ເຫດການຄາດຕະກຳ ຢູ່ເສັ້ນທາງເລກ ທີ 11

ພັທ ຄຳຫຼ້າ ພົມມະສານ ຫົວໜ້າກອງບັນຊາການ ປກສ ເມືອງ ສີໂຄດຕະບອງ ນະຄອນຫຼວງວຽງຈັນ ໄດ້ໃຫ້ສຳພາດຕໍ່ກັບເຫດການຄາດຕະກຳ ຢູ່ເສັ້ນທາງເລກທີ 11 ເຂດບ້ານ ຫ້ອຍຫ້ອມ ເມືອງສີໂຄດຕະບອງ ນະຄອນຫຼວງວຽງຈັນ ໃນຄັ້ງວັນທີ 8 ກໍລະກົດ 2020 ເຮັດໃຫ້ມີຜູ້ເສຍຊີວິດ 1 ຄົນຄື: ທ້າວ ທອງຈັນ ອາຍຸ 19 ປີ ນັກຮຽນ ຢູ່ບ້ານ ຊໍ້ ເມືອງສັງທອງ ນະຄອນຫຼວງວຽງຈັນ ເຊີ່ງມາຮອດປະຈຸບັນ ເຈົ້າໜ້າທີ່ຕຳຫຼວດສາມາດກັກຕົວຜູ້ຕ້ອງຫາໄດ້ 2 ຄົນ ແລະ ຍັງສືບຕໍ່ຂະຫຍາຍຜົນ ຫາຜູ້ຮ່ວມຂະບວນການຄາດຕະກຳໃນຄັ້ງນີ້, ເຊີ່ງລາຍລະອຽດໃນການແກ້ໄຂຄະດີ ພັທ ຄຳຫຼ້າ ພົມມະສານ ຫົວໜ້າກອງບັນຊາການ ປກສ ເມືອງສີໂຄດຕະບອງໄດ້ໃຫ້ຮູ້ຕືມ.

ແລະ ຂ່າວຍັງໃຫ້ຮູ້ຕືມວ່າ:

ສ່ວນເຫດການທີ່ມີກຸ່ມໄວລຸນອາລະວາດຕີກັນ ຢູ່ສະຖານທີທ່ອງທ່ຽວຕາດວັງນ້ຳເຜີ້ງ ເຂດບ້ານ ຈຳປາ ເມືອງ ສີໂຄດຕະບອງ ນະຄອນຫຼວງວຽງຈັນ ໃນວັນທີ 5 ກໍລະກົດ 2020 ຕໍ່ກັບເຫດການດັ່ງກ່າວ ພັທ ຄຳຫຼ້າ ພົມມະສານ ຫົວໜ້າກອງບັນຊາການ ປກສ ເມືອງສີໂຄດຕະບອງ ໄດ້ຊີ້ແຈງໃຫ້ຮູ້ວ່າ:

ຄະດີຄາດຕະກຳປຸ້ນຊັບ ຢູ່ເມືອງຕົ້ນເຜີງ ແຂວງບໍ່ແກັວ ເສຍຊີວິດ 4 ຄົນ

ໃນວັນທີ 7 ກໍລະກົດ 2020 ໄດ້ເກີດເຫດຄົນຮ້າຍ ໃຊ້ປືນສັ້ນ ປຸ້ນຊັບຢູ່ເຮືອນເຊົ່າແຫ່ງໜືງ ເຂດ ບ້ານ ຄວັານເກົ່າ ເມືອງຕົ້ນເຜີງ ແຂວງ ບໍ່ແກ້ວ ເຮັດໃຫ້ມີຜູ້ເສຍຊີວິດ 4 ຄົນ ແລະ ບາດເຈັບ 1 ຄົນ.

