ພີ່ນ້ອງຮ່ວມຊາດ ທີື່ນັບຖື ຮັກແພງ
ລູກຫຼານລາວບັນດາເຜົ່າ ທີ່ຮັກທັງຫລາຍ !
ໃນທາມກາງທີ່ທົ່ວພັກ, ທົ່ວລັດ ແລະ ທົ່ວປວງຊົນລາວ ພວມພ້ອມກັນຜັນຂະຫຍາຍ ແລະ ຈັດຕັັ້ງປະຕິບັດມະຕິຂອງກອງປະຊຸມໃຫຍ່ ຄັັ້ງທີ X ຂອງພັກ ແລະ ແຜນການພັດທະນາເສດຖະກິດ-ສັງຄົມ 5 ປີ ຄັັ້ງທ VIII, ພວກເຮົາພ້ອມກັບປະຊາຊາດໃນທົ່ວໂລກສະເຫລີມສະຫລອງວັນເດັກສາກົນ ວັນທີ 1 ມິຖຸນາ 2019 (more…)
ຢາເສບຕິດໝາຍເຖິງສານທີ່ອອກລິດກະຕຸ້ນຕໍ່ ລະບົບປະສາດ ເຊິ່ງໄດ້ມາຈາກພຶດ ທີ່ໃຫ້ສານເສບຕິດ ແລະ ການສັງເຄາະ ທາງເຄມີ ເຊັ່ນ: ຝິ່ນ, ຄັນຊາ, ເຣໂລອິນ,ຢາອີ, ຢາບ້າ ແລະ ອື່ນໆ. ແຕ່ເມື່ອເວົ້າເຖິງບັນຫາຢາເສບຕິດ ໃນປັດຈຸບັນ ມັນໄດ້ກາຍເປັນ ສິ່ງທ້າທາຍທົດສອບ ແລະ ເປັນໄພຄຸກຄາມທີ່ຮ້າຍແຮງ ຕໍ່ຄວາມໜັ້ນຄົງ-ສະຖຽນລະພາບທາງ ດ້ານການເມືອງ, ຄວາມສະຫງົບສຸກ ຂອງຊາດ, ຄວາມເປັນລະບຽບ ຮຽບຮ້ອຍ ແລະ ຄວາມປອດໄພ ທາງສັງຄົມ ຂອງບັນດາປະຊາຊາດ ໃນໂລກ, ມັນຍັງເປັນອຸປະສັກທີ່ກົດໝ່ວງຖ່ວງດຶງການສ້າງສາພັດທະນາ, ທຳລາຍຊັບພະຍາກອນມະນຸດທີ່ເປັນກຳລັງແຮງໃນການຂັບເຄື່ອນທາງດ້ານເສດຖະກິດສັງຄົມ, ພ້ອມທັງສ້າງພາລະໃຫ້ແກ່ສັງຄົມ, ການຈັດຕັ້ງຕະຫຼອດຮອດຄອບຄົວຂອງຜູ້ຕິດຢາເສບຕິດອີກດ້ວຍ; ນອກນີ້ມັນຍັງເປັນສາເຫດຂອງບັນດາປະກົດການຫຍໍ້ທໍ້ຫຼືອາຊະຍາກຳຕ່າງໆ ເຊັ່ນ: ປຸ້ນຈີ້, ຊິງຊັບ, ລັກຊັບ, ນັກເລງອັນຕະພານ, ອາລະວາດຄອບຄົວ, ຄາດຕະກຳ ແລະອື່ນໆ.
ເພື່ອໃຫ້ບັນດາປະຊາຊາດໃນໂລກໄດ້ພ້ອມກັນທັບທວນເຖິງຜົນຮ້າຍໄພອັນຕະລາຍຂອງຢາເສບຕິດແລະເປັນບາດກ້າວລິເລີ່ມກ່ຽວກັບການຊຸກຍູ້ສົ່ງເສີມໃຫ້ບັນດາປະເທດໃນໂລກມີການພົວພັນຮ່ວມມືເພື່ອກັນຕໍ່ສູ້ກັບບັນຫາໄພຄຸກຄາມຈາກຢາເສບຕິດເຊັ່ນ: ການກວດກາ, ຄວບຄຸມ, ປາບປາມ, ສະກັດກັ້ນແກ້ໄຂ ແລະ ດຳເນີນຄະດີຢາເສບຕິດ; ດັ່ງນັ້ນຢູ່ໃນກອງປະຊຸມຂອງສະມັດຊາໃຫ່ຍແຫ່ງອົງການສະຫະປະຊາຊາດເພື່ອການພັດທະນາໃນປີ ຄສ 1987 ຈິ່ງໄດ້ມີການຄົ້ນຄວ້າພິຈາລະນາແລະມີມະຕິຕົກລົງກຳນົດເອົາວັນທີ 26 ມິຖຸນາ ຂອງທຸກໆປີ ເປັນວັນສາກົນຕ້ານຢາເສບຕິດ ແລະ ໄດ້ປະກາດຢ່າງເປັນທາງການ ໃນວັນທີ 26 ມິຖຸນາ ຄສ 1988 ເຊິ່ງເປັນວັນທີ່ມີຄວາມໝາຍຄວາມສຳຄັນແລະສະແດງໃຫ້ເຫັນເຖິງເຈດຈຳນົງຂອງບັນດາປະຊາຊາດໃນທົ່ວໂລກທີ່ຈະພ້ອມກັນຕໍ່ສູ້ຕ້ານໄພຄຸກຄາມຂອງຢາເສບຕິດ.
