11th Jan2019

ປກສ ແຂວງ ໄຊຍະບູລີ ເລີກຮື້ກຸ່ມແກ້ງຂະຫຍາຍຢາເສບຕິດຍຶດຂອງກາງຢາບ້າ 80.000 ກວ່າເມັດ

by somchan

ທ້າຍເດືອນທັນວາ 2018 ຜ່ານມານີ້, ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດຫ້ອງຕໍາຫຼວດ ປກສ ແຂວງ ໄຊຍະບູລີ ໄດ້ສົມທົບກໍາລັງວິຊາສະເພາະ ຂອງກອງບັນຊາການ ປກສ ເມືອງພຽງ ແລະ ປກສ ເມືອງເງິນ. ດໍາເນີນການເລີກຮື້ເປົ້າໝາຍຄ້າຂາຍຢາເສບຕິດສາມາດແກ້ໄຂເປົ້າໝາຍທີ່ເປັນເຄື່ອຂ່າຍກຸ້ມແກ້ງດຽວກັນ ມາດໍາເນີນຄະດີຕາມລະບຽບກົດໝາຍຄື ໄດ້ 5 ຄົນ                 ພ້ອມຂອງກາງຢາເສບຕິດທັງໝົດ 89,000 ກວ່າເມັດ ແລະ ເຄື່ອງອື່ນໆອີກຫຼາຍລາຍການ ເຈົ້າໜ້າທີ່ໄດ້ໃຫ້ຮູ້ວ່າ ໃນເວລາ 21:00 ໂມງ ຂອງວັນທີ 30 ທັນວາ 2018 ໄດ້ກັກຕົວທ້າວ ຊື່ຊົງ ອາຍຸ 32 ປີ ແລະ ທ້າວ ໃຈຊົງ ອາຍຸ 24 ປີ ທັງສອງຄົນຢູ່ ບ້ານນໍ້າປຸຍ ເມືອງພຽງ ແຂວງ ໄຊຍະບູລີ ເຊິ່ງພວກກ່ຽວກຳລັງຂົນສົ່ງຢາເສບຕິດ ພ້ອມວັດຖຸຂອງກາງຢາເສບຕິດ ປະເພດຢາບ້າທີ່ຊຸກເຊື່ອງໄວ້ຢູ່ໃນກະບະລົດໃຫ່ຍ ຈໍານວນ 5 ມັດ ເທົ່າກັບ 10.000 ເມັດ ໂທລະສັບມືຖື 02 ເຄື່ອງ ເງິນກີບ 1.200.000 ກີບ , ເງິນບາດ 500 ບາດ, ລົດຈັກ 01 ຄັນ ຍີ່ຫຍໍ້ HONDA ເວບ 100 ສີປອນດໍາ ໝາຍເລກທະບຽນ ຈຍ 2939 ໄຊຍະບູລີ, ລົດກະບະສີ່ປະຕູ 01 ຄັນ ຍີ່ຫຍໍ້ ແດຣັນ ສີຂາວ; ບໍ່ມີໝາຍເລກທະບຽນ ຈາກນັ້ນໃນເວລາຕໍ່ມາເຈົ້າໜ້າທີ່ຈຶ່ງເຂົ້າກວດຄົ້ນເຮືອນ ຂອງທ້າວ ໃຈຊົງ. ໄດ້ພົບເຫັນວັດຖຸຂອງກາງຢາບ້າເພີ່ມຕື່ມ 1,595 ເມັດ ເຈົ້າໜ້າທີ່ຈິ່ງນຳຕົວພວກກ່ຽວມາສືບສວນ – ສອບສວນ. ຕໍ່ມາຮອດວັນທີ 1 ເດືອນ ມັງກອນ 2019 ເຈົ້າໜ້າທີ່ສາມາດຂະຫຍາຍຜົນ, ກັກຕົວເປົ້າໝາຍທີ່ຮ່ວມຂະບວນການດຽວກັນຄື: ທ້າວ ຜາຫວາ ອາຍຸ 31 ປີ ແລະ ທ້າວ ພາທໍ່ ອາຍຸ 30 ປີ ທັງສອງຄົນຢູ່ ບ້ານ ປົ່ງແປ້ນ ເມືອງ ຊຽງຮ່ອນ ແຂວງ ໄຊຍະບູລີ ຍຶດໄດ້ວັດຖຸຂອງກາງຢາເສບຕິດປະເພດ ( ຢາບ້າ ) ຈໍານວນ 14 ມັດ ເທົ່າກັບ 28.000 ເມັດ, ໂທລະສັບມືຖື 03 ເຄື່ອງ, ເງິນກີບ 9.720.000 ກີບ , ເງິນບາດ 6.600 ບາດ, ສາຍຄໍຄ້າຍຄືຄໍາ 01 ເສັ້ນ ນໍ້າໜັກ 29 ກຼາມ , ລົດຈັກ 02 ຄັນ ຍີ່ຫຍໍ້ ຮອນດາຄິກໄອ 125 ສີຂາວສົ້ມ, ໝາຍເລກທະບຽນ ຈຍ 6773 ໄຊຍະບູລີ. ຮອດເວລາ 15 ໂມງ 00 ນາທີ ຂອງວັນດຽວກັນ ເຈົ້າໜ້າທີ່ໄດ້ສືບຕໍ່ດໍາເນີນການສືບສວນ – ສອບສວນ ສາມາດຂະຫຍາຍຜົນຫາກຸ່ມແກ້ງເຄືອຂ່າຍດຽວກັນທີ່ກໍາລັງເຄື່ອນໄຫວຢູ່ຂອບເຂດເທດສະບານເມືອງເງິນ ແຂວງໄຊຍະບູລີ, ໂດຍສົມທົບກັບກໍາລັງວິຊາສະເພາະຂອງ ປກສ ເມືອງເງິນລົງເຄື່ອນໄຫວຕິດຕາມ ກໍ່ສາມາດເຂົ້າກັກເປົ້າໝາຍໄດ້ເພີ່ມອີກ 01 ຄົນຄື: ທ້າວ ວາ ປໍວາ ອາຍຸ 43 ປີ ຢູ່ບ້ານຊຽງຕອງ, ເມືອງປາກທາ ແຂວງບໍ່ແກ້ວ ຍຶດໄດ້ຂອງກາງຢາເສບຕິດ ປະເພດ ( ຢາບ້າ ) ທີ່ຊຸກເຊື່ອງໄວ້ຢູ່ໃນກະບະລົດໃຫ່ຍ ຈໍານວນ 25 ມັດ ເທົ່າກັບ 50.000 ເມັດ ໂທລະສັບມືຖື 01 ເຄື່ອງ, ສາຍຄໍສີເຫຼືອງຄ້າຍຄືຄໍາ 01 ເສັ້ນ, ນໍ້າໜັກ 45, 22 ກຼາມ, ລົດກະບະຍີ່ຫຍໍ້ ໂຕໂຢຕາ ລີໂວ ໝາຍເລກທະບຽນ ກກ 3901 ອຸດົມໄຊ ເຈົ້າໜ້າທີ່ຈຶ່ງໄດ້ນໍາຕົວຜູ່ກະທໍາຜິດ ພ້ອມທັງຮີບໂຮມວັດຖຸຂອງກາງທັງໝົດມາດໍາເນີນຄະດີຕາມລະບຽບກົດໝາຍ.

