24th Aug2018

ຄຳສັ່ງ ວ່າດ້ວຍການຈັດຕັ້ງປະຕິບັດ 8 ມາດຕະການຊຸກຍູ້ເສດຖະກິດ

by somchan

ຄຳສັ່ງ ວ່າດ້ວຍການຈັດຕັ້ງປະຕິບັດ 8 ມາດຕະການຊຸກຍູ້ເສດຖະກິດ

ເຖິງ: ບັນດາທ່ານລັດຖະມົນຕີ, ຫົວໜ້າອົງການລັດທຽບເທົ່າກະຊວງ, ເຈົ້າຄອງນະຄອນຫຼວງວຽງຈັນ ແລະ ບັນດາທ່ານເຈົ້າແຂວງ ໃນຂອບເຂດທົ່ວປະເທດ. (more…)

Off
21st Aug2018

ແຈ້ງການ ວັນທີ 20 ສິງຫາ 2018

by somchan

ແຈ້ງການ ຄັ້ງວັນທີ 20 ສິງຫາ 2018

ເລື່ອງ: ແຈ້ງເຕືອນໃຫ້ກຽມພ້ອມຮັບມື ແລະ ແກ້ໄຂໄພນ້ຳຖ້ວມຕະຫຼອດເວລາ.

ຫ້ອງວ່າການສຳນັກງານນາຍຍົກລັດຖະມົນຕີ ຂໍຖືເປັນກຽດແຈ້ງມາຍັງທ່ານຊາບດັ່ງນີ້. (more…)

Off
21st Aug2018

ແຈ້ງການ ວັນທີ 19 ສິງຫາ 2018

by somchan

ແຈ້ງການ ຄັ້ງວັນທີ 19 ສິງຫາ 2018

ເລື່ອງ: ກຽມພ້ອມຮັບມືກັບໄພນ້ຳຖ້ວມຕະຫຼອດເວລາ.

ຫ້ອງວ່າການນະຄອນຫຼວງວຽງຈັນ ຂໍຖືເປັນກຽດແຈ້ງມາຍັງທ່ານຊາບວ່າ: (more…)

Off
27th Jul2018

ແຈ້ງການ: ເລື່ອງ: ​ເອົາ​ໃຈ​ໃສ່​ຕິດຕາມ, ກະກຽມ​ຮັບມື ​ແລະ ​ໃຫ້​ຄວາມ​ຊ່ວຍ​ເຫຼືອ​ຈາກ ​ຜົນ​ກະທົບ​ໄພພິບັດ​ທາງ​ທຳ​ມະ​ຊາດ.

by somchan

​ສາທາລະນະລັດ ປະຊາທິປະ​ໄຕ ປະຊາຊົນ​ລາວ

ສັນຕິພາບ ​ເອກະລາດ ປະຊາທິປະ​ໄຕ ​ເອກະ​ພາບ ວັດທະນາ​ຖາວອນ

ກະຊວງ​ປ້ອງ​ກັນ​ຄວາມ​ສະຫງົບ

ຫ້ອງ​ວ່າການ​ກະຊວງ ​                                                                                                                                                                                                                                                 ເລກທີ 2137 / ຫວກ

ນະຄອນຫຼວງ​ວຽງ​ຈັນ​, ວັນ​ທີ 24 ກໍລະກົດ 2018

ແຈ້ງການ

ເຖິງ:   ຫ້ອງ​ວ່າການ​ກະຊວງ, ບັນດາ​ກົມ​​ໃກ່ຍ, ກົມ-​ກອງ, 02 ວິທະຍາຄານ, 02 ລັດວິ​ສາະຫະກິດ, ກອງ​ບັນຊາ​ການ ປກສ ​ແຂວງ​ທົ່ວ​ປະ​ເທດ ​ແລະ ກອງ​ບັນຊາ​ການ ປກສ ນະຄອນຫຼວງ.

ເລື່ອງ: ​ເອົາ​ໃຈ​ໃສ່​ຕິດຕາມ, ກະກຽມ​ຮັບມື ​ແລະ ​ໃຫ້​ຄວາມ​ຊ່ວຍ​ເຫຼືອ​ຈາກ​ຜົນ​ກະທົບ​ໄພພິບັດ​ທາງ​ທຳ​ມະ​ຊາດ.

  • ອີງ​ຕາມ​ທິດ​ຊີ້​ນຳ​ຂອງ​ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ​ໃນ​ຄັ້ງ​ວັນ​ທີ 24 ກໍລະກົດ 2018.
  • ອີງ​ຕາມ​ສະພາບ​ດິນ​ຟ້າ​ອາກາດ​ໃນ​ປະຈຸ​ບັນ​ມີ​ຝົນຕົກ​ໜັກ​ໃນ​ຫຼາຍ​ພື້ນ​ທີ່​ບັນດາ​ແຂວງ​ທົ່ວ​ປະ​ເທດ.

ເພື່ອ​ເປັນ​ການ​ກຽມພ້ອມ​ຮັບ​ມື​ກັບ​ໄພພິບັດ​ທາງ​ທຳ​ມະ​ຊາດ​ທີ່​ອາດ​ເກີດ​ຂື້ນ, ຊຶ່ງ​ປະຈຸ​ບັນ​ໄດ້​ເກີດ​ຂື້ນ​ຢູ່​ໃນ​ຫຼາຍ​ແຂວງ​ທົ່ວ​ປະ​ເທດ​ລາວ.

ຫ້ອງ​ວ່າການ​ກະຊວງ​ປ້ອງ​ກັນ​ຄວາມ​ສະຫງົບ ​ແຈ້ງ​ມາ​ຍັງ​ບັນດາ​ກົມ-​ກອງ​ອ້ອມ​ຂ້າງ​ກະຊວງ, ປກສ ​ແຂວງ, ປກສ ນະຄອນຫຼວງ ຊາບ​ດັ່ງ​ນີ້:

