17th Oct2017

ນາຍຍົກ ລັດຖະມົນຕີ ລາຍງານ ຜົນການ ຈັດຕັ້ງປະຕິບັດ ວຽກງານ ຈຸດສຸມ ປີ 2017

by somchan

ທ່ານ ທອງ​ລຸນ ສີ​ສຸ​ລິດ ນາຍ​ຍົກ​ລັດຖະມົນຕີ ​ໄດ້​ລາຍ​ງານ​ຕໍ່​ກອງ​ປະຊຸມ​ສະ​ໄໝ​ສາມັນ ​ເທື່ອ​ທີ່ 4 ຂອງ​ສະພາ​ແຫ່ງ​ຊາດ​ຊຸດ​ທີ່ VIII ກ່ຽວ​ກັບ​ການຈັດ​ຕັ້ງ​ປະຕິບັດ​ແຜນ​ວຽກຈຸດ​ສຸມ​ຂອງ​ລັດຖະບານ ​ໃນ​ປີ 2017  ​ແລະ ທິດ​ທາງ​ແຜນການ​ສຳລັບ​ປີ 2018 ທີ່​ໄຂ​ຂື້ນ​ ໃນ​ວັນ​ທີ 16 ຕຸລາ 2017 ທ່ານ​ໄດ້​ຍົກ​ໃຫ້​ເຫັນ ການ​ປະຕິບັດ​ວຽກ​ງານ ຂອງ​ລັດຖະບານ ​ໃນ​ໄລຍະ​ຜ່ານ​ມາ. ​ເຊິ່ງມີ​ຜົນສຳ​ເລັດ​ພົ່ນ​ເດັ່ນ​ຫຼາຍ​ດ້ານ ​ເປັນ​ຕົ້ນ​ວຽກ​ງານ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ, ລັດຖະບານ​ໄດ້​ແກ້​ໄຂ​ບັນຫາ​ຄວາມ​ເຄັ່ງ​ຕຶງ​ຊາຍ​ແດນ ​ເຂດ​ແຂວງ​ອັດ​ຕະປື ​ແລະ ​ແຂວງ​ຈຳປາ​ສັກ ກັບປະ​ເທດ​ເພືອນບ້ານ​ຢ່າງ​ນິ້ມນວນ, ສາມາດ​ຫຼີກ​ລ່ຽງການ​ປະ​ທະ ​ແລະ ​ໃຊ້​ກຳລັງ ​ເຮັດ​ໃຫ້​ສະພາບ​ການ​ຜ່ອນຄາຍ​ລົງ ​ແລະ ສ້າງ​ເງື່ອນ​ໄຂ​ໃຫ້​ແກ່​ການ​ພົບ​ປະ​ເຈລະຈາ​ກັນ ​ແນ່​ໃສ່​ແກ້​ໄຂບັນ​ຫາ​ໂດຍ​ສັນຕິ​ວິທີ, ​ໄດ້​ຕັດສິນ​ໃຈ ​ແລະ ​ເດັດ​ດ່ຽວ​ປາບ​ປາມ ​ແລະ ສະກັດ​ກັ້ນ​ເຄືອ​ຂ່າຍ​ການ​ຄ້າຂາຍ​ຢາ​ເສບ​ຕິດ ທີ່​ເປັນ​ພິດ​ເປັນ​ໄພ ​ແລະ ກຳລັງ​ທຳລາຍ​ສັງຄົມ​ລາວ, ນອກ​ນີ້​ຍັງ​ເອົາ​ໃຈ​ໃສ່​ແກ້​ໄຂ​ປະກົດ​ການ​ຫຍໍ້​ທໍ້​ຕ່າງໆ​ທາງ​ສັງຄົມ ​ໂດຍ​ສະ​ເພາະ​ແມ່ນ​ຂະ​ບວນການ​ຂີ້ລັກງັດ​​ແງະ, ການ​ປຸ້ນ​ຈີ້​ ຊິ່ງຊັບ, ອຸປະຕິ​ເຫດ​ຕາມ​ທ້ອງ​ຖະໜົນ, ອັກຄີ​ໄພ ​ແລະ ອື່ນໆ ວຽກ​ງານ​ພັດທະນາ​ທາງ​ດ້ານ​ເສດຖະກິດ. ​ເຊິ່ງປີ 2017 ​ເປັນ​ປີ​ທີ 2 ຂອງ​ການ​ປະຕິບັດ​​ແຜນ​ພັດ​ທະນາ​ເສດຖະກິດ-​ສັງຄົມ ​ແຫ່ງ​ຊາດ 5 ປີ ຄັ້ງ​ທີ່ VIII ​ເຊິ່ງ​ເສດຖະກິດ​ມະຫາ​ພາກ​ໃນ​ປີ 2017 ​ໂດຍ​ລວມ​ແມ່ນ​ມີ​ສະຖຽນ​ລະ​ພາບ​ດີ, ອັດຕາ​ການ​ເຕີບ​ໂຕ​ສະ​ເລ່ຍຢູ່​ໃນ​ລະດັບ 6,83% ( ຫຼຸດ​ແຜນ 0,17%) ລວມຍອດ​ຜະລິດ​ຕະພັນ​ພາຍ​ໃນ ຫຼື GDP ສະ​ເລ່ຍຕໍ່​ຫົວ​ຄົນ​ໝົດ​ປີ​ຄາດ​ວ່າ​ຈະ​ບັນລຸ 2,472 ​ໂດ​ລາ​ສະຫະລັດ, ການ​ເຕີບ​ໂຕ​ດັ່ງກ່າວ​ໄດ້​ປະກອບສ່ວນ​ແກ້​ໄຂ​ຄວາມທຸກ​ຍາກ​ຂອງ​ຂອງ​ປະຊາຊົນ​ໄດ້ 6,546 ຄອບຄົວ (ລື້​ນ​ແຜນການ​ທີ່ວາງ​ໄວ້ຄື: 5,580 ຄອບຄົວ) ການ​ພັດທະນາທາງ​ດ້ານ​ສັງຄົມ, ວັດ​ທະນະ​ທຳ ​ແລະ ສິ່ງ​ແວດ​ລ້ອມ, ​ໄດ້​ຕັ້ງໜ້າ​ປະຕິບັດ​ວຽກ​ງານ​ພັດ​ທະ​ນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ​ໂດຍ​ສຸມ​ທຶນ ​ແລະ ຈັດ​ຕັ້ງ​ປະຕິບັດ​ບັນດາ​ແຜນ​ງງານ ​ແລະ ​ໂຄງການ​ຢູ່​ຈຸດ​ສຸມ​ຕ່າງໆ, ການ​ລົງທຶນ​ສ່ວນ​ໃຫ່ຍ​ແມ່ນ​ສຸມ​ໃສ່​ການ​ພັດທະນາ​ພື້ນຖານ​ໂຄງ​ລ່າງທີ່​ຈຳ​ເປັນ​ເຊັ່ນ: ກໍ່ສ້າງ ​ແລະ ສ້ອມ​ແປງ​ເສັ້ນ​ທາງ​ລະຫວ່າງ​ເມືອງ​ຫາ​ບ້ານ ​ແລະ ບ້ານ​ຫາ​ບ້ານ ຊົນລະປະທານ​ຂະໜາດ​ນ້ອຍ,​ໂຮງຮຽນ,ສຸກສາລາ,ຖົງ​ຢາ​ປະຈຳ​ບ້ານ, ນ້ຳ​ລິນ, ວິດຖ່າຍ ອື່ນໆ, ການ​ພັດທະນາ​ທາງ​ດ້ານ​ນິຕິ​ກຳ ​ແລະ ການ​ຄຸ້ມ​ຄອງ​ບໍລິຫານ​ລັດ, ລັດຖະບານ​ໄດ້​ສຳ​ເລັດ​ການສ້າງ ​ແລະ ປັບປຸງ​ກົດໝາຍ 10 ສະບັບ, ພິຈາລະນາ​ກົດໝາຍ​ອີກ 13 ສະບັບ, ນອກຈາກ​ນັ້ນ​ກໍ່​ໄດ້​ຄົ້ນ​ຄ້ວາ​ສ້າງ​ນິຕິ​ກຳ​ລຸ່ມ​ກົດໝາຍ​ຈຳນວນ​ໜື່ງ, ພ້ອມ​ທັງ​ໄດ້​ປັບປຸງ​ກົນ​ໄກ​ການ​ປະສານ​ງານ ​ແລະ ປະສານ​ສົມທົບ​ລະຫວ່າງ​ຂະ​ແໜງ​ການ ​ແລະ ທ້​ອງຖິ່ນ, ​ເພື່ອ​ຈັດ​ຕັ້ງ​ປະຕິບັດ ຢ່າງ​ເຂັ້ມ​ງວດ ​ແລະ ມີ​ປະສິດທິ​ຜົນ.

