26th Apr2017

ກັກຕົວພວກຄ້າຂາຍຢາເສບຕິດ 3 ຄົນ ພ້ອມຢາບ້າ 20,000 ເມັດ

by somchan

ໃນ​ວັນ​ທີ 21 ​ເມສາ 2017 ​ເຈົ້າ​ໜ້າ​ທີ່​ຕຳຫຼວດ ພະ​ແນ​ກຕຳຫຼວດ ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ກອງ​ບັນຊາ​ການ ປກສ ​ແຂວງ​ສະຫວັນ​ນະ​ເຂດ ​ໄດ້​ສະກັດ​ກັ້ນ​ແກ້​ໄຂ ການ​ລັກລ​ອບຄ້າຂາຍ​ຢາ​ເສບ​ຕິດ ຢູ່​ຂອບ​ເຂດ ຄິວ​ລົດ​ເມ ​ເມືອງ ອຸທຸມພອນ ສາມາດ ຍຶດຢາ​ບ້າ​ໄດ້ 20,000 ​ເມັດ ​ແລະ ລົດ​ໃຫ່ຍ 1 ຄັນ ພ້ອມ​ທັງ​ກັກ​ຕົວ ພວກ​ຄ້າ​ຂາຍ​ຢາ​ເສບ​ຕິດ ​ໄດ້ 3 ຄົນ ຄື : ທ້າວ ວຽງ​ໄຊ ຫຼື ​ໄຊ ອາຍຸ 31 ປີ, ປະຊາຊົນ​ບ້ານ ວັງ​ມ້າ ​ເມືອງ​ສັງ​ທອງ ນະຄອນຫຼວງ​ວຽງ​ຈັນ, ທ້າວ ຄຳ​ໃສ ຫຼື ຫົງ ອາຍຸ 26 ປີ ປະຊາຊົນ ບ້ານ​ຫົວ​ເມືອງ​ໃຕ້ ​ເມືອງ​ໄກສອນ​ພົມວິຫານ ​ແຂວງ​ສະຫວັນ​ນະ​ເຂດ ​ແລະ ນາງ ຄຳ​ນ້ອຍ ຫຼື ​ແຫຼ້ ອາຍຸ 20 ປີ ປະຊາຊົນ ບ້ານ​ໜອງ​ປອງ ​ເມືອງ​ຄຳ​ເກີດ ​ແຂວງ​ບໍລິ​ຄຳ​ໄຊ

ປັດຈຸບັນ ​ເຈົ້າ​ໜ້າ​ທີ່ຕຳຫຼວດ ພວມ​ດຳ​ເນີນ​ຄະດີ ກັບ​ພວກ​ກ່ຽວ​ຕາມ​ກົດໝາຍ.

Off
26th Apr2017

ເຈົ້າໜ້າທີ່ຕຳຫຼວດ ແຂວງຈຳປາສັກ ກັກຕົວພວກຄ້າຂາຍ ຢາເສບຕິດໄດ້ 10 ຄົນ ພ້ອມຢາບ້າ 80 ພັນ ກວ່າເມັດ

by somchan

ໃນວັນທີ່ 15 ເມສາ 2017 ນີ້ເຈົ້າໜ້າທີ່ຕຳຫຼວດ ສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ແຂວງຈຳປາສັກ ສາມາດຍືດຢາບ້າໄດ້ 76.211 ເມັດ ແລະ ຢາໄອ 363  ກິໂລກຣາມ ພ້ອມທັງ  8 ຄົນ ໃນຄະນະທີ່ ພວກກ່ຽວ ພວມຊື້ຂາຍ ຢາບ້າ ຈຳນວນ ດັ່ງກ່າວ ຢູ່ເຂດ ບ້ານແກງຊັນ ເມືອງ ປາກເຊ ແຂວງ ຈຳປາສັກ.

