29th Jun2020

ລັດຖະບານຊີ້ແຈ້ງບັນຫາທີ່ສະມາຊິກສະພາ ແລະ ສັງຄົມມີຄວາມສົນໃຈ.

by somchan

ໃນວາລະດຳເນີນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ VIII ໃນວັນທີ 25 ມິຖຸນາ 2020 ພາຍໃຕ້ການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ, ໃນກອງປະຊຸມບັນດາສະມາຊິກສະແຫ່ງຊາດແຕ່ລະເຂດເລືອກຕັ້ງ ໄດ້ຮັບຟັງການຊີ້ແຈ້ງຕໍ່ຄຳຊັກຖາມຂອງສະພາແຫ່ງຊາດ ຈາກ ປອ ສອນໄຊ ສີພັນດອນ ຮອງນາຍົກລັດຖະມົນຕີ, (more…)

Off
26th Jun2020

ສານຂອງພະນະ ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ

by somchan

ສານຂອງພະນະ ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ

 ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 33 ປີ,

 ວັນທີ 26 ມິຖຸນາ 2020 (26/06/1987-26/06/2020).

ພີ່ນ້ອງຮ່ວມຊາດ ທີ່ ຮັກແພງ ທັງຫຼາຍ

ໃນທ່າມກາງທີ່ທົ່ວພັກ, ທົ່ວລັດ  ແລະ  ທົ່ວປວງຊົນລາວ ພວມໄດ້ເອົາໃຈໃສ່ໃນການປ້ອງກັນພະຍາດປອດອັກເສບຈາກເຊື້ອຈຸລະໂລກສາຍພັນໃໝ່ (COVID-19)  ຢ່າງເອົາຈິງເອົາຈັງ, ພວກເຮົາກໍຍັງໄດ້ພ້ອມກັນກັບປະຊາຊາດໃນທົ່ວໂລກ ສະເຫຼີມສະຫຼອງວັນສາກົນຕ້ານຢາເສບຕິດ ຄົບຮອບ 33 ປີ, ວັນທີ 26 ມິຖຸນາ 2020 ຊຶ່ງຖືເປັນໂອກາດແຫ່ງການສະເໜີຜົນງານໃນການຕໍ່ສູ້ເພື່ອສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ ທີ່ ພັກ-ລັດ ແລະ ປະຊາຊົນລາວບັນດາເຜົ່າ ໄດ້ດຳເນີນໃນປີຜ່ານມາ.

​ເປັນ​ທີ່​ຊາບ​ກັນ​ດີ​ແລ້ວ​ວ່າ ຢາເສບຕິດ ແມ່ນບັນຫາກວມລວມຂອງໂລກ ທີ່ເປັນໄພອັນຕະລາຍຕໍ່ມວນມະນຸດ, ເປັນບໍ່ເກີດແຫ່ງການກໍ່ອາຊະຍາກຳ, ກົດໜ່ວງທ່ວງດຶງການສ້າງສາພັດທະນາເສດຖະ ກິດ-ສັງຄົມຂອງຊາດ ທັງຍັງສ້າງຄວາມເສຍຫາຍຢ່າງໃຫຍ່ຫຼວງຕໍ່ບຸກຄົນ ແລະ ຄອບຄົວຜູ້ຕົກເປັນທາດຂອງຢາເສບຕິດ.ຈຸບັນ ການຜະລິດ ແລະ ການຄ້າຂາຍຢາເສບຕິດ ໄດ້ກາຍເປັນຂະບວນການຂ້າມຊາດ ທີ່ລັດຖະບານ ແລະ ປະຊາຊົນ ກໍຄື ປະຊາຊາດທົ່ວໂລກ ພ້ອມກັນຕໍ່ຕ້ານຢ່າງແຂງແຮງ. ເຖິງແມ່ນວ່າຫຼາຍປະເທດ ໄດ້ເພີ່ມທະວີມາດຕະການ ແລະ ຄວາມພະຍາຍາມໃນການສະກັດກັ້ນ, ປາບປາມ ແລະ ແກ້ໄຂບັນຫາດັ່ງກ່າວ ຢ່າງຕໍ່ເນື່ອງປານໃດກໍຕາມ, ແຕ່ການຜະລິດ, ການຊົມໃຊ້, ການຄ້າ ຂາຍ ແລະ ການລຳລຽງຂົນສົ່ງຢາເສບຕິດຢູ່ໃນໂລກ ກໍຄືຢູ່ ສປປ ລາວ ກໍຍັງບໍ່ຫຼຸດໜ້ອຍຖອຍລົງ ແລະ ມີທ່າອ່ຽງຂະຫຍາຍຕົວຂຶ້ນຢ່າງໜ້າເປັນຫ່ວງ.

