15th Jan2018

ເຈົ້າໜ້າທີ່ ປກສ ແຂວງຈຳປາສັກ ກັກກຸ່ມຄ້າຂາຍຢາເສບຕິດ ໄດ້ 4 ຄົນ ພ້ອມເຄື່ອງຂອງກາງຢາບ້າຈຳນວນ 25 ມັດ.

by somchan

ຕາມການລາຍງານຂອງເຈົ້າໜ້າທີ່ພະແນກຕຳຫຼວດ ສະກັດກັ້ນ ແລະ ຕ້ານຢາເສບຕິດ ປກສ ແຂວງ ຈຳປາສັກໃຫ້ຮູ້ວ່າ: ໃນວັນທີ 3 ມັງກອນ 2018 ເຈົ້າໜ້າທີ່ຕຳຫຼວດ ແຂວງຈຳປາສັກ ແກ້ໄຂ ກຸ່ມຄົນບໍ່ດີເຄື່ອນໄຫວລັກລອບຄ້າຂາຍຢາເສບຕິດ ຢູ່ເຂດບ້ານຫ້ວຍໄຜ ເມືອງໂຂງ ແຂວງຈຳປາສັກ ສາມາດກັກຕົວຜູ້ກະທຳຜິດໄດ້ 4 ຄົນ ພ້ອມຂອງກາງຢາບ້າຈຳນວນ 25 ມັດ (more…)

Off
09th Jan2018

ປີ 2017 ມີຜູ້ເສຍຊີວິດຈາກການ ເກີດອຸປະຕິເຫດ 1 ພັນກວ່າຄົນ.

by somchan

ເຈົ້າໜ້າທີ່ກົມຕຳຫຼວດຈາລະຈອນກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ ໄດ້ລາຍງາຍ ກ່ຽວກັບສະພາບການໃຊ້ລົດໃຊ້ຖະໜົນວ່າ: ໃນປີ 2017 ນີ້ ທົ່ວປະເທດມີອຸປະຕິເຫດເກີດຂຶ້ນທັງໝົດ 5.868 ລາຍ, ມີພາຫະນະເປ່ເພຈາກການເກີດອຸປະຕິເຫດ ທັງໝົດ 10.739 ຄັນ, ໃນນີ້ໃຊ້ການບໍ່ໄດ້ 348 ຄັນ, ມີຄົນໄດ້ຮັບບາດເຈັບທັງໝົດ 9.640 ຄົນ, ບາດເຈັບສາຫັດ 1.431 ຄົນ ແລະ ມີຜູ້ເສຍຊີວິດ 1.053 ຄົນ. (more…)

Off
09th Jan2018

1.064 ຕື້ ກວ່າກີບ ຜົນເສຍຫາຍຈາກອັກຄີໄພ ໃນປີ 2017

by somchan

ຕາມການລາຍງານຂອງເຈົ້າໜ້າທີ່ຕຳຫຼວດ ສະກັດກັ້ນ ແລະ ຕ້ານອັກຄີໄພ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບໃຫ້ຮູ້ວ່າ: ໃນປີ 2017 ນີ້ ທົ່ວປະເທດມີອັກຄີໄພ ເກີດຂຶ້ນ 175 ຄັ້ງ ທຽບຖ້າປີ 2016 ເພີ່ມຂຶ້ນ 35 ຄັ້ງ; ສຳລັບ ຜົນເສຍຫາຍຈາກອັກຄີໄພທີ່ເກີດຂຶ້ນ ໃນປີ 2017 ມີຄົນເສຍຊີວິດ 8 ຄົນ, ບາດເຈັບ 12 ຄົນ, ມີເຮືອນຖືກໄຟໄໝ້ 186 ຫຼັງ, ຮ້ານຂາຍເຄື່ອງ 58 ຮ້ານ, ສູນການຄ້າໜຶ່ງແຫ່ງມີ 430 ຫ້ອງ, ລົດໃຫຍ່ 7 ຄັນ ແລະ ອື່ນໆ. (more…)