ທ່ານ ທອງ​ລຸນ ສີ​ສຸ​ລິດ ນາຍ​ຍົດ​ລັດຖະມົນຕີ ຍັງ​ໄດ້​ກ່າວ​ຕື່ມ​ວ່າ: ປີ 2018 ທີ່​ຈະ​ມາ​ເຖິງ​ນີ້ ກໍ່​ເປັນ​ປີ​ໜຶ່ງ​ທີ່​ສຳຄັນ ​ເຊິ່ງລັດຖະບານ​ຈະ​ໄດ້​ທົບ​ທວນ​ການຈັດ​ຕັ້ງ​ປະຕິບັດ ​ແຜນ​ພັດທະນາ​ເສດຖະກິດ-​ສັງຄົມ ​ແຫ່ງ​ຊາດ 5 ປີ ກາງ​ສະ​ໄໝ, ​ເຊິ່ງລັດຖະບານ​ອາດ​ຈະ​ບໍ່​ບັນລຸ​ຄາດໝາຍ​ຂອງ​ປີ 2017 ຢ່າງ​ສົມບູນ​ຮ້ອຍ​ສ່ວນ​ຮ້ອຍ, ຍ້ອນ​ມີ​ຄວາມ​ຮັບຜິດຊອບ​ຕໍ່​ພັກ, ຕໍ່​ສະພາ​ແຫ່ງ​ຊາດ ລັດຖະບານ​ຈະ​ຍັງ​ບໍ່​ທັນ​ສະ​ເໜີ​ດັດ​ແກ້​ຕໍ່​ສະພາ​ເທື່ອ, ມີ​ແຕ່​ຈະ​ເພີ່ມ​ຄວາມ​ພະຍາຍາມ, ບຸກບືນ ​ແລະ ປັບ​ປຸງ​ແກ້​ໄຂ​ບັນດາ​ຂໍ້ຄົງ​ຄ້ານ ​ແລະ ກຽມພ້ອມ​ຮັບ​ມື ກັບ​ບັນດາ​ສິ່ງ​ທ້າ​ທາຍ​ທີ່​ໄດ້​ກ່າວ​ມາ​ນັ້ນ: ​ເພື່ອ​ສູ້​ຊົນ​ປະຕິບັດ​ໃຫ້​ບັນລຸ​ຄາດໝາຍ​ຂ​ອງ​ແຜນ​ພັດທະນາ ສຳລັບ​ປີ 2018 ​ແລະ ສ້າງ​ພື້ນຖານ​ອັນ​ໜັກ​ແໜ້ນ​​ໃຫ້ ​ແຜນການ​ບັນລຸ​ຄາດໝາຍ​ຂອງ​ປີ 2019 ​ແລະ 2020 ຕາມ​ທີ່​ສະພາ​ໄດ້​ຮັບຮອງ ​ເພື່ອ​ບັນລຸ​ຕາມ​ແຜນການ​ທີ່​ວາງ​ໄວ້ ລັດຖະບານ​ຈະ​ສຸມ​ໃສ່​ວຽກ​ງານ​ທີ່​ເປັນ​ພື້ນຖານ​ຈຳນວນ​ໜຶ່ງ.