ສຳລັບ ສປປ ລາວ ໃນຖານະທີ່ເປັນປະເທດສະມາຊິກຂອງອົງການສະຫະປະຊາຊາດ ເພື່ອການພັດທະນາ ກໍໄດ້ມີຄວາມເອົາໃຈໃສ່ປະຕິບັດວຽກງານສະກັດກັ້ນ ແລະ ຕ້ານຢາເສບຕິດຢ່າງຕັ້ງໜ້າ ໂດຍມີການຈັດຕັ້ງຄະນະຮັບຜິດຊອບລະດັບຊາດ,ຂັ້ນກະຊວງ,ຂັ້ນທ້ອງຖິ່ນ ແລະ ສອດຫ້ອຍເຂົ້າໃນທຸກຂົງເຂດວຽກງານ; ພ້ອມກັນນີ້ກໍ່ຍັງມີການປະກອບສ່ວນ, ການມີສ່ວນຮ່ວມດ້ວຍຄວາມຕື່ນຕົວ ແລະ ຫ້າວຫັນຈາກບັນດາອົງການຈັດຕັ້ງມະຫາຊົນ, ອົງການຈັດຕັ້ງທາງສັງຄົມ, ຫົວໜ່ວຍທຸລະກິດ ແລະ ປະຊາຊົນ ທຸກຊັ້ນຄົນໃນສັງຄົມທີ່ເປັນທ່າແຮງອັນສຳຄັນ ເຮັດໃຫ້ວຽກງານສະກັດກັ້ນ ແລະ ຕ້ານຢາເສບຕິດຢູ່ ສປປ ລາວ ມີການຈັດຕັ້ງປະຕິບັດຢ່າງມີບັນຍາກາດຟົດຟື້ນ, ກວ້າງຂວາງ ແລະ ມີໜາກຜົນຕະຫຼອດມາ; ທີ່ພົ້ນເດັ່ນແມ່ນການຈັດຕັ້ງປະຕິບັດແຜນຍຸດທະສາດຂອງລັດຖະບານກ່ຽວກັບການກວດກາ, ຄວບຄຸມການຕ້ານ, ສະກັດກັ້ນແກ້ໄຂ ແລະ ຢຸດຕິການປູກຝິ່ນ ການຢາງປ່າເຮັດໄຮ່ແບບເລື່ອນລອຍຫັນມາສ້າງອາຊີບທີ່ໜັ້ນຄົງ ຢູ່ບັນດາແຂວງພາກເໜືອຂອງລາວ, ເຊິ່ງໄດ້ເລີ່ມຈັດຕັ້ງປະຕິບັດແຕ່ປີ 2006 ເປັນຕົ້ນມາ ຜ່ານການຈັດຕັ້ງປະຕິບັດຕົວຈິງເຫັນວ່າ ບັນຫາການລັກລອບຖາງປ່າເຮັດໄຮ່ທີ່ຕິດພັນກັບການລັກລອບປູກຝິ່ນ ນັບມື້ຫຼຸດລົງເລື້ອຍໆມາ, ມີຫຼາຍຄອບຄົວໄດ້ຫັນມາປະກອບອາຊີບທີ່ໜັ້ນຄົງແລະທຳມາຫາກິນຖືກຕ້ອງຕາມກົດໝາຍເຊັ່ນ: ປະກອບອາຊີບໃນການຜະລິດກະສິກຳ ເປັນຕົ້ນແມ່ນການປູກຝັ່ງ-ລ້ຽງສັດ,ເຮັດນາ ນອກນີ້ຍັງປະກອບອາຊີບກ່ຽວກັບທຸລະກິດ,ຄ້າຂາຍ,ເປັນພະນັກງານແລະອື່ນໆ.