Off
22nd Dec2017

ປກສ ແຂວງຄໍາມ່ວນ ຢຶດຢາບ້າ 31.000 ກວ່າເມັດ

by somchan

 

​ໃນ​ວັນ​ທີ 16 ທັນ​ວານີ້ ເຈົ້າໜ້າທີ່ພະແນກຕຳຫຼວດ ສະກັດກັ້ນ ແລະ ຕ້ານຢາເສບຕິດ ປກສ ແຂວງຄຳມ່ວນ ໄດ້ກັກຕົວທ້າວ ວັນພິລາ ອາຍຸ 28 ປີ ຢູ່ທີ່ບ້ານ ຫາດຊຽງດີ ເມືອງໜອງບົກ ແຂວງຄຳມ່ວນ ພ້ອມ​ດ້ວຍ​ຂອງ​ກາງ​ຢາບ້າ 16 ມັດ ເທົ່າກັບ 31,928.

 

ເຈົ້າໜ້າທີ່ຕໍາຫຼວດ ວິຊາສະເພາະ ປກສ ແຂວງຄຳມ່ວນ ໃຫ້ຮູ້ວ່າ : ພາຍຫຼັງໄດ້ສືບຮູ້ວ່າ: ຈະມີ​ການລັກລອບເຄື່ອນໄຫວຂົນ-​ສົ່ງຢາບ້າ ຢູ່ເຂດໂຮງງານຊີມັງ ບ້ານ ນາຄຳ ເມືອງມະຫາໄຊ ແຂວງຄຳມ່ວນ ດັ່ງນັ້ນເຈົ້າໜ້າທີ່ວິຊາສະເພາະຈຶ່ງໄດ້ວາງແຜນການສະກັດກັ້ນ ແລະ ຕິດຕາມກວດກາເປົ້າໝາຍຢູ່ຈຸດດັ່ງກ່າວ. ມາຮອດເວລາ 11 ຂອງວັນດຽວກັນ ຈຶ່ງໄດ້ພົບເຫັນເປົ້າໝາຍກໍາລັງເອົາບ້າໃຫ້ກັນ ຈຶ່ງ ເຂົ້າຈັບກຸມ ສາມາດຈັບກຸມໄດ້ 1 ຄົນຄື : ທ້າວ ວັນພີລາ ສ່ວນຜູ້ສັ່ງຊື້ ເອົາຕົວລົບໜີໄປໄດ້.

 

 

ຜ່ານການສຶບສວນ-ສອບສວນເບື້ອງຕົນ ທ້າວ ວັນພິລາ ຮັບສາລະພາບວ່າ:ຢາບ້າຈຳນວນດັ່ງກ່າວ ບໍ່ແມ່ນຂອງຜູ້ກ່ຽວພຽງແຕ່ຮັບຈ້າງໄປສົ່ງໃຫ້ໂຊເຟີຂັບລົດຫີນກາວ ທີ່ອອກປະເທດເພື່ອບ້ານໃນຄະນະທີ່ກໍາລັງຢຶນສົ່ງ ມີເຈົ້າໜ້າທີ່ຕໍາຫຼວດເຂົ້າຈັບຕົວກ່ອນພ້ອມຂອງກາງຈໍານດັ່ງກ່າວ.   ປະຈຸບັນ ເຈົ້າໜ້າທີ່ກຳລັງດຳເນີນການສຶບສວນ-ສອບສວນຂະຫຍາຍຜົນຫາຜູ້ຮ່ວມຂະບວນການກະທຳຜິດຄັ້ງນີ້ ມາດຳເນີນຕະດີຕາມຂັ້ນຕອນຂອງກົດໝາຍຕໍ່ໄປ.