Off
17th Oct2017

ກອງປະຊຸມ ສະພາແຫ່ງຊາດ ຄົ້ນຄວ້າ ພິຈາລະນາ ບັນຫາ ສຳຄັນ ຂອງຊາດ

by somchan

ກອງ​ປະຊຸມ ​ສະ​ໄໝ​ສາມັນ ​ເທື່ອ​ທີ່ 4 ຂອງ​ສະພາ​ແຫ່ງ​ຊາດ ຊຸດ​ທີ່ VIII ​ໄດ້​ໄຂ​ຂື້ນ​ຢ່າງ​ເປັນ​ທາງ​ການ ​ໃນ​ຕອນ​ເຊົ້າ​ຂອງ​ວັນ​ທີ 16 ຕຸລາ 2017 ນີ້ ທີ່​ຫໍ​ສະພາ​ແຫ່ງ​ຊາດ ​ໂດຍ​ພາຍ​ໃຕ້​ການ​ເປັນ​ ປະທານ​ຂອງ ທ່ານ ນາງ ປານີ ຢາ​ທໍ່​ຕູ້ ປະທານ ​ສະພາ​ແຫ່ງ​ຊາດ ​ເປັນ​ກຽດ​ເຂົ້າ​ຮ່ວມ​ໂດຍ ພະນະ​ທ່ານ ບຸນ​ຍັງ ວໍ​ລິ​ຈິດ ​ປະທານ​ປະ​ເທດ ມີ​ການ​ນຳ​ພັກ, ລັດ ຂັ້ນ​ສູງ ຕະຫຼອດ​ຮອດ​ ສະມາຊິກ​ສະພາ​ ແຫ່ງ​ຊາດ ​ແລະ ​ແຂກ​ຖືກ​ເຊີນ​ເຂົ້າ​ຮ່ວມ.

ທ່ານ ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ ​ໄດ້​ກ່າວ​ໄຂ​ກອງ​ປະຊຸມ ຢ່າງ​ເປັນ​ທາງ​ການ ​ເຊິ່ງ​ເນື້ອ​ໃນ​ສຳຄັນ​ບາງ​ຕອນ ທ່ານ​ກ່າວ​ວ່າ: ​ໃນ​ກອງ​ປະຊຸມ​ຄັ້ງ​ນີ້ ສະພາ​ແຫ່ງ​ຊາດ​ຈະ​ໄດ້​ສຸມ​ໃສ່​ພິຈາລະນາ ​ແລະ ຕົກລົງ​ຮັບຮອງ​ເອົາຫຼາຍ​ບັນຫາ​ສຳຄັນ​ຂອງ​ຊາດ ​ໃນ​ຫຼາຍ​ຂົງ​ເຂດ​ວຽກ​ງານ ດ້ວຍ​ຄວາມ​ຮັບຜິດຊອບ ຮັບ​ໃຊ້​ສິດຜົນ​ປະ​ໂຫຍ​ດຂອງ​ຊາດ ​ແລະ ຂອງ​ປະຊາຊົນ ​ເປັນ​ຕົ້ນ​ພິຈາລະນາ ​ແລະ ຮັບຮອງ​ບົດ​ລາຍ​ງານ ການຈັດ​ຕັ້ງ​ປະຕິບັດ​ແຜນ​ພັດທະນາ​ເສດ​ຖະກິດ-​ສັງຄົມ, ​ແຜນ​ງົບປະມານ​ແຫ່ງ​ລັດ ​ແລະ ​ແຜນ​ເງີ​ນປະຈຳ​ປີ 2017 ​ແລະ ພ້ອມ​ດ້ວຍທິດ​ທາງ​ແຜນການ ປະຈຳ​ປີ 2018 ຂອງ​ລັດຖະບານ, ບົດ​ລາຍ​ງານ​ການ​ປະຕິບັດ​ແຜນການ​ປະຈຳ​ປີ 2017 ​ແລະ ທິດ​ທາງ​ແຜນການ​ປະຈຳ​ປີ 2018ຂອງ​ສະພາ​ແຫ່ງ​ຊາດ, ບົດ​ລາຍ​ງານ​ການ​ເຄື່ອນ​ໄຫວ​ຂອງ​ອົງການ​ກວດ​ສອບ​​ແຫ່ງ​ລັດ, ບົດ​ລາຍ​ງານ​ຜົນ​ການກວດ​ສອບ​ບົດ​ສະ​ຫຼຸບ​ຂາດ​ຕົວ​ການຈັດ​ຕັ້ງ​ປະຕິບັດ​ແຜນ​ງົບປະມານ​ແຫ່ງ​ລັດ, ບົດ​ລາຍ​ງານ​ຂອງ​ອົງການ​ກວດກາ​ລັດຖະບານ​ກ່ຽວ​ກັບ​ຜົນ​ການ​ກວດກາ​ຕາມ​ຜົນ​ການກວດ​ສອບ ການຈັດ​ຕັ້ງ​ປະຕິບັດ​ແຜນ​ງົບປະມານ​ແຫ່ງ​ລັດ, ພິຈາລະນາ​ຮັບຮອງ​ເອົາ​ຮ່າງ​ກົດໝາຍ​ການສ້າງ ​ແລະ ກົດໝາຍ​ສະບັບ​ປັບປຸງ ລວມມີ 16 ສະບັບ ​ແລະ ອື່ນໆ.