Off
11th Jan2019

ຈັບຕົວຜູ້ຖືກຫາພ້ອມຂອງກາງຢາບ້າ 51 ມັດ

by somchan

ວັນທີ 10 ມັງກອນ 2019 ທາງ ເຈົ້າໜ້າທີ່ພະເເນກຕຳຫລວດສະກັດກັ້ນເເລະຕ້ານຍາເສບຕີດແຂວງ ສະຫວັນນະເຂດ ສາມາດຈັບຕົວເປົ້າໝາຍຄ້າຂາຍຢາເສບຕິດໄດ້ 1 ຄົນ ພ້ອມຂອງກາງຢາເສບຕິດ 51 ມັດ ເທົ່າກັບ 10,2000 ເມັດ ຜູ້ກະທຳຜິດຄື: ທ້າວ ບຸນທະວີ ທິດທິພອນ ຫລື ວີ ອາຍຸ 29 ປີ ຢູ່ບ້ານແກ້ວວິໄລ ເມືອງ ວິລະບູລີ ແຂວງສະຫວັນນະເຂດ ເຈົ້າໜ້າທີ່ໃຫ້ຮູ້ວ່າ: ໄດ້ຮັບລາຍງານວ່າ ຄົນບໍ່ດີຈຳນວນໜື່ງ ກຳລັງເຄື່ອນໄຫວຄ້າຂາຍຢາເສບຕີດ ຍາບ້າ ຢູ່ຂອບເຂດບ້ານບືງວະ ນະຄອນໄກສອນພົມວິຫານ ແຂວງ ສະຫວັນນະເຂດ ດັ່ງນັ້ນ ຈື່ງຈັດຕັ້ງກຳລັງເພື່ອງມ້າງລາຍຄະດີດັ່ງກ່າວ ສາມາດກັກຕົວຜູ້ກະທຳຜິດໄດ້ 1 ຄົນ ພ້ອມຂອງກາງ ຈຳນວນ 05 ເເພັກ ທີ່ຊຸກເຊື່ອງໃວ້ໃນລົດ ຫລັງຈາກນັ້ນຈີ່ງສົມທົບກັບພະນັກງານພາກສ່ວນທີ່ກ່ຽວຂ້ອງ ເພື່ອເຂົ້າຮ່ວມກວດຄົ້ນເຮືອນທີ່ຜູ້ກ່ຽວເຊົ່າ ຢູ່ບ້ານໂນນສະຫວາດ ນະຄອນໄກສອນພົມວີຫານ ແຂວງ ສະຫວັນນະເຂດ ຜ້່ນການກວດຄົ້ນ ຈື່ງພົບເຫັນຢາບ້າຈຳນວນ 12 ເເພັກ ທີ່ຜູ້ກ່ຽວຊຸກເຊື່ອງໄວ້ ໃນຫ້ອງນອນຂອງຜູ້ກ່ຽວ , ຜ່ານການມ້າງລາຍຄະດີຄັ້ງນີ້ ສາມາດຢືດຂອງກາງຍາບ້າໄດ້ 17 ເເພັກ ເທົ່າກັບ 51 ມັດ ເທົ່າ 10,2000 ເມັດ ລົດໃຫຍ່ ໂຕໂຍຕ້າ ພຮາໂດ້ 01 ຄັນ ເລກທະບຽນ ຮສ 4888 ກຳແພງນະຄອນ  ໂທລະສັບ 02 ໜ່ວຍ ລູກປືນ 10 ລູກ ຜ່ານການສຶບສວນ ສອບສວນ ຜູ້ກ່ຽວສາລະພາບວ່າ ຢາບ້າຈຳນວນດັາງກ່າວ ແມ່ນຂອງຜູ້ກ່ຽວແທ້ ທີ່ຊື້ມາຈາກເພື່ອນຮວ່ມຂະບວນການ ເພື່ອມາຂາຍຕໍ່ເອົາກຳໄລ . (more…)

Off
10th Jan2019

ເຈົ້າໜ້າທີ່ ປກສ ແຂວງສະຫວັນນະເຂດ ກັກຕົວສາມຜູ້ຖືກຫາພ້ອມຢາບ້າ 10,000 ເມັດ

by somchan

 

ໃນວັນທີ່ 8 ມັງກອນ 2019 ຜ່ານມານີ້ເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດ ປກສ ແຂວງສະຫວັນນະເຂດໄດ້ກັກຜູ້ຖືກຫາ ຄ້າຂາຍຢາເສບຕິດ ພ້ອມຍືດຂອງກາງຢາບ້າ ຈຳນວນ 5 ມັດ ເທົ່າກັບ 10,000 ເມັດ, ລົດໃຫ່ຍ 01 ຄັນ, ໂທລະສັບ 03 ໜ່ວຍ, ປືນກະບອກ 01 ກະບອກ ແລະ ປືນກິລາອັດແກ໋ດ 01 ກະບອກ, ຜູ້ຖືກຫາທັງ 03 ຄົນຄື: ທ້າວ ແສງ ສຸລິຍາ ສີລາວີ ຫຼື ຕ້ອມ ອາຍຸ 24 ປີ ບ້ານດົງນາຄຳ, ທ້າວ ຊາຍ ຫຼື ຕາແບນ ອາຍຸ 21 ປີ ບ້ານທາດອີຮັງ ແລະ ທ້າວ ທອດ ອາຍຸ 23 ປີ ບ້ານດົງນາຄຳ ທັງສາມເປັນຄົນໄກສອນພົມວິຫານ.

