09th Aug2017

ຈັບພວກຄ້າຂາຍຢາເສບຕິດ ໄດ້ຂອງກາງຢາບ້າ 85 ມັດ

by somchan

ວັນທີ 2 ສິງຫາ 2017 ນີ້ ເຈົ້າໜ້າທີ່ຕຳຫຼວດສະກັດກັ້ນ ແລະ ຕ້ານຢາເສບຕິດ ນະຄອນຫຼວງວຽງຈັນ ໄດ້ຈັບຕົວຜູ້ລັກລອບຄ້າຂາຍຢາເສບຕິດ 4 ຄົນ ຢູ່ເຂດບ້ານໂນນສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ພ້ອມຢາບ້າ 85 ມັດ ກັບ 24 ເມັດ ເທົ່າກັບ 170,024ເມັດ, ພ້ອມດ້ວຍ ລົດໃຫຍ່01 ຄັນ, ລົດຈັກ 03 ຄັນ ເງິນກີບ 6,000,000 (ຫົກລ້ານກີບ) ເງິນບາດ 626,000 ບາດ (ຫົກແສນສອງໜຶ່ນຫົກພັນບາດ) ແລະ ເງິນໂດລາ 2.000$ (ສອງພັນໂດລາ). ຜູ້ກະທຳຜິດມີທ້າວໜູກອນ ອາຍຸ 31 ປີແລະ ນາງສ້ອຍສຸດາ ອາຍຸ 28 ປີ ທັງສອງເປັນຜົວເມຍກັນ ພັກເຊົາຢູ່ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ, ທ້າວ ຕ້າ ອາຍຸ 26 ປີ ແລະ ນາງປານີ ອາຍຸ 24 ປີ ທັງສອງເປັນຜົວເມຍກັນ ຢູ່ບ້ານຈຳປາ ເມືອງສີໂຄດຕະບອງ ນະຄອນຫຼວງວຽງຈັນ.

ປະຈຸບັນ ພວກກ່ຽວແມ່ນຖືກເຈົ້າໜ້າທີ່ດຳເນີນຄະດີ.

ຂ່າວ​ຍັງ​ໃຫ້​ຮູ້​ຕື່ມ​ອີກ​ວ່າ: ໃນວັນທີ 4 ສິງຫາ 2017 ກົມ​ຕຳຫຼວດ​ສະກັດ​ກັ້​ນ ​ແລະ ຕ້ານ​ຢາ​ເສບ​ຕິດ ກົມ​ໃຫ່ຍຕຳຫຼວດ​ກະຊວງ ປກສ ຢູ່​ເຮືອນ​ພັກ​ແຫ່ງ​ໜຶ່ງ ​ເຂດ​ບ້ານ​ສົມ​ສະຫວັນ ​ເມືອງ​ໄຊ​ທານີ ນະຄອນຫຼວງ​ວຽງ​ຈັນ ຈັບ​ຕົວ​ໄດ້ 01 ຄົນ ທ້າວ ອ້າ​ຍ​ເຫຼັກ ອາ​ຍຸ 35 ປີ ອາຊີບ​ຄ້າຂາຍ ປະຈຸ​ບັນ​ຢູ່​ບ້ານ ​ແມ່​ສາຍ ​ເມືອງ​ແມ່​ສາຍ ​ແຂວງ​ຈຽງ​ລາຍ ປະ​ເທດ​ມຽນມາ ພ້ອມ​ດ້ວຍ​ຢາ​ເສບ​ຕິດ ປະ​ເພດ​ຢາ​ບ້າ ຈຳນວນ 84 ມັດ ​ເທົ່າ​ກັບ 168.000 ​ເມັດ ນ້ຳໜັກ 20 ກິ​ໂລກຣາມ.

ຜ່ານ​ການສຶບສວນ-​ສອບ​ສວນ ຂອງ​ເຈົ້າ​ໜ້າ​ທີ່ກົມຕຳຫຼວດ​ສະກັດ​ກັ້​ນ ​ແລະ ຕ້ານ​ຢາ​ເສບ​ຕິດ​ໃຫ້​ຮູ້​ວ່າ ຜູ້ກ່ຽວ​ໄດ້​ໃຫ້ການ​ສາລະພາບ​ວ່າ: ຢາ​ບ້າ​ຈຳນວນ 84 ມັດ ​ເທົ່າ​ກັບ 168.000 ​ເມັດ ນ້ຳໜັກ 20 ກິ​ໂລກຣາມ ທີ່​ເຈົ້າ​ໜ້າ​ທີ່​ຍຶດ​ໄດ້​ນັ້ນ ຜູ້ກ່ຽວ​ເພື່ອ​ຈະ​ນຳ​ມາ​ຂາຍ​ໃຫ້​ພວກ​ຮ່ວມ​ຂະ​ບວນການ​ດຽວ​ກັນ ​ແຕ່​ບໍ່​ທັນ​ໄດ້​ຂາຍ​ເທື່ອ ກໍ່​ຖືກ​ເຈົ້າ​ໜ້າ​ທີ່​ຈັບ​ຕົວ​ກ່ອນ ປະຈຸ​ບັນ​ຜູ້ກ່ຽວ​ຍັງ​ຢູ່​ໃນ​ຂັ້ນ​ຕອນ​ຂອງ​ການ​ດຳ​ເນີນ​ຄະດີ​ຕາມ​ກົດໝາຍ.

 

 

Off
08th Aug2017

ຈັບພວກຄ້າຂາຍ ຢາເສບຕິດ ລາຍໃຫຍ່ໄດ້ 08 ຄົນ ພ້ອມຂອງກາງ ຫຼາຍລານຍການ

by somchan

ວັນ​ທີ 28 ກໍລະກົດ 2017 ນີ້ ​ເຈົ້າ​ໜ້າ​ທີ່​ຕຳຫຼວດ​ພະ​ແນ​ກຕ້ານ ​ແລະ ສະກັດ​ກັ້ນ​ຢາ​ເສບ​ຕິດ ກອງ​ບັນຊາ​ການ ​ປກສ ​ແຂວງ​ອຸດົມ​ໄຊ ສົມທົບ​ກັບ​ກົມ​ຕຳຫຼວດ​ຕ້ານ ​ແລະ ສະກັດ​ກັ້ນ​ຢາ​ເສບ​ຕິດ​ ກະຊວງ​ປ້ອງ​ກັນ​ຄວາມ​ສະ​ຫງົບ ມີ​ໜ່ວຍ​ສະ​ເພາະ​ກິດ​ຈາກ​ພາກສ່ວນ​ກ່ຽວ​ຂ້ອງເຂົ້າ​ຮ່ວມ​ມ້າງ​ຄະດີ​ຢາ​ເສບ​ຕິດ​ລາຍ​ໃຫຍ່ ຈຳນວນ 01 ລາຍ, ຢູ່​ເຂດ​ບ້ານ​ພູ​ຂຽວ ​ແລະ ບ້ານ​ຫຼັກ 44 ​ເມືອງ​ໄຊ​ ແຂວງ​ອຸດົມ​ໄຊ (more…)

Off
03rd Aug2017

ສະກັດລົດຈັກ ເປົ້າໝາຍ ຢຶດຢາບ້າໄດ້ ເກືອບ 100,000 ເມັດ

by somchan

​ໃນ​ວັນ​ທີ 26 ກໍ​ລະ​ກົດ 2017 ​ເຈົ້າ​ໜ້າ​ທີ່ ພະ​ແນ​ກຕຳຫຼວດ ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ປກສ ​ແຂວງ​ຫຼວງ​ນ້ຳ​ທາ ​ໄດ້​ປະສານ​ສົມທົບ​ກັບ ​ໜ່ວຍ​ງານ ສະ​ເພາະ​ກິດ ຕັ້ງ​ດ່ານ​ ກວດ​ສະກັດ ພວກ​ລັກລອບ​ ຄ້າຂາຍ​ຢາ​ເສບ​ຕິດ ຢູ່​ເສັ້ນທາງ​ ບ້ານຊຽງກົກ​ເກັ້າ ​ເມືອງ​ລອງ ​ແຂວງ​ຫຼວງ​ນ້ຳ​ທາ ພົບ​ເຫັນ​ເປົ້າ​ໝາຍ​ຂີ່​ລົດຈັກ ທີ່​ຕ້ອງ​ສົງ​ໃສ ຈຶ່ງ​ທຳ​ການ​ກວດ​ຄົ້ນ ພົບ​ຂອງ​ກາງ​ຢາ​ບ້າ 47 ມັດ ​ເທົ່າ​ກັບ 94,000 ​ເມັດ ​ໃນ​ຖົງພາຍ​ຂອງ​ຜູ້​ຕ້ອງ​ຫາ.

ຜູ້​ຕ້ອງ​ຫາ​ຊື່ ທ້າວ ຈຳ​ໂບ້ ອາຍຸ 22 ປີ ຢູ່​ບ້ານ ຈ່າ​ຍີ້ ​ເມືອງ​ລອງ ​ແຂວງ​ຫຼວງ​ນ້ຳ​ທາ ຜ່ານ​ການ​ສືບສວນ​ຂອງ​ເຈົ້າ​ໜ້າ​ທີ່​ຕຳຫຼວດ ຜູ້ກ່ຽວ​ຮັບ​ສາລະພາບ​ວ່າ ຢາ​ບ້າ​ຈຳນວນ​ດັ່ງກ່າວ ​ແມ່ນ​ຂອງ​ຕົນ​ແທ້ ຊຶ່ງ​ໄດ້​ຮັບ​ຈາກ​ພວກ​ຮ່ວມ​ຂະ​ບວນການ ​ເພື່ອ​ສົ່ງ​ໃຫ້​ລູກ​ຄ້າ ທີ່​ສັ່ງ​ຊື້ ຢູ່​ເມືອງ​ສິງ ​ແຂວງ​ຫຼວງ​ນ້ຳ​ທາ ​ແຕ່​ຖືກ​ເຈົ້າ​ໜ້າ​ທີ່​ຕຳຫຼວດ​ຈັບ​ໄດ້​ກ່ອນ.

ຂ່າວ​ຍັງ​ໃຫ້​ຮູ້​ຕື່ມີ​ກວ່າ : ​ໃນ​ໄລຍະ​ດຽວ​ກັນ​ນີ້

ເຈົ້າ​ໜ້າ​ທີ່​ຕຳຫຼວດ ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ກອງ​ບັນຊາ​ການ ປກສ ​ແຂວງ​ສະຫວັນ​ນະ​ເຂດ ​ໄດ້​ມ້າງ​ຄະດີ ຄ້າຂາຍ​ຢາ​ເສບ​ຕິດ ຢູ່​ຂອບ​ເຂດ​ບ້ານ ​ໂນນ​ສົມບູນ ​ເມືອງ​ສອງ​ຄອນ ​ແຂວງ​ສະຫວັນ​ນະ​ເຂດ ສາມາດ​ຈັບ​ກຸ້ມ​ແກ້ງ​ຄ້າ-ຂາຍ ​ຢາ​ເສບ​ຕິດ ຈຳນວນ 3 ຄົນ ພ້ອມ​ດ້ວຍ​ຂອງ​ກາງ​ຢາ​ບ້າ ນຳ​ພວກ​ກ່ຽວ ຈຳນວນ 5 ມັດ ​ເທົ່າ​ກັບ 10,000 ​ເມັດ, ລົດ​ໃຫ່ຍ 2 ຄັນ, ລົດຈັກ 2 ຄັນ,​ໂທລະສັບ​ຈຳນວນ 5 ໜ່ວຍ, ປືນ​ສັ້ນ​ປະດິ​ດ 1 ກະບອກ. ຜູ້​ຕ້ອງ​ຫາ​ທັງ 3 ຄົນ ມີ ທ້າວ ​ເຮືອງ ພາສີ​ສຸກ ອາຍຸ 51 ປີ ຢູ່​ບ້ານ ​ໂຄກ​ສະອາດ, ທ້າວ ສາຄອນ ມະຫາ​ທິລາດ ອາຍຸ 23 ປີ ຢູ່​ບ້ານ ນາ​ແສນເທບ ​ແລະ ທ້າວ ​ໂຕນ ​ເສດ​ຖາ ອາຍຸ 29 ປີ ຢູ່​ບ້ານ ນາ​ແສນເທບ ຜູ້ກ່ຽວ​ທັງ 3 ຢູ່​ເມືອງ​ສອງ​ຄອນ ​ແຂວງ​ສະຫວັນ​ນະ​ເຂດ,

ຜ່ານ​ການ​ສືບສວນ-​ສອບ​ສວນ​ເບື້ອງ​ຕົ້ນ ຂອງ​ເຈົ້າ​ໜ້າ​ທີ່ ພວກ​ກ່ຽວ​ໄດ້​ຮັບ​ສາລະພາບ​ວ່າ: ຢາ​ບ້າ​ຈຳນວນ​ 5 ມັດ ​ແມ່ນ​ຂອງ​ພວກ​ກ່ຽວ​ແທ້ ​ໄດ້​ຊື້​ມາ​ຈາກ​ຜູ້​ຮ່ວມ​ຂະ​ບວນການ ​ເພື່ອ​ມາ​ຈຳໜ່າຍ​ແທ້.ປັດຈຸບັນ​ຄະດີ​ດັ່ງກ່າວ ດຳ​ເນີນ​ການ​ສືບສວນ-ສອບ​ສວນ ປະກອບ​ສຳນວນ​ຄະດີ ສົ່ງ​ໄອ​ຍະ​ການ​ຟ້ອງ​ສານ​ຕັດສິນ​ລົງ​ໂທດ ຕາມ​ລະບຽບ​ກົດໝາຍ​ບ້ານ​ເມືອງ.

