31st Dec2021

ກອງບັນຊາການ ປກສ ແຂວງສະຫວັນນະເຂດ ເຄື່ອນໄຫວເຜີຍແຜ່ ວາລະແຫ່ງຊາດ ວ່າດ້ວຍການແກ້ໄຂ ບັນຫາຢາເສບຕິດ ຢູ່ ບັນດາ ປກສ ເມືອງ.

by somchan

ໃນລະຫວ່າງວັນທີ 29-30 ທັນວາ 2021 ຜ່ານມານີ້ ກອງບັນຊາການ ປກສ ແຂວງສະຫວັນນະເຂດ ໄດ້ເຄື່ອນໄຫວລົງເຜີຍແຜ່ ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂ ບັນຫາຢາເສບຕິດ ຢູ່ ປກສ ເມືອງນອງ,ເມືອງເຊໂປນ ແລະ ປກສ ເມືອງຊົນນະບູລີ ໂດຍການນຳພາຂອງ  ພັອ ສັງທອງ ສີປະເສີດ ຮອງກອງບັນຊາການ ປກສ ແຂວງສະຫວັນນະເຂດ  ແລະ  ລົງເຜີຍແຜ່ ຢູ່ ປກສ ເມືອງພະລານໄຊ ນຳພາໂດຍ  ພັທ ບຸນເລີດ ຄະທຸມພົມ ຮອງກອງບັນຊາການ ປກສ ແຂວງ ມີ ທ່ານເຈົ້າເມືອງ, ຮອງເຈົ້າເມືອງ, ຫົວໜ້າຈັດຕັ້ງເມືອງ, ຫົວໜ້າກອງບັນຊາການ ປກສ ເມືອງ ພ້ອມດ້ວຍຄະນະ ແລະ ພະນັກງານຫຼັກແຫຼ່ງຂອງ ປກສ ເມືອງດັ່ງກ່າວເຂົ້າຮ່ວມ.