ນອກ​ຈາກນັ້ນກອງ​ປະຊຸມ​ຍັງ​ຈະ​ໄດ້​ຮັບ​ຟັງ​ການ​ຊີ້​ແຈ້ງ​ອະທິບາຍ​ກ່ຽວ​ກັບ​ການ​ປັບປຸງ​ວຽກ​ງານ​ບໍລິຫານ​ລັດ​ໃນ​ທຸກ​ຂັ້ນ, ກໍ່​ຄື​ການ​ຄຸ້ມ​ຄອງ​ແຮງ​ງານ​ລາວ​ຢູ່​ພາຍ​ໃນ ​ແລະ ຕ່າງປະ​ເທດ​ຂອງ​ລັດຖະບານ ການ​ລາຍ​ງານ​ອົງການ​ຕິດຕາມ​ກວດກາ​ຂອງ​ສູນ​ກາງ​ແນວ​ລາວ​ສ້າງ​ຊາດ ​ແລະ ອົງການ​ຈັດ​ຕັ້ງ​ມະຫາຊົນ​ຕໍ່​ກັບ​ການ​ປະຕິບັດ​ໜ້າ​ທີ່​ຂອງ​ສະພາ​ແຫ່ງ​ຊາດ​ກໍ່​ຄື​ການ​ສັງ​ລວມຂໍ້​ສະ​ເໜີ​ຂອງ​ຜູ້​ມີ​ສິດ​ປ່ອນ​ບັດ​ເລື​ອກຕັ້ງ ​ແລະ ຂອງ​ປະຊາຊົນ​ຕໍ່​ກັບ​ອົງການ​ລັດ​ບໍລິຫານ.

ສຳລັບ​ວາລະ​ດຳ​ເນີນ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ່ 4 ຂອງ​ສະພາ​ແຫ່ງ​ຊາດ​ຊຸດ​ທີ່ 8 ​ແມ່ນ​ຈະ​ດຳ​ເນີນ​​ໄປເປັນ​ເວລາ 25 ວັນ ຄື ລະຫວ່າງ​ວັນ​ທີ 16 ຕຸລາ ຫາ 17 ພະຈິກ 2017.

Off
28th Sep2017

ຜົນສຳເລັດຂອງກອງປະຊຸມຄະນະເຈົ້າແຂວງ ແລະ ຜູ້ວ່າຣາຊະການຈັງຫວັດຊາຍແດນ ລາວ-ໄທ ຄັ້ງທີ 10

by somchan

ກອງປະຊຸມຄະນະເຈົ້າແຂວງ ແລະ ຜູ້ວ່າຣາຊະການ ຈັງຫວັດຊາຍແດນລາວ-ໄທ ຄັ້ງທີ 10 ໄດ້ອັດລົງ ດ້ວຍຜົນສຳເລັດອັນຈົບງາມ. ໃນວັນທີ 28 ກັຍາ 2017 ນີ້ ພາຍຫຼັງດຳເນີນມາເປັນເວລາ 3 ວັນ, ທີ່ໂຮງແຮມລາວພຣາຊາ ນະຄອນຫຼວງ ວຽງຈັນ. ພາຍໃຕ້ການເປັນປະທານຮ່ວມ ຂອງທ່ານ ພົນຕີ ສົມແກ້ວ ສີລາວົົງ ລັດຖະມົນຕີກະຊວງປ້ອງກັນ ຄວາມສະຫງົບ ແຫ່ງ ສປປລາວ ແລະ ທ່ານ ພົນເອກ ອານຸພົງ ເຜົ່າຈິນດາ ລັດຖະມົນຕີວ່າການກະຊວງ ມະຫາດໄທ (more…)

Off
28th Sep2017

ຮອງນາຍົກລັດຖະມົນຕີຕ້ອນຮັບຄະນະຜູ້ ແທນກະຊວງມະຫາດໄທແຫ່ງ ຣາຊະອານາຈັກໄທ

by somchan

ໃນວັນທີ 27 ກັນຍາ 2017 ນີ້ ປອ ສອນໄຊ ສີພັນດອນ ຮອງນາຍົກລັດຖະມົນຕີແຫ່ງ ສປປລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ພົນເອກ ອານຸພົງ ເຜົ່າຈິນດາ ລັດຖະມົນຕີ ວ່າການກະຊວງມະຫາດໄທແຫ່ງຣາຊະອານາຈັກໄທ ພ້ອມຄະນະໃນໂອກາດທີ່ເດີນທາງມາຮ່ວມ ກອງປະຊຸມຄະນະເຈົ້າແຂວງ ແລະ ຜູ້ວ່າ ຣາຊະການຈັງຫວັດຊາຍແດນ ລາວ-ໄທ ຄັ້ງທີ 10 ທີ່ນະຄອນຫຼວງວຽງຈັນ. (more…)