ຍ້ອນເຫັນໄດ້ເຖິງພິດໄພອັນຕະລາຍຄື​ດັ່ງກ່າວ, ໃນຊຸມປີຜ່ານມາ ພັກ ແລະ ລັດຖະບານເຮົາ ຈຶ່ງໄດ້ຖືເອົາການສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ ເປັນໜ້າທີ່ສຳຄັນ ແລະ ໄດ້ຊີ້ນຳ-ນຳພາ ການຈັດຕັ້ງປະຕິບັດວຽກງານດັ່ງກ່າວ ຢ່າງຈົດຈໍ່ ແລະ ຈິງຈັງຕະຫຼອດມາ. ພວກເຮົາໄດ້ເອົາໃຈໃສ່ສຶກສາອົບຮົມໃຫ້ປະຊາຊົນບັນດາຊັ້ນຄົນ ເປັນຕົ້ນແມ່ນຊາວໜຸ່ມ-ເຍົາວະຊົນ ໄດ້ຮັບຮູ້-ເຂົ້າໃຈຢ່າງຖືກ ຕ້ອງ ກ່ຽວກັບພິດໄພ ແລະ ຜົນຮ້າຍຂອງຢາເສບຕິດ, ​ໂດຍໄດ້ໂຄສະນາເຜີຍແຜ່ແນວທາງນະໂຍບາຍ, ກົດໝາຍ, ລະບຽບການ ແລະ ມະຕິຄຳສັ່ງຂອງພັກ-ລັດ ກ່ຽວກັບບັນຫາຢາເສບຕິດ ຢ່າງຕໍ່ເນື່ອງ ແລະ ເປັນປົກກະຕິ. ພວກເຮົາ ໄດ້ຊ່ວຍເຫຼືອ ແລະ ສ້າງເງື່ອນໄຂໃຫ້ບັນດາຄອບຄົວປະຊາຊົນເຜົ່າຕ່າງໆຢູ່ເຂດພູດອຍ ທາງພາກເໜືອ ຫັນໄປປະກອບອາຊີບອື່ນທີ່ໝັ້ນຄົງ ແລະ ຖືກກົດໝາຍແທນການປູກຝິ່ນ, ໄດ້ດຳເນີນການບຳບັດປິ່ນປົວ ແລະ ຟື້ນຟູສຸຂະພາບຜູ້ຕິດຢາເສບຕິດ ເພື່ອໃຫ້ເຂົາເຈົ້າ ກັບຄືນເປັນຄົນດີຂອງສັງຄົມ. ພ້ອມ​ນັ້ນ, ຍັງໄດ້ຕັ້ງໜ້າເຂົ້າຮວ່ມໃນການປະຕິບັດວຽກງານ 3 ສ້າງ ທີ່ຕິດພັນກັບການສ້າງບ້ານໃຫ້ ເປັນຫົວໜ່ວຍພັດທະນາ ໂດຍໄດ້ສ້າງບ້ານ, ໂຮງຮຽນ, ກົມກອງ, ຫົວໜ່ວຍການຜະລິດ ແລະ ບໍລິການ ທັງພາກລັດ ແລະ ເອກະຊົນ ຢູ່ຕາມທ້ອງຖິ່ນຕ່າງໆ ໃຫ້ປອດຈາກຢາເສບຕິດ. ນອກ​ນັ້ນ ລັດຖະບານ ຍັງໄດ້ເອົາໃຈໃສ່ ແລະ ໃຫ້ຄວາມສຳຄັນຕໍ່ການປະຕິບັດມາດຕະການດ້ານກົດ ໝາຍ ຕໍ່ຜູ້ກະທຳຄວາມຜິດ. ໃນປີນີ້, ເຈົ້າໜ້າທີ່ຕຳຫຼວດ, ໂດຍໄດ້ຮັບຄວາມຮ່ວມມືຈາກພາກສ່ວນທີ່ກ່ຽວຂ້ອງ ທັງພາຍໃນ ແລະ ຕ່າງປະເທດ ໄດ້ມ້າງຄະດີ, ຍຶດຢາເສບຕິດ, ຍຶດອາວຸດ​ເສິ​ກ, ຍຶດຊັບສິນ, ວັດຖຸມີຄ່າ, ສານເຄມີຕ່າງໆ ທີ່ນໍາມາຜະລິດເປັນຢາເສບຕິດແລະ ທີ່​ສຳຄັນແມ່ນໄດ້ຈັບກຸມຜູ້ກະທໍາຄວາມຜິດຈຳນວນໜຶ່ງ ມາດຳເນີນຄະດີຕາມລະບຽບກົດໝາຍ.