ຕາມການລາຍງານຂອງເຈົ້າໜ້າທີ ປກສ ແຂວງ ບໍ່ແກ້ວໃຫ້ຮູ້ວ່າ: ຜູ້ເສຍຊີວິດ 4 ຄົນມີ: ທ້າວ ໂຣຊິນຫົງ, ທ້າວ ສີພູກາງ, ທ້າວ ຫຼິຢູ່ຊິນ ທັງ 3 ອາຍຸ 33 ປີ ແລະ ທ້າວ ຢາງ ຝິງຊາ ອາຍຸ 31 ປີ ແລະ ຜູ້ໄດ້ຮັບບາດເຈັບແມ່ນ ນາງ ລີລີ ອາຍຸ 34 ປີ ທັງໝົດແມ່ນສັນຊາດຈີນ ພັກເຊົາຢູ່ ບ້ານ ຄວັານເກົ່າ ເມືອງ ຕົ້ນເຜີງ ແຂວງ ບໍ່ແກັວ ພາຍຫຼັງເກີດເຫດເຈົ້າໜ້າທີຕຳຫຼວດ, ທະຫານແລະພະນັກງານຮັກສາຄວາມປອດໄພ ປະຈຳຈຸດດັ່ງກ່າວ ໄດ້ສົມທົບກັນລົງຕິດຕາມກວດກາມາຮອດວັນທີ 8 ກໍລະກົດ 2020 ຈືງສາມາດກັກຕົວຜູ້ກໍ່ເຫດໄດ້ ຊື່ ທ້າວ ຢິນອາເຊິງ ອາຍຸ 58 ປີ ສັນຊາດຈີນ ໃນຄະນະທີຜູ້ກ່ຽວກຳລັງເອົາຕົວຫຼົບໜີ ຢູ່ເຂດບ້ານນ້ຳເກີ່ງໃໝ່ ພ້ອມຂອງກາງປືນສັ້ນ 9 ມມ ຈຳນວນ 1 ກະບອກ, ລູກກະສູນ 10 ລູກ, ອຸປະກອນເກັບລຽງປືນ 1 ອັນ ພ້ອມເງີນທີປຸ້ນມາຈຳນວນ 807.600 ຢວນ, ເງີນບາດ 58.500 ບາດ ແລະ ຫຼຽນຄາຊີໂນຈຳນວນ 4 ອັນ ຕີເປັນມູນຄ່າ 112,000 ຢວນ

ປະຈຸບັນເຈົ້າໜ້າທີ ພວມດຳເນີນຄະດີຕາມຂັ້ນຕອນຂອງລະບຽບກົດໝາຍ.

ປກສ ນະຄອນໄກສອນພົມວິຫານ ກັກຕົວຜູ້ຄ້າຂາຍຢາເສບຕິດ ໄດ້ 04 ຄົນ

ປກສ ນະຄອນໄກສອນພົມວິຫານ ກັກຕົວຜູ້ຄ້າຂາຍ ຢາເສບຕິດ ໄດ້ 04 ຄົນ ພ້ອມຂອງກາງຢາບ້າ 208 ມັດ ກັບອີກ 15 ຖົງ ເທົ່າກັບ 419,000 ເມັດ, ລົດໃຫຍ່ 02 ຄັນ ວັດຖຸຊັບສີນອື່ນໆ ທີພົວພັນກັບຢາເສບຕິດ ຜູ້ຕ້ອງຫາທັງ 4 ຄື: ນາງ ຂັນທະລີຫຼື ແອ້ວ ອາຍຸ 45 ປີ, ທ້າວ ວົງພະຈັນ ຫຼື ຫຳ ອາຍຸ 45 ປີ ທັງສອງຢູ່ບ້ານ ຫ້ວຍໃຜ່ ນະຄອນໄກສອນພົມວິຫານ ແຂວງສະຫວັນນະເຂດ, ທ້າວ ສຸລິກາ ອາຍຸ 57 ປີ ຢູ່ບ້ານໜອງບົວທ່າ ເມືອງສອງຄອນ ແຂວງສະຫວັນນະເຂດ ແລະ ນາງ ອຳໄພສິດ ຫຼື ພອຍນ້ອຍ ອາຍຸ 22 ປີ ຢູ່ບ້ານຫົວເມືອງໃຕ້ ນະຄອນໄກສອນພົມວິຫານ ແຂວງສະຫວັນະເຂດ. (more…)

ກັກຕົວພວກຄ້າ-ຂາຍຢາເສບຕິດໄດ້ 3 ຄົນພ້ອມຂອງກາງຢາບ້າ 12 ມັດ

ໃນທ້າຍອາທິດຜ່ານມານີ້ ເຈົ້າໜ້າທີຕຳຫຼວດພະແນກ ສະກັດກັ້ນ ແລະ ຕ້ານຢາເສບຕິດ ປກສ ເມືອງ ປະທຸມພອນ ແຂວງ ຈຳປາສັກ ໄດ້ສົມທົບກັບພາກສ່ວນທີ່ກ່ຽວຂ້ອງ ມ້າງຄະດີຄ້າ-ຂາຍຢາເສບຕິດ ຢູ່ເຂດບ້ານໜອງໝາກເອກ ເມືອງ ປະທຸມພອນ ລາຍລະອຽດນັກຂ່າວ ປກສ ແຂວງ ຈຳປາສັກລາຍງານ