(more…)

Off
20th Dec2018

ກັກຕົວຜູ້ຕ້ອງຫາພ້ອມຂອງກາງຢາບ້າ 9 ມັດ

by somchan

ເມືອບໍ່ດົນມານີ້ເຈົ້າໜ້າທີ່ຕຳຫຼວດ ປກສ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ກັກຕົວ ທ້າວ ແອ ອາຍຸ 37 ປີ ກຳມະກອນຢູ່ບ້ານສົມສະຫ່ງາ ເມືອງໄຊເສດຖາ ນະຄອນຫຼວງວຽງຈັນ ພ້ອມຢາບ້າ 9 ມັດ ເທົ່າກັບ 18 000 ເມັດ ໃນຄະນະຜູ້ກ່ຽວກຳລັງເຄື່ອນໄຫວ ສົ່ງຢາບ້າ ຢູ່ເຂດບ້ານໂຊກຄຳ ເມືອງໄຊເຊດຖາ ນະຄອນຫຼວງວຽງຈັນ ຜ່ານການສືບສວນ-ສອບສວນ ຜູ້ກ່ຽວໃຫ້ການວ່າ ຢາບ້າຈຳນວນດັ່ງກ່າວແມ່ນຂອງຜູ້ກ່ຽວແທ້ ປະຈຸບັນເຈົ້າໜ້າທີ່ຕຳຫຼວດ ພວມດຳເນີນຄະດີຜູ້ກ່ຽວຕາມຂັ້ນຕອນຂອງກົດໝາຍ

Off
13th Dec2018

ປກສ ແຂວງສະຫວັນນະເຂດມ້າງຄະດີ ຢາເສບຕິດໄດ້ 3 ເລື່ອງພ້ອມຂອງກາງ ຢາບ້າ 3 ໝື່ນກ່ວາເມັດ.

by somchan

 

ຫວ່າງບໍ່ດົນມານີ້ເຈົ້າໜ້າທີ່ພະແນກຕຳຫຼວດ ສະກັດກັ້ນ ແລະ ຕ້ານຢາເສບຕິດ ປກສ ແຂວງ ສະຫວັນນະເຂດສາມາດມ້າງຄະດີຢາເສບຕິດ ໄດ້ 3 ເລື່ອງຄື: ໃນວັນທີ 15 ມີນາ 2018 ໄດ້ກັກຕົວຜູ້ຄ້າຂາຍຢາເສບຕິດໄດ້ 2 ຄົນ ຄື: ທ້າວ ເຈ ອາຍຸ 35 ປີ ແລະ ທ້າວ ເພັດ ອາຍຸ 32 ປີ ທັງສອງຢູ່ ບ້ານ ຈອມເພັດ ເມືອງ ທ່າແຂກ ແຂວງ ຄຳມວນ ພ້ອມຂອງກາງຢາບ້າຈຳນວນ 1,382 ເມັດ ແລະ ໃນວັນທີ 15 ເມສາ 2018 (more…)