Off
26th Sep2017

ກອງປະຊຸມລະຫວ່າງເຈົ້າແຂວງ ແລະ ຜູ້ວ່າຣາຊະການຈັງຫວັດຊາຍແດນລາວ-ໄທ

by somchan

ກອງປະຊຸມລະຫວ່າງເຈົ້າແຂວງ ແລະ ຜູ້ວ່າຣາຊະການຈັງຫວັດຊາຍແດນລາວ-ໄທ  ໄດ້ຈັດຂຶ້ນໃນວັນທີ 26 ກັນຍາ 2017 ນີ້ ທີ່ໂຮງແຮມລາວພຣາຊາ ນະຄອນຫຼວງວຽງຈັນ. ໂດຍການເປັນປະທານຮ່ວມຂອງທ່ານ ບຸນຖອງ ດີວິໄຊ ເຈົ້າແຂວງຈຳປາສັກ ແລະ ທ່ານສົມສັກ ຈັງຕະກູນ ຜູ້ວ່າລາດຊະການຈັງຫວັດອຸບົນ ຣາຊະທານີ ມີບັນດາເຈົ້າແຂວງ, ຜູ້ວ່າ ແລະ ຄະນະຜູ້ແທນທັງສອງຝ່າຍເຂົ້າຮ່ວມ. (more…)

Off
07th Sep2017

ກອງປະຊຸມລັດຖະບານເປີດກວ້າງ ຄັ້ງທີ 1 ປີ 2017

by somchan

 ກອງປະຊຸມລັດຖະບານເປີດກວ້າງ ຄັ້ງທີ 1 ປີ 2017 ໄດ້ຈັດຂຶ້ນໃນວັນທີ 7 ກັນຍາ 2017ນີ້ ທີ່ຫໍປະຊຸມແຫ່ງຊາດ ໂດຍການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ມີບັນດາຄະນະລັດຖະບານ, ເຈົ້າຄອງນະຄອນຫຼວງ, ເຈົ້າແຂວງ ແລະ ບັນດາຜູ້ຕາງໜ້າອົງການຈັດຕັ້ງພັກ, ສະພາແຫ່ງຊາດ, ສູນກາງແນວລາວສ້າງຊາດ ຕະຫຼອດຮອດອົງການຈັດຕັ້ງມະຫາຊົນເຂົ້າຮ່ວມ. (more…)

Off
19th Jul2017

ສະຫາຍ ບຸນຍັງ ວໍລະຈິດ ເລຂາທິ ການໃຫ່ຍ ຄະນະບໍລິຫານງານ ສູນກາງພັກ ປະທານ ປະເທດ ແຫ່ງ ສປປ ລາວ ໄດ້ເຂົ້າຮ່ວມ ພິທີ ປະດັບ ຫຼຽນໄຊ ຊັ້ນສູງ ຂອງພັກ, ລັດຖະບານ ແຫ່ງ ສ ສ ຫວຽດນາມ ໃຫ້ແກ່ການນຳ ຂັ້ນສູງ ພັກ, ລັດຖະບານລາວ

by somchan

​ເນື່ອງ​ໃນ​ໂອກາດ​ ສະ​ເຫຼີ​ມສະຫຼອງ​ສອງ​ ວັນ​ປະຫວັດ ສາດ ລາວ-ຫວຽດນາມ ຄື: ວັນ​ເຊັນ​ສັນຍາ​ສົນ​ທິສັນຍາ ​ມິດຕະພາບ ​ແລະ ການ​ຮ່ວມ​ມື ຄົບຮອບ 40 ປີ (18/7/1977-18/7/2017) ​ແລະ ວັນ​ສ້າງ​ຕັ້ງ​ ສາຍ​ພົວພັນ​ ການ​ທູດ ຄົ​ບຮອບ 55 ປີ (5/9/1962-5/9/2017) ວັນ​ທີ 18 ກໍລະກົດ 2017 ທີ່​ສູນ​ປະຊຸມ​ແຫ່ງ​ຊາດ ນະຄອນຫຼວງ​ວຽງ​ຈັນ ​ໂດຍ​ແມ່ນ ສະຫາຍ ນາງ ຕ່ອງຖິຟ້ອງ ກຳມະການ ກົມ​ການ​ເມືອງ ສູນ​ກາງ​ພັກ ຮອງ​ປະທານ ​ສະພາ​ແຫ່ງ​ຊາດ ​ໄດ້​ຕ່າງ​ໜ້າ ​ໃຫ້​ແກ່ ພັກ​ກອມ​ມູນິດ ​ຫວຽດນາມ ລັດຖະບານ ສສ ຫວຽດນາມ ປະດັບ ຫຼຽນ​ໄຊ​ ດາວ​ຄຳ, ຫຼຽນ​ໄຊ ​ໂຮ່​ຈິ​ມິນ, ຫຼຽນ​ໄຊ ​ເອກະລາດ ຊັ້ນ I ຂອງ​ພັກ, ລັດ​ຫວຽດນາມ ​ໃຫ້​ແກ່​ການ ​ນຳ​ຂັ້ນ​ສູງ​ພັກ, ລັດຖະບານ​ລາວ ທີ່​ມີ​ຄຸນງາມຄວາມດີ ​ແລະ ຜົນງານ​ອັນ​ດີ​ເດັ່ນ ​ໃນ​ການ​ປະກອບສ່ວນ​ຢ່າງ​ໃຫ່ຍຫຼວງ ​ເຂົ້າ​ໃນ​ການ​ເພີ່ມ​ພູມ​ຄຸນ​ສ້າງ ​ແລະ ​ເພີ່ມ​ທະວີ​ສາຍ​ພົວພັນ​ສາມັກຄີ​ພິ​ເສດ ລາວ -​ ຫວຽດນາມ ຈຳນວນ 10 ສະຫາຍ ຄື:

 

ປະດັບ ຫຼຽນ​ໄຊ​ດາວ​ຄຳ ​ໃຫ້​ແກ່​ສະຫາຍ ທອງ​ລຸນ ສີ​ສຸ​ລິດ ກຳມະການ​ກົມ​ການ​ເມືອງ​ສູນ​ກາງ​ພັກ ນາຍ​ຍົກ​ລັດຖະມົນຕີ​ແຫ່ງ ສປປ ລາວ

ປະດັບ ຫຼຽນ​ໄຊ ​ໂຮ່ຈິ​ມິນ ​ໃຫ້​ແກ່ ສະຫາຍ ຈັນ​ສີ ​ໂພ​ສີຄຳ ກຳມະການ​ກົມ​ການ​ເມືອງ​ສູນ​ກາງ​ພັກ, ​ເລຂາທິ ການ​ສູນ​ກາງ​ພັກ ຫົວໜ້າ ຄະນະ​ຈັດ​ຕັ້ງ​ສູນ​ກາງ​ພັກ, ສະຫາຍ ​ໄຊ​ສົມພ​ອນ ພົມວິຫານ ກຳມະການ​ກົມ​ການ​ເມືອງ​ສູນ​ກາງ​ພັກ ປະທານ​ສູນ​ກາງ​ແນວ​ລາວ​ສ້າງ​ຊາດ, ສະຫາຍ ພົທ ຈັນ​ສະ​ໜອນ ຈັນຍາ​ລາດ ກຳມະການ​ກົມ​ການ​ເມືອງ​ສູນ​ກາງ​ພັກ ລັດຖະມົນຕີ​ກະຊວງ​ປ້ອງ​ກັນ​ປະ​ເທດ, ສະຫາຍ ຄຳ​ພັນ ພົມ​ມະ​ທັດ ກຳມະການ​ກົມ​ການ​ເມືອງ​ສູນ​ກາງ​ພັກ ຫົວໜ້າ​ຫ້ອງ​ວ່າການ​ສູນ​ກາງ​ພັກ, ສະຫາຍ ສິນ​ລະ​ວົງ ຄູດ​ໄພທູນ ກຳມະການ​ກົມ​ການ​ເມືອງ​ສູນ​ກາງ​ພັກ ​ເຈົ້າ​ຄອງ​ນະຄອນຫຼວງ​ວຽງ​ຈັນ, ສະຫາຍ ສອນ​ໄຊ ສີ​ພັນ​ດອນ ກຳມະການ​ກົມ​ການ​ເມືອງ​ສູນ​ກາງ​ພັກ ຮອງ​ນາຍົກລັດຖະມົນ​ແຫ່ງ ສປປ ລາວ.

ປະດັບ​ຫຼຽນ​ໄຊ ​ເອກະລາດ ຊັ້ນ I ​ໃຫ້​ແກ່ ສະຫາຍ ກິ​ແກ້ວ ​ໄຂ​ຄຳ​ພິທູນ ​ເລຂາທິການ​ສູນ​ກາງ​ພັກ ຫົວໜ້າ​ຄະນະ​ໂຄສະນາ​ອົບຮົມ​ສູນ​ກາງ​ພັກ, ສະ​ຫາຍ ພົຕ ສົມ​ແກ້ວ ສີ​ລາ​ວົງ ​ເລຂາທິການ​ສູນ​ກາງ​ພັກ ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ​ແລະ ສະຫາຍ ພົຕ ວິ​ໄລ ຫຼ້າ​ຄຳ​ຟອງ ເລຂາທິການ​ສູນ​ກາງ​ພັກ ຮອງ​ລັດຖະມົນຕີກະຊວງ​ປ້ອງ​ກັນ​ປະ​ ເທ​ດ ຫົວໜ້າກົມ​ໃຫ່ຍການ​ເມືອງ​ກອງທັບ​ປະຊາຊົນ​ລາວ.

ສະຫາຍ ທອງ​ລຸນ ສີ​ສຸ​ລິດ ກຳມະການ​ກົມ​ການ​ເມືອງ​ສູນ​ກາງ​ພັກ ນາຍ​ຍົກ​ລັດຖະມົນຕີ​ແຫ່ງ ສປປ ລາວ ​ໄດ້​ຕາງໜ້າ​ໃຫ້​ບັນດາ​ສະຫາຍ​ການ​ນຳ​ຂັ້ນ​ສູງ​ພັກ, ລັດ ສປປ ລາວ ທີ່​ໄດ້​ຮັບ​ການ​ຍ້ອງຍໍ ກ່າວ​ຄຳ​ເຫັນ ​ເຊິ່ງສະ​ແດງ​ຄວາມ​ຮູ້​ບຸນຄຸນ ​ແລະ ຂອບ​ອົກ​ຂອບ​ໃຈ​ຢ່າງ​ສູງ​ຕໍ່​ພັກ,ລັດຖະບານ​ ສປປ ລາວ​ໃນ​ຄັ້ງ​ນີ້.