 

ກັກຕົວພວກຄ້າ-ຂາຍຢາເສບຕິດໄດ້ 3 ຄົນ ພ້ອມຂອງກາງຢາບ້າໄດ້ 30 ມັດ

ເມື່ອບໍ່ດົນມານີ້ ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ ຈຳປາສັກ ໄດ້ກັກຕົວກຸ່ມແກ້ງ ເຄື່ອນໄຫວຄ້າ-ຂາຍຢາເສບຕິດໄດ້ 3 ຄົນ ພ້ອມຍືດຢາບ້າໄດ້ 30 ມັດ ເທົ່າກັບ 60 000 ເມັດ

 

ສານປະຊາຊົນ ແຂວງສະຫວັນນະເຂດ ຕັດສິນປະທານຊີວິດ ຜູ້ຄ້າຂາຍຢາເສບຕິດ

ໃນວັນທີ 8 ມິຖຸນາ 2020 ນີ້ ຄະນະສານອາຍາ ສານປະຊາຊົນ ແຂວງສະຫວັນນະເຂດ ໄດ້ຕັດສິນລົງໂທດ ປະຫານຊີວິດ ທ້າວ ສົມຫວັງ ອາຍຸ 35 ປີ ຢູ່ບ້ານຕັ້ງຫວາຍໂສກ ເມືອງຊົນນະບູລີ ແຂວງສະຫວັນນະເຂດ ໃນຂໍ້ຫາ ຄ້າຂາຍຢາເສບຕິດ. ຖືກເຈົ້າໜ້າທີ່ກັກຕົວໄດ້ ໃນວັນທີ 11 ພຶດສະພາ 2018 ພ້ອມຂອງກາງ ຢາບ້າ 113,600 ເມັດນ້ຳໜັກ 10 ກວ່າ ກິໂລກາຣາມ, (more…)

ມ້າງກຸ່ມເປົ້າໝາຍຄ້າຂາຍຢາເສບຕິດ ພ້ອມຢາບ້າ 15,000 ກວ່າເມັດ, ຢາໄອ 5 ຖົງ.

ເຈົ້າໜ້າທີ່ຕຳຫຼວດພະແນກສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ແຂວງຈຳປາສັກ ໄດ້ລົງມ້າງກຸ່ມເປົ້າໝາຍຄ້າຂາຍຢາເສບຕິດ ຢູ່ເຂດບ້ານຈັດສັນ ນະຄອນປາກເຊ ແລະ ບ້ານໜອງນ້ຳຂາວ ເມືອງບາຈຽງຈະເລີນສຸກ ແຂວງຈຳປາສັກ ກັກຕົວຜູ້ຖືກຫາໄດ້ 4 ຄົນ ພ້ອມຢາບ້າ 15,000 ກວ່າເມັດ, ຢາໄອ 5 ຖົງ.

ກັກຕົວເປົ້າໝາຍຄ້າ-ຂາຍ ຢາເສບຕິດ 2.000 ກວ່າເມັດ

ວາງບໍ່ດົນມານີ້ ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງໄຊຍະບູລີ ໄດ້ກັກຕົວທ້າວ ວາ ເຮີ ອາຍຸ 21 ປີ ອາຊີບປະຊາຊົນ ບ້ານລາວສະໂນ ເມືອງຊຽງຮ່ອນ ແຂວງໄຊຍະບູລີ ພ້ອມຂອງກາງ ຢາບ້າຈໍານວນ 2.080 ເມັດ ລົດຈັກຮອນດາ ເວບໄອ້ ສີດໍາ – ແດງ ບໍ່ມີໝາຍເລກທະບຽນ 01 ຄັນ ໂທລະສັບ 01 ເຄື່ອງ ເງິນກີບ 200,000 ກີບ, ເງິນໂດລາ 2 ໂດລາ ໂມງໃສ່ແຂນ 1 ໜ່ວຍ ສາຍຄໍຄ້າຍຄືເງິນ 1 ເສັ້ນ