Off
28th Nov2018

ປກສ ແຂວງອຸດົມໄຊ ກັກຕົວເປົ້າໝາຍ ຄ້າ-ຂາຍ ຢາເສບຕິດ ພ້ອມຂອງກາງ ຢາບ້າ 210,000 ກວ່າເມັດ

by somchan

ໃນວັນທີ 18 ພະຈິກ 2018 ນີ້ ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງອຸດົມໄຊ ສາມາດກັກຕົວເປົ້າໝາຍຄ້າ-ຂາຍຢາເສບຕິດ ໄດ້ 2 ຄົນ ພ້ອມຢຶດຢາເສບຕິດ ປະເພດຢາບ້າ 210,000 ກວ່າເມັດ ໃນຄະນະທີ່ພວກກ່ຽວກຳລັງນັດຊື້-ຂາຍຢາເສບຕິດຢູ່ຄີວລົດໂດຍສານ ເຂດບ້ານນາເລົາ ເມືອງໄຊ ແຂວງອຸດົມໄຊ ຜູ້ຕ້ອງຫາຄື: ທ້າວ ປາໄຊວ້າ ຫຼື ໝູ ອາຍຸ 28 ປີ ຢູ່ບ້ານນ້ຳຖ້ວມ ເມືອງນ້ຳບາກ ແຂວງຫຼວງພະບາງ ແລະ ທ້າວ ເພັງຢາ ອາຍຸ 24 ປີ ບ້ານວັງໄຮ ເມືອງໄຊ ແຂວງອຸດົມໄຊ. (more…)

Off
23rd Nov2018

ການປ້ອງກັນງານບຸນນະມັດສະການ ພະທາດຫຼວງວຽງຈັນ 6 ວັນ ມີປະກົດການ ຫຍໍ້ທໍ້ເກີດຂື້ນ 27 ເລື່ອງ

by somchan

ພົຈວ ບຸບຜາ ສີພົມມາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ ໄດ້ໃຫ້ຮູ້ວ່າ ໂດຍຈັດຕັ້ງ ປະຕິບັດຕາມແຜນການປ້ອງກັນງານ ບຸນນະມັດສະການ ພະທາດຫຼວງວຽງຈັນ ແລະ ງານຕະຫຼາດນັດ ສູນການຄ້າລາວ – ໄອເຕັກ ປີ 2018 ນັບແຕ່ໄດ້ເອົາກຳລັງລົງປະຈຳການ ຢູ່ຕາມຈຸດຕ່າງໆທີ່ໄດ້ກຳນົດໄວ້ ເພື່ອຮັກສາຄວາມສະຫງົບ, ປອດໄພ, ຄວາມເປັນລະບຽບຮຽບຮ້ອຍ ແຕ່ວັນທີ 15 ມາຮອດ ວັນທີ 22 ພະຈິກນີ້ ແມ່ນສາມາດ ຮັກສາ ຄວາມສະຫງົບ ແລະ ຄວາມເປັນລະບຽບຮຽບຮ້ອຍ ໄດ້ໂດຍພື້ນຖານ ແຕ່ກໍ່ປາສະຈາກບໍ່ໄດ້ມີພວກຄົນບໍ່ດີ ສວຍໂອກາດກໍ່ຄວາມບໍ່ສະຫງົບ ຢູ່ໃນງານບຸນດັ່ງກ່າວ ໃນນີ້ມີປະກົດການຫຍໍ້ທໍ້ເກີດຂື້ນ 27 ເລື່ອງ ໃນນີ້ລັກຊັບ 4 ເລື່ອງ, ແຫກກະເປົາ 4 ເລື່ອງ, ລ່ວງກະເປົາ 19 ເລື່ອງ ແລະ ອື່ນໆ ເຈົ້າໜ້າທີ່ສາມາດມ້າງໄດ້ຈຳນວນໜຶ່ງ.