ສ່ວນພວກຄ້າ – ຂາຍຢາ ເສບຕິດ ເຈົ້າໜ້າທີ່ຕຳຫຼວດ ສາມາດກັກຕົວ ໄດ້ ມີ ທ້າວສີສຸກ ຫຼື ດຳ ອາຍຸ 37 ປີ, ນາງ​ສຸກ​ມະນີ ອາຍຸ 30 ປີ, ນາງ ຫຍອງ ຫຼື ຫຼ້າ ອາຍຸ 32 ປີ, ທ້າວ ສົມ​ໃຈ ຫຼື ຊຸຍ ອາຍຸ 41 ປີ, ​ແລະ ທ້າວ ສົມ​ປອງ ຫຼື ກົບ ອາຍຸ 25 ປີ ພວກ​ກ່ຽວ​ທັງ 5 ຄົນ ຢູ່​ບ້ານ ສິງ​ສຳພັນ ​ເມືອງ​ຊະນະສົມບູນ ​ແຂວງ​ຈຳປາ​ສັກ, ທ້າວ ໝີ ອາຍຸ 45 ປີ ຢູ່​ບ້ານ ບຸ່ນ​ນ້ອຍ ທ້າວ ​ອ້ວນ ອາຍຸ 36 ປີ ຢູ່​ບ້ານ​ຊົ້ງ​ເຊ ​ແລະ ທ້າວ ບຸນ​ສະຖິດ ຫຼື ​ເກັ່ງ ອາຍຸ 35 ປີ ຢູ່​ບ້ານ ນາ​ແສນ​ພັນ ​ເມືອງ​ໂຂງ ​ແຂວງ​ຈຳປາ​ສັກ,

​ໃນ​ໄລຍະ​ດຽວ​ກັນ ​ເຈົ້າ​ໜ້າ​ທີ່​ຕຳຫຼວດ​ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ​ແຂວງ​ຈຳປາ​ສັກ ຍັງ​ໄດ້​ກັກ​ຕົວ ທ້າວ​ພົມ ອາຍຸ 38 ປີ ຢູ່​ບ້ານ ​ເບ​ຢ້ຽມ ​ເມືອງ​ສອງ​ຄອນ ​ແຂວງ​ສະຫວັນ​ນະ​ເຂດ ພ້ອມ​ຢາ​ບ້າ 2,000 ​ເມັດ ​ແລະ ທ້າວ ທະວີ​ສຸກ ຫຼື ຫຼ້າ ອາຍຸ 19 ປີ ຢູ່​ບ້ານ​ຫ້ວຍ​ຍາງ​ຄຳ ​ເມືອງ​ປາກ​ເຊ ​ແຂວງ​ຈຳປາ​ສັກ ພ້ອມ​ຢາ​ບ້າ 3,667 ​ເມັດ.

Off
11th Apr2017

ຈັບພວກ ຄ້າຂາຍ ຢາເສບຕິດ ໄດ້ 3 ຄົນ ພ້ອມ ເຮໂລອິນ 97 ແທ່ງ

by somchan

 

ເຈົ້າໜ້າທີ່ ກົມຕຳຫຼວດ ສະກັດກັ້ນ ແລະ ຕ້ານຢາເສບຕິດ ກົມໃຫ່ຍຕຳຫຼວດ ກະຊວງປ້ອງກັນ ຄວາມສະຫງົບ ໄດ້ນຳກຳລັງ ປິດລ້ອມ ແລະ ຈັບຕົວ ພວກຄ້າຂາຍ ຢາເສບຕິດ ຢູ່ຈຸດນັດຊື້ ຂາຍຢູ່ ເຂດ ບ້ານ ຫົວຊຽງ ເມືອງ ໄຊທານີ ນະຄອນຫຼວງວຽງຈັນ ໃນວັນທີ່ 4 ເມສາ 2017 ນີ້ ສາມາດຢືດ ເຮໂລອີນໄດ້ 97 ແທ່ງ  ນ້ຳໜັກ 40 ກິໂລກະລາມ ແລະ ລົດໃຫ່ຍ 2 ຄັນ ພ້ອມທັງຈັບ ພວກກະທຳຜິດ ໄດ້ 3 ຄົນ ຄື ທ້າວ ສາລີ ອາຍຸ 29 ປີ, ທ້າວ ບໍລິ ອາຍຸ 20 ປີ ທັງສອງເປັນ ປະຊາຊົນ ຢູ່ບ້ານ ໄຊຈະເລີນ ເມືອງ ຫ້ວຍຊາຍ  ແຂວງ ບໍ່ແກ້ວ ແລະ ທ້າວ ຮືຢາງ ອາຍຸ 23 ປີ ປະຊາຊົນ ຢູ່ ບ້ານໜອງສອງຫ້ອງ ເມືອງໄຊທານີ ນະຄອນຫຼວງວຽງຈັນ; (more…)