ຂ່​າວ​ໃຫ້​ຮູ້​ຕື່ມ​ອີກ​ວ່າ: ​ໃນ​ໄລຍະ​ດຽວ​ກັນ​ນີ້

​      ເຈົ້າ​ໜ້າ​ທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຫຼວງນໍ້າທາ ​ໄດ້​ຈັບ​ຕົວ​ພວກ​ລັກລອບ​ຄ້າຂາຍ​ຢາ​ເສບ​ຕິດ​ໄດ້ 2 ຄົນ ພ້ອມ​ຂອງ​ກາງ​ຢາ​ເສບ​ຕິດ 27 ມັດ ​ເທົ່າ​ກັບ 54,00 ​ເມັດ ຜູ້​ຕ້ອງ​ຫາ​ທັງ​ສອງ​ຄື: ສວນ. ທ້າວ ເຢັງປໍຢາງ ອາຍຸ 24 ປີ ປະຊາຊົນບ້ານ ມອນໃຕ້ ແລະ ທ້າວ ໃຈຢ້າງ ອາຍຸ 19 ປີ ປະຊາຊົນບ້ານ ໜອງແມງດາ ທັງສອງຢູ່ເມືອງ ໄຊ ແຂວງອຸດົມໄຊ ຕໍ່​ກັບ​ລາຍ​ຄະດີ​ດັ່ງກ່າວ​ເຈົ້າ​ໜ້າ​ທີ່​ໃຫ້​ຮູ້​ວ່າ: ໃນວັນທີ 12 ທັນວາ 2017 ນີ້ ໄດ້ຮັບຂໍ້​ມູນຈາກພົນລະເມືອງດີວ່າຈະມີກຸ່ມຄົນບໍ່ດີເຄື່ອນໄຫວຂົົນສົ່ງ ແລະ ຄ້າຂາຍຢາເສບຕິດມາຈາກແຂວງອຸດົມໄຊມາແຂວງຫຼວງນໍ້າທາ ຈາກນັ້ນທາງເຈົ້າໜ້າທີພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ ຈຶ່ງໄດ້ຈັດກຳລັງລົງພິສູດແຫຼ່ງຂ່າວພ້ອມທັງຕັ້ງຈຸດກວດກາພໍຮອດເວລາປະມານ 17 ໂມງຂອງວັນດຽວກັນນັ້ນຈຶ່ງເຫັນເປົ້າໝາຍ 2 ຄົນຂັບຂີ່ລົດເກັງຮຸນ​ໃດສີຂາວ ໝາຍ​ເລກ​ທະບຽນ 0876 ມາຕາມເສັ້ນທາງ R3 ພໍມາຮອດຂອບເຂດ ບ້ານຕາຫວ່ານ ເມືອງຫຼວງນໍ້າທາ ທາງເຈົ້າໜ້າທີຈຶ່ງໄດ້ຂໍອະນຸຍາດກວດກາຈຶ່ງພົບເຫັນຂອງກາງຢາບ້າຊຸກເຊື່ອງໄວ້ໃນຖົງເປ້ຈຳນວນ 9 ແທັກ ຈາກນັ້ນທາງເຈົ້າໜ້າທີຈື່ງໄດ້ນຳຕົວພວກກ່ຽວທັງສອງມາດຳເນີນການສືບສວນ – ສອບ ຜ່ານ​ການ​ສືບສວນ-​ສອບ​ສວນ​ພວກ​ກ່ຽວ​ທັງ​ສອງ ໄດ້ຮັບສາລະພາບວ່າ: ຢາບ້າຈຳນວນ 9 ແທັກ ເທົ່າກັບ 27 ມັດເທົ່າກັບ 54.000 ເມັດແມ່ນຂອງພວກຕົນທັງສອງແທ້ໄດ້ຊື່ນຳເຖົ້າແກ່ຢູ່ແຂວງ ອຸດົມໄຊ ​ແຟັກໜື່ງ 60.000 ບາດສະກຸນເງີນໄທ ແລ້ວຈະມາຂາຍສົ່ງໃຫ້ຄູ່ຮ່ວມຂະບວນການທີ່ ແຂວງຫຼວງນໍ້າທາ.

