ການປະຕິບັດ ບັນດາວຽກຈຸດສຸມ ຂອງລັດຖະບານ ໃນ 6 ເດືອນຜ່ານມາ ມີຜົນສຳເລັດທີ່ພົ້ນເດັ່ນຫຼາຍດ້ານ

ທ່ານ ທອງ​ລຸນ ສີ​ສຸ​ລິດ ນາຍຍົກ​ລັດຖະມົນຕີ ​ໄດ້​ລາຍ​ງານ​ການຈັດ​ຕັ້ງ​ປະຕິບັດ ບັນດາ​ວຽກ​ງານ​ຈຸດ​ສຸມ ຂອງ​ລັດຖະບານ ​ໃນ​ໄລຍະ 6 ​ເດືອນ​ຜ່ານ​ມາ ຕໍ່​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ່ 3 ຂອງ​ສະພາ​ແຫ່​ງຊາດ​ຊຸດ​ທີ່ VIII ​ໃນ​ວັນ​ທີ 25 ​ເມສາ 2017 ນີ້ ​ເຊິ່ງທ່ານ​ໄດ້​ກ່າວ​ວ່າ ​ໄລຍະ 6 ​ເດືອນ​ຜ່ານ​ມາ ​ເປັນ​ໄລຍະ​ທີ່​ປະຕິບັດ​ແຜນ 3 ​ເດືອນ​ຂ້າມ​ຜ່ານ​ທ້າຍ​ປີ 2016 ​ແລະ ​ເລີ່​ມປີ​ງົບ​ປະມານ 2017 ງວດ​ທີ່ I ຕາມ​ປີ​ປະຕິທິນ ລັດຖະບານ​ໄດ້​ສຸມ​ໃສ່​ປະຕິບັດ​ວຽກ​ງານ​ສຳຄັນ​ເຊັ່ນ: ການ​ຄຸ້ມ​ຄອງ​ເສດຖະກິດ​ມະຫາ​ພາກ ​ໃຫ້​ມີ​ສະຖຽນ​ລະ​ພາບ ​ແລະ ໜັ້ນທ່ຽງ, ​ໄດ້​ປັບປຸງການ​ຄຸ້ມ​ຄອງ ລະບົບ​ການ​ເງີ​ນ-ງົບປະມານ ​ໃຫ້​ເຂັ້ມ​ງວດ​ຂື້ນ, ​ໄດ້​ສືບ​ຕໍ່​ຄຸ້ມ​ຄອງ​ເງີ​ນຕາ ​ໃຫ້​ມີ​ສະຖຽນ​ລະ​ພາບ, ​ໄດ້​ອະນຸມັດ​ງົບປະມານ 400 ຕື້​ກີບ ເພື່ອແກ້ໄຂໜີ້ສິນໂຄງການລົງທືນຂອງລັດ ແລະ 300 ຕື້ກີບ ເພື່ອແກ້ໄຂໜີ້ພັນທະບັດ ເພື່ອສ້າງເງື່ອນໄຂໃຫ້ພາກທຸລະກິດ ສືບຕໍ່ເຄື່ອນໄຫວວຽກງານຂອງຕົນ; ໄດ້ກະກຽມດຳເນີນການ ຄົ້ນຄວ້າປັບປຸງ ລັດວິສາຫະກິດໄຟຟ້າລາວ, ລັດວິສາຫະກິດການບິນລາວ ພ້ອມດ້ວຍບາງບໍລິສັດ ເຊິ່ງເປັນລັດວິສາຫະກິດຂະໝາດໃຫ່ຍ ແລະ ມີລັກສະນະຍຸດທະສາດ ໄດ້ກຳນົດ ແລະ ຈັດແບ່ງວິສາຫະກິດຂະໜາດນ້ອຍ, ຂະໜາດກາງ, ໄດ້ສືບຕໍ່ປັບປຸງ ສະພາບແວດລ້ອມ ຂອງການດຳເນີນທຸລະກິດ ໄປຄຽງຄູ່ກັບການ ປັບປຸງຂະບວນການປຶກສາຫາລື ດ້ານນະໂຍບາຍ ນິຕິກຳ ແລະ ກົນໄກການປະສານງານ ລະຫວ່າງພາກລັດ ແລະ ທຸລະກິດ, ໄດ້ຊຸກຍູ້ການຈັດຕັ້ງປະຕິບັດ ບັນດາໂຄງການ ລົງທຶນຂະໜາດໃຫ່ຍ ເຊິ່ງຈະປະກອບສ່ວນສູງ ໃນການພັດທະນາ ເຊັ່ນ: ໂຄງການທາງລົດໄຟ ລາວ-ຈີນ, ໂຄງການຂະຫຍາຍທາງລົດໄຟ ລາວ – ໄທ, ໂຄງການລົງທືນພັດທະນາ ທ່າທາງບົກ ຢູ່ແຂວງສະຫວັນນະເຂດ, ໂຄງການປັບປຸງສະໜາມບິນສາກົນວັດໄຕ ແລະ ອື່ນໆ, ໄດ້ເອົາໃຈໃສ່ ວຽກງານຂຸດຄົ້ນນຳໃຊ້ຊັບພະຍາກອນ ທຳມະຊາດ ແລະ ປົກປັກຮັກສາສິ່ງແວດລ້ອມ, ໄດ້ຕັ້ງບັນຫາ ແລະ ຄົ້ນຄວ້າປັບປຸງ ນະໂຍບາຍທີ່ດິນແຫ່ງຊາດ ໃຫ້ເປັນມະຕິຂອງພັກ, ໄດ້ເອົາໃຈໃສ່ພັດທະນາ ວັດທະນະທຳ-ສັງຄົມ, ໄດ້ປັບປຸງກົນໄກບໍລິຫານລັດ ໃຫ້ກະທັດຮັດ, ໜັກແໜ້ນ ແລະ ກົມກຽວກັນຫຼາຍຂື້ນ. ພ້ອມທັງໄດ້ສັງລວມ ເກັບກຳ ຮັບຟັງຄຳຄິດເຫັນຂອງປະຊາຊົນ ແລະ ພາກທຸລະກິດ ເພື່ອປັບປຸງການຄຸ້ມຄອງ ການບໍລິຫານລັດ ໃຫ້ວ່ອງໄວ, ໂປ່ງໃສ ແລະ ມີປະສິດທິຜົນ.