  1. ​ໃຫ້​ເອົາ​ໃຈ​ໃສ່​ຕິດຕາມ​ສະພາບ​ດິນ​ຟ້າ​ອາກາດ, ກະກຽມ​ຮັບ​ມື​ກັບ​ໄພພິບັດ​ຕ່າງໆ ​ໃນ​ຂອບ​ເຂດ​ຄວາມ​ຮັບຜິດຊອບ​ຂອງ​ຕົນ, ​ເອົາ​ໃຈ​ໃສ່​ຄຸ້ມ​ຄອງ​ຮັກສາ​ລະບົບ​ເລົ້າ-​ສາງ, ຮັກສາ​ຄ້າຍ​ຄຸມ​ຂັງ-​ດັດ​ສ້າງ, ສຳນັກງານ​ຂອງ​ກຳລັງ, ​ເອກະສານ, ກະກຽ​ມສະບຽງ​ອາຫານ, ຢາ​ປົວ​ພະຍາດ​ໄວ້​ເພື່ອ​ຮັບ​ມື​ກັບ​ໄພພິບັດ​ທາງ​ທຳ​ມະ​ຊາດ.
  2. ກະກຽມ​ຄວາມ​ພ້ອມ​ດ້ານ​ກຳລັງ​ພົນ, ພາຫະນະ ​ແລະ ອຸປະກອນ​ຮັບ​ໃຊ້​ຕ່າງໆ ​ເພື່ອ​ກຽມພ້ອມ​ຊ່ວຍ​ເຫຼືອ​ປະຊາຊົນ​ຜູ້​ທີ່​ໄດ້​ຮັບ​ຜົນ​ກະທົບ​ຈາກ​ໄພພິບັດ​ທາງ​ທຳ​ມະ​ຊາດ, ນ້ຳ​ຖ້ວຍ​ມ, ​ໃຫ້​ມີ​ການຈັດ​ຕັ້ງ​ກຳລັງ​ແກ້​ໄຂ​ກໍລະນີ​ສຸກ​ເສີມ ມີ​ການຈັດ​ຕັ້ງ​ຊີ້​ນຳ​ບັນຊາ​ຢ່າງ​ຮັດກຸມ.
  3. ຈັດ​ຕັ້ງ​ຄະນະ ​ແລະ ກຳລັງ​ລົງ​ກວດກາ, ປະສານ​ສົມທົບ​ກັບ​ອຳນາດ​ການ​ປົກຄອງ​ທ້ອງ​ຖິ່ນ ​ເພື່ອ​ຕິດຕາມ​ສະພາບ ຊ່ວຍ​ເຫຼືອ​ຜູ້​ປະສົບ​ໄພ, ຮັກສາ​ຄວາມ​ສະຫງົບ​ປອດ​ໄພ ​ໂດຍ​ສະ​ເພາະທ້ອງ​ຖິ່ນ​ທີ່​ເກີດ​ອຸ​ທົກ​ກະ​ໄພ​ນ້ຳ​ຖ້ວມ.
  4. ​ໃຫ້​ບັນດາ​ກົມ​-ກອງອ້ອມ​ຂ້າງ​ກະຊວງ, ກອງ​ບັນຊາ​ການ ປກສ ​ແຂວງ, ປກສ ນະຄອນຫຼວງ ຈັດ​ຕັ້ງ​ກຳລັງ​ປະຈຳ​ການ​ຕະຫຼອດ 24 ຊົ່ວ​ໂມງ ຕິດຕາມສະພາບການ, ລາຍງານສະພາບຕ່າງໆໃຫ້ກະຊວງ ປກສ ຊາບໃນແຕ່ລະວັນ ໃນກໍລະນີຮີບດ່ວນໃຫ້ລາຍງານທ່ານລັດຖະມົນຕີ, ຮອງລັດຖະມົນຕີ, ຫົວໜ້າ ຫຼື ຮອງຫ້ອງວ່າການກະຊວງ ແລະ ປະຈຳການກະຊວງ ( ເບີໂທ 021 970 333 ) ແລ້ວຈຶ່ງເຮັດໜັງສືລາຍງານເປັນລາຍລັກອັກສອນຕາມຫຼັງ.

ດັ່ງນັ້ນ, ຈຶ່ງແຈ້ງມາເພື່ອຊາບ ແລະ ໃຫ້ຄວາມຮ່ວມມືຈັດຕັ້ງປະຕິບັດຢ່າງເຂັ້ມງວດ.

ຫົວໜ້າຫ້ອງວ່າການກະຊວງປ້ອງກັນຄວາມສະຫງົບ.

ພົຈວ ສົມວັນ ສາຍລ້ອງພາ

Off
09th Oct2017

ຖະແຫຼ່ງຂ່າວ ຄວາມຄືບໜ້າ ການແກ້ໄຂບັນຫາ ບໍລິສັດ ພີເອັສ

by somchan

​ໃນ​ວັນ​ທີ 5 ຕຸລາ 2017 ນີ້ ກອງ​ເລຂາ​ ຄະນະ​ຮັບຜິດຊອບ ​ຄົ້ນ​ຄວ້າ​​ແກ້​ໄຂບັນຫາ ​ບໍລິສັດ​ພີ​ເອັສ ​ໄດ້​ຈັດ​ຖະ​ແຫຼ່ງຂ່າວ ​ກ່ຽວ​ກັບ​ ຄວາມ​ຄືບ​ໜ້າ ​ໃນ​ການ​ແກ້​ໄຂ​ ບັນຫາ ບໍລິສັດ​ພີ​ເອັສ ສົ່ງ​ເສີມ​ກະສິກຳ ​ແລະ ອຸດສາຫະກຳ​ ຄົບ​ວົງ​ຈອນ​ ຂາ​ເຂົ້າ-ຂາ​ອອກ​ ຂອງ​ຄະນະ​ສະ​ເພາະ​ກິດ ​ແກ້​ໄຂ​ບັນຫາ ​ບໍລິສັດ​ ພີ​ເອັສ ຢູ່​ທີ່​ຫ້ອງ​ປະຊຸມ ກົມ​ໃຫ່ຍຕຳຫຼວດ ​ກະຊວງ ປກສ.