Off
15th Dec2017

ປກສ ແຂວງສະຫວັນນະເຂດຈັບຜູ້ຄ້າຂາຍ ຢາເສບຕິດພ້ອມດ້ວຍຂອງກາງຢາບ້າ 38 ມັດ

by somchan

​ເຈົ້າ​ໜ້າ​ທີ່​ຕຳຫຼວດ​ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ປກສ ​ແຂວງ​ສະຫວັນ​ນະ​ເຂດ  ​ໄດ້​ໃຫ້​ຮູ້​ວ່າ: ​ໃນ​ວັນ​ທີ 10 ທັນວາ 2017 ທາງ​ເຈົ້າ​ໜ້າ​ ໄດ້​ຮັບ​ຂໍ້​ມູນ​ຈາກ​ພົນລະ​ເມື​ອງດີ ວ່າ​ຈະ​ມີ​ການ​ລັກລອບ​ຊື້​ຂາຍ​ຢາ​ເສບ​ຕິດ ​ຢູ່​​ເຂດ​ເມືອງ ອຸທຸມພອນ ​ແຂວງ​ສະຫວັນ​ນະ​ເຂດ ດັ່ງ​ນັ້ນ​ຈຶ່ງ​ໄດ້​ຈັດ​ຕັ້ງ​ພະນັກງານ​ວິຊາ​ສະ​ເພາະ​ລົງ​ພິສູດ​ແຫຼ່ງຂ່າວ ​ແລະ ​ເກັບ​ກຳ​ຂໍ້​ມູນ ​ເຫັນ​ວ່າ​ມີ​ຂໍ້​ມູນ​​ແທ້​ຈິງ ມື້​ຕໍ່​ມາ​ວັນ​ທີ 11 ທັນວາ 2017 ​ເຈົ້າ​ໜ້າ​ທີ່ ​ຈຶ່ງ​ວາງ​ແຜນ ມ້າງ​ລາຍ​ຄະດີ ສາມາດ​ຈັບ​ຜູ້​ຖືກ​ຫາ​ໄດ້​ທັງ​ໝົດ 8 ຄົນ.ພ້ອມ​ຂອງ​ກາງ​ທັງ​ໝົດ ຢາ​ບ້າ 76.155 ​ເມັດ, ລົດ​ໃຫ່ຍ 3 ຄັນ, ລົດຈັກ 1 ຄັນ, ​ໂທລະສັບ 10 ໜ່ວຍ ​ແລະ ປືນ k 59 1 ກະບອກ ພ້ອມ​ລູກ​ກະ​ສູນ. ຜູ້​ຕ້ອງ​ຫາ​ທັງ 8 ຄົນ​ມີ​ຄື: ທ້າວ​​ເຂັມພອນ ອາຍຸ 45 ປີ ປະຊາຊົນ​ບ້ານ ​ໂພນ​ສະອາດ, ທ້າວ ​ໄຊ​ປັນຍາ ອາຍຸ 41 ປີ ປະຊາຊົນ​ບ້ານ​ດົງ​ດຳ​ດວນ, ທ້າວ ບົວ​ແກ້ວ ອາຍຸ 50 ປີ ປະຊາຊົນ​ບ້ານ ດອນ​ເຊັງ, ທ້າວ​ ຜາ​ສຸກ ອາຍຸ 18 ປີ ປະຊາຊົນ​ບ້ານ​ສອນ​ໄຊ, ນາງ ສຸພາ​ລັກ ອາຍຸ 19 ປີ ປະຊາຊົນ​ບ້ານ​​ໂພນ​ສະຫວ່າງ​ໃຕ້ ທັງ 5 ຄົນ​ຢູ່​ເມືອງ ​ໄກສອນ​ພົມວິຫານ, ທ້າວ ​ສົມ​ໄຊ​ສີ ອາຍຸ 27 ປີ ປະຊາຊົນ​ຢູ່​ບ້ານ ປາກ​ຊ່ອງ, ທ້າວ ສັນຕິ​ສຸກ ອາຍຸ 29 ປີ ປະຊາຊົນ​ບ້ານ​ນວນ​ວິ​ໄລ, ທ້າວ ຕູ່​ລີ້ ອາຍຸ 31 ປະຊາຊົນ​ບ້ານ ຫຼັກ​ເມືອງ ທັງ 3 ຢູ່​ເມືອງ​ສອງ​ຄອນ ​ແຂວງ​ສະຫວັນ​ນະ​ເຂດ.