ພ້ອມກັນນີ້ພັກ-ລັດຖະບານຍັງໄດ້ກຳນົດເອົາວັນທີ 12 ຕຸລາ ຂອງທຸກໆປີ ເປັນວັນຕ້ານຢາເສບຕິດແຫ່ງຊາດ, ເຊິ່ງຈະໄດ້ມີການຈັດຕັ້ງສະເຫຼີມສະຫຼອງເພື່ອປຸກຈິດສຳນຶກກ່ຽວກັບວຽກງານສະກັດກັ້ນ ແລະ ຕ້ານຢາເສບຕິດ ຕະຫຼອດຮອດການຈັດຕັ້ງພິທີຈູດທຳລາຍຢາເສບຕິດ ທີ່ເຈົ້າໜ້າທີ່ສາມາດຍຶດໄດ້ຈາກການມ້າງລາຍຄະດີໃນແຕ່ລະປີ ແລະ ສານໄດ້ຕັດສິນຮຽບຮ້ອຍແລ້ວ. ຄຽງຄູ່ກັນນີ້ພັກ-ລັດຖະບານ ຍັງໄດ້ວາງແນວທາງສ້າງ ແລະ ປັບປຸງກົດໝາຍ-ນິຕິກຳລຸ່ມກົດໝາຍຕ່າງໆ ເພື່ອໃຫ້ແທດເໜາະກັບສະພາບການຕົວຈິງແຕ່ລະໄລຍະ, ຕອບສະໜອງຄວາມຮຽກຮ້ອງຕ້ອງການ ແລະ ເປັນບ່ອນອີງ ຫຼື ເຄື່ອງມືທີ່ສຳຄັນໃຫ້ແກ່ການຈັດຕັ້ງ, ອຳນາດການປົກຄອງຂັ້ນຕ່າງໆ ແລະ ເຈົ້າໜ້າທີ່ກ່ຽວຂ້ອງໃນການຈັດຕັ້ງປະຕິບັດວຽກງານກວດກາ,ຄວບຄຸມ, ປາບປາມ, ຕ້ານ, ສະກັດກັ້ນ, ແກ້ໄຂ, ການດຳເນີນຄະດີ ແລະ ການຕັດສິນລົງໂທດຕໍ່ພາກສ່ວນ ຫຼື ປຸກຄົນທີ່ກະທຳຜິດກ່ຽວກັບການຜະລິດ, ຈຳໜ່າຍ, ຄ້າຂາຍ, ມີໄວ້ຄອບຄອງ, ຂົນສົ່ງ, ເຄື່ອນຍ້າຍ, ນຳເຂົ້າ, ສົ່ງອອກ ແລະ ນຳຢາເສບຕິດທຸກຊະນິດຜ່ານ ສປປ ລາວ; ຕະຫຼອດຮອດການດັດສ້າງ, ການບຳບັດປິ່ນປົວຜູ້ຕິດຢາເສບຕິດ ແລະ ການກັບຄືນສູ່ສັງຄົມ; ພ້ອມທັງໄດ້ນຳພາສ້າງໂຮງຮຽນ, ບ້ານ ແລະ ຄອບຄົວປອດຢາເສບຕິດ ໄດ້ສຳເລັດຢ່າງຫຼວງຫຼາຍໃນທົ່ວປະເທດ.
ນອກນີ້ພັກ-ລັດຖະບານ ຍັງໄດ້ວາງແນວທາງ ແລະ ນຳພາຊຸກຍູ້,ສົ່ງເສີມກ່ຽວກັບການຈັດຕັ້ງຜັນຂະຫຍາຍແນວທາງການຕ່າງປະເທດ ແລະ ເປີດປະຕູສູ່ພາບນອກ ບົນພື້ນຖານຍຶດໜັ້ນຫຼັກການຢູ່ຮ່ວມກັນໂດຍສັນຕິ, ເຄົາລົບອຳນາດອະທິປະໄຕ, ເຂດນ້ຳແດນດິນ, ບໍ່ແຊກແຊງ ແລະ ຕ່າງຝ່າຍຕ່າງມີຜົນປະໂຫຍດ ເປັນຕົ້ນແມ່ນໄດ້ໃຫ້ສັດຕະຍາບັນ, ເປັນພາຄີ, ລົງນາມສົນທິສັນຍາ ແລະ ສັນຍາຮ່ວມມືກັບອົງການຈັດຕັ້ງສາກົນ, ພາກພື້ນ, ອານຸພາກພື້ນ ແລະ ລະຫວ່າງປະເທດທີ່ມີຊາຍແດນຕິດຈອດ ກ່ຽວກັບການພົວພັນຮ່ວມມືແລກປ່ຽນຂໍ້ມູນຂ່າວສານ, ການບັງຄັບໃຊ້ກົດໝາຍ, ການເຝິກອົບຮົມ, ການແລກປ່ຽນສະພາບ, ແລກປ່ຽນບົດຮຽນ, ການຍົກລະດັບຄວາມຮູ້ຄວາມສາມາດທາງດ້ານວຽກງານວິຊາສະເພາະ, ການນຳໃຊ້ອຸປະກອນເຕັກນິກທັນສະໄໝ, ການປະສານສົມທົບຮ່ວມມືມ້າງລາຍຄະດີ, ການຮ່ວມມືຕ້ານ, ສະກັດກັ້ນ ແລະ ແກ້ໄຂບັນຫາຢາເສບຕິດຢູ່ລຽບຕາມຊາຍແດນ, ດ່ານກວດກາການເຂົ້າ-ອອກເມືອງຕາມຊາຍແດນ, ສະໜາມບິນ ແລະ ອື່ນໆ.