Off
29th Mar2017

ເຈົ້າໜ້າທີ່ ຕຳຫຼວດ ຈັບພວກ ຄ້າຂາຍຢາເສບຕິດ 2 ຄົນ ພ້ອມ ຢາບ້າ 6000 ກ່ວາເມັດ ແລະ ເງີນໂດລາປອມ 5 ໝື່ນກ່ວາໂດລາ.

by somchan

ໃນວັນທີ່ 26 ມີນາ 2017 ນີ້ ເຈົ້າໜ້າທີ່ຕຳຫຼວດ ພະແນກສະກັດກັ້ນ ປກສ ແຂວງ ບໍ່ແກ້ວ ໄດ້ສົມທົບກັບກຳລັງ ກໍ່ສ້າງຮາກຖານ 912 ມ້າງຄະດີ ຢາເສບຕິດ ຢູ່ເຂດ ບ້ານມອມ ເມືອງຕົ້ນເຜີງ ແຂວງບໍ່ແກ້ວ (more…)

Off
27th Mar2017

ແມ່ບັງຄັບລູກສາວ ຂາຍບໍລິການ ຖືກກັກຕົວດຳເນີນຄະດີ

by somchan

​ເມື່ອ​ບໍ່​ດົນ​ມາ​ນີ້ ​ເຈົ້າ​ໜ້າ​ທີ່​ຕຳຫຼວດ ກອງ​ບັນຊາ​ການ ປກສ ​ເມືອງ​ຈັນທະ​ບູລີ ນະຄອນຫຼວງ​ວຽງ​ຈັນ ​ໄດ້​ກັກ​ຕົວ ນາງ ຄຳ​ຜຸຍ ອາຍຸ 43 ປີ ປະຊາຊົນ ຢູ່​ບ້ານ​ຫ້ວຍ​ຫົງ ​ເມືອງ​ຈັນທະ​ບູລີ ນະຄອນຫຼວງ​ວຽງ​ຈັນ ມາ​ດຳ​ເນີນ​ຄະດີ ​ໃນ​ກໍລະນີ ​ເອົາ​ຜູ້ຍິງ​ທີ່​ຍັງ​ບໍ່​ທັນ​ເຖິງ​ກະສຽນອາຍຸ ຫຼື ບັງຄັບ​ຜູ້ຍິງ​ທີ່ຢູ່​ໃນ​ຄວາມ​ຄຸ້ມ​ຄອງ​ດູ​ແລ​ຂອງ​ຕົນ ​ໃຫ້​ເປັນ​ໂສ​ເພນີ ​ແລະ ກັກ​ຕົວ ນາງ ບຸນ​ຖະໜອມ ຫຼື ຕຸ່ນ ອາຍຸ 46 ປີ ປະຊາຊົນ ຢູ່​ບ້ານ ໜອງ​ທາ​ເໜືອ ​ເມືອງ​ຈັນທະ​ບູລີ ນະຄອນຫຼວງ​ວຽງ​ຈັນ ມາ​ດຳ​ເນີນ​ຄະດີ ​ໃນ​ກໍລະນີ ​ໄດ້​ໃຫ້​ຄວາມ​ຊ່ວຍ​ເຫຼືອ ຫຼື ຄວາມ​ສະດວກ​ແກ່​ການ​ເປັນ​ໂສ​ເພນີ. ຕາມ​ທີ່​ໄດ້​ກຳນົດ​ໄວ້​ໃນ​ມາດຕາ 131 ​ແລະ 132 ຂອງ​ກົດໝາຍ​ອາຍາ. (more…)