ນອກຈາກນັ້ນ, ກໍໄດ້ມີການພົວພັນຮ່ວມມືຢ່າງໃກ້ຊິດ, ເປັນເຈົ້າການ ​ໃນ​ການ​ຕິດຕາມ, ກວດກາ ​ແລະ ແກ້​ໄຂ​ບັນຫາ​ດັ່ງກ່າວ ຢ່າງ​ຕັ້ງໜ້າ ສະເໝີຕົ້ນສະເໝີປາຍ ກັບບັນດາປະເທດເພື່ອນມິດໂດຍສະເພາະ ກັບປະເທດບ້ານໃກ້ເຮືອນຄຽງ ແລະ ອົງການຈັດຕັ້ງສາກົນຕ່າງໆ ຕະຫຼອດມາ.

ເນື່ອງໃນວັນສາກົນຕ້ານຢາເສບຕິດ ວັນທີ 26 ມິຖຸນາ ຄົບຮອບ 33 ໃນປີນີ້, ຕາງໜ້າ ລັດຖະບານ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ. ຂ້າພະເຈົ້າ ຂໍສະແດງຄວາມຍ້ອງຍໍຊົມເຊີຍ ຕໍ່ເຈົ້າໜ້າທີ່ປ້ອງກັນຊາດ, ປ້ອງກັນຄວາມສະຫງົບ ແລະ  ທຸກພາກສ່ວນທີ່ກ່ຽວຂ້ອງ ຢູ່ຂັ້ນສູນກາງ ແລະ ທ້ອງຖິ່ນ ຕະຫຼອດຮອດພໍ່ແມ່ປະຊາຊົນລາວບັນດາເຜົ່າ ໃນທົ່ວປະເທດ ທີ່ໄດ້ໃຫ້ການຮ່ວມມືປະກອບສ່ວນເຂົ້າໃນການສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ. ນະໂອກາດນີ້, ຂໍສະແດງຄວາມຂອບໃຈ ແລະ ຮູ້ບຸນຄຸນ ມາຍັງບັນດາປະເທດເພື່ອນມິດ, ອົງການຈັດຕັ້ງສາກົນ, ອົງການບໍ່ສັງກັດລັດຖະບານ ແລະ ພາກທຸລະກິດ ທັງພາຍໃນ ແລະ ຕ່າງປະເທດ ທີ່ໄດ້ໃຫ້ການຮ່ວມມື, ສະໜັບສະໜູນ, ອູ້ມຊູຊ່ວຍເຫຼືອໃຫ້ແກ່ລັດຖະບານ ແລະ ປະຊາຊົນລາວ ໃນການສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ ໃຫ້ໄດ້ຮັບຜົນດີຕະຫຼອດມາ.