ເຖິງຢ່າງໃດກໍ່ຕາມຢາກເຮັດໃຫ້ບັນຫາຢາເສບຕິດນັບມືຫຼຸດໜ້ອຍຖອຍລົງ ແລະ ໜົດໄປຈາກສັງຄົມ ທຸກພາກສ່ວນທຸກຊັ້ນຄົນໃນສັງຄົມ ຕ້ອງໄດ້ມີຄວາມສາມັກຄີພ້ອມພຽງ ມີຄວາມຕື່ນຕົວ ເປັນເຈົ້າການ ແລະ ມີສ່ວນຮ່ວມໃນການຕ້ານສະກັດກັ້ນ ແລະ ແກ້ໄຂຢາເສບຕິດນຳກັນ ໂດຍເລິ່ມຈາກສະມາຊິກໃນຄອບຄົວ ຫຼື ຢູ່ໃນຄວາມຮັບຜິດຊອບດູແລເບິ່ງແຍງ, ຂອບເຂດບ້ານ ຫຼື ອ້ອມຂ້າງທີ່ພັກອາໄສ ແລະ ອື່ນໆ ຕາມພາລະບົດບາດ, ຂອບເຂດສິດ, ໜ້າທີ່ ແລະ ພັນທະ ຕາມລັດຖະທຳມະນູນ ແລະ ກົດໝາຍ.ພ້ອມກັນນີ້ ຕ້ອງໄດ້ຊ່ວຍເປັນຫູເປັນຕາ, ລາຍງານການເຄື່ອນໄຫວຂອງພວກຄົນບໍ່ດີທີ່ພົວພັນກັບຢາເສບຕິດໃຫ້ເຈົ້າໜ້າທີ່, ກໍລະນີຫາກມີຄົນໃນຄອບຄົວຕົນເອງພົວພັນກັບຢາເສບຕິດກໍ່ຕ້ອງໄດ້ຈິງໃຈລາຍງານຕໍ່ເຈົ້າໜ້າທີ່ ແລະ ອຳນາດການປົກຄອງເພື່ອຄົ້ນຄວ້າຫາວິທີການຊ່ວຍເຫຼືອ ຫຼື ສະກັດກັ້ນແກ້ໄຂໃຫ້ທັນການ.
ກອງປະຊຸມຮ່ວມມືສອງຝ່າຍລະຫວ່າງກະຊວງປ້ອງກັນຄວາມສະຫງົບ ແຫ່ງ ສປປ ລາວ ແລະ ກະຊວງພາຍໃນ ແຫ່ງຣາສະອານາຈັກກຳປູເຈຍ ປະຈຳປີ 2018 ໄດ້ຈັດໃນວັນ 17 ມັງກອນ 2018 ທີ່ນະຄອນຫຼວງວຽງຈັນ ພາຍໃຕ້ການເປັນປະທານຂອງ ພົຕ ສົມແກ້ວ ສີລາວົງ ລັດຖະມົນຕີ ກະຊວງປ້ອງກັນຄວາມສະຫງົບ ແຫ່ງ ສປປ ລາວ ແລະ ສົມເດັດ ກຼໍ່ລາໂຮມ ຊໍ ເຄັງ ຮອງນາຍົກລັດຖະມົນຕີ ລັດຖະມົນຕີກະຊວງພາຍໃນ ແຫ່ງຣາຊະອານາຈັກກຳປູເຈຍ, ມີຄະນະຜູ້ແທນສອງຝ່າຍເຂົ້າຮ່ວມຮ່ວມ. (more…)
ທ່ານຜູ້ຟັງ! ລາວ-ຫວຽດນາມ ແມ່ນມີທີ່ຕັ້ງຢູ່ ໃນແຫຼມ ອິນດູຈີນ ທີ່ມີຊາຍແດນ ຕິດຈອດກັນ ແບບດິນ ຕໍ່ແຜ່ນ, ກວມເອົາ 10 ແຂວງ ຂອງລາວ ແລະ 10 ແຂວງຂອງ ຫວຽດນາມ, ພ້ອມກັນນີ້ ປະຊາຊົນ ທັງສອງ ຊາດ ຍັງມີມູນເຊື້ອ ການພົວພັນ ໄປມາຫາສູ່ກັນມາ ແຕ່ດົນານ, ຈາກນັ້ນ ກໍ່ໄດ້ຮັບການ ຍົກລະດັບ ເປັນການພົວພັນ ທີ່ສະໜິດ ສະໝົມ ແລະ ແໜ້ນແຟ້ນ ຍິ່ງໆຂື້ນ ເຊິ່ງເອີ້ນວ່າ ສາຍພົວພັນ ພິເສດ ແລະ ຮ່ວມສຳພັນ ສູ້ຮົບ ຫຼື ສາຍພົວພັນ ມິດຕະພາບ ແລະ ການຮ່ວມມື ພິເສດ ຮອບດ້ານ ໂດຍແມ່ນ ປະທານ ໂຮ່ຈິີມິນ ເປັນຜູ້ກໍ່ຕັ້ງ ພ້ອມກັບ ປະທານ ໄກສອນ ພົມວິຫານ, ປະທານ ສຸພານຸວົງ ໃນໄລຍະ ຕໍ່ສູ້ກູ້ຊາດ ໄດ້ພ້ອມກັນ ຜ່ານຜາ ອຸປະສັກ ທີ່ເຕັມໄປດ້ວຍ ຄວາມຫຍຸ້ງຍາກ ລຳບາກ ແລະ ຄວາມ ເສຍສະຫຼະ, ຮ່ວມຊຸມດອງດຽວກັນ ໃນການຕໍ່ສູ້ຕ້ານ ຈັກກະພັດ ລ່າເມືອງຂື້ນ ຝຣັ່ງ ແລະ ຈັກກະພັດ ອາເມລິກາ ຜູ້ຮຸກຮານ, ພ້ອມກັນ ດຳເນີນ ພາລະກິດ ປົກປັກ ຮັກສາ, ສ້າງສາ ພັດທະນາ ປະເທດຊາດ ແລະ ດຳເນີນ ພາລະກິດ ປ່ຽນແປງໃໝ່ ເພື່ອພ້ອມກັນ ນຳເອົາທັງສອງ ປະເທດ ກ້າວຂື້ນຕາມ ທິດສັງຄົມ ນິຍົມ ໂດຍແມ່ນ ສອງພັກ - ສອງລັດ ແລະ ປະຊາຊົນ ສອງຊາດ ຮ່ວມກັນ ອອກແຮງງານ ປົກປັກ ຮັກສາ, ເພີ່ມພູນ ຄູນສ້າງ ແລະ ເສີມຂະຫຍາຍ ຢ່າງບໍ່ຢຸດຢັ້ງ.