ຜ່ານການຈັດຕັ້ງ ປະຕິບັດບັນດາວຽກງານຈຸດສຸມ ດັ່ງກ່າວນັ້ນ ລັດຖະບານໄດ້ຕີລາຄາ ແລະ ຄິດໄລ່ການເຕີບໂຕ ຂອງເສດຖະກິດແຫ່ງຊາດ ຕາມປີປະຕິທິນ ໝົດປີ 2016 ເຫັນວ່າການເຕີບໂຕຂອງລວມຍອດຜະລິດຕະພັນ ພາຍໃນ (GDP) ບັນລຸ​ໄດ້ 7,02% ຫຼື ມີມູນ​ຄ່າ 129,279 ຕື້​ກີບ ສະ​ເລ່ຍຕໍ່​ຫົວ​ຄົນ​ບັນລຸ​ໄດ້ 2,408 ​ໂດ​ລາ​ສະຫະລັດ; ນອກ​ນີ້​ຄອບຄົວ​ທຸກ​ຍາກ ຍັງ​ໄດ​ຫຼຸດ​ລົງ​ຈາກ 6,59% ​ໃນ​ປີ 2015 ຍັງ​ເຫຼືອ 6,3% ​ໃນ​ປີ 2016.

ກອງປະຊຸມ ສະໄໝສາມັນ ເທື່ອທີ່ 3 ຂອງ ສະພາແຫ່ງຊາດ ຊຸດທີ່ VIII ໄຂຂຶ້ນຢ່າງ ເປັນທາງການ

ກອງ​ປະຊຸມ ສະ​ໄໝ​ສາມັນ ​ເທື່ອ​ທີ່ 3 ຂອງ​ ສະພາ​ແຫ່ງ​ຊາດ ຊຸດ​ທີ່ VIII ​ໄດ້​ໄຂ​ຂື້ນ​ໃນ ວັນ​ທີ 25 ​ເມສາ 2017 ນີ້ ​ໂດຍ​ການ​ເປັນ​ປະທານ​ຂອງ​ທ່ານ ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ, ​ໂດຍ​ການ​ເຂົ້າ​ຮ່ວມ​ຂອງ ທ່ານ ບຸນ​ຍັງ ວໍລະ​ຈິດ ປະທານ​ປະ​ເທດ ພ້ອມ​ດ້ວຍ​ການ​ນຳ​ຂັ້ນ​ສູງ ພັກ-​ລັດ ພະນັກງານ ອາວຸ​ໂສ​ບຳນານ ​ແລະ ສະມາຊິກ ສະພາ​ແຫ່ງ​ຊາ​ດ ​ເຂົ້າ​ຮ່ວມ. (more…)