ພີ່ນ້ອງຮ່ວມຊາດ ທີ່ຮັກແພງ

ຢາເສບຕິດ ເປັນບັນຫາຂອງຊາດ ແລະ ຂອງສາກົນ ທີ່ກຳລັງເປັນໄພຂົ່ມຂູ່ ຕໍ່ຄວາມສະຫງົບສຸກ, ຄວາມເປັນລະບຽບຮຽບຮ້ອຍຂອງສັງຄົມ ແລະ ຄວາມໝັ້ນຄົງຂອງຊາດລາວເຮົາ. ດັ່ງນັ້ນ, ອີກເທື່ອໜຶ່ງ, ຂ້າພະເຈົ້າ ຂໍຮຽກຮ້ອງມາຍັງພະນັກງານ, ທະຫານ, ຕຳຫຼວດ ແລະ ປະຊາຊົນລາວບັນດາເຜົ່າ ທຸກຊັ້ນຄົນ, ທຸກເພດໄວໃນທົ່ວສັງຄົມ ຕະຫຼອດຮອດບັນດາອົງການຈັດຕັ້ງພັກລັດ, ອົງການປົກຄອງທ້ອງຖິ່ນ, ສະຖາບັນການສຶກສາ, ອົງການພຸດທະສາດສະໜາ ແລະ ສະຖາບັນຄອບຄົວ ຈົ່ງໄດ້ພ້ອມກັນເປັນເຈົ້າການເຂົ້າຮ່ວມໃນການສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ ໃຫ້ຫຼຸດໜ້ອຍຖອຍລົງ ແລະ ໝົດສິ້ນໄປຈາກສັງຄົມລາວ.

ຂ້າພະເຈົ້າ ຫວັງເປັນຢ່າງຍິ່ງວ່າ ບັນດາປະເທດເພື່ອນມິດ ແລະ ອົງການຈັດຕັ້ງສາກົນ ຈະສືບຕໍ່ໃຫ້ການສະໜັບສະໜູນ, ຮ່ວມມືຊ່ວຍເຫຼືອດ້ານທຶນຮອນ, ບົດຮຽນ ແລະ ປະສົບການ ແກ່ລັດຖະບານ ແລະ ປະຊາຊົນລາວ ກໍຄືອົງການທີ່ເຮັດໜ້າທີ່ສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ ເພື່ອເຮັດໃຫ້ພາກພື້ນແລະ ໂລກຂອງພວກເຮົາ ປອດຈາກຢາເສບຕິດ.

 ຂໍຂອບໃຈ

Off
25th Jun2020

ກະຊວງ ປກສ ມອບພາຫະນະຮັບໃຊ້ຈຳນວນ 73 ຄັນ ໃຫ້ອະນຸກຳມະການປ້ອງກັນໂຄງການທາງລົດໄຟ ລາວ-ຈີນ

by somchan

ກະຊວງ ປກສ ຈັດພິທີມອບພາຫະນາ ໃຫ້ອະນຸກຳມາການປ້ອງກັນ ແລະ ບັນດາຈຸດປ້ອງກັນໂຄງການທາງລົດໄຟ ລາວ-ຈີນ ໃນວັນທີ 24 ມິຖຸນາ 2020 ຢູ່ທີ່ກອງຜະລິດຫ້ວຍຫມາກພິກ ເມືອງສີໂຄດຕະບອງ ນະຄອນຫລວງວຽງຈັນ, ໂດຍການໃຫ້ກຽດເຂົ້າຮ່ວມ ແລະມອບໂດຍ ພົນຕີ ກົງທອງ ພົງວິຈິດ ຮອງລັດຖະມົນຕີ ກະຊວງ ປກສ ຫົວຫນ້າອະນຸກຳມະການປ້ອງກັນທາງລົດໄຟ ລາວ-ຈີນ ມີບັນດາຮອງຫົວຫນ້າກົມໃຫຍ່ ກອງບັນຊາການ ກົມກອງວິຊາສະເພາະທີ່ກ່ຽວຂ້ອງອ້ອມຂ້າງກະຊວງ ປກສ , ກອງບັນຊາການ ປກສ ນະຄອນຫລວງວຽງຈັນ ແລະ ປກສ ແຂວງ ເຂົ້າຮ່ວມ.