ການພົວພັນ ສາມັກຄີຮ່ວມມືລາວ-ຫວຽດນາມ ໄດ້ກາຍເປັນແນວຍຸດທະສາດ ແລະ ພັນທະສາກົນຂອງພັກ, ລັດແລະປະຊາຊົນ ທັງແມ່ນເງື່ອນໄຂການຝຶກຝົນຫຼໍ່ຫຼອມຄຸນທາດການເມືອງ, ຄຸນສົມບັດສິນທຳປະຕິວັດຂອງພະນັກ ງານ, ສະມາຊິກພັກ ແລະ ປະຊາຊົນ, ການພົວພັນຮ່ວມມືນັບວັນເຂົ້າສູ່ລວງເລິກ ໂດຍສະເພາະແມ່ນວຽກງານປ້ອງກັນຊາດ-ປ້ອງກັນຄວາມສະຫງົບ ໃນນັ້ນໄດ້ສຸມໃສ່ແກ້ໄຂບັນຫາຊາຍແດນ ໃຫ້ກາຍເປັນຊາຍແດນສັນຕິພາບ, ມິດຕະ ພາບ, ສະຫງົບ ແລະ ເປັນລະບຽບຮຽບຮ້ອຍ, ໂດຍສະເພາະແມ່ນ ປະຕິບັດສົນທິສັນຍາມິດຕະພາບ ແລະ ການຮ່ວມມືຮອບດ້ານ ລາວ-ຫວຽດນາມ ທີ່ໄດ້ເຊັນກັນໃນວັນທີ 18 ກໍລະກົດ 1977 ດັ່ງນັ້ນໃນວັນທີ 29 ມີນາ 1981 ກະຊວງ ປກສ ລາວ ແລະ ກະຊວງຕຳຫຼວດ ຫວຽດນາມ ກໍ່ໄດ້ເຊັນສັນຍາຮ່ວມມືຮອບດ້ານລະຫວ່າງສອງກະຊວງ ຝ່າຍລາວ ໂດຍແມ່ນ ພົອ ສີສະຫວາດ ແກ້ວບຸນພັນ ລັດຖະມົນຕີກະຊວງ ປກສ ແລະ ຝ່າຍຫວຽດນາມ ໂດຍແມ່ນສະຫາຍ ຟາມ ຮຸ່ງ ລັດຖະມົນຕີກະຊວງຕຳຫຼວດ ເຊິ່ງເນື້ອໃນສັນຍາໄດ້ອະນຸຍາດໃຫ້ກຳລັງປ້ອງກັນຄວາມສະຫງົບທັງສອງປະເທດ ນັບທັງສູນກາງ ແລະ ທ້ອງຖິ່ນ ມີການພົວພັນຮ່ວມມື, ແລກປ່ຽນບົດຮຽນ, ແລກປ່ຽນຄະນະຜູ້ແທນ, ຄະນະພະນັກງານ ອາວຸໂສ ແລະ ອື່ນໆ ຈາກນັ້ນມາທັງສອງກະຊວງ ກໍ່ໄດ້ຜັດປ່ຽນກັນເປັນເຈົ້າພາບ ຈັດກອງປະຊຸມວ່າດ້ວຍການຮ່ວມມື ສອງຝ່າຍໃນທຸກປີ ເພື່ອພ້ອມກັນຕີລາຄາການປ່ຽນແປງສະພາບການຂອງສາກົນ, ພາກພື້ນ ແລະ ພາຍໃນຂອງສອງປະເທດ, ພ້ອມທັງສະຫຼຸບ, ທົບທວນຄືນຜົນສຳເລັດ ແລະ ຂໍ້ຄົງຄ້າງ ຈາກການປະສານສົມທົບຈັດຕັ້ງປະຕິບັດສັນຍາຮ່ວມມື ແລະ ວາງທິດທາງແຜນການຮ່ວມມືຕໍ່ໜ້າ ເປັນປະຈຳ ໃນລະດັບຜູ້ແທນຂັ້ນສູງກະຊວງ, ບັນດາກົມກອງອ້ອມຂ້າງກະຊວງ, ບັນດາປກສແຂວງ ທີ່ມີຊາຍແດນຕິດຈອດ ແລະ ແຂວງແຮກສ່ຽວ ເປັນຕົ້ນແມ່ນການພົວພັນຮ່ວມມືແລກ ປ່ຽນຂໍ້ມູນຂ່າວສານ, ການປ້ອງກັນຄວາມສະຫງົບ, ຮັກສາຄວາມເປັນລະບຽບຮຽບຮ້ອຍກໍ່ຄືການຕ້ານ, ສະກັດກັ້ນ ແກ້ໄຂບັນຫາອາຊະຍາກຳຂ້າມຊາດ, ປະກົດການຫຍໍ້ທໍ້ລຽບຕາມຊາຍແດນ ສຳລັບການຮ່ວມືກໍ່ສ້າງກຳລັງ ນັບແຕ່ປີ 2006-2016 ມີກຳລັງ ປກສ ລາວ ໄປຍົກລະດັບ ຢູ່ວິທະຍາຄານຕຳຫຼວດ ວິທະຍາຄານສັນຕິບານ ແລະ ຂະແໜງການອື່ນໆຢູ່ຫວຽດນາມ ໃນລະດັບ ປະລິນຍາຕີ 895 ຄົນ, ປະລິນຍາໂທ 83 ຄົນ, ປະລິນຍາເອກ 29 ຄົນ ແລະ ນັກຮຽນຊັ້ນມັດທະຍົມ 366 ຄົນ ນອກນີ້ຍັງມີການຮ່ວມມືຕອບສະໜອງດ້ານ ພາຫະນະອຸປະກອນເຕັກນິກ, ການຮ່ວມມືກວດກາການເຂົ້າ-ອອກເມືອງ, ການຍ້າຍຖິ່ນຖານ ຕັ້ງພູມລຳເນົາຂອງປະຊາຊົນຕາມຊາຍແດນ, ການກວດກາ ຄຸ້ມຄອງປະຊາຊົນ ທີ່ອາໃສດຳລົງຊີວິດ, ທ່ອງທ່ຽວ, ດຳເນີນທຸລະກິດ ແລະ ອື່ນໆ ຢູ່ແຕ່ລະປະເທດ, ການແລກປ່ຽນຄະນະ ຜູ້ແທນຢ້ຽມຢາມ, ພັກຜ່ອນ ແລະ ອື່ນໆ.ທັງນີ້ເພື່ອເປັນການສືບຕໍ່ເພີ່ມທະວີການພົວພັນຮ່ວມມືທາງດ້ານວຽກງານປ້ອງກັນຊາດ- ປ້ອງກັນຄວາມສະຫງົບ ເພື່ອຮັບພາລະໜ້າທີ່ອັນໜັກໜ່ວງ ໃນສະໜາມຮົບໃໝ່ ໃນການທັບມ້າງກົນອຸບາຍ, ພຶດຕິກຳຮຸກຮານທຳລາຍຂອງລັດທິ, ຕ້ານ-ປາບປາມພວກລັກປຸ້ນ, ພວກກໍ່ຄວາມຮຸ້ນແຮງ ຄ້າຂາຍຢາເສບຕິດ ແລະ ອື່ນໆ ໃນນີ້ພົ້ນເດັ່ນແມ່ນການປະສານສົມທົບໃນບັ້ນຮົບກວດລ້າງພວກລັກປຸ້ນ ຢູ່ທີ່ພູເບ້ຍ ລະຫວ່າງປີ 1977-1978 ບັ້ນຮົບດັບສູນກຸ່ມວໍດ້າຍໂຕນ ແລະ ຮວ່າງເກີມິງ ໃນປີ 1987 ແລະ ອື່ນໆ ທີ່ເປັນຜົນງານທີ່ພົ້ນເດັ່ນແຫ່ງການຮ່ວມມື ໃນຂົງເຂດປ້ອງກັນຊາດ-ປ້ອງກັນຄວາມສະຫງົບຂອງ ລາວ-ຫວຽດນາມ ເຮັດໃຫ້ກົນອຸບາຍເລ່ຫຼ່ຽມຂອງສັດຕູໄດ້ຮັບຄວາມປະລາໄຊຢ່າງໜັກໜ່ວງ ເປັນການປະກອບສ່ວນເຂົ້າໃນການປົກປັກຮັກສາປະເທດຊາດ ລາວ-ຫວຽດນາມ ໃຫ້ໜັ້ນຄົງຖາວອນ.