ຮອງເຈົ້າຄອງ ເນັ້ນພາກສ່ວນກ່ຽວຂ້ອງ ຮີບຮ້ອນແກ້ໄຂບັນຫາ ຝາກລົດ ແລະ ຂາຍເຄື່ອງ ຕາມແຄມທາງ ຢ່າງເຂັ້ມງວດ

ພະ​ແນ​ກ​ໂຍທາ​ທິການ ​ແລະ ຂົນ​ສົ່ງ ຮ່ວມ​ກັບ​ພະ​ແນ​ກຕຳຫຼວດ​ຈະລາ​ຈອນ ນະຄອນຫຼວງ​ວຽງ​ຈັນ, ອົງການ​ພັດທະນາ ​ແລະ ບໍລິຫານ​ຕົວ​ເມືອງ ​ແລະ ບັນດາ​ເມືອງ​ອ້ອມ​ຂ້າງ​ນະຄອນຫຼວງ​ວຽງ​ຈັນ ​ໄດ້​ຈັດ​ກອງ​ປະຊຸມ​ປຶກສາ​ຫາລື​ກ່ຽວ​ກັບ​ການຈັດ​ສັນ​ຄວາມ​ເປັນ​ລະບຽບ​ຮຽບຮ້ອຍ ຕາມ​ເສັ້ນທາງ​ຢູ່​ນະຄອນຫຼວງ​ວຽງ​ຈັນ ​ໃນ​ວັນ​ທີ 9 ກຸມພາ 2017 ນີ້ ​ໂດຍ​ການ​ເຂົ້າ​ຮ່ວມ​ຂອງ ​ທ່ານ ​ແກ້ວ​ພິລາ​ວັນ ອາ​ໄພ​ລາດ ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ. (more…)

ຊາວໜຸ່ມ 6 ປະເທດ ລຸ່ມແມ່ນ້ຳຂອງ ປຶກສາຫາລືການມີສ່ວນຮ່ວມຕ້ານການຄ້າມະນຸດ.

ກອງປະຊຸມຊາວໜຸ່ມ 6 ປະເທດ ລຸ່ມແມ່ນ້ຳຂອງ ກ່ຽວກັບການຕ້ານການຄ້າມະນຸດ ພາຍໃຕ້ຫົວຂໍ້ “ຊາວໜຸ່ມມີຄວາມສະດຸງໄວ ເຂົ້າຮ່ວມການຕ້ານການຄ້າມະນຸດ” ໄດ້ຈັດຂຶ້ນຢູ່ທີ່ໂຮງແຮມ ລາວພຣາຊາ ນະຄອນຫຼວງວຽງຈັນ ໃນວັນທີ 22 ພະຈິກ 2016 ນີ້ ໂດຍການເປັນກຽດເຂົ້າຮ່ວມຂອງ ປອ ຄຳຜາ ພິມມະສອນ ຮອງເລຂາຄະນະບໍລິຫານງານ ສູນກາງຊາວໜຸ່ມປະຊາຊົນ ປະຕິວັດລາວ (more…)

ເລຂາທິການໃຫຍ່ ຄະນະບໍລິຫານງານສູນກາງ ພັກກອມມູນິດຫວຽດນາມ ເຄື່ອນໄຫວສັນຖະວະໄມຕີ ສປປລາວ

ໂດຍຕອບສະໜອງຕາມການເຊີນຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານ ສູນກາງພັກປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ ສະຫາຍ ຫງວຽນຟູຈ້ອງ ເລຂາທິການໃຫຍ່ ຄະນະບໍລິຫານງານ ສູນກາງພັກກອມມູນິດ ຫວຽດນາມ ພ້ອມດ້ວຍຄະນະ ໄດ້ເດີນທາງເຖິງນະຄອນຫຼວງວຽງຈັນ (more…)