ຜ່ານ​ການ​ສືບສວນ-​ສອບ​ສວນ​ຂອງ​ເຈົ້າ​ໜ້າ​ທີ່ ພວກ​ກ່ຽວ​ທັງ 8 ຄົນ ຮັບ​ສາລະພາບ​ວ່າ ຂອງ​ກາງ​ຈຳນວນ​ດັ່ງກ່າວ​ແມ່ນ​ຂອງ​ຜູ້ກ່ຽວ​ແທ້ ດັ່ງ​ນັ້ນ​ເຈົ້າ​ໜ້າ​ທີ່​ຈຶ່ງ​ໄດ້​ລອບ​ລວມຫຼັກ​ຖານ​ເພື່ອ​ສົ່ງ​ໄອ​ຍະ​ການ​ສົ່ງ​ຟ້ອງ​ສານ​ຕັດສິນ​ຄະດີ​ລົງ​ໂທດ​ຕາມ​ລະບຽບ​ກົດໝາຍ.

Off
06th Dec2017

ເຫດການໄຟໄວ້ ເວີເທດ ເຊັນເຕີ ເສຍຫາຍ 30 ກວ່າລ້ານກີບ

by somchan

 ໃນວັນທີ 5 ທັນວາ 2017 ນີ້ ພັນໂທ ຈັນທະບູນ ມະນີວົງ ຫົວໜ້າພະແນກຕຳຫຼວດສະກັດກັ້ນ ແລະ ຕ້ານອັກຄີໄພ ປກສ ນະຄອນຫຼວງວຽງຈັນ ໄດ້ຖະແຫຼ່ງຂ່າວກ່ຽວກັບເຫດການໄຟໄໝ້ຕຶກ ເວີເທດເຊັນເຕີ ທີ່ນະຄອນຫຼວງວຽງຈັນ ໃນວັນທີ 3 ທັນວາ ຜ່ານມາວ່າ: ຕຶກອາຄານດັ່ງກ່າວເປັນຕຶກທີ່ ກຳລັງກໍ່ສ້າງໃຫມ່ຍັງບໍ່ທັນສຳເລັດເຊິ່ງເປັນໜຶ່ງໃນ ໂຄງການສຳປະທານໂດຍນາຍທຶນຈີນເພື່ອສ້າງເປັນ ສູນການຄ້າຂະໜາດໃຫຍ່ໃຈກາງນະຄອນຫຼວງວຽງຈັນ (more…)