ປອ ອາຄົມ ປຣະ​ເສີດ ຫົວໜ້າ​ກົມ​ຄຸ້ມ​ຄອງ​ ສະ​ຖາ​ບັນ​ການ​ເງີ​ນ ທະນາຄານ​ແຫ່ງ ສປປ ລາວ ​ໄດ້​ຕາງໜ້າ​ກອງ​ເລຂາ ​ຄະນະ​ສະ​ເພາະ​ກິດ ​ຖະ​ແຫຼ່ງ ຕໍ່​ສື່​ມວນ​ຊົນ​ວ່າ: ພາຍ​ຫຼັງ​ເຫດການ ​ທີ່​ມີ​ຜູ້​ໄດ້​ຮັບ​ຄ ວາມ​ເສຍ​ຫາຍ ​ຈາກ​ການ​ເຄື່ອນ​ໄຫວ​ ຂອງ​ບໍລິສັດ ​ພີ​ເອັສ ​ເຕົ້າ​ໂຮມ​ຢູ່​ຕໍ່ໜ້າ ​ບໍລິສັດ ​ລະຫວ່າງ​ ວັນ​ທີ 11-12 ກັນຍາ ຜ່ານ​ມາ ​ເພື່ອ​ທວງ​ສັນຍາ​ໃຫ້​ບໍລິສັດ​ພີ​ເອັສ ສົ່ງ​ເງີ​ນຄືນ, ທາງ​ຄະນະ​ສະ​ເພາະ​ກິດ​ຂອງ​ລັດຖະບານ ກໍ່​ໄດ້​ຄົ້ນຄວ້າ​ປຶກສາ​ຫາລື​ເຖິງ​ຂັ້ນ​ຕອນ ​ແລະ ບາດກ້າວ​ກ່ຽວ​ກັບ​ວິທີ​ການ​ແກ້​ໄຂ​ບັນຫາ​ບໍລິສັດ​ພີ​ເອັສ ຕາມ​ຂະ​ບວນການ​ຂອງ​ກົດໝາຍ​ແຫ່ງ ສປປ ລາວ ​ເພື່ອ​ຮັກ​ສາ​ຄວາມ​ສະຫງົບ, ຄວາມ​ເປັນ​ລະບຽບ​ຮຽບຮ້ອຍ​ຂອງ​ສັງຄົມ ​ແລະ ຫຼຸດຜ່ອນ​ຜົນ​ເສຍ​ຫາຍຈາກ​ການ​ເຄື່ອນ​ໄຫວ​ທຸລະ​ກິດ​ຂອງ​ບໍລິສັດ​ພີ​ເອັສ ​ເປັນ​ຕົ້ນ​ແມ່ນ​ການ​ປະ​ເມີນ​ສະພາບ​ຄວາມ​ເປັນ​ຈິງ​ຂອງ​ບໍລິສັດ​ພີ​ເອັສ ຄົ້ນຄວ້າ​ຫາ​ວິທີ​ການ ​ແລະ ມາດ​ຕະການ​ເກັບ​ກູ້​ຊັບ​ສິນ ​ເພື່ຶອຊົດ​ເຊີຍ​ເງີ​ນຄືນ​ໃຫ້​ຜູ້​ເສຍ​ຫາຍຕາມ​ຄວາມ​ສາມາດ​ຕົວ​ຈິງ ​ແຕ່​ບໍ່​ແມ່ນ​ການ​ຮັບ​ພາລະ​ໃຊ້​ໜີ້​ແທນ​ບໍລິສັດ​ພີ​ເອັສ ​ເຊິ່ງປະຈຸ​ບັນ​ໄດ້​ມີ​ຜູ້​ຮ້ອງ​ຟ້ອງ 5,020 ຄົນ ມູນ​ຄ່າ​ເສຍ​ຫາຍ​ 196 ຕື້​ກີບ.

ຄວາມ​ຄືບໜ້າ​ໃນ​ການ​ແກ້​ໄຂ​ບັນຫາ ບໍລິສັດ​ພີ​ເອັສ ຂອງ​ຄະນະ​ສະ​ເພາະ​ກິດ ​ເຊິ່ງ​ໃນ​​ໄລຍະ​ຜ່ານ​ມາ ຄະນະ​ສະ​ເພາະ​ກິດ​ກໍ່​ໄດ້​ມີ​ການ​ແບ່ງ​ຄວາມ​ຮັບຜິດຊອບ​ພາຍ​ໃນ ​ໂດຍ​ໄດ້​ແຕ່ງ​ຕັ້ງ​ອາ​ນຸກຳມະການ​ດ້ານ​ການ​ສືບສວນ-​ສອບ​ສວນ ດຳ​ເນີນ​ຄະດີ​ອາຍາ ​ແລະ ຮັກສາ​ຄວາມ​ສະຫງົບ ອາ​ນຸກຳມະການ​ຕິດຕາມ​ການ​ເຄື່ອນ​ໄຫວ​ຂອງ​ບໍລິສັດ,ການ​ປະ​ເມີນ​ຊັບ​ສິນ, ກວດກາ​ບັນຊີ ​ແລະ ກອງ​ເລຂາ​ເພື່ອ​ເຮັດ​ວຽກ​ງານ​ເປັນ​ເສນາ​ທິການ​ໃນ​ການ​ປະສານ​ວຽກ​ງານ, ຜ່ານ​ການ​ສືບສວນ-​ສອບ​ສວນ ຂອງ​ເຈົ້າ​ໜ້າ​ທີ່ ກ່ຽວຂ້ອງ ການ​ເກັບ​ກຳ​ຂໍ້​ມູນ​ຫຼັກ​ຖານ ​ແລະ ຄຳ​ໃຫ້ການ​ຂອງ​ຜູ້​ຖືກ​ເສຍ​ຫາຍ​ຈຳນວນ​ໜຶ່ງ​ເຫັນ​ວ່າ: ບໍລິສັດ​ພີ​ເອັສ ​ແມ່ນ​ໃຊ້​ເລ່ຫຼຽມຕົວະ​ຍົວະ​ຫຼອກ​ລວງ​ໂດຍ​ໂຄສະນາ​ຕ່າງໆ ວ່າ​ຈະ​ໃຫ້​ຜົນ​ຕອບ​ແທນ​ສູງ ​ເພື່ອ​ຈະ​ໃຫ້​ບຸກຄົນ​ອື່ນ​ຫຼົງ​ເຊື່ອ​ແລ້ວ​ເອົາ​ເງີ​ນມາ​ໃຫ້​ບໍລິສັດ​ພີ​ເອັສ, ປະຈຸ​ບັນ​ເຈົ້າ​ໜ້າ​ທີ່​ຕຳຫຼວດ​ໄດ້​ເປີດ​ການ​ສືບ​ສວນ-​ສອບ​ສວນ ຕໍ່​ກັບ​ບຸກຄົນ​ທີ່​ມີ​ສ່ວນ​ກ່ຽວຂ້ອງ​ໃນ​ສະຖານ​ສໍ້​ໂກງ​ຊັບ​ພົນລະ​ເມືອງ ​ແລະ ອົງການ​ໄອ​ຍະ​ການ ​ໄດ້​ອອກ​ຄຳ​ສັ່ງ​ກັກ​ຂັງ​ປະທານ​ບໍລິສັດ​ພີ​ເອັສ ນາງ ສຸ​ນາລີ ​ເທບ​ສີ​ເມືອງ, ທ້າວ ປໍ່​ເຢີ ​ແລະ ຜູ້​ຖືກ​ຫາ​ຈຳນວນ​ໜຶ່ງ ​ເພື່ອ​ສຶບສວນ​ຂະຫຍາຍ​ຜົນ​ຫາ​ຜູ້​ຮ່ວມ​ກະທຳ​ຜິດ​ມາ​ລົງ​ໂທດ​ຕາມ​ກົດໝາຍ ນອກ​ນັ້ນ​ຄະນະ​ສະ​ເພາະ​ກິດ ຍັງ​ໄດ້​ທຳ​ການ​ກວດ​ຄົ້ນ​ເຄຫະ​ສະຖານ ພ້ອມ​ທັງ​ອາ​ຍັດ​ຊັບ​ສິນ​ຈຳນວນ​ໜຶ່ງ ທີ່​ມີ​ການ​ພົວພັນ​ກັບ​ຄະດີ ພ້ອມ​ນີ້​ກົມ​ໃຫ່ຍຕຳຫຼວດ​ກະຊວງ ປກສ ​ໄດ້​ອອກ​ແຈ້ງ​ການ​ທວງ​ໃຫ້ ປະຊາຊົນ​ຜູ້​ເສຍ​ຫາຍ​ໄປ​ຢື່ນຄຳ​ຮ້ອງ​ຟ້ອງ ​ເພື່ອ​ທວງ​ເງີ​ນຄືນ ຢູ່​ກົມ​ຕຳຫຼວດ​ເສດຖະກິດ, ປກສ ​ແຂວງ, ປກສ​​ເມືອງ ​ແລະ ຢູ່​ບໍລິ​ສັດ​ພີ​ເອັສ.

