່ສູນ 3,519 ຄົນ ໄດ້ເກັບຕົວຢ່າງມາກວດວິເຄາະທັງໝົດແລະບໍ່ພົບຜູ້ຕິດເຊື້ອເຊື້ອ

 

13th Jul2020

ກະຊວງປ້ອງກັນປະເທດ ຈັດພິທີເປີດ ອະນຸສອນສະຖານ ຄຸກກັກຂັງ ຜູ້ນຳ-ແນວລາວຮັກຊາດ

by somchan

ວັນທີ 13 ກໍລະກົດນີ້ ກະຊວງປ້ອງກັນປະເທດ ຈັດພິທີເປີດ ອະນຸສອນສະຖານ ຄຸກກັກຂັງ ຜູ້ນຳ-ແນວລາວຮັກຊາດ 16 ທ່ານ ທີ່ຄ້າຍໂພນເຄັງ ໂດຍການເປັນກຽດເຂົ້າຮ່ວມ ຂອງ ປອ ພັນຄຳ ວິພາວັນ ຜູ້ປະຈຳການເລຂາທິການ ສູນກາງພັກ ຮອງປະທານປະເທດ ມີ ພົອ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ ພ້ອມດ້ວຍການນຳພັກ-ລັດ, ພະນັກງານປະຕິວັດອາວຸໂສບຳນານ ແຂກຖືກເຊີນ ແລະ ພະນັກງານເຂົ້າຮ່ວມ.

 

ພົຈວ ວຽງໄຊ ສົມວິຈິດ ຫົວໜ້າກົມວິທະຍາສາດ-ປະຫວັດສາດ ການທະຫານ ກະຊວງປ້ອງກັນປະເທດ ໄດ້ລາຍງານກ່ຽວກັບ ໂຄງການກໍ່ສ້າງອະນຸສອນສະຖານ ຄຸກກັກຂັງບັນດາທ່ານ ຜູ້ນຳພັກ-ແນວລາວສ້າງຊາດ ຢູ່ຄ້າຍໂພນເຄັງ ເຊີ່ງທ່ານໄດ້ກ່າວວ່າ: ພາຍຫຼັງໄດ້ມີມະຕິຕົກລົງ ຂອງກົມການເມືອງສູນກາງພັກ ວ່າດ້ວຍການຈັດຕັ້ງ ປະຕິບັດໂຄງການຄົ້ນຄ້ວາກ່ຽວກັບການສ້າງອະນຸສອນສະຖານດັ່ງກ່າວ ຈື່ງໄດ້ແຕ່ງຕັ້ງຄະນະຮັບຜິດຊອບ ໂດຍມອບໃຫ້ກົມຄົ້ນຄ້ວາ ວິທະຍາສາດ ແລະ ປະຫວັດສາດ ສົມທົບກັບພາກສ່ວນທີ່ກ່ຽວຂ້ອງ ແລະ ບໍລິສັດ SCS ຈຳກັດ ຜູ້ຮັບເໝົາກໍ່ສ້າງເປັນຜູ້ວັດຕັ້ງ ປະຕິບັດຕົວຈິງໃນການກໍ່ສ້າງ ໃຊ້ເວລາກໍ່ສ້າງທັງໝົດ 7 ເດືອນ ກັບ 15 ວັນ ລວມມູນຄ່າການກໍ່ສ້າງ 8 ຕື້ 500 ລ້ານກິບ ປະກອບມີ 25 ໜ້າວຽກ.

ຈຸດປະສົງໃນການກໍ່ສ້າງ ອະນຸສອນສະຖານດັ່ງກ່າວ ກໍ່ເພື່ອເປັນການຈາລືກ ແລະ ເສີມຂະຫຍາຍຄັງສາງທາງດ້ານທິດສະດີ, ເປັນການຢັ້ງຢືນເຖີງຜົນງານອັນໂດດເດັ່ນ ຄວາມສະຫຼຽວສະຫຼາດ-ເກັງກາອາດຫານຊານໄຊບໍ່ຍອມຈຳນົນຂອງບັນດາຜູ້ນຳ, ເພື່ອສືກສາອົບຮົມໃຫ້ພະນັກງານ-ນັກຮົບ, ນັກຮຽນ-ນັກສືກສາ ແລະ ປະຊາຊົນ ເຊື່ອມຊືມກຳແໜ້ນ ບົດຮຽນວຽກງານຂົນຂວາຍກໍ່ສ້າງຮາກຖານການເມືອງ ເປັນການເຜີຍແຜ່ຂໍ້ມູນຂ່າວສານ ກ່ຽວກັບວິລະກຳການໂຕນຄຸກຄັ້ງມະຫັດສະຈັນ ຂອງບັນດາທ່ານຜູ້ນຳ ໃຫ້ບັນດາເພື່ອນມິດຜູ້ຮັກຫອມສັນຕິພາບ, ເອກະລາດ ແລະ ກ້າວໜ້າໃນທົ່ວໂລກໄດ້ຮັບຮູ້.