Off
06th Dec2017

ໄຟໄໝ້ກຸດຕິວັດ ເສຍຫາຍ 215 ລ້ານກີບ

by somchan

  ຕາມການລາຍງານຂອງເຈົ້າໜ້າທີ່ພະແນກ ສະກັດກັ້ນ ແລະ ຕ້ານອັກຄີໄພ ປກສ ແຂວງຈຳປາສັກໃຫ້ຮູ້ວ່າ: ໃນວັນທີ 1 ທັນວາ 2017 ນີ້ ໄດ້ເກີດເຫດໄຟໄໝ້ກຸດຕິວັດ ຢູ່ບ້ານຂະເໜົາ ເມືອງໂຂງ ແຂວງຈຳປາສັກ, ເຊິ່ງເປັນກຸດຕິໄມ້ 2 ຊັ້ນ ໄຟໄດ້ໄໝ້ຈົນໝົດຫຼັງ, ໃນກຸດຕິວັດມີພະແກ້ວ 30 ອົງ, ເຄື່ອງກອງບຸນ, ເງິນສົດ 15 ລ້ານກີບ, ຄຳແທ່ງ 2 ບາດ ລວມມູນຄ່າ 215 ລ້ານກີບ, ຜ່ານການກວດກາຂອງເຈົ້າໜ້າທີ່ ສາເຫດຂອງໄຟໄໝ້ຄັ້ງນີ້ແມ່ນຍ້ອນໄຟຟ້າລັດວົງຈອນ.

 

 

Off
17th Nov2017

ປກສ ແຂວງອັດຕະປືມ້າງຄະດີຢາເສບຕິດ ເຮໂຣອິນ 40 ແທ່ງ

by somchan

ໃນວັນທີ 14 ພະຈິກ 2017 ນີ້ ເຈົ້າໜ້າທີ່ຕຳຫຼວດ ສະກັດກັ້ນ ແລະ ຕ້ານຢາເສບຕິດ ປກສ ແຂວງອັດຕະປື ສົມພົບກັບພາກສ່ວນກ່ຽວຂ້ອງ ແກ້ໄຂຄະດີຄ້າຂາຍຢາເສບຕິດ ຢູ່ເມືອງສາມັກຄີໄຊ ແຂວງອັດຕະປື ສາມາດຈັບຕົວ ຜູ້ກະທຳຜິດໄດ້ 2 ຄົນ, ພ້ອມຢາເສບຕິດປະເພດ ເຮໂຣອິນ 40 ແທ່ງ, ນ້ຳໜັກ 20 ກິໂລກຣາມ ລົດໃຫຍ່ 1 ຄັນ (more…)

Off
17th Nov2017

ປກສ ແຂວງບໍ່ແກ້ວ ຈັບຕົວ 2 ຄົນ ພ້ອມຢາບ້າ 6 ມັດ

by somchan

ເມື່ອຕົ້ນເດືອນພະຈິກ 2017 ນີ້ ເຈົ້າໜ້າທີ່ພະແນກ ຕຳຫຼວດສະກັດກັ້ນແລະຕ້ານຢາເສບຕິດແຂວງ ບໍ່ແກ້ວໄດ້ຈັບຕົວເປົ້າໝາຍຄ້າຂາຍຢາເສບຕິດຢູ່ ເຮືອນພັກແຫ່ງໜຶ່ງໃນຂອບເຂດເທດສະບານແຂວງ ບໍ່ແກ້ວສາມາດຢຶດຢາບ້າໄດ້ 6 ມັດ ເທົ່າກັບ 12.000 ເມັດ, ພ້ອມທັງກັກຕົວຜູ້ກະທໍາຜິດໄດ້ 2 ຄົນຄື: ທ້າວ ເຍຍລີ ອາຍຸ 22 ປີແລະ ທ້າວຄຳຫຼ້າ ອາຍຸ 20 ປີ ທັງສອງເປັນປະຊາຊົນ ຢູ່ບ້ານຈອມຈຸກ ເມືອງຫ້ວຍຊາຍ ແຂວງບໍ່ແກ້ວ.

ປັດຈຸບັນພວມຢູ່ໃນຂັ້ນຕອນການດຳເນີນຄະດີຂອງເຈົ້າໜ້າທີ່ຕຳຫຼວດ.