Off
02nd Aug2017

ພາສີ ບໍ່ເຕນ ກວດພົບ ຢາບ້າ ກຽມອອກດ່ານ 2,172,000 ເມັດ

by somchan

​ໃນ​ວັນ​ທີ 26 ກໍ​ລະ​ກົດ 2017 ນີ້ ​ເຈົ້າ​ໜ້າ​ທີ່​ພາສີ​ປະຈຳ​ດ່ານ​ ສາກົນ​ບໍ່​ເຕນ ​ແຂວງ​ຫຼວງ​ນ້ຳ​ທາ ຮ່ວມ​ກັບ​ເຈົ້າ​ໜ້າ​ທີ່​ຕຳຫຼວດ ປກສ ​ແຂວງ ​ໄດ້​ທຳ​ການ​ກວດ​ຄົ້ນ​ລົດ ບັນທຸກ ປະ​ເພດ 6 ລໍ້ ໝາຍ​ເລກ​ທະບຽນ HOE 943 ພົບ​ຢາ​ບ້າ 2,172,000 ​ເມັດ ​ເຊິ່ງ​ເຈົ້າ​ຂອງ​ລົດ​ກຳລັງກຽມ​ແຈ້ງ​ໜັງສື​ອອກ​ດ່າ​ນ​.

​ເຈົ້າ​ໜ້າ​ທີ່​ຕຳຫຼວດ​ ແຂວງ​ຫຼວງນ້ຳ​ທາ ​ໃຫ້​ຮູ້​ວ່າ: ລົດ​ບັນທຸກຄັນ​ດັ່ງກ່າວ ​ໄດ້​​ແຈ້ງ​ໜັງສື​ເຂົ້າ​ມາລາ​ວ ​ແຕ່​ວັນທີ 24 ກໍລະກົດ 2017 ຈຸດປະສົງ​ແມ່ນ​ໄປ ​ແຂວງ​ຊຽງ​ຂວາງ ​ແຕ່​ບໍ່​ມີ​ສິນຄ້າ​ຢູ່​ໃນ​ລົດ ຈົນ​ມາ​ຮອດ​ວັນ​ທີ 26 ກໍລະກົດ ລົດ​ຄັນ​ດັ່ງກ່າວ​ໄດ້​ກັບ​ມາ ດ່ານ​ບໍ່​ເຕນ ​ເພື່ອ​ແຈ້ງ​ໜັງສື​ອອກ​ດ່ານ ​​ເຂົ້າ​ໄປ​ປະ​ເທດ​ຈີນ ​ເຊິ່ງຜູ້​ແຈ້ງ​ໜັງສື​ແມ່ນ ທ້າວ ຕາວ​ວັນ​ຊູ (Taowanx ) ​ເລກ​ໜັງສື​ເດີນທາງ G 59961522 ​ແຕ່ເຈົ້າ​ໜ້າ​ທີ່​ພາສີ ທີ່​ປະຈຳ​ດ່ານ​ພາສີ​ສາກົນ ບໍ່​ເຕນ ພົບ​ເຫັນ​ລົດ​ບັນທຸກ​ບໍ່​ມີ​ສິນຄ້າ ຈຶ່ງ​ສົງ​ໃສ​ຊຸກ​ເຊືອງ​ສິ່ງ​ຜິດ​ກົດໝາຍ ຈຶ່ງ​ປະ​ສານ​ເຈົ້າ​ໜ້າ​ທີ່​ຕຳຫຼວດ ປກສ ກວດ​ຄົ້ນ​ລົດ ຈຶ່ງພົບ​ຢາ​ບ້າ ຈຳນວນ 362 ​ແພັກ ລວມມີ 1.086 ມັດ ​ເທົ່າ​ກັບ 2.172.000 ​ເມັດ ຊຸກ​ເຊືອງ​ຢູ່​ໃນ​ພື້ນ​ລົດ ພ້ອມ​ດ້ວຍ​ເງີ​ນສົດ​ຈຳນວນ​ໜຶ່ງ ​ໃນ​ຂະນະ​ທີ່​ປະສານ​ງານ​ກັບ​ເຈົ້າ​ໜ້າ​ທີ ປກສນັ້ນ ຜູ້​ຂັບ​ຂີ່​ ພ້ອມ​ດ້ວຍ​ຜູ້​ໂດຍສານ​ມາ​ນຳລົດ​ ປະມານ 2-3ຄົນ ​ໄດ້​ສວຍ​ໂອກາດ​ຫຼົບໜີ.

ປັດຈຸ​ບັນ ​ເຈົ້າ​ໜ້າ​ທີ່ຕຳຫຼວດ ປກສ ​ແຂວງຫຼວງ​ນ້ຳ​ທາ ​ໄດ້​ຮ່ວມ​ກັບ​ພາກສ່ວນ​ທີ່​ກ່ຽວຂ້ອງ ພວມ​ທຳການ​ສືບສວນ-​ສອບ​ສວນ ຂະຫຍາຍ​ຜົນ​ຫາ​ທີ່​ໄປ​ທີ່​ມາ​ຂອງ​ຢາ​ເສບ​ຕິດ​ຈຳນວນ​ດັ່ງກ່າວ ​ເພື່ອ​ຈະ​ໄດ້​ຕິດຕາມ​ຈັບ​ກຸມ​ກຸ່ມ​ແກ້ງ​ຄ້າຂາຍ​ຢາ​ເສບ​ຕິດ​ຂ້າມ​ຊາດ ມາ​ດຳ​ເນີນ​ຄະດີ​ຕາມ​ກົດໝາຍ​ຕໍ່​ໄ​​ປ.