Off
27th Mar2017

ເຈົ້າໜ້າທີ່ຕຳຫຼວດ ແຂວງບໍລິຄຳໄຊ ມ້າງກຸ່ມແກ້ງ ຄ້າຂາຍຢາເສບຕິດ ຍຶດຢາບ້າໄດ້ ໜື່ນກວ່າເມັດ

by somchan

ໃນ​ວັນ​ທີ 21 ມີນາ 2017 ນີ້ ​ເຈົ້າ​ໜ້າ​ທີ່​ຕຳຫຼວດ ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ປກສ ​ແຂວງ​ບໍລິ​ຄຳ​ໄຊ ​ໄດ້​ສົມ​ທັບ​ກັບ ປກສ ​ເມືອງ​ທ່າ​ພະ​ບາດ ​ໄດ້​ຈັບ​ກຸມ​ພວກ​ກຸ່ມ​ແກ້ງ ຄ້າຂາຍ​ຢາ​ເສບ​ຕິດ ​ໄດ້ 10 ຄົນ ຢູ່​ເຮືອນ​ເຊົ່າ ​ເຂດ​ບ້ານ​ທ່າ​ບົກ ​ເມືອງ​ທ່າ​ພະ​ບາດ ​ແຂວງ​ບໍລິ​ຄຳ​ໄຊ ສາມາດ​ຍຶດຢາ​ເສບ​ຕິດປະ​ເພດ ຢາ​ບ້າ​ໄດ້ຈຳນວນ 6 ມັດ ກັບ​ 2 ​ຖົງ ​ເທົ່າ​ກັບ 12,400 ​ເມັດ, ກັນຊາ​ແຫ້ງ​ອັດ​ແທ່ງ 2 ​ແທ່ງ , ປືນ 3 ກະບອກ, ລູກປືນ​ແວງ 27 ລູກ, ​ໂທລະສັບ 5 ໜ່ວຍ, ​ເງີ​ນກີບ 640,000 ກີບ, ​ເງີ​ນບາດ​ໄທ 2,000 ບາດ, ລົດຈັກ 4 ຄັນ, ຜູ້​ກະທຳ​ຜິດ 10 ຄົນ ຄື ທ້າວ ນັດ​ທະ​ພົງ ອາຍຸ 22 ປີ ຢູ່​ ບ້ານ ໜອງ​ແສງ, ທ້າວ ນັນທະ​ວັດ ອາຍຸ 19 ປີ ຢູ່​ບ້ານ​ຄຳ​ແສນ, ທ້າວ ພົງ​ເທບ ອາຍຸ 22 ປີ ຢູ່​ບ້ານ ນາ​ຈະ​ເລີ​ນ, ນາງ ກິລາ​ຄອນ ( ປາ ) ອາຍຸ 17 ປີ ບ້ານ​ໂນນ​ສະຫວ່າງ ທັງ 4 ​ແມ່ນ​ຢູ່​ເມືອງ ບຶງ​ການ ​ແຂວງ​ບຶງ​ການ ປະ​ເທດ​ໄທ, ທ້າວ ບຸນ​ມາ ອາຍຸ 37 ປີ ຢູ່​ບ້ານ​ເລົ່າ ​ເມືອງ​ທ່າ​ແຂກ ​ແຂວງ ຄຳ​ມ່ວນ, ທ້າວ ດາລາ​ນີ ອາຍຸ 25 ປີ ຢູ່​ບ້ານ ສີວິ​ໄລ ​ເມືອງ​ໂພນ​ໂຮງ ​ແຂວງ​ວຽງ​ຈັນ, ນາງ ມຸກ ອາຍຸ 18 ປີ ຢູ່​ບ້ານ ​ໂພນ​ສີ ​ເມືອງ​ນາ​ຊາຍ​ທອງ ນະຄອນຫຼວງ​ວຽງ​ຈັນ, ທ້າວ ລຳ​ເງີ​ນ ອາຍຸ 50 ປີ ຢູ່​ບ້ານ​ທ່າ​ບົກ ​ເມືອງ​ທ່າ​ພະ​ບາດ, ນາງ ຄູນ​ຄຳ ອາຍຸ 17 ປີ ຢູ່​ບ້ານ ຄຳ​ບອນ ​ເມືອງ​ປາກ​ຊັນ ​ແລະ ນາງ ນິ້ມ ອາຍຸ 19 ປີ ຢູ່​ບ້ານ ສົມ​ສະໜຸກ ​ເມືອງ​ປາກ​ກະດິງ ທັງ 3 ​ແມ່ນ​ຢູ່​ແຂວງ​ບໍລິ​ຄຳ​ໄຊ .