ປະຈຸ​ບັນ​ໄດ້​ຮັບ​ຄຳ​ຮ້ອງ​ຟ້ອງ ​ແລະ ​ເອົາ​ຄຳ​ໃຫ້ການ​ໄດ້​ຈຳນວນ 5,020 ຄົນ ມູນ​ຄ່າ​ເສຍ​ຫາຍ 196 ຕື້​ກີບ ທາງ​ອະນຸ​ກຳມະການ​ໄດ້​ລົງ​ເຮັດ​ວຽກ​ຕົວ​ຈິງ ​ໂດຍ​ການ​ເຂົ້າ​ຮ່ວມ​ຈາກ​ຫຼາຍ​ພາກສ່ວນ ​ເພື່ອ​ລົງ​ເກັບ​ກຳ​ຂໍ້​ມູນ ​ແລະ ບັນດາ​ຊັບ​ສິນ​ຕ່າງໆ​ຂອງ​ບໍລິສັດ ​ແລະ ບຸກຄົນ​ທີ່​ກ່ຽວຂ້ອງ ກວດກາ​ຂໍ້​ມູນ ການ​ເຄື່ອນ​ໄຫວ​ທຸລະ​ກິດການ​ເງີ​ນຜ່ານ​ມາ ກວດກາ​ລະບົບ​ໄອ​ທີ ຂອງ​ບໍລິສັດ ກວດກາ​ບັນ​ດາ​ວັດຖຸ​ອຸປະກອນ​ຄື່ອງ​ໃຊ້​ໃນ​ເຮືອ​ແພ, ສວນ​ຜັກ, ສັດລ້ຽງ​ປະ​ເພດ​ຕ່າງໆ ​ໂດຍ​ມີ​ການ​ຂື້ນ​ບັນຊີ​ລາຍ​ອຽດຄັກ​ແນ່ ສຳ​ລັບ​ກິດຈະການ​ຂອງ​ບໍລິສັດ​ໄລຍະ​ດຳ​ເນີນ​ຄະດີ​ແມ່ນ​ໃຫ້​ຢຸດ​ເຊົາ​ການ​ເຄື່ອນ​ໄຫວ​ທຸລະ​ກິດທັງ​ໝົດ​ ​ເນື່ອງ​ຈາກ​ວ່າ​ອີງ​ໃສ່​ລະບຽບ​ກົດໝາຍ​ທີ່​ກ່ຽວຂ້ອງ, ​ເມື່ອ​ຄະນະ​ບໍ​ລີ​ຫານ​ງານ​ຖືກ​ດຳ​ເນີນ​ຄະດີ ​ໂດຍ​ສະ​ເພາະ​ຄະດີ​ອາຍາ ການ​ເຄື່ອນ​ໄຫວ​ທຸລະ​ກິດ​ຕ້ອງ​ໂຈະ​ກ່ອນ ຈົນ​ກວ່າ​ການ​ແກ້​ໄຂ​ບັນຫາ​ຕາມ​ຂະ​ບວນການ​ຂອງ​ກົດໝາຍ​ສຳ​ເລັດ.

Off
22nd Sep2017

ແຈ້ງການ ເລື່ອງ: ໃຫ້ເຂົ້າໄປແຈ້ງຄວາມ ຫຼື ລາຍງານຜົນເສຍຫາຍຂອງຕົນ ນຳເຈົ້າໜ້າທີ່ຕຳຫຼວດ.

by somchan

ແຈ້ງການ

ເຖິງ: ພໍ່ແມ່ປະຊາຊົນ, ຊາວຄ້າຂາຍ, ພະນັກງານ, ທະຫານ, ຕຳຫຼວດ ພາກສ່ວນຕ່າງໆ ທີ່ເອົາໃຫ້ບໍລິສັດພີເອັສ ສົ່ງເສີມກະສິກຳ ແລະ ອຸດສາຫະກຳ ຄົບວົງຈອນຂາເຂົ້າ-ຂາອອກຈຳກັດ ໃນຂອບເຂດທົ່ວປະເທດ.

ເລື່ອງ: ໃຫ້ເຂົ້າໄປແຈ້ງຄວາມ ຫຼື ລາຍງານຜົນເສຍຫາຍຂອງຕົນນຳ ເຈົ້າໜ້າທີ່ຕຳຫຼວດ. (more…)