ຂ່າວ​ຍັງ​ໃຫ້​ຮູ້​ຕື່ມອີກ​ວ່າ:

​ໃນ​ວັນ​ທີ 23 ກໍລະກົດ 2017 ​ເຈົ້າ​ໜ້າ​ທີ່​ພະ​ແນ​ກຕຳຫຼວດ ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ປກສ ​ແຂວງ​ຫຼວງ​ນ້ຳ​ທາ ສົມທົບ​ກັບ​ເຈົ້າ​ໜ້າ​ທີ່​ສະ​ເພາະ​ກິດ ​ໄດ້​ນຳ​ກຳລັງ​ເຂົ້າ​ຈັບ​ກຸມ ພວກ​ລັກລອບ​ຄ້າຂາຍ​ຢາ​ເສບ​ຕິດ ຢູ່​ເຮືອນ​ພັກ​ແຫ່ງ​ໜຶ່ງ ຢູ່​ເຂດ​ເມືອງ​ສິງ  ສາມາດ​ຈັບ​ກຸມ​ຜູ້​ຕ້ອງ​ຫາ​ໄດ້ 3 ຄົນ ພ້ອມ​ຂອງ​ກາງ​ຢາ​​ເສບ​ຕິດ 50 ມັດ ​ເທົ່າ​ກັບ 100,000 ​ເມັ​ດ ຜູ້​ຕ້ອງ​ຫາ​ທັງ 3 ຄົນ ຄື: ທ້າວ ລໍ​ຈາ ອາຍຸ 22 ປີ ຢູ່​ບ້ານ ຈາ​ພະ ​ເມືອງ​ຊຽງ​ລາຍ ​ແຂວງ​ທ່າ​ຂີ້​ເຫຼັກ ປະ​ເທດ​ມຽນມ້າ, ທ້າວ ຢາ​ແຫລະ ​ອາຍຸ 20 ປີ ​ແລະ ທ້າວ ອາ​ປາ ອາຍຸ 17 ປີ ທັງ​ສອງ ຢູ່​ບ້ານ ຈາ​ແກ້ວ ​ເມືອງ​ລອງ ​ແຂວງ​ຫຼວງ​ນ້ຳ​ທາ.

ຜ່ານ​ການ​ສຶບສວນ-​ສອບ​ສວນ ​ເບື້ອງ​ຕົ້ນ​ຂອງ​ເຈົ້າ​ໜ້າ​ທີ່ ຜູ້ກ່ຽວ​ທັງ 3 ​ໄດ້​ຮັບ​ສາລະພາບ​ວ່າ ຢາ​ບ້າ​ຈຳນວນ​ດັ່ງກ່າວ ​ແມ່ນ​ຂອງ​ພວກ​ຕົນ​ແທ້ ​ເຊິ່ງ​ໄດ້​ນັດ​ໝາຍ​ສົ່ງ​ຢາ​ເສບ​ຕິດ ຢູ່​ເຮືອນ​ພັກ​ດັ່ງກ່າວ ​ແຕ່​ຖືກ​ເຈົ້າ​ໜ້າ​ທີ່​ຈັບ​ໄດ້​ກ່ອນ ຕໍ່​ລາຍ​ຄະດີ​ດັ່ງກ່າວ ​ເຈົ້າ​ໜ້າ​ທີ່​ເລັງ​ສຶບສວນ-​ສອບ​ສວນ ຂະຫຍາຍ​ຜົນ ຫາ​ເຄືອ​ຄ່າ​ຍຮ່ວມ​ຂະ​ບວນການ​ເພື່ອ​ນຳ​ຕົ​ວມາ​ດຳ​ເນີນ​ຄະດີ ຕາມ​ລະບຽບ​ກົດໝາຍ.

Off
17th Jul2017

ສະກັດ ກວດລົດ ເປົ້າໝາຍ ພົບ ເຮໂລອິນ 6 ແທ່ງ

by somchan

​ໃນ​ວັນ​ທີ 10 ກໍ​ລະ​ກົດ 2017 ​ເຈົ້າ​ໜ້າ​ທີ່​ພະ​ແນ​ກ ຕຳຫຼວດ ສະກັດ​ກ້ນ ​ແລະ ຕ້ານ​ຢາ​ເສບ​ຕິດ ປກສ ​ແຂວງ​ ບໍ່​ແກ້ວ ​ໄດ້​ຮັບ​ຂໍ້​ມູນ​ ຈາກ​ແຫຼ່ງຂ່າວ ຈະ​ມີ​ການ​ ລັກລອບ ຂົນ​ສົ່ງ ​ຢາ​ເສບ​ຕິດ ຈາກ​ເມືອງ ​ເມິງ ຫາ ​ເມືອງ​ຫ້ວຍ​ຊາຍ ​ແຂວງ​ບໍ່​ແກ້ວ.

ດັ່ງ​ນັ້ນ ​ເຈົ້າ​ໜ້າ​ທີ່​ຕຳຫຼວດ ພະ​ແນ​ກສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ຈຶ່ງ​ໄດ້​ສົມທົບ​ກັບ​ພາກສ່ວນ​ທີ່​ກ່ຽວຂ້ອງ ຕັ້ງ​ດ່ານ​ສະກັດ​ ຢູ່​ຈຸດ​ກວດກາ ​ເຂດ​ບ້ານ​ປຸງ ​ເມືອງ​ຫ້ວຍ​ຊາຍ ​ໄດ້​ພົບ​ເຫັນ​ເປົ້າ​ໝາຍ ຈຶ່ງ​ໄດ້​ສະ​ກັດ​ກວດ​ຄົ້ນ ພົບ​ເຫັນ​ຢາ​ ​ເສບ​ຕິດ ປະ​ເພດ ​ເຮ​ໂລ​ອິນ ຈຳນວນ 6 ​ແທ່ງ ຊຸກ​ເຊື່ອງ​ຢູ່​ໃນ​ພື້ນ​ກະບະ​ດ້ານ​ຫຼັງ​ລົດ  ​ເຈົ້າ​ໜ້າ​ທີ່​ຈຶ່ງ​ໄດ້​ກັກ​ຕົວ ຜູ້​ຂັບ​ຂີ່​ຊື່ ທ້າວ ຈ່າ​ຍໍ່ ອາຍຸ 30 ປີ ຢູ່​ບ້ານ ປຸງ​ຜາ ​ແລະ ທ້າວ ສິດ ອາຍຸ 22 ປີ ຢູ່​ບ້ານ​ຫົວ​ນ້ຳ​ຄາ ທັງ​ສອງ​ຢູ່​ເມືອງ ​ເມິງ  ​ແຂວງ​ບໍ່​ແກ້ວ ,