ພາຫະນະທີ່ນຳມາມອບໃຫ້ອະນຸກຳມະການປ້ອງກັນ ແລະ ບັນດາຈຸດປ້ອງກັນໂຄງການກໍ່ສ້າງທາງລົດໄຟລາວ-ຈີນ ໃນຄັ້ງນີ້ ລວມມີທັງຫມົດ 73 ຄັນ, ມີລົດກະບະ ຍີ່ຫໍ້ ອີສຸຊຸ ດີແມັກ 7ຄັນ, ລົດຈັກຮອນດາເວບຮ້ອຍ 41 ຄັນ ແລະ ລົດຈັກ ສະເກມ 25 ຄັນ. ໃນນີ້ ໄດ້ມອບລົດກະບະ ໃຫ້ກົມຕຳຫລວດທາງລົດໄຟ, ກົມໃຫຍ່ ຕຳຫລວດ 2 ຄັນ, ອະນຸກຳມະການເສດຖະກິດ, ກົມໃຫຍ່ພະລາທິການ, ອະນຸກຳມະການປ້ອງກັນ, ກອງບັນຊາການປ້ອງກັນທີ່ຕັ້ງ, ອະນຸກຳມະການ, ກອງບັນຊາການ ປກສ ນະຄອນຫລວງວຽງຈັນ, ອະນຸກຳມະການປ້ອງກັນ ກອງບັນຊາການ ປກສ ແຊວງວຽງຈັນ ແລະ ອະນຸກຳມະການປ້ອງ ແຂວງຫລວງນ້ຳທາ ພາກສ່ວນລະ 1 ຄັນ.

ມອບລົດຈັກຮອນດາສະເກມ 250 ຊີຊີ ໃຫ້ຈຸປ້ອງກັນ ກອງບັນຊາການ ປກສ ແຂວງອຸດົມໄຊ 8 ຄັນ ໃຫ້ອະນຸກຳມະການປ້ອງກັນກອງບັນຊາການປ້ອງກັນເຄື່ອນທີ່ 6 ຄັນ ໃຫ້ຈຸດປ້ອງກັນກອງບັນຊາການແຂວງຫລວງພະບາງ 5 ຄັນ ໃຫ້ຈຸດປ້ອງກັນກອງບັນຊາການ ປກສ ແຂວງວຽງຈັນ 10 ຄັນ, ໃຫ້ຈຸດປ້ອງກັນ ກອງບັນຊາການ ປກສ ແຂວງຫລວງພະບາງ 6 ຄັນ ໃຫ້ຈຸດປ້ອງກັນ ກອບັນຊາການ ປກສ ແຂວງຫລວງນ້ຳທາ 4 ຄັນ, ໃຫ້ຈຸດປ້ອງກັນ ກອງບັນຊາການ ປກສ ນະຄອນຫລວງວຽງຈັນ 3 ຄັນ, ໃຫ້ກອງເສນາຊ່ວຍວຽກ ອະນຸກຳມະການປ້ອງກັນຫ້ອງວ່າການກະຊວງ ປກສ 2 ຄັນ ແລະ ມອບໃຫ້ກອງເສນາຊ່ວຍວຽກອະນຸກຳມະການປ້ອງກັນ ກົມໃຫຍ່ການເມືອງ ປກສ, ກົມໃຫຍ່ສັນຕິບານ, ກົມໃຫຍ່ຕຳຫລວດ, ກົມໃຫຍ່ພະລາທິການ ແລະ ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ກົມລະ 1 ຄັນ.