ປະຈຸ​ບັນ ລາຍ​ຄະດີ​ດັ່ງກ່າວ ​ເຈົ້າ​ໜ້າ​ທີ່​ຕຳຫຼວດ ພວມ​ດຳ​ເນີນ​ການ​ສືບສວນ-​ສອບ​ສວນ​ຂະຫຍາຍ​ຜົນ.

Off
27th Mar2017

ເຈົ້າໜ້າທີ່ຕຳຫຼວດ ສະຫຼຸບຜົນການສືບສວນ-ສອບສວນ ສາເຫດໄຟໄໝ້ເຮືອນ ແລະ ຮ້ານຂາຍເຄື່ອງ ຢູ່ບໍ່ເຕນ

by somchan

​ເຈົ້າ​ໜ້າ​ທີ່​ພະ​ແນ​ກຕຳຫຼວດ​ສະກັດ​ກັ້ນ ​ແລະ ຕ້ານ​ອັກຄີ​ໄພ ກອງ​ບັນຊາ​ການ ປກສ ​ແຂວງ​ຫຼວງ​ນ້ຳ​ທາ ​ໄດ້​ລາຍ​ງານ​ໃຫ້​ຮູ້ກ່ຽວ​ກັບ ສາ​ເຫດ​ຂອງ​ເຫດການ​ໄຟ​ໄໝ້​ເຮືອນ ​ແລະ ຮ້ານ​ຂາຍ​ເຄື່ອງ ຢູ່​ເຂດ​ບ້ານ​ບໍ່​ເຕນ ​ເມືອງ ​ແລະ ​ແຂວງ​ຫຼວງ​ນ້ຳ​ທາ ​ແມ່ນ​ເກີດ​ຈາກ​ການ​ດັງ​ໄຟ​ແຕ່ງກິນ ​ແລະ ລືມ​ດັບ​ມອດ. (more…)

Off
27th Mar2017

ຈັບພວກຄ້າຂາຍຢາເສບຕິດ 2 ຄົນ ພ້ອມເຮໂລອິນ 21 ແທ່ງ

by somchan

​ໃນ​ວັນ​ທີ 16 ມີນາ 2017 ​ເຈົ້າ​ໜ້າ​ທີ່​ຕຳຫຼວດ ກົມ​ຕຳຫຼວດ​ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ກົມ​ໃຫ່ຍຕຳຫຼວດ ກະຊວງ ປກສ ​ໄດ້​ນຳ​ກຳລັງ​ເຂົ້າ​ສະກັດ​ກັ້ນ​ແກ້​ໄຂ ພວກ​ຄ້າຂາຍ​ຢາ​ເສບ​ຕິດ ​ໃນ​ຂະນະ​ທີ່​ພວມ​ມີ​ການ ຊື້-​ຂາຍ ຢູ່​ເຂດ​ບ້ານ​ນາ​ສ້າງ​ໄພ ​ເມືອງ​ໄຊ​ເຊ​ດຖາ ນະຄອນຫຼວງ​ວຽງ​ຈັນ ສາມາດ​ຍຶດຢາ​ເສບ​ຕິດ​ໄດ້ 21 ​ແທ່ງ ນ້ຳໜັກ 9 ກິ​ໂລກຣາມ, ລົດ​ໃຫ່ຍ 1 ຄັນ ພ້ອມ​ທັງ​ກັກ​ຕົວ​ຜູ້​ກະທະ​ຜິດ ​ໄດ້ 2 ຄົນ ຄື ທ້າວ ​ໄມ​ອ່ອນ ອາຍຸ 58 ປີ ປະຊາຊົນ ຢູ່​ບ້ານ ມອມ ​ເມືອງ​ຕົ້ນ​ເຜິ້ງ ​ແຂວງ​ບໍ່​ແກ້ວ ​ແລະ ນາງ ຈັນ​ໄດ ຫຼື ຫຼ້າ ອາຍຸ 33 ປີ ປະຊາຊົນ​ຢູ່​ບ້ານ ຫຼັກ 12 ​ເມືອງ​ໂພນ​ທອງ ​ແຂວງ​ຈຳ​ປາ​ສັກ.