ຜ່ານ​ການ​ສອບ​ສວນ​ໃນ​ເບື້ອງ​ຕົ້ນ: ທ້າວ ຈ່າ​ຍໍ່ ​ໄດ້​ຮັບ​ສາລະພາບ​ວ່າ: ​ເຮ​ໂລ​ອິນ​ຈຳນວນ​ດັ່ງກ່າວ ​ເປັນ​ຂອງ​ຜູ້ກ່ຽວ ​ເຊິ່ງຈະ​ນຳ​ໄປ​ສົ່ງ​ໃຫ້​ຜູ້​ສັ່ງ​ຊື້ ຢູ່​ເມືອງ​ຫ້ວຍ​ຊາຍ ​ແຕ່​ຖືກ​ຈັບ​ຕົວ​ກ່ອນ. ສ່ວນ ​ທ້າວ​ ສິດ ​ໃຫ້ການ​ປະຕິ​ເສດ​ທຸກ​ຂໍ້​ກ່າວ​ຫາ ​ໂດຍ​ບໍ່​ມີ​ສ່ວນຮູ້​ເຫັນ​ກ່ຽວ​ຂ້ອງ​ກັບ​ເຮ​ໂລ​ອິນ​ຈຳນວນ​ດັ່ງກ່າວ. ພຽງ​ແຕ່​ຂໍ​ຂີ່ລົດ​ມາ​ນຳ ທ້າວ​ຈ່າ​ຍໍ່ ​ເທົ່າ​ນັ້ນ ປັດຈຸບັນ​ເຈົ້າ​ໜ້າ​ທີ່​ຕຳຫຼວດ ກຳລັງ​ສືບສວນ-​ສອບ​ສວນ ຫາ​ກຸ່ມ​ແກ້ງ​ຮ່ວມ​ຂະ​ບວນການ ຄ້າຂາຍ​ຢາ​ເສບ​ຕິດ​ມາ​ດຳ​ເນີນ​ຄະດີ.

Off
13th Jul2017

ຈັບຍິງ 2 ຄົນ ຂົນ ຢາເສບຕິດ ປະເພດ ເຮໂລອິນ 10 ແທ່ງ

by somchan

​ໃນ​ວັນ​ທີ 5 ກໍລະກົດ 2017 ນີ້ ​ເຈົ້າ​ໜ້າ​ທີ່​ຕຳຫຼວດ ພະ​ແນ​ກສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ປກສ ​ແຂວງ​ຫົວພັນ ​ໄດ້​ຮັບ​ແຈ້ງ​ຈາກ​ພົນລະ​ເມືອງ​ດີ​ວ່າ ຈະ​ມີ​ການ​ຂົນ​ສົ່ງ ຢາ​ເສບ​ຕິດ ທາງ​ລົດ​ແທກ​ຊີ ຈາກ​ເມືອງ​ຊຳ​ເໜືອ ​ແຂວງ​ຫົວພັນ ​ໄປ​ຫາ ​ແຂວງ​ຊຽງ​ຂວາງ.

ດັ່ງ​ນັ້ນ​ເຈົ້າ​ໜ້າ​ທີ່​ຕຳຫຼວດ ພະ​ແນ​ກສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ຈຶ່ງ​ປະສານ​ສົມທົບ ກັບ​ເຈົ້າ​ໜ້າ​ທີ່​ພະ  ​ແນ​ກຕຳຫຼວດຈະລາຈອນ ​ແຂວງ​ຫົວພັນ ຕັ້ງ​ດ່ານ​ກວດກາ ຢູ່ເສັ້ນທາງ ບ້ານ​ກາງ ​ເມືອງ​ຊຳ​ເໜືອ ​ແຂວງ​ຫົວພັນ ​ເມື່ອ​ລົດ​ແທກ​ຊີ ທີ່​ເປັນ​ເປົ້າ​ໝາຍ​ມາ​ຮອດ ​ເຈົ້າ​ໜ້າ​ທີ່​ຈຶ່ງ​ທຳ​ການກວດ​ລົດ ພົບ​ເຫັນ​ຢາ​ເສບ​ຕິດ ປະ​ເພດ​ເຮ​ໂລ​ອິນ ຈຳນວນ 10 ​ແທ່ງ ​ເຈົ້າ​ໜ້າ​ທີ່​ຈຶ່ງ​ໄດ້​ກັກ​ຕົວ​ຜູ້​ຕ້ອງ​ຫາ 2 ຄົນ ທີ່​ໂດຍສານ​ມາ​ນຳ​ລົດ​ຄັນ​ດັ່ງກ່າວ ຜູ້​ຕ້ອງ​ຫາ​ທັງ​ສອງ ຄື ນາງ ຮົ້ວ​ກື້ ອາຍຸ 30 ປີ ຢູ່​ບ້ານ​ນາ​ຊູ ​ເມືອງ​ແປກ ​ແຂວງ​ຊຽງ​ຂວາງ  ​ແລະ ນາງ ​ເຈຍ​ຟາງ ອາຍຸ 32 ປີ ຢູ່​ບ້ານ​ຫ້ວຍ​ຮຽງ ​ເມືອງ​ສົບ​ເບົາ ​ແຂວງ​ຫົວພັນ .

ຜ່ານ​ການ​ສືບສວນ-​ສອບ​ສວນ​ຂອງ​ເຈົ້າ​ໜ້າ​ທີ່ ຜູ້ກ່ຽວ​ທັງ​ສອງ ສາລະພາບ​ວ່າ ​ເຮ​ໂລ​ອິນ ຈຳນວນ 10 ​ແທ່ງ ​ແມ່ນ​ຂອງ​ພວກກ່ຽວ​ແທ້ ​ໂດຍ​ໄດ້​ຮ່ວມ​ກັນ​ຊື້​ນຳ​ຂະ​ບວນດຽວ​ກັນ ຢູ່​ເມືອງ​ຊຳ​ເໜືອ ​ແລ​ະ ກຳລັງ​ລຳລຽງ​ສົ່ງ​ໄປ ​ແຂວງ​ຊຽງ​ຂວາງ ​ແຕ່​ຖືກ​ເຈົ້າ​ໜ້າ​ທີ່​ຈັບ​ໄດ້​ກ່ອນ ຕໍ່​ກັບ​ຄະດີ​ດັ່ງກ່າວ ​ເຈົ້າ​ໜ້າ​ທີ່​ພວມ​ເລັງ​ທຳ​ການ ສືບສວນ-​ສອບ​ສວນ ​ເພື່ອ​ຊອກ​ຫາ​ກຸ່ມ​ຮ່ວມ​ຂະ​ບວນການ​ຕໍ່​ໄປ.