13th Jul2020

ສູນກາງຊາວຫນຸ່ມປະຊາຊົນປະຕິວັດລາວ ວາງກະຕ່າດອກໄມ້ ຕໍ່ຫນ້າຮູບ ຫລໍ່ ປະທານສຸພານຸວົງ ໃນໂອກາດ ວັນຄ້າຍວັນເກີດປະທານສຸພານຸວົງ

by somchan

ໃນວັນທີ 10 ກໍລະກົດ 2020 ນີ້ ສູນກາງຊາວຫນຸ່ມປະຊາຊົນປະຕິວັດລາວ ນໍາໂດຍ ສະຫາຍ ອາລຸນໄຊ ສູນນະລາດ ເລຂາຄະນະບໍລິຫານງານ ສູນກາງຊາວຫນຸ່ມ ປະຊາຊົນປະຕິວັດລາວ ( ສຊປລ ) ພ້ອມດ້ວຍຄະນະ ສະມາຄົມ ນັກທຸລະກິດຫນຸ່ມ ແຫ່ງຊາດລາວ (more…)

08th Jul2020

ມີຜູ້ເສຍຊີວິດຈາກພະຍາດໄຂ້ຍຸ້ງລາຍ 8 ກໍລະນີ ແລ້ວ

by somchan

ຕາມການລາຍງານຂອງກະຊວງສາທາລະນະສຸກ ກ່ຽວກັບການເຝົ້າລະວັງພະຍາດໄຂ້ຍຸງລາຍ ປະຈຳວັນທີ 7 ກໍລະກົດ 2020 ມີຜູ້ຕິດເຊື້ອ 56 ກໍລະນີ ແລະ  ເສຍຊີວິດ 1 ກໍລະນີ. ກໍລະນີສະສົມທັງໝົດ ແຕ່ວັນທີ 28 ທັນວາ 2019 ຫາ ວັນທີ 7 ກໍລະກົດ 2020 ມີ 2,618 ກໍລະນີ ແລະ ເສຍຊີວິດ 8 ກໍລະນີ. ແຂວງທີ່ມີຜູ້ຕິດເຊື້ອຫຼາຍກວ່າໝູ່ແມ່ນ ນະຄອນຫຼວງວຽງຈັນ 606 ກໍລະນີ, ເສຍຊີວິດ 3 ກໍລະນີ, ແຂວງບໍລິຄຳໄຊ 331 ກໍລະນີ ເສຍຊີວິດ 2 ກໍລະນີ.

07th Jul2020

ຫ້ອງວ່າການສຳນັກງານປະທານປະເທດ ໄດ້ຈັດກອງ ປະຊຸມເຜີຍແຜ່ ເຊື່ອມຊຶມ ເອກະສານຕ່າງໆ

by somchan

ໃນວັນທີ 07 ກໍລະກົດ 2020 ຫ້ອງວ່າການສຳນັກງານປະທານປະເທດ ໄດ້ຈັດກອງປະຊຸມເຜີຍແຜ່ ເຊື່ອມຊຶມ ເອກະສານຕ່າງໆຂຶ້ນ ໂດຍການໃຫ້ກຽດເຜີຍແຜ່ຂອງ ສະຫາຍ ຄໍາເມິງ ພົງທະດີ, ລັດຖະມົນຕີ, ຫົວຫນ້າຫ້ອງວ່າການສຳນັກງານປະທານປະເທດ ມີຄະນະພັກ, ຄະນະຫນ່ວຍພັກ , ສະມາຊິກພັກ ແລະ ພະນັກງານ-ລັດຖະກອນ ເຂົ້າຮ່ວມຢ່າງພ້ອມພຽງ. (more…)