​ເຈົ້າ​ໜ້າ​ທີ່​ຕຳຫຼວດ ຍັງ​ໃຫ້​ຮູ້​ອີກ​ວ່າ ສຳລັບ ທ້າວ​ໄມ​ອ່ອນ ​ແມ່ນ​ເຄີຍ​ຖືກ​ສານ​ຕັດສິນ​ ລົງ​ໂທດ​ມາ​ແລ້ວ 1 ຄັ້ງ ຄື​ຈຳ​ຄຸກ 11 ປີ ຂໍ້​ຫາ​ຄ້າຂາຍ​ຢາ​ເສບ​ຕິດ.

Off
22nd Mar2017

ຍຶດຢາບ້າ 6000 ເມັດ ແລະ ກັກຕົວຜູ້ຂາຍ 2 ຄົນ

by somchan

ໃນວັນທີ່ 18 ມີນາ 2017 ນີ້ ເຈົ້າໜ້າທີ່ຕຳຫຼວດ ສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ແຂວງສະຫວັນນະເຂດ ສົມທົບກັບ ເຈົ້າໜ້າທີ່ຕຳຫຼວດ ເມືອງສອງຄອນ ໄດ້ສະກັດກັ້ນແກ້ໄຂຄະດີ ຢາເສບຕິດ ຢູ່ເຂດ ບ້ານອຸ່ມໜາມຄອມ ເມືອງສອງຄອນ ສາມາດ ຍຶດຢາບ້າໄດ້ 6000 ເມັດ,ພ້ອມລົດກະບະສີຂາວ ໝາຍເລກຖະບຽນ ຂລ 8884  ແລະ ກັກຕົວຜູ້ກະທຳຜິດ ໄດ້ສອງຄົນ ຄື ທ້າວ ຊຽງຄານ ອາຍຸ 48 ປີ ປະຊາຊົນ ຢູ່ບ້ານໂພນເມືອງນ້ອຍ ແລະ ນາງຕ່າຍ ອາຍຸ 19 ປີ ປະຊາຊົນ ຢູ່ບ້ານປ່າຄ່າ ເມືອງຄຳເກີດ ແຂວງບໍລິຄຳໄຊ,

ປະຈຸບັນ ລາຍຄະດີດັງກ່າວ ພວມຢູ່ໃນຂັນຕອນດຳເນີນຄະດີ ຂອງເຈົ້າໜ້າທີ່ຕຳຫຼວດ.

Off
22nd Mar2017

ສານປະຊາຊົນຂັ້ນຕົ້ນ ນະຄອນຫຼວງວຽງຈັນ ຕັດສິນປ່ອຍຕົວ ນັກໂທດກ່ອນກຳນົດ 25 ຄົນ

by somchan

​ໃນ​ວັນ​ທີ 20 ມີນາ 2017 ນີ້ ສານ​ປະຊາຊົນ​ຂັ້ນ​ຕົ້ນ ນະຄອນຫຼວງ​ວຽງ​ຈັນ ​ໄດ້​ຕັດສິນ​ປ່ອຍ​ຕົວ​ນັກ​ໂທ​ດກ່ອນ​ກຳນົດ ຈຳນວນ 25 ຄົນ ​ໃນ​ນີ້ມີ​ນັກ​ໂທດ​ຄະດີ​ຢາ​ເສບ​ຕິດ 20 ຄົນ, ລັກ​ຊັບ 2 ຄົນ, ຂົ່ມຂືນ​ທຳ​ຊຳ​ເລົາ 1 ຄົນ, ຊື້-​ຂາຍ​ອາວຸດ​ເສິກ 1 ຄົນ ​ແລະ ສໍ້​ໂກງ​ຊັບ 1 ຄົນ. (more…)

Off
Pages:«123456789...14»