Off
18th Aug2017

ຊີ້ແຈງ ການແກ້ໄຂ ບັນຫາ ຊາຍແດນ ລາວ – ກຳປູເຈຍ

by somchan

ວັນ​ທີ 17 ສິງຫາ ນີ້ ທ່ານ ​ແພງ​ສະຫວັນ ​ແກ້ວ​ປະ​ເສີດ ຫົວໜ້າ​ຫ້ອງການ ຄະນະ​ກຳມາ​ທິການ​ຊາຍ​ແດນ​ແຫ່ງ​ຊາດ, ກະຊວງ​ການ​ຕ່າງປະ​ເທດ ​ໄດ້​ຖະ​ແຫຼ່ງຂ່າວ​ຕໍ່​ສື້ມວນ​ຊົນ ກ່ຽວ​ກັບ​ສະພາບ​ຊາຍ​ແດນ​ລາວ-​ກຳປູ​ເຈຍ ຢູ່​ລະຫວ່າງ ​ແຂວງ​ອັດ​ຕະປື ຂອງ​ລາວ ​ແລະ ​ແຂວງ​ຊຽງ​ແຕງ ຂອງ​ກຳ​ປູ​ເຈຍ ບໍລິ​ເວນ​ຊາຍ​ແດນ​ທີ່​ຄົງ​ຄ້າງ​ແກ້ງ​ຕໍ​ມໍຄອຍ-​ຫ້ວຍ​ຕະ​ເງົາ ​ເຊິ່ງທ່ານ​ກ່າວ​ວ່າ: ລາວ ​ແລະ ກຳປູ​ເຈຍ ມີ​ຊາຍ​ແດນ​ຮ່ວມ​ກັນ​ທັງ​ໝົດ 535 ກິ​ໂລ​ແມັດ ຝ່າຍ​ລາວ​ມີ​ແຂວງ​ຈຳປາ​ສັກ ​ແລະ ອັດ​ຕະປື, ຝ່າຍ​ກຳປູ​ເຈຍ​ມີ​ແຂວງ ​ເພຣຍວິ​ເຮ​ຍ, ​ແຂວງ​ຊຽງ​ແຕງ ​ແລະ ລັດ​ຕະນະ​ສິຣິ. ​ໃນ​ປີ 1997 ລັດຖະບານ​ທັງ​ສອງ​ປະ​ເທດ ​ໄດ້​ຕົກລົງ​​ໃຫ້​ມີ​ການ​ສຳ​ຫຼວດ ​ແລະ ປັກ​ຫຼັກ​ໝາຍ​ແດນ​ຮ່ວມ​ກັນ ​ໂດຍ​ໄດ້​ຕົກລົງ​ຮັບຮອງ ​ເອົາ 4 ຫຼັກການ ​ເພື່ອ​ເປັນ​ພື້ນຖານ​ໃຫ້​ແກ່​ການ​ສຳ​ຫຼວດ ​ແລະ ປັກ​ຫຼັກ​ໝາຍ​ແດນ​ຮ່ວມ​ກັນ ​ເປັນ​ຕົ້ນ​ແມ່ນ​ບົນ​ພື້ນຖານ​ການ​ຮັບ​ຮູ້​ເຂດ​ແດນ​ຕິດ​ຕໍ່​ກັນ, ​ເຂດ​ແດນ​ທີ່​ມີ​ມາ​ແຕ່ ​ເມື່ອ​ຄາວ​ຫົວ​ເມືອງ​ຂື້ນ​ປະ​ໄວ້ ​ໂດຍ​ອີງ​ຕາມ​ແຜນ​ທີ່ 1 /100,000 ​ແລະ ​ແຜ່ນ​ທີ່​ອື່ນໆ​ທີ່​ກ່ຽວຂ້ອງ ທີ່​ໄດ້​ພິມ​ອອກ​ແຕ່​ປີ 1933-1953 ​ໂດຍ​ພະ​ແນ​ກ​ແຜນ​ທີ່​ຂອງ​ອິນດູ​ຈີນ, ​ບົນ​ພື້ນຖານ​ຫຼັກການ​ຕ່າງໆທີ່​ສາກົນ​ຮັບ​ຮູ້​ກ່ຽວ​ກັບ​ການ​ຂີດ​ເສັ້ນ​ຊາຍ​ແດນ​ບົນ​ພື້ນຖານ​ຄຳນຶງ​ເຖິງ ທີ່​ເຂດ​ທີ່​ມີ​ປະ​ຊາ​ຊົນ​ຄຸ້ມ​ຄອງ​ຕົວ​ຈິງ ທີ່​ສືບ​ທອດ​ກັນ​ມາ​ຫຼາຍ​ເຊັ່ນ​ຄົນ ​ແລະ ບົນພື້ນຖານ​ຂອງຄວາມສະ​ເໜີ​ພາບ, ທ່ຽງ​ທຳ,ສົມ​ເຫດ​ສົມ​ຜົນ, ຜ່ອນ​ສັ້ນ​ຜ່ອນ​ຍາວ​ໃຫ້​ກັນ,​ເຄົາລົບ​ສິດ ​ແລະ ຜົນ​ປະ​ໂຫຍ​ດຂອງ​ກັນ ​ແລະ ກັນ ມີ​ເປັນ​ເອກະ​ພາບ​ຢ່າງ​ສົມບູນ ​ເພື່​ອ​ເຮັດ​ໃຫ້​ຊາຍ​ແດນ​ຂອງ​ສອງ​ປະ​ເທດ ມີ​ຄວາມ​ຈະ​ແຈ້ງ ​ແລະ ຊັດ​ເຈນ​ຕະຫຼອດ​ການ ​ເພື່ອ​ເປັນ​ມູນ​ມໍລະດົກ​ຕົກ​ທອດ​ໃຫ້​ແກ່​ອານຸຊົນ​ລຸ່ນຫຼັງ ​ໃຫ້​ສືບ​ທອດ​ກັນ​ຕໍ່​ໄປ ​ໃນ​ປີ 2000 ​ເປັນ​ຕົ້ນ​ມາ ສອງ​ຝ່າຍ​ໄດ້​ຮ່ວມ​ກັນ​ສຳ​ຫຼວດທິດ​ເນັ໋ງ​ເສັ້ນ​ຊາຍ​ແດນ​ສຳ​ເລັດ​ແລ້ວ​ປະມານ 87 ສ່ວນ​ຮ້ອຍ ຂອງ​ລວງ​ຍາວ​ເສັ້ນ​ຊາຍ​ແດນ​ທັງ​ໝົດ ​ແລະ ​ໄດ້​ກໍ່ສ້າງ​ຫຼັກ​ໝາຍ​ຊາຍ​ແດນ ຈຳນວນ 121 ຫຼັກໝາຍ ​ແລະ ຄຽງ​ຄູ່​ກັບ​ຜົນສຳ​ເລັດ​ດັ່ງກ່າວ ຍັງ​ມີ​ຈຸດ​ຄົງ​ຄ້າງ​ຈຳນວນ​ໜື່ງ ທີ່​ຕ້ອງ​ໄດ້​ສືບ​ຕໍ່​ປຶກສາ​ຫາລື ​ເພື່ອ​ແກ້​ໄຂ​ຮ່ວມ​ກັນ ລວມທັງ​ບໍລິ​ເວນ​ແກ້ງ​ຕໍ​ມໍ​ຄອຍ-​ຫ້ວຍ​ຕະ​ເງົາ ທີ່​ມີ​ສະພາບ​ໃນ​ປະຈຸ​ບັນ, ບໍລິ​ເວນ​ດັ່ງກ່າວ​ນີ້​ທັງ​ສອງ​ຝ່າຍ​ກໍ່​ມີ​ທັດສະນະ​ທີ່​ແຕກ​ຕ່າງ​ກັນ​ກ່ຽວ​ກັບ​ບົນພື້ນຖານທີ່​ເປັນ​ບ່ອນ​ອີງ​ໃນ​ການ​ຂີດ​ເສັ້ນ​ຊາຍ​ແດນ​ບໍລິ​ເວນ​ນີ້ ການ​ນຳ​ຂັ້ນ​ສູງ​ຂອງ​ສອງ​ປະ​ເທດ​ຈຶ່ງ​ໄດ້​ເປັນ​ເອກະ​ພາບ​ກັນ​ວ່າ ​ເປັນ​ຈຸດ​ຄົງ​ຄ້າງ​ມິດຕະພາບ ​ແລະ ຫ້າມ​ບໍ່​ໃຫ້​ມີ​ການ​ດຳ​ເນີນ​ກິດຈະການ​ໃດໆ ​ໂດຍ​ຝ່າຍ​ໃດ​ຝ່າຍ​ໜຶ່ງ ​ແລະ ​ໃຫ້​ຮັກສາ​ບໍລິ​ເວນ​ນີ້ ​ໃຫ້​ຢູ່​ໃນ​ສະພາບ​ເດີ​ມຈົນ​ກວ່າ​ທອງ​ສອງ​ຝ່າຍ​ຈະ​ຕົກລົງ​ກຳນົດ​ເສັ້ນ​ຊາຍ​ແດນ ​ແລະ ຫຼັກ​ໝາຍ​ຊາຍ​ແດນ​ສຳ​ເລັດ ພ້ອມ​ນີ້​ທັງ​ສອງ​ຝ່າຍ ກໍ່​ໄດ້​ກຳນົດມາດ​ຕະການ ​ແລະ ວິທີ​ການ​ແກ້​ໄຂ​ບັນຫາ​ທີ່​ເກີດ​ຂື້ນ​ໃນ​ບໍລິ​ເວນ​ດັ່ງກ່າວ ຢ່າງ​ຖືກຕ້ອງ ​ແລະ ​ເປັນ​ທຳ​ລະຫວ່າງ​ສອງ​ປະ​ເທດ.