Off
22nd Nov2018

ຕັດສິນປະທານ ບໍລິສັດ ພີເອັສ ພ້ມພັກພວກ ທັງໝົດ 12 ຄົນ

by somchan

ໃນວັນທີ 21 ພະຈິກ 2018 ນີ້ ສານປະຊາຊົນ ນະຄອນຫຼວງວຽງຈັນ ໄດ້ຕັດສິນລົງໂທດ ນາງ ສຸກນາລີ ເທບສີເມືອງ ອາຍຸ 48 ປີ , ທ້າວ ປໍເຮີ ຫຼື ຈີເຮີ ອາຍຸ 53 ປີ ອາດີດປະທານ ບໍລິສັດພີເອັສ ແລະ ຜູ້ຮ່ວມຂະບວນການ ອີກ 10 ຄົນ ຖືກເຈົ້າໜ້າທີ່ກັກຕົວໃນວັນທີ 12 ກັນຍາ 2017 ຂໍ້ຫາສໍ້ໂກງຊັບຂອງພົນລະເມືອງ, ການຟອກເງີນ, ໂຄສະນາຕ້ານ ສປປ ລາວ, ການເຕົ້າໂຮມກຸ່ມຄົນປັ່ນປ່ວນ ແລະ ອື່ນໆ ໃນນີ້ມີຜູ້ເສຍຫາຍ ສອງແສນກວ່າຄົນ

ລວມມູນຄ່າ 1 ພັນ 4 ຮ້ອຍຕື້ກວ່າກີບ ຜ່ານການຄົ້ນຄວ້າສຳນວນຄະດີ ແລະ ຄຳຖະແຫຼ່ງຂອງໄອຍະການປະຊາຊົນນະຄອນຫຼວງວຽງຈັນ ສານຂັ້ນຕົ້ນນະຄອນຫຼວງວຽງຈັນ ໄດ້ຕັດສິນລົງໂທດ ທ້າວ ປໍເຮີ ແລະ ນາງ ສຸກນາລີ ຈຳຄຸກ 29 ປີ ປະຕິບັດໂທດ 15 ປີ ພ້ອມປັບໄໝເງີນມູນຄ່າ 4 ຕື້ກວ່າກີບ ແລະ ຕັດສິນລົງໂທດຜູ້ຮ່ວມຂະບວນການອີກ 10 ຄົນຄື: ທ້າວ ຈັນຄຳ ອາຍຸ 35 ປີ ຢູ່ບ້ານຈອມມະນີ ເມືອງໄຊເສດຖາ ຈຳຄຸກ 3 ປີ 3 ເດືອນ ປັບໄໝ 6 ລ້ານກີບ, ທ້າວ ໄມວັນ ອາຍຸ 31 ປີ ຢູ່ບ້ານ ຈອມມະນີ ເມືອງໄຊເສດຖາ ຈຳຄຸກ 2 ປີ 6 ເດືອນ ປັບໄໝ 5 ລ້ານກີບ, ທ້າວ ອານົງສັກ ອາຍຸ 33 ປີ ຢູ່ບ້ານ ຈອມມະນີ ເມືອງໄຊເສດຖາ ຈຳຄຸກ 12 ປີ 3 ເດືອນ ປັບໄໝ 7 ລ້ານກີບ, ທ້າວ ຄຳສິງ ອາຍຸ 30 ປີ ຢູ່ບ້ານຈອມມະນີ ເມືອງໄຊເສດຖາ ຈຳຄຸກ 3 ປີ 3 ເດືອນ ປັບໄໝ 7 ລ້ານກີບ, ທ້າວ ໄຊຊົ່ງ ອາຍຸ 25 ປີ ຢູ່ບ້ານຮ່ອງສຸພາບ ເມືອງໄຊເສດຖາ ຈຳຄຸກ 4 ປີ 9 ເດືອນ ປັບໄໝ 26 ລ້ານກີບ, ທ້າວ ບຸນທຳ ອາຍຸ 43 ປີ ຢູ່ບ້ານນາຊາຍທອງ ເມືອງນາຊາຍທອງ ຈຳຄຸກ 5 ປີ ປັບໄໝ 27 ລ້ານກີບ, ທ້າວ ແກ້ວ ອາຍຸ 46 ປີ ຢູ່ບ້ານໜອງປິງ ເມືອງຈັນທະບູລີ ຈຳຄຸກ 6 ປີ ປັບໄໝ 28 ລ້ານກີບ, ນາງ ຈັນສະໜອນ ອາຍຸ 45 ປີ ຢູ່ບ້ານຈອມມະນີ ເມືອງໄຊເສດຖາ ຈຳຄຸກ 5 ປີ ປັບໄໝ 27 ລ້ານກີບ , ທ້າວ ໄຊດວງສີ ອາຍຸ 38 ປີ ຢູ່ບ້ານ ທາດເມືອງ ເມືອງຊຳເໜືອ ແຂວງຫົວພັນ ຈຳຄຸກ 4 ປີ 6 ເດືອນ ປັບໄໝ 25 ລ້ານກີບ, ທ້າວ ໄຈເຮີ ອາຍຸ 44 ປີ ຢູ່ບ້ານ ນາປ່າໄຜ່ ເມືອງໝຶ່ນ ແຂວງວຽງຈັນ ຈຳຄຸກ 6 ປີ 6 ເດືອນ ປັບໄໝ 30 ລ້ານກີບ ພ້ອມທັງໃຫ້ພວກກ່ຽວຈ່າຍທົດແທນເງີນທັງໝົດໃຫ້ກັບຜູ້ຖືກເສຍຫາຍ.