Off
04th Jul2017

ເຈົ້າໜ້າທີ່ ຕຳຫຼວດ ກົມຕຳຫຼວດ ສະກັດກັ້ນ ແລະ ຕ້ານ ຢາເສບຕິດ ຍຶດຢາບ້າ ໄດ້ ຈຳນວນ 27 ມັດ, ນ້ຳໜັກ 6.8 ກິໂລກຣາມ

by somchan

ວັນ​ທີ 1 ກໍລະກົດ 2017 ​ເຈົ້າ​ໜ້າ​ທີ່ ກົມ​ຕຳຫຼວດ ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ກົມ​ໃຫ່ຍ ຕຳຫຼວດ ກະຊວງ​ປ້ອງ​ກັນ​ຄວາມ​ສະຫງົບ ​ໄດ້​ມ້າງ​ຄະດີຄ້າ​-ຂາຍ​ຢາ​ເສບ​ຕິດ ຢູ່​ບ້ານ​ພັກ ​ແຫ່ງ​ໜື່ງ ​ເຂດ​ບ້ານ ​ໜອງ​ພະຍາ ​ເມືອງ​ໄຊ​ທານີ ນະຄອນຫຼວງ​ວຽງ​ຈັນ ສາມາດ ຈັບ​ຜູ້​ຕ້ອງ​ຫາ​ໄດ້ 4 ຄົນ ພ້ອມ​ດ້ວຍ​ຍຶດຂອງ​ກາງ​ຢາ​ເສບ​ຕິດ ປະ​ເພດ​ຢາ​ບ້າ 27 ມັດ, ນ້ຳໜັກ 6.8 ກິ​ໂລກຣາມ, ​ໂທລະສັບ​ມື​ຖື 6 ໜ່ວຍ, ​ເງີ​ນຈຳນວນ​ໜຶ່ງ ​ແລະ ລົດ​ໃຫ່ຍ 1 ຄັນ​, ຜູ້​ຖືກ​ຫາ​ໄດ້ 04 ຄົນ, ທ້າວ ​ໄມ​ແອ່ນ ອາຍຸ 27 ປີ ປະຊາ​ຊົນ​ຢູ່​ບ້ານ ຊຽງ​ກົກ​ໃໝ່ ​ເມືອງ​ລອງ ​ແຂວງ​ຫຼວງ​ນ້ຳ​ທາ, ທ້າວ ​ໄມ​ຫຼ້າ ອາຍຸ 30 ປີ ປະຊາຊົນ ​ຢູ່​ບ້ານ ຊຽງ​ລາ​ບ ​ເມືອງ​ທ່າ​ຂີ້​ເຫຼັກ ​ແຂວງ ຊຽງ​ຕຸ​ງ ປະ​ເທດ​ມຽນມາ, ນາງ ທຳ​ມາ ອາຍຸ 43 ປີ ກຳມະກອນ ຢູ່​ບ້ານ​ໜອງ​ທາ ​ເມືອງ​ຈັນທະ​ບູລີ ນະຄອນຫຼວງ​ວຽງ​ຈັນ, ນາງ ອ່ອນ ອາຍຸ 28 ປີ ປະຊາຊົນ ​ຢູ່​ບ້ານ ຊຽງ​ລາ​ບ ​ເມືອງ​ທ່າ​ຂີ້​ເຫຼັກ ​ແຂວງ ຊຽງ​ຕຸ​ງ ປະ​ເທດ​ມຽນມາ.

ຜ່ານ​ການ​ສືບສວນ – ສອບ​ສວນ ​ຂອງ​ເຈົ້າ​ໜ້າ​ທີ່ ພວກ​ກ່ຽວ​ໄດ້​ໃຫ້ການ​ຮັບ​ສາລະພາບ​ວ່າ: ຢາ​ບ້າ​ຈຳນວນ 27 ມັດ, ນ້ຳໜັກ 6.8 ກິ​ໂລກຣາມ, ​ທີ່ເຈົ້າ​ໜ້າ​ທີ່​ຍຶດ​ໄດ້ ​ແມ່ນ​ຂອງ​ພວກ​ກ່ຽວ​ແທ້, ຊຶ່ງ​ພວກ​ກ່ຽວ​ໄດ້​ຊື້​ມາ​ຈາກ (ຊາຍ​ບໍ່​ຮູ້​ຊື່ ທີ່ຢູ່) ​ແລ້ວ​ຈະ​ນຳ​ມາ​ໃຫ້​​ເຖົ້າ​ແກ່​ບໍ່​ຮູ້​ຊື່ຢູ່​ທີ່​ຈຸດ​ນັດໝາຍກັນ, ​ແຕ່​ບໍ່​ທັນ​ໄດ້​ຂາຍ​​ເທື່ອ​ກໍ່​ຖືກ​ເຈົ້າ​ໜ້າ​ທີ່​ຈັບ​ຕົວ​ມາ​ດຳ​ເນີນ​ຄະດີ​ຕາມ​ລະບຽບ​ກົດໝາຍ, ປະຈຸ​ບັນ​ພວກ​ກ່ຽວ​ຍັງ​ຢູ່​ໃນ​ຂັ້ນ​ຕອນ​ການ​ສືບສວນ-​ສອບ​ສວນ ຂະຫຍາຍ​ຜົນ​ຫາ​ເຄືອ​ຂ່າຍ, ກຸ່ມ​ແກ້ງ ຜູ້​ເປັນ​ຫົວ​ໂປ່​ງ​ໂຕ​ການ ​ເພື່ອ​ຈັບ​ຕົ​ວມາ​ດຳ​ເນີນ​ຄະດີ​ຕາມ​ຂັ້ນ​ຕອນ​ຂອງ​ກົດໝາຍ.

Off
29th Jun2017

ຈັບຜູ້ ຄ້າຂາຍ ຢາເສບຕິດ ໄດ້ 2 ຄົນ ຂອງກາງ ຢາບ້າ 10 ພັນ ກວ່າເມັດ

by somchan

​ໃນ​ວັນ​ທີ 31 ພຶດສະພາ 2017 ນີ້ ​ເຈົ້າ​ໜ້າ​ທີ່​ຕຳຫຼວດ ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ປກສ ​ແຂວງ​ອັດ​ຕະປື ​ໄດ້​ຈັບ​ຕົວ ​ຜູ້​ຄ້າຂາຍ​ ຢາ​ເສບ​ຕິດ ​ໄດ້ 1 ຄົນ ພ້ອມຂອງ​ກາ ງ​ຢາ​ເສບ​ຕິດ ​ປະ​ເພດ​ ຢາ​ບ້າ 8,600 ​ເມັດ ຜູ້​ຕ້ອງ​ຫາ ​ຊື່ ນາງ ດຳ ອາຍຸ 20 ປີ ບ້ານ​ຫາດ​ຊາຍ​ຂາວ ​ເມືອງ​ໄຊ​ເສດ​ຖາ ​ແຂວງ​ອັດ​ຕະປື ຜ່ານ​ການ​ສືບສວນ-​ສອບ​ສວ​ນຂອງ​ເຈົ້າ​ໜ້າ​ທີ່ ຜູ້ກ່ຽວ ​ໄດ້​ໃຫ້ການ​ຕໍ່​ເຈົ້າ​ໜ້າ​ທີ່​ວ່າ ​ໄດ້​ຄ້າຂາຍ​ຢາ​ເສບ​ຕິດ​ຮ່ວມ​ກັບ ນາງ ໜຸ້ຍ ອາຍຸ 40 ປີ ຢູ່​ບ້ານ​ອຸດົມ​ສຸກ ​ເມືອງ​ສະໜາມ​ໄຊ ​ແຂວງ​ອັດ​ຕະປື ດັ່ງ​ນັ້ນ ​ເຈົ້າ​ໜ້າ​ທີ່​ຈຶ່ງ​ຂະຫຍາຍ​ຜົນ ​ແລ້ວ​ທຳ​ການ​ຈັບ​ກຸ​ມຜູ້​ຕ້ອງ​ຫາ ທີ່​ຮ່ວມ​ຂະ​ບວນການ ​ໃນ​ວັນ​ທີ 9 ມິຖຸນາ 2017 ພ້ອມຂອງ​ກາງ​ 2,340 ​ເມັດ.