02nd Jul2020

ຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ 8

by somchan

ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ 8 ໄດ້ປິດລົງດ້ວຍຜົນສຳເລັດອັນຈົບງາມ ໃນວັນທີ 2 ກໍລະກົດ 2020 ນີ້ ພາຍຫຼັງດຳເນີນມາເປັນເວລາ 6 ວັນເຄີ່ງ ໂດຍການເປັນປະທານຂອງ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໃຫ້ກຽດເຂົ້າຮ່ວມຂອງ ທ່ານ ບຸນຍັງ ວໍລະຈິດ ປະທານປະເທດ, ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍ ຄະນະລັດຖະບານ, ອົງການຕຸລາການ, ສະມາຊິກສະພາແຫ່ງຊາດ ແລະ ແຂກຖືກເຊີນເຂົ້າຮ່ວມ. (more…)

01st Jul2020

6 ເດືອນຕົ້ນປີ 2020 ສປປ ລາວ ມີຜູ້ເສຍຊີວິດຍ້ອນໄຂ້ຍຸງລາຍ 7 ຄົນ ມີຜູ້ຕິດເຊື້ອສະສົມ 2,302 ກໍລະນີ

by somchan

ຕາມການລາຍງານຈາກກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ໃຫ້ຮູ້ວ່າ: ນັບແຕ່ວັນທີ 01 ມັງກອນ- ວັນທີ 30 ມິຖຸນາ 2020 ຢູ່ ສປປ ລາວ ມີຜູ້ຕິດເຊື້ອພະຍາດໄຂ້ຍຸງລາຍ ສະສົມທັງຫມົດ 2.302 ກໍລະນີ ແລະ ມີຜູ້ເສຍຊີວິດແລ້ວ 7 ຄົນ ໃນນັ້ນຫລາຍກວ່າຫມູ່ແມ່ນ ນະຄອນຫລວງວຽງຈັນເຊິ່ງມີເຖິງ 523 ກໍລະນີ, ເສຍຊີວິດ 3 ຄົນ , ແຂວງວຽງຈັນ 310 ກໍລະນີ, ບໍລິຄໍາໄຊ 264 ກໍລະນີ, , ເສຍຊີວິດ 2 ຄົນ, ອັດຕະປື 233 ກໍລະນີ, ສະຫວັນນະເຂດ 189 ກໍລະນີ, ຄໍາມ່ວນ 181 ກໍລະນີ, ເສຍຊີວິດ 1 ຄົນ, ສາລະວັນ 138 ກໍລະນີ, ໄຊຍະບູລີ 120 ກໍລະນີ,ເສຍຊີວິດ 1 ຄົນ, ຫຼວງນໍ້າທາ 72 ກໍລະນີ, ຫຼວງພະບາງ 62 ກໍລະນີ, ເຊກອງ 53 ກໍລະນີ, ບໍ່ແກ້ວ 51 ກໍລະນີ, ອຸດົມໄຊ 47 ກໍລະນີ, ໄຊສົມບູນ 36 ກໍລະນີ, ຈໍາປາສັກ 17 ກໍລະນີ, ຜົ້ງສາລີ 5 ກໍລະນີ ແລະ ແຂວງ ຫົວພັນ 1 ກໍລະນີ ສ່ວນ ແຂວງບໍ່ມີຜູ້ຕິດເຊື້ອແມ່ນ ແຂວງຊຽງຂວາງ . (more…)

Off
30th Jun2020

ແຈ້ງການ: ການປະຕິບັດມາດຕະການຜ່ອນຜັນ, ມາດຕະການໃນປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດໂຄວິດ-19 ໃນໄລຍະແຕ່ວັນທີ 1-31 ກໍລະກົດ 2020

by somchan

Off
29th Jun2020

ເອກອັກຄະລັດຖະທູດໄທ ປະຈໍາ ສປປ ລາວ ມອບເຄື່ອງອຸປະກອນການຮຽນ ການສອນໃຫ້ ໂຮງຮຽນ ວັດທະນະທໍາ ຫລັກ 67