 

Off
05th May2017

ສ ສ ຊ ລົງຄະແນນ ຮັບຮອງເອົາ ຮ່າງກົດໝາຍ ວ່າດ້ວຍ ສິລະປະ ການສະແດງ ດ້ວຍຄະແນນ ສູງສ່ວນຫຼາຍ

by somchan

ກອງ​ປະຊຸມ​ສະ​ໄໝ​ສາມັນ ​ເທື່ອ​ທີ່3 ຂອງ​ສະພາ​​ແຫ່ງຊາດ ຊຸດ​ທີ່ 8 ​ໃນ​ວັນ​ທີ 4 ພຶດສະພາ 2017 ​ໂດຍ​ການ​ເປັນ​ປະ​ທານ​ຂອງ ທ່ານ ສົມ​ພັນ ​ແພງ​ມະນີ ຮອງ​ປະທານ​ສະພາ​ແຫ່ງ​ຊາດ, ບັນດາ​ສະມາຊິກ​ສະພາ​ແຫ່ງ​ຊາດ ​ໄດ້​ຮັບ​ຟັງ​ການ​ນຳ​ສະ​ເໜີ ພ້ອມ​ທັງ​ໄດ້​ຄົ້ນຄວ້າ, ປະກອບ​ຄຳ​ເຫນ, ພິຈາລະນາ ​ແລະ ລົງ​ຄະ​ແນນ​ສຽງ ​ເຫັນ​ດີ​ຮັບຮອງ​ເອົາ​ຮ່າງ​ກົດໝາຍ ທີ່​ສ້າງ​ຂື້ນ​ໃໝ່ ຄື ກົດໝາຍ​ວ່າ​ດ້ວຍ ສິລະ​ປະການ​ສະ​ແດງ ດ້ວຍ​ຄະ​ແນນ​ສຽງ 107 ສຽງ ຈາກ​ສະມາຊິກ​ສະພາ​ແຫ່ງ​ຊາດ​ທັງ​ໝົດ 117 ທ່ານ. (more…)

Off
27th Apr2017

ການປະຕິບັດ ບັນດາວຽກຈຸດສຸມ ຂອງລັດຖະບານ ໃນ 6 ເດືອນຜ່ານມາ ມີຜົນສຳເລັດທີ່ພົ້ນເດັ່ນຫຼາຍດ້ານ

by somchan

ທ່ານ ທອງ​ລຸນ ສີ​ສຸ​ລິດ ນາຍຍົກ​ລັດຖະມົນຕີ ​ໄດ້​ລາຍ​ງານ​ການຈັດ​ຕັ້ງ​ປະຕິບັດ ບັນດາ​ວຽກ​ງານ​ຈຸດ​ສຸມ ຂອງ​ລັດຖະບານ ​ໃນ​ໄລຍະ 6 ​ເດືອນ​ຜ່ານ​ມາ ຕໍ່​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ່ 3 ຂອງ​ສະພາ​ແຫ່​ງຊາດ​ຊຸດ​ທີ່ VIII ​ໃນ​ວັນ​ທີ 25 ​ເມສາ 2017 ນີ້ ​ເຊິ່ງທ່ານ​ໄດ້​ກ່າວ​ວ່າ ​ໄລຍະ 6 ​ເດືອນ​ຜ່ານ​ມາ ​ເປັນ​ໄລຍະ​ທີ່​ປະຕິບັດ​ແຜນ 3 ​ເດືອນ​ຂ້າມ​ຜ່ານ​ທ້າຍ​ປີ 2016 ​ແລະ ​ເລີ່​ມປີ​ງົບ​ປະມານ 2017 ງວດ​ທີ່ I ຕາມ​ປີ​ປະຕິທິນ ລັດຖະບານ​ໄດ້​ສຸມ​ໃສ່​ປະຕິບັດ​ວຽກ​ງານ​ສຳຄັນ​ເຊັ່ນ: ການ​ຄຸ້ມ​ຄອງ​ເສດຖະກິດ​ມະຫາ​ພາກ ​ໃຫ້​ມີ​ສະຖຽນ​ລະ​ພາບ ​ແລະ ໜັ້ນທ່ຽງ, ​ໄດ້​ປັບປຸງການ​ຄຸ້ມ​ຄອງ ລະບົບ​ການ​ເງີ​ນ-ງົບປະມານ ​ໃຫ້​ເຂັ້ມ​ງວດ​ຂື້ນ, ​ໄດ້​ສືບ​ຕໍ່​ຄຸ້ມ​ຄອງ​ເງີ​ນຕາ ​ໃຫ້​ມີ​ສະຖຽນ​ລະ​ພາບ, ​ໄດ້​ອະນຸມັດ​ງົບປະມານ 400 ຕື້​ກີບ ເພື່ອແກ້ໄຂໜີ້ສິນໂຄງການລົງທືນຂອງລັດ ແລະ 300 ຕື້ກີບ ເພື່ອແກ້ໄຂໜີ້ພັນທະບັດ ເພື່ອສ້າງເງື່ອນໄຂໃຫ້ພາກທຸລະກິດ ສືບຕໍ່ເຄື່ອນໄຫວວຽກງານຂອງຕົນ; ໄດ້ກະກຽມດຳເນີນການ ຄົ້ນຄວ້າປັບປຸງ ລັດວິສາຫະກິດໄຟຟ້າລາວ, ລັດວິສາຫະກິດການບິນລາວ ພ້ອມດ້ວຍບາງບໍລິສັດ ເຊິ່ງເປັນລັດວິສາຫະກິດຂະໝາດໃຫ່ຍ ແລະ ມີລັກສະນະຍຸດທະສາດ ໄດ້ກຳນົດ ແລະ ຈັດແບ່ງວິສາຫະກິດຂະໜາດນ້ອຍ, ຂະໜາດກາງ, ໄດ້ສືບຕໍ່ປັບປຸງ ສະພາບແວດລ້ອມ ຂອງການດຳເນີນທຸລະກິດ ໄປຄຽງຄູ່ກັບການ ປັບປຸງຂະບວນການປຶກສາຫາລື ດ້ານນະໂຍບາຍ ນິຕິກຳ ແລະ ກົນໄກການປະສານງານ ລະຫວ່າງພາກລັດ ແລະ ທຸລະກິດ, ໄດ້ຊຸກຍູ້ການຈັດຕັ້ງປະຕິບັດ ບັນດາໂຄງການ ລົງທຶນຂະໜາດໃຫ່ຍ ເຊິ່ງຈະປະກອບສ່ວນສູງ ໃນການພັດທະນາ ເຊັ່ນ: ໂຄງການທາງລົດໄຟ ລາວ-ຈີນ, ໂຄງການຂະຫຍາຍທາງລົດໄຟ ລາວ – ໄທ, ໂຄງການລົງທືນພັດທະນາ ທ່າທາງບົກ ຢູ່ແຂວງສະຫວັນນະເຂດ, ໂຄງການປັບປຸງສະໜາມບິນສາກົນວັດໄຕ ແລະ ອື່ນໆ, ໄດ້ເອົາໃຈໃສ່ ວຽກງານຂຸດຄົ້ນນຳໃຊ້ຊັບພະຍາກອນ ທຳມະຊາດ ແລະ ປົກປັກຮັກສາສິ່ງແວດລ້ອມ, ໄດ້ຕັ້ງບັນຫາ ແລະ ຄົ້ນຄວ້າປັບປຸງ ນະໂຍບາຍທີ່ດິນແຫ່ງຊາດ ໃຫ້ເປັນມະຕິຂອງພັກ, ໄດ້ເອົາໃຈໃສ່ພັດທະນາ ວັດທະນະທຳ-ສັງຄົມ, ໄດ້ປັບປຸງກົນໄກບໍລິຫານລັດ ໃຫ້ກະທັດຮັດ, ໜັກແໜ້ນ ແລະ ກົມກຽວກັນຫຼາຍຂື້ນ. ພ້ອມທັງໄດ້ສັງລວມ ເກັບກຳ ຮັບຟັງຄຳຄິດເຫັນຂອງປະຊາຊົນ ແລະ ພາກທຸລະກິດ ເພື່ອປັບປຸງການຄຸ້ມຄອງ ການບໍລິຫານລັດ ໃຫ້ວ່ອງໄວ, ໂປ່ງໃສ ແລະ ມີປະສິດທິຜົນ.