ພວກ​ກ່ຽວ​ທັງ​ສອງ ​ໄດ້​ຮັບ​ສາລະພາບ​ວ່າ ຂອງ​ກາງ​ຢາ​ບ້າ​ຈຳນວນ 10,940 ​ເມັ​ດ ​ແມ່ນ​ຂອງ​ຕົນ​ແທ້ ​ເຊິ່ງ​ໄດ້​ຮ່ວມ​ກັນ​ຄ້າຂາຍ, ​ຈຳໜ່າຍ ​ໃຫ້​ໄວ​ລຸ້ນ ພາຍ​ໃນ​ບ້ານ ​ແລະ ບ້ານ​ໃກ້​ຄຽງ ​ເຊິ່ງ​ໄດ້​ເລິ່ມຄ້າຂາຍ ​ຮ່ວມ​ກັນ ​ໃນ​ຕົ້ນ​ປີ 2017 ສຸດ​ທ້າຍ​ ຖືກ​ເຈົ້າ​ໜ້າ​ທີ່​ ຕຳຫຼວດ ປກສ ​ແຂວງ​ອັດ​ຕະປື ຈັບ​ໄດ້ ຄະດີ​ດັ່ງກ່າວ​ ເຈົ້າໜ້າ​ທີ່ພວມ​ເລັ່ງ ປະກອບ​ສຳນວນ ຄະດີ​ສົ່ງ​ ໄອ​ຍະ​ການ​ສັ່ງ​ຟ້ອງ​ ສານ​ຕັດສິນ ຕາມ​ລະບຽບ​ກົດໝາຍ ​ບ້ານ​ເມືອງ​ຕໍ່​ໄປ.

Off
28th Jun2017

ແຂວງ ບໍ່ແກ້ວ ຈູດທຳລາຍ ຢາບ້າ 400,000 ກວ່າເມັດ

by somchan

​     ໃນ​ວັນ​ທີ 26 ມິຖຸນາ 2017 ກອງ​ບັນຊາ​ການ​ ​ປກສ ແຂວງ​ບໍ່​ແກ້ວ ​ໄດ້​ຈັດ​ພິທີ​ ຈູດ​ທຳລາຍ ຢາ​ເສບ​ຕິດ ​ເນື່ອງ​ໃນ​ໂອກາດ ວັນ​ຕ້ານ​ຢາ​ເສບ​ຕິດ ​ສາກົນ 26 ມິຖຸນາ ​ໂດຍ​ມີ​ການ​ນຳ ​ຂອງ​ແຂວງ ພ້ອມ​ດ້ວຍ​ຄະນະ​ພັກ – ​ຄະນະ​ບັນຊາ ກຳລັງ ປກຊ-ປກສ ​ແລະ ພະນັກງານ​ທີ່​ກ່ຽວຂ້ອງ ​ອ້ອມ​ຂ້າງ​ແຂວງ ​ເຂົ້າ​ຮ່ວມ.

ພັອ ລຳ​ໄພ ຍົດ​ປະ​ໄພ ຫົວໜ້າ​ກອງ​ບັນຊາ​ການ ປກສ ​ແຂວງ​ບໍ່​ແກ້ວ ​ໃຫ້​ຮູ້​ວ່າ: ຢາ​ເສບ​ຕິດ​ທີ່​ນຳ​ມາ​ຈູດ​ທຳລາຍ​ໃນ​ຄັ້ງ​ນີ້ ມີ​ຫຼາຍ​ລາຍການ ​ໃນ​ນີ້​ມີ​ຢາ​ບ້າ ຈຳນວນ 428,000 ​ເມັດ ນ້ຳໜັກ 42 ກິ​ໂລກຼາມ, ​ເຮ​ໂລ​ອິນ 20 ​ແທ່ງ ນ້ຳໜັກ 7,719 ກິ​ໂລກຼາມ, ຢາ​ໄອສ 2 ຖົງ ນ້ຳໜັກ 9.5 ກຼາມ, ຝຸ່ນ​ແປ້ງ 20 ​ເປົາ ນ້ຳໜັກ 500 ກິ​ໂລກຼາມ ຢາ​ເສບ​ຕິດ ຈຳນວນ​ດັ່ງກ່າວ ​ແມ່ນ​ໃນ​ໄລຍະ​ຄະດີ​ທີ່​ແກ້​ໄຂ​ໄດ້ ​ທັງ​ໝົດ ມີ 83 ​ເລື່ອງ, ມີ​ຜູ້​ຖືກ​ຫາ​ຕັດສິນ​ລົງ​ໂທດ 95 ຄົນ, ຍິງ 7 ຄົນ, ​ໃນ​ນັ້ນ​ມີ​ຄົນ​ຕ່າງປະ​ເທດ 8 ຄົນ ​ເຊິ່ງ​ເຈົ້າ​ໜ້າ​ທີ່​ຕຳ​ຫຼວດ​ໄດ້​ເກັບ​ກູ້ ​ແລະ ຍຶດ​ໄດ້​ຈາກ​ການ​ປະຕິບັດ​ໜ້າ​ທີ່ ​ໃນ 1 ປີຜ່ານມາ ຢາ​ເສບ​ຕິດ ​ທີ່ນຳ​ມາ​ຈູດ​ທຳລາຍ​ໃນ​ຄັ້ງ​ນີ້ ນອກຈາກ​ຈະ​ເປັນ​ສິ່ງ​ທີ່ຜິດ​ກົດໝາຍ​ແລ້ວ ຍັງ​ເປັນ​ສິ່ງ​ທີ່​ເປັນ​ໄພ​ອັນຕະລາຍ ​ແລະ ກໍ່​ໃຫ້​ເກີດ​ປະກົດ​ການ​ຫຍໍ້​ທໍ້​ຕ່າງໆ ທີ່​ສົ່ງ​ຜົນ​ກະທົບຕໍ່​ຄວາມ​ສະຫງົບ​ສຸກ ​ແລະ ຄວາມ​ເປັນ​ລະບຽບ​ຮຽບຮ້ອຍ​ໃນ​ສັງຄົມ.