ທັງນີ້ກຳ່ເພື່ອຮັບປະກັນເຮັດໃຫ້ການເຄື່ອນໄຫວວຽກງານປ້ອງກັນຄວາມສະຫງົບ ໂຄງການກໍ່ສ້າງທາງລົດໄຟ ລາວ-ຈີນ ບັນລຸຕາມຈຸດປະສົງ ແລະ ຄາດຫມາຍຂອງສັນຍາການຮ່ວມມື ທີ່ລັດຖະບານ ສປປ ລາວ ແລະ ລັດຖະບານ ສປ ຈີນ ລົງນາມຮ່ວມກັນ ໃຫ້ມີຄວາມສະຫງົບເປັນລະບຽບຮຽບຮ້ອຍ ແລະ ປອດໄພຮອບດ້ານ.

Off
23rd Jun2020

ກອງປະຊຸມໃຫຍ່ຄັ້ງທີ VI ຂອງອົງຄະນະພັກກົມໃຫຍ່ຕຳຫຼວດ ກະຊວງ ປກສ

by somchan

ກອງປະຊຸມໃຫຍ່ຄັ້ງທີ VI ຂອງອົງຄະນະພັກກົມໃຫຍ່ຕຳຫຼວດ ກະຊວງ ປກສ ໄດ້ຈັດໃນວັນທີ 23 ມີຖຸນາ 2020 ນີ້ ໂດຍການເປັນປະທານຂອງ ສະຫາຍ ພົຈວ ຄຳກີ່ງ ຜຸຍຫລ້າມະນີວົງ ເລຂາຄະນະພັກກົມໃຫຍ່ ຫົວຫນ້າກົມໃຫຍ່ຕຳຫລວດ ກະຊວງ ປກສ, ເປັນກຽດເຂົ້າຮ່ວມຂອງ ສະຫາຍ ພົທ ວິໄລ ຫລ້າຄຳຟອງ ເລຂາທິການສູນກາງພັກ ເລຂາຄະນະພັກກະຊວງ (more…)

Off
11th May2020

ມື້ນີ້ ປະເທດລາວກໍ່ຍັງບໍ່ພົບຜູ້ຕິດເຊື້ອໂຄວິດ-19 ເພີ່ມ

by somchan

ການຖະແຫຼ່ງຂ່າວຂອງຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂພະຍາດ ໂຄວິດ-19 ປະຈຳວັນທີ 11 ພຶດສະພາ  ໂດຍທ່ານ ຮສຈ ດຣ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ຜູ້ປະຈຳການຄະນະສະເພາະກິດ ໃຫ້ຮູ້ວ່າ: ໃນວັນທີ 10 ພຶດສະພາ 2020 ນີ້ ໄດ້ເກັບຕົວຢ່າງມາກວດທັງໝົດ 360 ຄົນ, ໃນນັ້ນມີກໍລະນີສົງໄສ 16 ຄົນ ມີແຮງງານລາວກັບຈາກປະເທດໄທ 299 ຄົນ ແລະ ແຮງງານໄທເຂົ້າມາສ້ອມແປງໄຟຟ້າ ຢູ່ແຂວງໄຊຍະບູລີ 45 ຄົນ. ຜົນການກວດທັງໝົດບໍ່ພົບຜູ້ຕິດເຊື້້ອເພີ່ມ, ເປັນເວລາ 29 ມື້ແລ້ວ.

Off
11th May2020

ສອງພາກສ່ວນ ມອບເງິນ ໃຫ້ ສປປ ລາວ ເພື່ອຊຸກຍູ້ເຂົ້າໃນວຽກງານປ້ອງກັນໂຄວິດ-19

by somchan

ໃນວັນທີ 11 ພຶດສະພາ 2020 ທີ່ຫ້ອງວ່າການສໍານັກງານນາຍົກລັດຖະມົນຕີ ມີ ສອງພາກສ່ວນໄດ້ມອບເງິນ ເພື່ອປະກອບສ່ວນຊຸກຍູ້ເຂົ້າໃນວຽກງານງານປ້ອງກັນໂຄວິດ-19 ຢູ່ ສປປ ລາວ ໃນນີ້, ມີທ່ານ ຊິນ ຊອງລຸນ ເອກອັກຄະລັດຖະທູດ ສ. ເກົາຫຼີ ປະຈໍາ ສປປ ລາວ ຕາງຫນ້າໃຫ້ລັດຖະບານ ສ ເກົາຫຼີ ໄດ້ມອບເງິນ 6 ແສນ ໂດລາ, ທ່ານ ຫລີ ຈື ຢ່າ ອໍານວຍການທະນາຄານແຫ່ງປະເທດຈີນ (more…)