 

Off
08th May2017

ບົດຖະແຫຼງຂ່າວ

by somchan

ຂອງ ທ່ານ ພົຈວ ສີສະ​ຫວາດ ​ແກ້ວ​ມາລາ​ວົງ ຫົວໜ້າ​ຫ້ອງ​ວ່າ​ການ ກະຊວງ​ປ້ອງ​ກັນ​ຄວາມ​ສະຫງົບ ຫົວໜ້າ​ເຈົ້າ​ໜ້າ​ທີ່​ອາວຸ​ໂສລາ​ວກ່ຽວ​ກັບ​ຄວາມ​ພ້ອມ ​ໃນ​ການ​ກະກຽມ​ກອງ​ປະຊຸມ ​ເຈົ້າ​ໜ້າ​ທີ່​ອາວຸ​ໂສ​ອາ​ຊຽນ ວ່າ​ດ້ວຍ​ອາ​ຊະ​ຍາ​ກຳ​ຂ້າມ​ຊາດ ຄັ້ງ​ທີ່ 17 ​ໃນ​ລະຫວ່າງ ວັນ​ທີ 22-27 ພຶດສະພາ 2017 ທີ່​ນະຄອນຫຼວງ​ວຽງ​ຈັນ ສປປ ລາວ

ກອງ​ປະຊຸມ​ເຈົ້າ​ໜ້າ​ທີ່ ອາວຸ​ໂສ​ອາ​ຊຽນ ວ່າ​ດ້ວຍ​ອາ​ຊະ​ຍາ​ກຳ​ຂ້າມ​ຊາດ (SOMTC ) ​ເປັນ​ກອງ​ປະຊຸມ​ທີ່​ສຳຄັນ​ອັນ​ໜື່ງ, ​ໃນ​ຂອບ​ຂອງເສົາ​ຄ້ຳປະຊາ​ຄົມ-​ການ​ເມືອງ ຄວາມ​ໜັ້ນຄົງ​ອາ​ຊຽນ, ​ເປັນ​ເວທີ​ປຶກສາ​ຫາ​ລື​ຄົ້ນຄວ້າ ພິຈາລະນາ ​ແລະ ​ເປັນ​ເສນາ​ທິການ​ໃນ​ການ​ຄົ້ນ​ຄວ້າ ​ເອກະສານ​ນິຕິ​ກຳ,ຂໍ້​ກຳນົດ ​ແລະ​ບົດ​ຖະ​ແຫຼ​ງການ​ຮ່ວມ​ຕ່າງໆ ​ໃຫ້​ແກ່​ບັນດາ​ກອງ​ປະຊຸມ​ລະດັບ​ລັດຖະມົນຕີ;

ກອງ​ປະຊຸມ ​ເຈົ້າ​ໜ້າ​ທີ່​ອາວຸ​ໂສ ຍັງ​ເປັນ​ກອງ​ປະຊຸມ ​ເພື່ອ​ພິຈາລະນາ​ຮັບ​ຮອງ ​ເນື້ອ​ໃນ​ພື້ນຖານ ບັນຫາ​ສຳຄັນ​ຕ່າງໆ ທີ່​ນຳ​ສະ​ເໜີ​ຈາກ​ກອງ​ປະຊຸມ​ຄົ້ນຄວ້າ​ຂັ້ນ​ລະດັບ ວິຊາ​ການ​ຂອງ​ບັນດາ​ປະ​ເທດ​ກ່ຽວຂ້ອງ ​ແລະ​ຄົ້ນຄວ້າ​ພິຈາລະນາ ຮັບຮອງ​ເອົາ​ແຜນ​ປະຈຳ​ປີ ກ່ຽວ​ກັບ​ການ​ຕ້ານ​ອາ​ຊະ​ຍາ​ກຳ​ຂ້າມ​ຊາດ ລວມທັງ​ແຜນການ​ຮ່ວມ​ມື​ກັບ​ບັນດາ​ປະ​ເທດ​ຄູ່​ເຈລະຈາ​ຕ່າງໆ;

​ໃນ​ກອງ​ປະຊຸມ​ຄັ້ງ​ນີ້ ຈະ​ໄດ້​ມີ​ການ​ປຶກສາ​ຫາລື​ກັນ​ໃນ 10 ຂົງ​ເຂດ ປະ​ເພດ​ອາ​ຊະ​ຍາ​ກຳ​ຄື:

  1. ວຽກ​ງານ​ ຕ້ານ​ກໍ່​ການ​ຮ້າຍ
  2. ວຽກ​ງານ ຕ້ານ​ການ​ຄ້າຂາຍ​ຢາ​ເສບ​ຕິດ
  3. ວຽກ​ງານ ຕ້ານ​ການ​ຄ້າ​ມະນຸດ
  4. ວຽກ​ງານ ຕ້ານ​ການ​ລັກລອບ​ຄ້າ​ອາວຸດ​ຜິດ​ກົດໝາຍ
  5. ວຽກ​ງານ ຕ້ານ​ອາ​ຊະ​ຍາ​ກຳ​ດ້ານ​ເສດຖະກິດ
  6. ວຽກ​ງານ ຕ້ານ​ອາ​ຊະ​ຍາ​ກຳ​ທາງ​ຄອມ​ພີ​ວ​ເຕີ
  7. ວຽກ​ງານ ຕ້ານ​ອາ​ຊະ​ຍາ​ກຳ​ທາງ​ທະ​ເລ
  8. ວຽກ​ງານ ຕ້ານ​ການ​ຟອກ​ເງີ​ນ
  9. ວຽກ​ງານ ​ຕ້ານ​ການ​ຄ້າຂາຍສັດປ່າ ​ແລະ ​ໄມ້​ທີ່​ຜິດ​ກົດໝາຍ
  10. ວຽກ​ງານ ຕ້ານ​ການ​ລັກລອບ​ເຂົ້າ​ເມືອງ​ທີ່​ຜິດ​ກົດໝາຍ

ດ້ານ​ຄວາ​ມພ້ອມ​ໃນ​ການ​ກະກຽມ​ເປັນ​ເຈົ້າພາບ:

  1. ​ໄດ້​ສຳ​ເລັດ​ການ​ກະກຽມ ຂໍ​ອານຸມັດ​ຈາກ​ຂະ​ແໜງການ​ທີ່​ກ່ຽວຂ້ອງ ​ແລະ ລັດຖະບານ
  2. ​ໄດ້​ແຕ່ງ​ຕັ້ງ​ຄະນະ​ຮັບຜິດຊອບ​ລວມ ​ແລະ 06 ອະນຸ​ກຳມະການ​ຄື​ໃນ​ການ​ກະກຽມ​ຄື:
  • ອະນຸ​ກຳມະການ ດ້ານ​ເນື້ອ​ໃນ​ແລະ​ກອງ​ເລຂານຸການ
  • ອະນຸ​ກຳມະການ ພິທີການ-​ສະຖານ​ທີ່, ປະສານ​ງານ ​ແລະ ພາຫະນະ
  • ອະນຸ​ກຳມະການ ດ້ານ​ເສດຖະກິດ
  • ອະນຸ​ກຳມະການ ປ້ອງ​ກັນ
  • ອະນຸ​ກຳມະການ ສິນລະປະ ​ແລະ ສື່ສານ​ມວນ​ຊົນ
  • ອະນຸ​ກຳມະການ ດ້ານ​ສາທາລະນະ​ສຸກ

ຕະຫຼອດ​ໄລ​ຍະ​ການ​ກະກຽມ​ຜ່ານ ພວກ​ເຮົາ​ມີ​ຂໍ້​ສະດວກ ​ແລະ ຂໍ້​ຫຍຸ້ງຍາກ​ດັ່ງ​ນີ້:

  • ຂໍ້​ສະດວກ:
  • ມີ​ການ​ຊີ້​ນຳ​ຈາກ​ຂັ້ນ​ເທີ​ງ​ເປັນ​ປົກກະຕິ, ​ເປັນ​ຕົ້ນ​ແມ່ນ​ການ​ນຳ​ກະຊວງ ປກສ ​ແລະ ບັນດາ​ກະຊວງ​ທີ່​ກ່ຍວຂ້ອງ.
  • ​ໄດ້​ຮັບ​ການ​ຮ່ວມ​ມື ຈາກ​ບັນດາ​ປະ​ເທດ​ສະມາຊິກ​ອາ​ຊຽນ, ກອງ​ເລຂາ​ອາ​ຊຽນ
  • ​ໄດ້​ຮັບ​ການ​ຮ່ວມື​ເປັນ​ຢ່າງ​ດີ ຈາກ​ກົມ​ກອງ​ຂະ​ແໜງ​ການ​ວິຊາ​ສະ​ເພາະ​ທີ່​ກ່ຽວຂ້ອງ ​ເປັນ​ຕົ້ນ​ແມ່ນ ກະຊວງ​ການ​ຕ່າງປະ​ເທດ, ກະຊວງ​ການ​ເງີ​ນ, ຫ້ອງ​ວ່າການ​ສຳນັກງານ​ນາຍ​ຍົກ​ລັດຖະມົນຕີ ​ແລະ ອື່ນໆ
  • ມີ​ພະນັກງານ ​ແລະ ​ອຸປະກອນ​ຮັບ​ໃຊ້​ທີ່​ພຽງພໍ.
  • ຂໍ້​ຫຍຸ້ງຍາກ:
  • ມີ​ຄວາມ​ຫຍຸ້ງຍາກ ດ້ານ​ການ​ປະສານ​ງານ ກັບ​ຕ່າງປະ​ເທດ ທີ່​ຈະ​ມາ​ເຂົ້າ​ຮ່ວມ​ໃນ​ກອງ​ປະຊຸມ​ຄັ້ງ​ນີ້ ຍ້ອນ​ມີ​ຫຼາຍ​ຂັ້ນ​ຕອນ​ໃນ​ການ​ປະສານ​ງານ ​ແລະ ມີ​ຫຼາຍ​ພາກສ່ວນ​ຫຼາຍ​ປະ​ເທດສະ​ເໜີ​ເຂົ້າ​ມາ​ຮ່ວມ.
  • ມີ​ຄວາມ​ຫຍຸ້ງຍາກ​ໃນ​ການ​ກະກຽມ​ເອກະສານ, ​ເພາະ​ໄດ້​ຜ່ານ​ທັງ​ພາຍ​ໃນ ​ແລະ ​ເກັບ​ກຳ​ຂໍ້​ມູນ​ຈາກ​ບັນດາ​ປະ​ເທດ​ສະມາ​ຊິກອາຊຽນ ​ເພື່ອ​ປະກອບ​ເຂົ້າ​ໃນ​ທີ່​ປະຊຸມ ​ເພື່ອ​ຄວາມ​ເປັນ​ເອກະ​ພາບ​ຂັ້ນ​ຕົ້ນ ກ່ອນ​ຈະ​ຮອດ​ວາລະ​ໄຂ​ກອງ​ປະຊຸມ​ເປັນ​ທາງ​ການ.