 

Off
25th Oct2017

ຈັບຄາ ບ້ານພັກ ພ້ອມຂອງກາງ ຢາບ້າ 21 ມັດ

by somchan

​ໃນ​ວັນ​ທີ 19 ຕຸລາ 2017 ​ເຈົ້າ​ໜ້າ​ທີ່​ພະ​ແນ​ກສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ປກສ ​ແຂວງ​ບໍ່​ແກ້ວ ​ໄດ້​ຮັບ​ຂໍ້​ມູນ​ຈາກ​ພົນລະ​ເມືອງ​ດີ ວ່າ​ຈະ​ມີ​ການ​ຊື້​ຂາຍ​ຢາ​ເສບ​ຕິດ ຢູ່​ບ້ານ​ພັກ​​ແຫ່ງ​ໜຶ່ງ ​ໃນ​ຂອບ​ເຂດ​ບ້ານ ປ່າ​ອ້ອຍ ​ເມືອງ​ຫ້ວຍ​ຊາຍ ​ແຂວງ​ບໍ່​ແກ້ວ.

ດັ່ງ​ນັ້ນ ທາງ​ເຈົ້າ​ໜ້າ​ທີ່ ຈຶ່ງ​ໄດ້​ລົວ​ຕິດຕາມ ຮອດ​ເວລາ​ປະມານ 11 ​ໂມງ ຈຶ່ງ​ເຂົ້າ​ຈັບ​ກຸມ​ເປົ້າ​ໝາຍ​ຢູ່​ໃນ​ຫ້ອງ​ພັກ ​ໄດ້ 3 ຄົນ ພ້ອມ​ດ້ວຍ​ຂອງ​ກາງ​ຢາ​ເສບ​ຕິດ ປະ​ເພດ​ຢາ​ບ້າ ຈຳນວນ 21 ມັດ ​ເທົ່າ​ກັບ 42,000 ​ເມັດ ມີ​ນ້ຳໜັກ 4,040 ກຼາມ ຊຸກ​ເຊື່ອງ​ຢູ່​ໃນ​ຖົງ​ເຄື່ອງ ​ເປົ້າ​ໝາຍ​ທັງ 3 ຄົນ​ມີ ທ້າວ ຈາ​ຊິ​ຕິ ອາຍຸ 40 ປີ ຢູ່​ບ້ານ​ຕາ​ເລືອ ​ແລະ ທ້າວ ບູນ ອາຍຸ 30 ປີ ຢູ່​ບ້ານ​ປຸງ ທັງ​ສອງ​ເຊື້ອ​ຊາດ​ພະມ້າ ອາຊີບ ​ເຮັດ​ນາ ຢູ່​ເມືອງ​ທ່າ​ຂີ້​ເຫຼັກ ​ແຂວງຈຽງ​ຕຸ​ງ ປະ​ເທດ​ມຽນມາ ​ແລະ ທ້າວ ສົມ​ສີ ອາຍຸ 23 ປີ ອາຊີບ​ຂັບ​ເຮືອ ​ເຊື້ອ​ຊາດ​ລາວ ຢູ່​ບ້ານ​ທ່າ​ເດື່ອ ​ເມືອງ​ໄຊ​ຍະ ​ແຂວງ​ໄຊ​ຍະ​ບູລີ.