Off
11th May2020

ກະຊວງສາທາລະນະສຸກ ຮັບເຄື່ອງຊ່ວຍເຫຼືອ ລວມມູນຄ່າ 1 ຕື້້ກວ່າກີບ

by somchan

ໃນວັນທີ 11 ພຶດສະພາ 2020 ນີ້ ສູນກາງແນວລາວສ້າງຊາດ ຮ່ວມກັບມູນນິທິ ວີເລີບ ຢູ່ນານາຊາດ, ບໍລິສັດ Olive tree, ບໍລິສັດ ລາວ-ຊິນຊູ ຈຳກັດຜູ້ດຽວ ໄດ້ມອບເຄື່ອງ ເພື່ອປະກອບສ່ວນເຂົ້າໃນການຕ້ານພະຍາດໂຄວິດ-19 ແລະ ອຸປະກອນການແພດອື່ນໆ ປະກອບມີຜ້າປິດປາກ-ດັງ, ເຄື່ອງກວດເບົາຫວານ ລວມມູນຄ່າ 1 ຕື້້ກວ່າກີບ ໃຫ້ກະຊວງສາທາລະນະສຸກ (more…)

Off
11th May2020

ກອງປະຊຸມປຶກສາຫາລືກຽມຄວາມພ້ອມ ເພື່ອສ້າງຂະບວນການຮັບຕ້ອນກອງປະຊຸມໃຫຍ່ຂອງຄະນະພັກກະຊວງ ປກສ ຄັ້ງທີ 5

by somchan

ອະນຸກຳມະການຂະບວນການເພື່ອສ້າງຂະບວນການຂ່ຳນັບຮັບຕ້ອນກອງປະຊຸມໃຫຍ່ຂອງຄະນະພັກກະຊວງປ້ອງກັນຄວາມສະຫງົບ ຄັ້ງທີ 5 ໄດ້ຈັດກອງປະຊຸມປຶກສາຫາລືກຽມຄວາມພ້ອມ ໃນການສ້າງຂະບວນການຕ່າງໆ ໃນວັນທີ 11 ພຶດສະພາ ນີ້ ເປັນປະທານໂດຍ ພົຕ ປອ ທອງເຫຼັກ ມັງໜໍ່ເມກ (more…)

Off
11th May2020

ລາຍງານປະຈຳວັນທີ 10 ພຶດສະພາ ເກັບຕົວຢ່າງມາກວດທັງໝົດ 279 ຄົນ ແມ່ນບໍ່ພົບເຊື້ອ.

by somchan

ການຖະແຫຼ່ງຂ່າວຂອງຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂພະຍາດໂຄວິດ-19 ປະຈຳວັນທີ 10 ພຶດສາພາ ໂດຍທ່ານ ຮສຈ ດຣ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ຜູ້ປະຈຳການຄະນະສະເພາະກິດ ໃຫ້ຮູ້ວ່າ: ໃນວັນທີ 9 ພຶດສະພາ 2020 ນີ້ (more…)

Off
09th May2020

ລາຍງານປະຈຳວັນທີ 9 ພຶດສະພາ ປະເທດລາວກໍ່ຍັງບໍ່ພົບຢູ່ຕິດເຊື້ອເພີ່ມ

by somchan

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໄດ້ຖະແຫຼ່ງຂ່າວປະຈຳວັນທີ 9 ພຶດສະພາ 2020 ນີ້ ໂດຍ ທ່ານ ຮສຈ ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈຳການຄະນະສະເພາະກິດໃຫ້ຮູ້ວ່າ: ໃນວັນທີ 8 ພຶດສະພາ 2020 ນີ້ ໄດ້ເກັບຕົວຢ່າງມາກວດທັງໝົດ 175 ຄົນ, (more…)

Off
Pages:1234567...17»