ສັງ​ລວມ​ແລ້ວ​ທາ​ຮອດ​ປັດຈຸບັນ ການ​ກະກຽມ​ກອງ​ປະຊຸມ ​ເຈົ້າ​ໜ້າ​ທີ່​ອາວຸ​ໂສ​ອາ​ຊຽນ ວ່າ​ດ້ວຍ​ການ​ຕ້ານ​ອາ​ຊະ​ຍາ​ກຳ​ຊ້າ​ມຊາດ ​ແລະ ກອງ​ປະຊຸມ​ອື່ນໆ​ທີ່​ກ່ຽວຂ້ອງ ຊຶ່ງ​ຈະ​ໄດ້​ຈັດ​ຂື້ນ​ໃນ​ລະຫວ່າງ​ວັນ​ທີ 22-27 ພຶດສະພາ 2017 ທີ່​ນະຄອນຫຼວງ​ວຽງ​ຈັນ​ນີ້ ຜ່ານ​ການ​ດຳ​ເນີນ​ງານ​ໄປ​ຕາມ​ຂັ້ນ​ຕອນ ​ແລະ ຜົນ​ຂອງ​ກອງປະຊຸມກວດກາ​ວຽກ​ງານ​ໃນ​ຄັ້ງ​ຫຼ້າ​ສຸດ ວັນ​ທີ 05 ພຶດສະພາ 2017 ​ເຫັນ​ວ່າ ປະ​ຈຸ​ບັນ​ນີ້​ພວກ​ເຮົາ​ຍັງພຽງ​ຈະ​ໄດ້​ສືບ​ຕໍ່​ກະກຽມ​ເພີ່ມ​ຕື່ມ​ບາງ​ບັນຫາ​ເລັກ​ນ້ອຍ​ເທົ່າ​ນັ້ນ ​ແລະ ຢືນຢັນ​ວ່າ​ພວກ​ເຮົາ​ມີ​ຄວາມ​ພ້ອມ​ແລ້ວ​ທຸກໆ​ດ້ານ ​ໃນ​ການ​ເປັນ​ເຈົ້າພາບ​ຈັດ​ກອງ​ປະຊຸມ​ໃນ​ຄັ້ງ​ນີ້ ​ແລະ ຈະ​ສືບ​ຕໍ່​ກະກຽມ​ໃຫ້​ດີ​ທີ່​ສຸດ ​ເພື່ອ​ເຮັດ​ໃຫ້​ສຳ​ເລັດ​ໜ້າ​ທີ່​ຕາມ​ການ​ມອບ​ໝາຍ​ຂອງ​ຂັ້ນ​ເທີ​ງ ​ແລະ ບັນດາ​ປະ​ເທດ​ອາ​ຊຽນ ທີ່​ໄດ້​ໄວ້​ວາງ​ໃຈ​ມອບ​ໝາຍ​ໃຫ້ ສປປ ລາວ ​ເປັນ​ເຈົ້າພາບ​ໃນ​ການ​ຈັດ​ກອງ​ປະຊຸມ​ໃນ​ຄັ້ງ​ນີ້.

ນະ​ໂອກາດ​ນີ້ ​ໃນ​ນາມ​ຕາງໜ້າ​ຄະນະ​ຮັບຜິດຊອບ ຈິ່ງ​ຂໍ​ຮຽກຮ້ອງ​ມາ​ຍັງ​ພະນັກງານ-​ນັກຮົບ ທຸກ​ພາກສ່ວນ​ທີ່​ກ່ຽວຂ້ອງ, ຕະຫຼອດ​ປະຊາຊົນ​ຊາວ​ນະຄອນຫຼວງ​ວຽງ​ຈັນ ຈົ່ງ​ສືບ​ຕໍ່​ເຂົ້າ​ຮ່ວມ​ເປັນ​ເຈົ້າພາບ​ທີ່​ດີ​ນຳ​ກັນ ​ເພື່ຶອພາລະກິດ ລວມຂອງ​ປະ​ເທດ​ເຈົ້າພາບ, ​ໃຫ້​ໄດ້​ຕາມ​ຈຸດປະສົງ​ຄາດໝາຍ​ທຸ​ກປະການ.

Off
22nd Mar2017

ແຈ້ງການ

by somchan

ເລື່ອງ:   ​ເຕືອນ​ສະຕິ​ກ່ຽວ​ກັບ ຄວາມ​ສ່ຽງ​ຂອງ​ການ​ກໍ່​ອາ​ຊະ​ຍາ​ກຳ​ທາງ​ດ້ານ ບັດ ATM ປອມ, ຖອນ​ເອົາ​ເງີ​ນຢູ່​ຕູ້ ATM ຂອງ​ທະນາຄານ​ຕ່າງໆ ຢູ່ ສປປ ລາວ. (more…)

Off
03rd Aug2015

ລາຍລະອຽດກ່ຽວກັບນ້ຳດື່ມກາຫົວເສືອປອມ

by somchan

ເມື່ອບໍ່ດົນມານີ້ມີກຸ່ມຄົນບໍ່ດີຈຳນວນໜຶ່ງໄດ້ປອມແປງ ແລະລັກລອບຈຳໜ່າຍນ້ຳດື່ມກາຫົວເສືອໃນຂອບເຂດ ບ້ານໂນນຫວາຍເມືອງໄຊເຊດຖານະຄອນຫຼວງວຽງຈັນ ເຊິ່ງໃນວັນທີ 24 ກໍລະກົດ2015 ເຈົ້າໜ້າທີ່ຕຳຫຼວດ ແລະ ອຳນາດການປົກຄອງໄດ້ເຂົ້າລະງັບ ແລະແກ້ໄຂ. ໃນວັນທີ 29 ກໍລະກົດນີ້ທາງບໍລິສັດທີ່ຜະລິດນ້ຳດື່ມ ຫົວເສືອຈື່ງໄດ້ຊີ້ແຈງການປອມແປງບອກລັກສະນະຂອງ ນ້ຳດື່ມຫົວເສືອແທ້ ແລະ ນ້ຳດື່ມຫົວເສືອປອມລາຍລະອຽດ ທ່ານ ສູນທອນສີລິສັກຮອງຜູ້ອຳນວຍການບໍລິສັດເບຍ ການໄດ້ໃຫ້ຮູ້ວ່າ: (more…)

Off
Pages:12»