Off
23rd Jun2017

ສານປະຊາຊົນ ຂັ້ນຕົ້ນ ແຂວງອຸດົມໄຊ ຕັດສິນ ປະຫານຊີວິດ 2 ຜູ້ກະທຳຜິດ ໃນສະຖານ ຄ້າຂາຍ ຢາເສບຕິດ

by somchan

ໃນ​ວັນ​ທີ 19 ມິຖຸນາ 2017 ນີ້ ສານ​ປະຊາຊົນ ​ຂັ້ນ​ຕົ້ນ ​ແຂວງ​ອຸດົມ​ໄຊ ​ໄດ້​ຕັດສິນ​ລົງ​ໂທດ ປະຫານ​ຊີວິດ 2 ຜູ້​ກະທຳ​ຜິດ ​ໃນ​ສະຖານ​ຄ້າຂາຍ, ຂົນ​ສົ່ງ ​ແລະ ມີ​ຢາ​ເສບ​ຕິດ ປະ​ເພດ​ ຢາ​ບ້າ 873 ມັດ ນ້ຳໜັກ 194 ກິ​ໂລກຣາມ ​ແລະ ​ເຮ​ໂລ​ອິນ 99 ​ແທ່ງ ນ້ຳໜັກ 37 ກິ​ໂລກຣາມ ​ໄວ້​ໃນ​ຄອບ​ຄອງ.

ຜູ້​ກະທຳ​ຜິດ​ ທີ່​ຖືກ​ສານ​ຕັດສິນ​ ລົງ​ໂທດ​ປະຫານ​ຊີວິດ​ ຄັ້ງ​ນີ້ ມີ​ທ້າວ ຊາຍ​ຄອນ ອາຍຸ 28 ປີ ປະຊາຊົນ ຢູ່​ບ້ານ ຫ້ວຍ​ຊາຍ​ໃຕ້ ​ເມືອງ​ຫ້ວຍ​ຊາຍ ​ແລະ ທ້າວ​ເພັດ​ມະນີ ອາຍຸ 28 ປີ ປະຊາຊົນ ຢູ່​ບ້ານ ​ໃຫ່ຍຕົ້ນ​ເຜິ້ງ ​ເມືອງ​ຕົ້ນ​ເຜິ້ງ ​ແຂວງ​ບໍ່​ແກ້ວ ​ເຊິ່ງ​ໄດ້​ຖືກ​ເຈົ້າ​ໜ້າ​ທີ່ ຕຳຫຼວດ ​ແຂວງ​ອຸດົມ​ໄຊ ກັກ​ຕົວ​ດຳ​ເນີນ​ຄະດີ ​ໃນ​ໄລຍະ​ເດືອນ ກໍ​ລະ​ກົດ 2014.

ຜ່ານ​ການ​ຄົ້ນຄວ້າ ພິຈາລະນາ ຕາມ​ຄຳ​ສາລະພາບ ຂອງ​ຜູ້​ກະທຳ​ຜິດ ທັງ 2 ຄົນ ​ໃນ​ສຳນວນ​ຄະດີ, ການ​ໄຕ່​ສວນ​ຂອງ​ຄະນະ​ສານ​ອາຍາ ​ແລະ ຄຳ​ຖະ​ແຫຼ​ງສັ່ງ​ຟ້ອງ ຂອງ​ອົງການ​ໄອ​ຍະ​ການ​ປະຊາຊົນ ​ແຂວງ​ອຸດົມ​ໄຊ ​ເຫັນ​ວ່າ ທ້າວ​ຊາຍ​ຄອນ ​ແລະ ທ້າວ​ເພັດ​ມະນີ ​ແມ່ນ​ມີ​ຄວາມ​ຜິດ​ແທ້ ​ໂດຍ​ມີ​ຂໍ້​ມູນ​ຫຼັກ​ຖານ​ຄົບ​ຖ້ວນ ຕາມ 4 ອົງ​ປະກອບ​ຂອງ​ການ ກະທຳ​ຜິດ ທີ່​ໄດ້​ກຳນົດ​ໄວ້ຢູ່​ໃນ​ກົດໝາຍ​ອາຍາ ​ແລະ ມີ​ຄວາມ​ຜິດ​ຕາມ ມາດຕາ 146 ຂອງ​ກົດໝາຍ​ອາຍາ ຄື ຂໍ້ 1 ວັກ 4 ຖ້າ​ບຸກຄົນ​ໃດ​ຫາກ​ຜະລິດ, ຄ້າຂາຍ ຫຼື ມີ​ໄວ້​ຄອບ​ຄອງ, ນ້ຳ​ເຂົ້າ, ສົ່ງ​ອອກ, ຂົນ​ສົ່ງ ຫຼື ນຳ​ເຮ​ໂລ​ອິນ ຜ່ານ ສປປ ລາວ ​ເກີນ​ກວ່າ ຫ້າ​ຮ້ອຍ​ກຣາມ ຈະ​ຖືກ​ລົງ​ໂທດ​ປະຫານ​ຊີວິດ ​ແລະ ຂໍ້ 2 ວັກ 4 ​ເຊິ່ງ​ໄດ້​ກຳນົດ​ໄວ້​ວ່າ ບຸກຄົນ​ໃດ​ຫາກ​ຜະລິດ, ປຸງ​ແຕ່ງ, ມີ​ໄວ້​ຄອບ​ຄອງ, ຄ້າຂາຍ, ຈຳໜ່າຍ, ນຳ​ເຂົ້າ, ສົ່ງ​ອອກ, ຂົນ​ສົ່ງ ຫຼື ນຳ​ຢາ​ບ້າ ຜ່ານ ສ ປປ ລາວ ​ເກີນ​ກວ່​າ ສາມ​ກິ​ໂລກຣາມ ຈະ​ຖືກ​ປະຫານ​ຊີວິດ.

ດັ່ງ​ນັ້ນ ສານ​ປະຊາຊົນ​ຂັ້ນ​ຕົ້ນ ​ແຂວງ​ອຸດົມ​ໄຊ ຈຶ່ງ​ໄດ້​ຕັດສິນ​ລົງ​ໂທດ ​ໃຫ້​ປະຫານ​ຊີວິດ ທ້າວ ຊາຍ​ຄອນ ​ແລະ ທ້າວ ​ເພັດ​ມະນີ ພ້ອມ​ທັງ​ຮັບ​ວັດຖຸ​ຊັບ​ສິນ​ທີ່​ກ່ຽວຂ້ອງ​ກັບ​ການ​ກະທຳ​ຜິດ ​ເຂົ້າ​ເປັນ​ຂອງ​ລັດ ຄື ມີ​ເງີ​ນກີບ 5 ລ້ານ​ກີບ, ​ເງີ​ນບາດ 4.500 ບາດ ​ແລະ ລົດ​ໃຫ່ຍ 1 ຄັນ.

Off