ຜ່ານການຈັດຕັ້ງ ປະຕິບັດບັນດາວຽກງານຈຸດສຸມ ດັ່ງກ່າວນັ້ນ ລັດຖະບານໄດ້ຕີລາຄາ ແລະ ຄິດໄລ່ການເຕີບໂຕ ຂອງເສດຖະກິດແຫ່ງຊາດ ຕາມປີປະຕິທິນ ໝົດປີ 2016 ເຫັນວ່າການເຕີບໂຕຂອງລວມຍອດຜະລິດຕະພັນ ພາຍໃນ (GDP) ບັນລຸ​ໄດ້ 7,02% ຫຼື ມີມູນ​ຄ່າ 129,279 ຕື້​ກີບ ສະ​ເລ່ຍຕໍ່​ຫົວ​ຄົນ​ບັນລຸ​ໄດ້ 2,408 ​ໂດ​ລາ​ສະຫະລັດ; ນອກ​ນີ້​ຄອບຄົວ​ທຸກ​ຍາກ ຍັງ​ໄດ​ຫຼຸດ​ລົງ​ຈາກ 6,59% ​ໃນ​ປີ 2015 ຍັງ​ເຫຼືອ 6,3% ​ໃນ​ປີ 2016.

 

Off
26th Apr2017

ກອງປະຊຸມ ສະໄໝສາມັນ ເທື່ອທີ່ 3 ຂອງ ສະພາແຫ່ງຊາດ ຊຸດທີ່ VIII ໄຂຂຶ້ນຢ່າງ ເປັນທາງການ

by somchan

ກອງ​ປະຊຸມ ສະ​ໄໝ​ສາມັນ ​ເທື່ອ​ທີ່ 3 ຂອງ​ ສະພາ​ແຫ່ງ​ຊາດ ຊຸດ​ທີ່ VIII ​ໄດ້​ໄຂ​ຂື້ນ​ໃນ ວັນ​ທີ 25 ​ເມສາ 2017 ນີ້ ​ໂດຍ​ການ​ເປັນ​ປະທານ​ຂອງ​ທ່ານ ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ, ​ໂດຍ​ການ​ເຂົ້າ​ຮ່ວມ​ຂອງ ທ່ານ ບຸນ​ຍັງ ວໍລະ​ຈິດ ປະທານ​ປະ​ເທດ ພ້ອມ​ດ້ວຍ​ການ​ນຳ​ຂັ້ນ​ສູງ ພັກ-​ລັດ ພະນັກງານ ອາວຸ​ໂສ​ບຳນານ ​ແລະ ສະມາຊິກ ສະພາ​ແຫ່ງ​ຊາ​ດ ​ເຂົ້າ​ຮ່ວມ. (more…)

Off