ເຖິງຢ່າງໃດກໍ່ຕາມ ໃນຍຸກໂລກພິວັດ ແລະ ການເຊື່ອມໂຍງຂອງບັນດາປະເທດ ໃນອານຸພາກພື້ນ ແລະ ສາກົນ ໂດຍສະເພາະ ການເຊື່ອມໂຍງເປັນປະຊາຄົມເສດຖະກິດຂອງບັນດາປະເທດສະມາຊິກສະມາຄົມປະຊາຊາດແຫຼ່ງອາຊີ ຕາເວັນອອກສ່ຽງໃຕ້ ທີ່ນັບມື້ດຶງດູດເອົາການລົງທືນຈາກຕ່າງປະເທດເຂົ້າຢ່າງຫຼວງຫຼາຍ ແລະ ຢູ່ໃນຕໍ່ໜ້າສະພາບການ ໃນໂລກທີ່ມີການຜັນແປໄປຢ່າງສະຫຼັບສັບຊ້ອນ ມີທັງດ້ານຕັ້ງໜ້າ ກາລະໂອກາດທີ່ເອື້ອອຳນວຍໃຫ້ແກ່ການພັດທະນາ ເສດຖະກິດ-ສັງຄົມ ແລະ ດ້ານຫຍໍ້ທໍ້ສິ່ງທ້າທາຍທົດສອບທີ່ເປັນອຸປະສັກຕໍ່ວຽກງານປົກປັກຮັກສາ ຄວາມໜັ້ນຄົງຂອງຊາດ, ສະຖຽນລະພາບ-ຄວາມສະຫງົບທາງການເມືອງ ແລະ ຄວາມເປັນລະບຽບຮຽບຮ້ອຍ-ຄວາມປອດໄພ ທາງສັງຄົມ ເປັນຕົ້ນແມ່ນການປະເຊີນໜ້າກັບກົນອຸບາຍ, ເລ່ຫຼ່ຽມ ທີ່ຫວັງມ້າງເພທຳລາຍ, ການຫັນປ່ຽນໂດຍສັນຕິຕະຫຼອດຮອດພຶດຕິກຳການເຄື່ອນໄຫວໂຄສະນາຍຸແຍ່ ສ້າງຄວາມປັ່ນປ່ວນ, ສ້າງຄວາມສັບສົນ, ສ້າງປະກົດການຫຍໍ້ທໍ້ ຫຼື ອາຊະຍາກຳຕ່າງໆ ທີ່ຜິດຕໍ່ກົດໝາຍ ແລະ ລະບຽບການຕ່າງໆຂອງບ້ານເມືອງ ເຊິ່ງໄດ້ຮຽກຮ້ອງໃຫ້ທົ່ວພັກ,ທົ່ວລັດ, ທົ່ວກຳລັງປະກອບອາວຸດ ແລະ ປະຊາຊົນບັນດາເຜົ່າ ສອງຊາດລາວ-ຫວຽດນາມອ້າຍນ້ອງ ຕ້ອງໄດ້ພ້ອມຈິດພ້ອມໃຈກັນ ສືບຕໍ່ເພີ່ມທະວີປົກປັກຮັກສາ, ເພີ່ມພູນຄູນສ້າງ ແລະ ເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມືແບບພິເສດຮອບດ້ານ ລາວ-ຫວຽດນາມ, ຫວຽດນາມ-ລາວ ໃຫ້ນັບມື້ສູ່ລວງເລິກ ແລະ ອອກດອກອອກຜົນ ບົນຈິດໃຈເສີມຂະຫຍາຍກຳລັງຢ່າງເຕັມສ່ວນ ໃນການຍົກສູງປະສິດທິຜົນການຮ່ວມມື ເພື່ອຮັບປະກັນໃນການປົກປ້ອງສິດຜົນປະໂຫຍດຂອງຊາດ, ຮັບປະກັນຄວາມເປັນເອກະລາດ ເປັນເຈົ້າຕົນເອງ ຕາມທິດສັງຄົມນິຍົມ ເຊັ່ນ: ສືບຕໍ່ເພີ່ມທະວີການພົວພັນຮ່ວມມືໃນຂົງເຂດການເມືອງ, ການປ້ອງກັນຊາດ-ປ້ອງກັນຄວາມສະຫງົບ, ການພັດທະນາເສດຖະກິດ-ສັງຄົມ, ການຕ່າງປະເທດ.
ສຳລັບໃນປີ 2017 ນີ້ ສອງພັກ,ສອງລັດ, ສອງກຳລັງປະກອບອາວຸດ ແລະ ປະຊາຊົນບັນດາເຜົ່າສອງຊາດລາວ-ຫວຽດນາມ, ຫວຽດນາມ-ລາວ ແມ່ນໄດ້ມີການເຄື່ອນໄຫວພົບປະແລກປ່ຽນ, ເຄື່ອນໄຫວເຮັດວຽກສຶກສາອົບຮົມ ຕິດພັນກັບຂະບວນການສິລະປະ-ວັດທະນະທຳ, ໂຄສະນາເຜີຍແຜ່ມູນເຊື້ອ-ຜົນງານການຮ່ວມມື, ໂຮມຊຸມມິດຕິງ ແລະ ອື່ນໆ ເພື່ອຍ້ອງຍໍຊົມເຊີຍ ແລະ ສະເຫຼີມສະຫຼອງ ສອງວັນປະຫວັດສາດ ລາວ-ຫວຽດນາມ, ຫວຽດນາມ-ລາວ ຄື: ວັນສ້າງຕັ້ງສາຍພົວພັນການທູດ ຄົບຮອບ 55 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວວມືພິເສດຮອບດ້ານ ຄົບຮອບ 40 ປີ ໃຫ້ເຕັມໄປດ້ວຍບັນຍາກາດຟົດຟື້ນ, ສາມັກຄີຮັກແພງ, ມີໄມຕີຈິດ ມິດຕະພາບ ແລະ ເຕັມໄປດ້ວຍຄວາມໝາຍສຳຄັນ.
ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 10 ຂອງພັກປະຊາຊົນ ປະຕິວັດລາວ ໄດ້ດຳເນີນມາແຕ່ ວັນທີ 18 ຫາ 22 ມັງກອນ 2016 ທີ່ນະຄອນຫຼວງວຽງຈັນ ພາຍໃຕ້ຄຳຂວັນ “ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຍຶດໝັ້ນແນວທາງປ່ຽນແປງໃຫມ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ສ້າງສາພັດທະນາປະເທດຊາດຕາມທິດຍືນຍົງ (more…)
ຊາດລາວແມ່ນຊາດທີ່ມີມູນເຊື້ອສະຫງ່າອົງອາດ ແຫ່ງການຕໍ່ສູ້ຕ້ານການຮຸກຮານຂອງສັດຕູ ໂດຍສະເພາະໄລຍະແຫ່ງການຕໍ່ສູ້ກູ້ຊາດຕ້ານ ຈັກກະພັດຜູ້ຮຸກຮານ ພາຍໃຕ້ການຊີ້ນຳ-ນຳພາຂອງພັກປະຊາຊົນປະຕິວັດລາວ ເຊິ່ງເປັນໄລຍະກະແສຟອງການປະຕິວັດລາວ ນັບມື້ກວ້າງຂວາງແລະ ໄດ້ຮັບໄຊຊະນະເລື່ອຍໆມາ ຈົນສາມາດປົດປ່ອຍປະເທດຊາດຢ່າງມີໄຊ ພ້ອມທັງສ້າງຕັ້ງ ສາທາລະນະລັດ ປະຊາທິປະໄຕ ປະຊາຊົນລາວ (more…)
ປີ 2015 ນີ້ແມ່ນປີໜຶ່ງທີ່ມີຄວາມໝາຍສຳຄັນ ທາງປະຫວັດສາດຂອງຊາດລາວໂດຍສະເພາະ ວັນຊາດທີ 2 ທັນວານີ້ ທົ່ວພັກ ກຳລັງປ້ອງກັນຄວາມສະຫງົບ ແລະ ປະຊາຊົນລາວບັນດາເຜົ່າໄດ້ສະເຫຼີມສະຫຼອງ ຢ່າງຍິ່ງໃຫຍ່ແຫ່ງການສະຖາປະນາ ສປປລາວ ຄົບຮອບ 40ປີ ເພື່ອຊົມເຊີຍພາລາກິດປົກປັກຮັກສາ ແລະສ້າງສາພັດທະນາປະເທດຊາດຕາມ ແນວທາງປ່ຽນແປງໃຫມ່ແລະ ການການ ນຳພາ ອັນປີຊາສາມາດ ຂອງພັກປະຊາຊົນປະຕິວັດລາວ (more…)
ພາຍໃຕ້ການນຳພາຂອງພັກປະຊາຊົນ ປະຕິວັດລາວ ບໍ່ວ່າຈະເປັນໄລຍະຕໍ່ສູ້ກູ້ຊາດ ຫຼື ໄລຍະຈັດຕັ້ງປະຕິບັດປົກປັກຮັກສາ ແລະ ສ້າງສາພັດທະນາປະເທດຊາດ ຕາມແນວທາງປ່ຽນແປງໃຫມ່ຮອບດ້ານຂອງພັກ (more…)
ດັ່ງທີ່ຮູ້ນຳກັນແລ້ວວ່າຢາເສບຕິດແມ່ນບັນຫາ ທີ່ເປັນໄພອັນຕະລາຍຢ່າງຮ້າຍແຮງຕໍ່ມວນມະນຸດ, ເປັນການກົດໜ່ວງຖ່ວງດຶງການສ້າງສາພັດທະນາ ແຕ່ລະປະເທດ, ເປັນບໍ່ເກີດຂອງການກໍ່ອາຊະຍາກຳ, ສໍ້ລາດບັງຫຼວງ ແລະຍັງໄດ້ນຳເອົາຄວາມເສື່ອມເສຍມາສູ່ຊີວິດ ຊັບສິນ ແລະຄອບຄົວຂອງຜູ້ທີ່ພົວພັນກັບຢາ ເສບຕິດ, ຕໍ່ສະພາບການດັ່ງກ່າວທ່ານນາຍົກລັດຖະ ມົນຕີມີຄວາມເປັນຫວງເປັນໃຍຕໍ່ລູກຫຼານທີ່ເປັນອະນາຄົດຂອງຊາດ ທ່ານຈຶ່ງໄດ້ເນັ້ນໃຫ້ທຸກພາກສ່ວນໃນສັງຄົມຮ່ວມປະຕິບັດ 7 ບັນຫາສຳຄັນ (more…)
ກອງປະຊຸມລັດຖະມົນຕີອາຊຽນວ່າດ້ວຍອາຊະຍາ ກຳຂ້າມຊາດຄັ້ງທີ 9 ໄດ້ຈັດຂຶ້ນໃນລະຫວ່າງວັນທີ 15-19 ກັນຍາ 2013 ຢູ່ທີ່ນະຄອນຫຼວງວຽງຈັນ ສປປລາວ ໂດຍມີ ຄະນະຜູ້ແທນຈາກ 10ປະເທດສະ ມາຊິກອາຊຽນ, ເລຂາທິການໃຫຍ່ອາຊຽນ ແລະ ຄະນະຜູ້ ແທນຈາກຄູ່ເຈລະຈາຄື: ສປ ຈີນ, ຍີ່ປຸ່ນ ແລະ ສາ ທາລະນະລັດ ເກົາຫຼີ ເຂົ້າຮ່ວມທັງໝົດ 170 ກ່ວາທ່ານ. (more…)