ພວກ​ກ່ຽວ​ທັງ​ສາມ​ຄົນ​ໄດ້​ມີ​ການ​ເຄື່ອນ​ໄຫວ ຊື້​ຂາຍ​ຢາ​ເສບ​ຕິດ ຜ່ານ​ທາງ​ໂທລະສັບ ​ເພື່ອ​ຕິດ​ຕໍ່​ພົວພັນ​ຊື້​-ຂາຍ​ຢາ​ເສບ​ຕິດ ຮອດ​ວັນ​ທີ 16 ຕຸລາ 2017 ທ້າວ ບູນ ​ໄດ້​ຂ້າມ​ມາ​ແຕາ​ມຽນມາ ​ແລ້ວ​ພວກ​ກ່ຽວ​ພາກັນ​ເດີນທາງ​ຈາກ​ເມືອງ​ຕົ້ນ​ເຜິ້ງ ມາ​ເມືອງ​ຫ້ວຍ​ຊາຍ ປະມານ 11:30 ນາທີ ກໍ່​ໄດ້​ພາກັນ​ໄປ​ນອນ​ບ້ານ​ພັກ​ແຫ່ງ​ໜຶ່ງ​​ເພຶ່ອລໍຖ້າ ຮອດ​ວັນ​ທີ 19 ຕຸລາ 2017 ກໍ່​ມີ​ຄົນ​ຂັບ​ຂີ່​ລົດ​ວີ​ໂກ້​ສີຂາວ ( ບໍ່​ຮູ້​ໝາຍ​ເລກ​ທະບຽນ ) ມາ​ຮັບ​ໄປ​ນອນ​ບ້ານ​ພັກ​ບ່ອນ​ໃໝ່​ແຫ່ງ​ໜຶ່ງ ​ໃນ​ຂອບ​ເຂດ​ບ້ານ ປ່າ​ອ້ອຍ ​ເມືອງ​ຫ້ວຍ​ຊາຍ ​ແຂວງ​ບໍ່​ແກ້ວ ​ເມື່ອ​ໄປ​ຮອດ​ຫ້ອງ​ພັກ​ກໍ່​ເຫັນ ທ້າວ ຈາ​ຊິ​ຕິ ຢູ່​ໃນ​ຫ້ອງ​ພ້ອມ​ກັບ​ຖົງ​ເຄື່ອງ 1 ຖົງ ທີ່​ຊຸກ​ເຊື່ອງ​ຢາ​ບ້າ​ຈຳນວນ 21 ມັດ ທີ່​ຈະ​ເອົາ​ມາ​ສົ່ງ​ໃຫ້​ລູກ​ຄ້າ ​ແລ້ວ​ຄົນ​ທີ່​ມາ​ຮັບ​ໄປ​ບ້ານ​ພັກ​ດັ່ງກ່າວ​ກໍ່​ໄດ​ເຂັບ​ລົດ​ອອກ​ໄປ ພໍ​ເວລາ​ຜ່ານ​ໄປ​ໄລຍະ​ໜຶ່ງ ກໍ່​ມີ​ເຈົ້າ​ໜ້າ​ທີ່​ເຂົ້າ​ມາ​ຈັບ​ຕົວ​ພວກ​ກ່ຽວ​ທັງ​ສາມ ພ້ອມ​ດ້ວຍ​ຂອງ​ກາງ​ຢາ​ເສບ​ຕິດ ປະ​ເພດ​ຢາ​ບ້າ ຈຳນວນ 21 ມັດ, ​ໃນ​ການ​ຊື້​ຂາຍ​ຢາ​ເສບ​ຕິດ​ໃນ​ຄັ້ງ​ນີ້ ທ້າວ​ບູນ ​ເວົ້າ​ວ່າ ຖ້າ​ໄດ້​ຂາຍ​ຢາ​ບ້າ​ສຳ​ເລັດ ​ແມ່ນ​ຈະ​ແບ່ງ​ເງີ​ນ​ໃຫ້ ທ້າວ ສົມ​ສີ ​ແຕ່​ຍັງ​ບໍ່​ຮູ້​ຈຳນວນ. ຕໍ່​ກັບ​ລາຍຄະດີ​ດັ່ງກ່າວ​ເຈົ້າ​ໜ້າ​ທີ່​ພວມ​ທຳ​ການ​ສືບສວນ-​ສອບ​ສວນ​ຂະຫຍາຍ​ຜົນ​ຫາ​ກຸ່ມ​ແກ້ງ​ຮ່ວມ​ຂະ​ບວນການ​ມາ​ດຳ​ເນີນ​ຄະດີ​ຕາມ​ລະ​ລະບຽບ​ກົດໝາຍ.

Off
Pages:«12345678...17»