by somchan

ເອກອັກຄະລັດຖະທູດໄທ ປະຈໍາ ສປປລາວ ໄດ້ນໍາເອົາເຄື່ອງອຸປະກອນການຮຽນ ການສອນແລະອຸປະກອນຕ້ານ ສະກັດກັ້ນພະຍາດໂຄວິດ19 ມອບໃຫ້ ຮຮ ວັດທະນະທໍາ ຫລັກ 67 ກົມໃຫຍ່ການເມືອງ ປກສ ກະຊວງປ້ອງກັນຄວາມສະຫງົບ ໃນວັນທີ 29 ມິຖຸນາ 2020 ໂດຍການເຂົ້າ ຮ່ວມຂອງທ່ານ ພົຈວ ປອ ສຸວັນນີ ສີສຸພາບມີໄຊ ຮອງຫົວຫນ້າກົມໃຫຍ່ການເມືອງ ກະຊວງ ປກສ ມີເອກອັກຄະລັດຖະທູດໄທ ປະຈໍາລາວ ພ້ອມດ້ວຍຄະນະ ແລະ ຄະນະອໍານວຍການ ໂຮງຮຽນ ວັດຖະນະທໍາ ຫລັກ 67 ເຂົ້າຮ່ວມ.

ເຄື່ອງທີ່ນໍາມາມອບໃນຄັ້ງນີ້ມີ ໂປຣເຈັກເຕີ 2 ຊຸດ, ໂນດບຸກ 2ຫນ່ວຍ, ນ້ຳຢາ ລ້າງມື 50 ກ່ອງ, ສະບູກ້ອນ 100 ກ້ອນ, ສະບູແຫຼວ 50 ຂວດ. ຜ້າອັດປາກ-ອັດດັງ 30 ກັບ, ເຄື່ອງປ້ຳເຈວລ້າງມື 5 ອັນ, ເຈວແອວກໍຮໍລ້າງມື 50 ຂວດ, ກ່າວມອບໂດຍທ່ານ ດໍາຣົງ ໄຄ່ຄວນ ເອກອັກຄະລັດຖະທູດໄທ ປະຈໍາ ສປປລາວ ແລະ ກ່າວຮັບໂດຍ ພົຈວ ປອ ສຸວັນນີ ສີສຸພາບມີໄຊ ຮອງຫົວຫນ້າກົມໃຫຍ່ການເມືອງ, ປກສ. ໂອກາດນີ້ ທ່ານ ພັທ ທະວີພອນ ຮັກໜໍ່ລາດອຳນວຍການໂຮງຮຽນ ວັດທະນະທຳຫຼັກ 67 ໄດ້ກ່າວສະແດງຄວາມຂອບໃຈ ຕໍ່ທ່ານ ເອກອັກຄະລັດຖະທູດໄທ ປະຈໍາ ສປປລາວ ທີ່ເຫັນໄດ້ຄວາມສໍາຄັນຂອງການຮຽນ-ການສອນ ເປັນຫວງເປັນໄຍທາງດ້ານສຸຂະພາບ ຂອງ ນັກຮຽນ ໂຮງຮນ ວັດທະນະທໍາ ຫລັກ 67 ເພື່ອຕ້ານກັບພະຍາດໂຄວິດ 19 ເຊິ່ງເຄື່ອງ ດັ່ງກ່າວຈະໄດ້ນໍາໃຊ້ເຂົ້າໃນການຮຽນ-ການສອນຂອງໂຮງຮຽນ.

 

Off
29th Jun2020

ກະຊວງສາທາລະນະສຸກ ໄດ້ຖະແຫ່ງກ່ຽວກັບສະພາບການເກີດຜົນຂ້າງຄຽງຂອງນ້ອງນັກຮຽນທີ່ກິນຢາຂ້າແມ່ທ້ອງ

by somchan

ດຣ ຮັດຕະນະໄຊ ເພັດສຸວັນ ຫົວໜ້າກົມຄວມຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຖະແຫ່ງກ່ຽວກັບສະພາບການເກີດຜົນຂ້າງຄຽງຂອງນ້ອງນັກຮຽນທີ່ກິນຢາຂ້າແມ່ທ້ອງ ຕໍ່ສື່ມວນຊົນ ໃນວັນທີ 25 ມີຖຸນາ 2020ນີ້ ວ່າ ປັດຈຸບັນ ໄດ້ສັ່ງໃຫ້ທຸກໂຮງຮຽນໃນທົ່ວປະເທດ ຢຸດຕິການຈ່າຍຢາຂ້າແມ່ທ້ອງ ໃຫ້ນ້ອງນັກຮຽນເປັນການຊົ່ວຄາວ (more…)

Off
Pages:1234567...40»