ຂ່າວຍັງໃຫ້ຮູ້ຕື່ມວ່າ ໃນກາງພຶດສະພາ  ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງໄຊຍະບູລີ ໄດ້ກັກຕົວນາງ ສົມໝີ ທໍ ອາຍຸ 44 ປີ ອາຊີບປະຊາຊົນບ້ານລ້ອງປໍ ເມືອງໄຊຍະບູລີ ແຂວງໄຊຍະບູລີ ພ້ອມດ້ວຍຂອງກາງຢາບ້າ 453 ເມັດ ອຸປະກອນເສບຢາບ້າ 01 ຊຸດ, ລົດຈັກ 1 ຄັນ ຍີ່ຫໍ້ຈົ່ງເຊີນ ສີດໍາ – ແດງ ໝາຍເລກທະບຽນ ຈຂ 9073 ໄຊຍະບູລີ  ໂທລະສັບ 01 ເຄື່ອງ ເງິນກີບ 1.000.000 ກີບ

ປະຈຸບ້ນ ຄະດີທ້ງສອງລາຍນີ້ ເຈົ້າໜ້າທີພວມດຳເນີນຄະດີຕາມລະບຽບກົດໝາຍ

ໄຟໄໝ້ເຮືອນປະຊາຊົນເສຍຫາຍ 58 ລ້ານກ່ວາກິບ

ໃນເວລາ 08 ໂມງ ຂອງ ວັນທີ 24 ພຶດສະພາ 2020 ໄດ້ເກີດເຫດອັກຄີໄພ ໄຟໄໝ້ເຮືອນຂອງປະຊາຊົນ ຢູ່ເມືອງເກົ່າ ເມືອງແກ່ນທ້າວ ແຂວງໄຊຍະບູລີ ເຊີ່ງເປັນເຮືອນ 2 ຊັ້ນ ເຄີ່ງໄມ້,ເຄີ່ງປູນ.

ຜ່ານການລົງເກັບກຳຕົວຈິງ ຂອງເຈົ້າໜ້າທີ່ ໃຫ້ຮູ້ວ່າ: ສາເຫດຂອງການເກີດອັກຄີໄພໃນຄັ້ງນີ້ ແມ່ນເກີດຈາກໄຟ້າລັດວົງຈອນ ເນື່ອງຈາກວ່າເຄື່ອງໃຊ້ໄຟ້າພາຍໃນເຮືອນ ໂດຍສະເພາະແມ່ນສາຍໄຟ ມີອາຍຸການນຳໃຊ້ຫຼາຍປີ ເຮັດໃຫ້ເກົ່າຊຸດໂຊມ, ສ່ວນຜົນເສຍຫາຍເບື້ອງຕົ້ນ ມີເຮືອນເສຍຫາຍເຄີ່ງຫຼັງ, ເງີນ 50,000 ບາດ, ແອ 1 ໜ່ວຍ ແລະ ເຄື່ອງນຸ່ງຮົມຈຳນວນໜືງ, ລວມມູນຄ່າເສຍຫາຍທັງໝົດ 58,900,000 ກິບ ແລະ ເຫດການອັກຄີໄພໃນຄັ້ງນີ້ ບໍ່ມີຜູ້ໄດ້ຮັບບາດເຈັບ ແລະ ເສຍຊີວິດ.

ສານປະຊາຊົນແຂວງສາລະວັນຕັດສິນປະຫານຊີວິດ5ຊາຍຮ່ວມຄິດຄ້າ-ຂົນສົ່ງຢາບ້າ 50 ເມັດລຽບຊາຍແດນ

ໃນວັນທີ່ 20 ພຶສະພາ ນີ້ສານປະຊາຊົນແຂວງສາລະວັນ ໄດ້ຕັດສິນປະຫານຊີວິດຈຳເລີຍ 5 ຄົນ ເຄື່ອນໄຫວຄ້າ-ຂາຍ ທີ່ຂົນສົ່ງຢາເສບຕິດ ຢາບ້າຈຳນວນ 25 ມັດເທົ່າກັບ 50,000 ເມັດ ,ຢາໄອ 1 ກິໂລກຣາມ, ຢາອີ 18 ເມັດ ແລະ ເຄຕາມິນ 1 ຖົງ, ປືນສັ້ນ 2 ກະບອກ ທີ່ກະເຈົ້າມີໄວ້ໃນຄອບຄອງ (more…)