Off
20th Nov2018

ປກສ ແຂວງສະຫວັນນະເຂດ ມ້າງຄະດີຄ້າ ຂາຍຢາເສບຕິດ ພ້ອມຢືດຂອງກາງຢ້າບ້າ 30 ມັດ

by somchan

ເມື່ອບໍ່ດົນມານີ້ ເຈົ້າໜ້າທີ່ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງສະຫວັນນະເຂດ ສາມາດມ້າງຄະດີ ລັກລອບຂາຍ ຢາເສບຕິດໄດ້ 1 ລາຍ ສາມາດກັກຜູ້ຕ້ອງຫາ ໄດ້ 1 ຄົນ ພ້ອມຂອງກາງ ຢາເສບຕິດ 30 ມັດ ເທົ່າກັບ 60,000 ເມັດ ຜູ້ກະທຳຜິດຊື່ທ້າວ ຫຼຽນ ລາດສະວົງ ອາຍຸ 30ປີ ຢູ່ບ້ານຫາດຊາຍຄຳ ເມືອງປາກກະດີງ ແຂວງບໍລິຄຳໄຊ.

(more…)

Off
19th Nov2018

ກັກຕົວຜູ້ຕ້ອງຫາພ້ອມ ຢາບ້າຈຳນວນ 30 ມັດ

by somchan

ເມື່ອບໍ່ດົນມານີ້ ເຈົ້າໜ້າທີ່ຕຳຫຼວດ ກອງບັນຊາການ ປກສ ເມືອງໄຊເສດຖາ ນະຄອນຫຼວງວຽງຈັນ ໄດ້ກັກຕົວທ້າວ ພອນ ອາຍຸ 22 ປີ ຢູ່ບ້ານຈະບື ເມືອງໃໝ່ ແຂວງຜົ້ງສາລີ ພັກເຊົາຢູ່ບ້ານດົງຄຳຊ້າງ ເມືອງຫາດຊາຍຟອງ ນະຄອນຫຼວງວຽງຈັນ ໃນຂໍ້ຫາຄ້າ-ຂາຍຢາເສບຕິດ ຄື ວັນທີ 27 ຕຸລາ 2018 ຜູ້ກ່ຽວໄດ້ເຄື່ອນໄຫວຊື້ຂາຍຢາເສບຕິດ ໂດຍຜູ້ກ່ຽວໄດ້ຮັບເອົາຈາກຜູ້ຄູ່ຮ່ວມຂະບວນການສົ່ງຢາເສບຕິດມາແຕ່ ແຂວງຜົ້ງສາລີ ເພື່ອສົ່ງຕໍ່ໃຫ້ຄູ່ຮ່ວມຂະບວນການອີກຜູ້ໜຶ່ງ ແຕ່ໃນຂະນະທີ່ກຳລັງຂົນສົ່ງຢາອອກຈາກຄີວລົດສາຍເໜືອໄດ້ຖືກເຈົ້າໜ້າທີ່ຕຳຫຼວດ ເມືອງໄຊເສດຖາ ກັກຕົວກ່ອນ ພ້ອມຂອງກາງຢາບ້າຈຳນວນ 30 ມັດ ຫຼື ເທົ່າກັບ 60 ພັນ ທີ່ຊຸກເຊື່ອງໄວ້ໃນກະເປົາ. (more…)

Off
Pages:«1234567...21»