ກອງປະຊຸມພາກພື້ນຂອງບັນດາປະເທດ ລຸ່ມແມ່ນ້ຳຂອງ ກ່ຽວກັບວຽກງານ ຕ້ານການຄ້າມະນຸດ

ກອງປະຊຸມພາກພື້ນຂອງບັນດາປະເທດ ລຸ່ມແມ່ນ້ຳຂອງ ກ່ຽວກັບວຽກງານ ຕ້ານການຄ້າມະນຸດ ໄດ້ຈັດຂຶ້ນໃນວັນທີ 23 ພະຈິກ 2016 ນີ້ ທີ່ໂຮງແຮງລາວພຣາຊາ ນະຄອນຫຼວງວຽງຈັນ ໂດຍການເປັນປະທານຂອງ ພັອ ປອ ເພັງສະຫວັນ ທິບພະວົງໄຊ ຫົວໜ້າກອງເລຂາຄະນະກຳມະການຕ້ານການຄ້າມະນຸດລະດັບຊາດ ຫົວໜ້າຄອມມິດ ຂອງ ສປປລາວ, (more…)

ຖະແຫ່ງຂ່າວລະນຶກ ວັນສາກົນແຫ່ງການຢຸດຕິຄວາມຮຸນແຮງ ຕໍ່ແມ່ຍິງ ແລະ ເດັກນ້ອຍ

ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ແຫ່ງ ສປປ ລາວ ທັງເປັນປະທານຄະນະກຳມາທິການ ເພື່ອຄວາມກ້າວໜ້າຂອງແມ່ຍິງ ແລະ ເດັກນ້ອຍ ໄດ້ຖະແຫ່ງຂ່າວລະນຶກວັນສາກົນແຫ່ງ ການຢຸດຕິຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ໃນວັນທີ 22 ພະຈິກ 2016 ນີ້. (more…)

ສຳເລັດກອງປະຊຸມບັນດາເຈົ້າຄອງ ນະຄອນຫຼວງອາຊຽນຄັ້ງທີ IV ປີ 2016

ກອງປະຊຸມບັນດາເຈົ້າຄອງນະຄອນຫຼວງອາຊຽນ ຄັ້ງທີ IV ປີ 2016 ໄດ້ຈັດຂຶ້ນໃນວັນທີ 15 ພະຈິກ 2016 ນີ້ ແລະ ອັດລົງໃນວັນດຽວກັນ ໂດຍພາຍໃຕ້ການເປັນປະທານຂອງ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ມີບັນດາເຈົ້າຄອງນະຄອນຫຼວງ ຈາກບັນດາປະເທດສະມາຊິກອາຊຽນ ເຂົ້າຮ່ວມ. (more…)

ກອງປະຊຸມບັນດາເຈົ້າຄອງນະຄອນຫຼວງ ອາຊຽນ ຄັ້ງທີ IV

ກອງປະຊຸມບັນດາເຈົ້າຄອງນະຄອນຫຼວງອາຊຽນ ຄັ້ງທີ IV ປີ 2016 ໄດ້ຈັດຂຶ້ນໃນຕອນເຊົ້າຂອງວັນທີ 15 ພະຈິກ 2016 ນີ້ ທີ່ຫໍປະຊຸມແຫ່ງຊາດນະຄອນຫຼວງວຽງຈັນ ໂດຍການເປັນປະທານຂອງທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽບຈັນ ມີບັນດາເຈົ້າຄອງນະຄອນຫຼວງ ຈາກບັນດາປະເທດສະມາຊິກອາຊຽນເຂົ້າຮ່ວມ. (more…)

ສະຫຼຸບຜົນໄດ້ຮັບຈາກກອງປະຊຸມອາຊຽນ ຄັ້ງທີ 28-29 ທີ່ ສປປ ລາວ ເປັນປະທານ

ການເປັນເຈົ້າພາບຈັດກອງປະຊຸມ ສຸດຍອດອາຊຽນ ຄັ້ງທີ 28-29 ໂດຍການເປັນທານຂອງ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍກອງປະຊຸມສຸດຍອດ ແລະ ກອງປະຊຸມອື່ນໆ ທີ່ກ່ຽວຂ້ອງ ໃນລະຫວ່າງວັນທີ 1-8 ກັນຍາ 2016 ໄດ້ສຳເລັດ ແລະ ມີພິທີອັດກອງປະຊຸມ ຢ່າງເປັນທາງການ ໃນຕອນບ່າຍຂອງວັນທີ 8 ກັນຍາ 2016 ນີ້ ຢູ່ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ. (more…)