ໃນກອງປະຊຸມໄດ້ຜ່ານແຜນການຈັດຕັ້ງຜັນຂະຫຍາຍ ວາລະແຫ່ງຊາດ ວ່າດ້ວຍການແກ້ໄຂ ບັນຫາຢາເສບຕິດ ຢູ່ແຂວງສະຫວັນນະເຂດ, ບັນຫາຢາເສບຕິດແມ່ນປະກົດການຫຍໍ້ທໍ້ໜື່ງໃນສັງຄົມ, ເຊີ່ງກໍ່ໃຫ້ເກີດອາຊະຍາກຳ ດ້ານຕ່າງໆທີ່ມີຄວາມອັນຕະລາຍຢ່າງຮ້າຍແຮງຕໍ່ຄອບຄົວ, ຕໍ່ສັງຄົມ ທັງເປັນໄພຂົ່ມຂູ່ ຕໍ່ການສ້າງສາພັດທະນາເສດຖະກິດຂອງຊາດ ເວົ້າລວມ ເວົ້າສະເພາະ ແມ່ນ ແຂວງສະຫວັນນະເຂດ ສະນັ້ນຕ້ອງໄດ້ຮີບຮ້ອນແກ້ໄຂ ເປັນວາລະແຫ່ງຊາດ, ການລົງເຄື່ອນໄຫວ ເຜີຍແຜ່ ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂ ບັນຫາຢາເສບຕິດ ຄັ້ງນີ້ ກໍ່ເພື່ອແນໃສ່ ຍົກສຸງຄວາມຮັບຮູ້, ເຂົ້າໃຈ ຄວາມເປັນເອກະພາບທາງດ້ານທັດສະນະ ແລະ ຄວາມຮັບຜິດຊອບໃນການຊີ້ນຳ-ນຳພາ ຂອງຄະນະພັກ-ຄະນະບັນຊາ ແຕ່ລະຂັ້ນ ຂອງກຳປ້ອງກັນຄວາມສະຫງົບ ໃນການປະຕິບັດຕົວຈິງ ກຳແໜ້ນເນື້ອໃນສຳຄັນທີ່ເປັນພື້ນຖານ ຮັບປະກັນໃຫ້ການແກ້ໄຂ ບັນຫາຢາເສບຕິດດຳເນີນໄປຢ່າງເປັນລະບົບ, ຕໍ່ເນື່ອງ ເດັດຂາດ ໂປ່ງໃສ ເຂັ້ມງວດ ເປັນມືອາຊີບ ແລະ ທັນກັບສະພາບການ, ເພື່ອແກ້ໄຂ ສາເຫດ, ເງື່ອນໄຂທີ່ພາໃຫ້ເກີດບັນຫາຢາເສບຕິດໃຫ້ຖືກກັບສະພາບຈຸດພິເສດ ຂອງແຕ່ລະກົມກອງ ແຕ່ ລະຂັ້ນ ເສີມຂະຫຍາຍຜົນສຳເລັດທີ່ຍາດມາໄດ້ ພ້ອມກັນນັ້ນກໍ່ປັບປຸງແກ້ໄຂ ດ້ານອ່ອນ ຂໍ້ຄົງຄ້າງ ໃນໄລຍະທີ່ຜ່ານມາ, ເພີ່ມທະວີ ການໂຄສະນາສຶກສາອົບຮົມ, ເຜີຍແຜ່ລະບຽບກົດໝາຍ ແລະ ຜົນຮ້າຍຂອງຢາເສບຕິດ ໃນທຸກເມືອງ ທົ່ວແຂວງ ກວມເອົາ 80 % ຂື້ນໄປ ຂອງຈຳນວນເປົ້າໝາຍທັງໝົດ, ຍົກສຸງປະສິດທິພາບວຽກງານວິຊາສະເພາະກວດກາ ຄວບຄຸມ ສະກັດກັ້ນ ແລະ ແກ້ໄຂບັນຫາຢາເສບຕິດຢ່າງເປັນລະບຽບ, ແກ້ໄຂພື້ນທີ່ຫຼໍ່ແຫຼມ, ຊອກຮູ້ແກ້ໄຂເປົ້າໝາຍຜະລິດ-ຂົນສົ່ງ ແລະ ຄ້າຂາຍລາຍໃຫຍ່ ຂື້ນສະຖິຕິຜູ້ເສບຢາເສບຕິດ ຢູ່ໃນສັງຄົມໃຫ້ມີຄວາມຊັດເຈນ ແລະ ສຸມໃສ່ວຽກງານຟື້ນຟູປິ່ນປົວຜູ້ຕິດຢາເສບຕິດໃຫ້ດີຂື້ນ, ຂະຫຍາຍການພົວພັນຮ່ວມມືກັບບັນດາປະເທດໄກ້ຄຽງ ແລະ ຄວບຄຸມສານເຄມີຕັ້ງຕົ້ນທີ່ໃຊ້ເຂົ້າໃນການຜະລິດຢາເສບຕິດ.

ພ້ອມດຽວກັນຍັງໄດ້ຜ່ານຂໍ້ຕົກລົງ ຂອງກອງບັນຊາການ ປກສ ແຂວງ  ວ່າດ້ວຍການລົງກໍ່ສ້າງຮາກຖານການເມືອງ ຕິດພັນກັບການຈັດຕັ້ງວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ເຊິ້ງໃນນີ້ແຕ່ງຕັ້ງພະນັກງານລົງກໍ່ສ້າງຮາກຖານ ຢູ່ ປກສ ເມືອງນອງ 05 ສະຫາຍ, ປກສ ເມືອງເຊໂປນ 05 ສະຫາຍ, ປກສ ເມືອງຊົນນະບູລີ 05 ສະຫາຍ ແລະ ປກສ ເມືອງພະລານໄຊ 05 ສະຫາຍ. ໂອກາດດຽວກັນນີ້ຍັງໄດ້ມອບເງິນເພື່ອຊຸກຍູ້ເຂົ້າໃນວຽກງານກໍ່ສ້າງຮາກຖານການເມືອງ ໃຫ້ບັນດາ ປກສ ເມືອງທີ່ລົງເຄື່ອນໄຫວເຜີຍແຜ່ລາວະແຫ່ງຊາດ ໃນຄັ້ງນີ້ ເມືອງລະ 1,000,000 ກີບ.

Off
31st Dec2021

ຫົວໜ້າກົມຄຸ້ມຄອງສຳມະໂນຄົ້ວ ແລະ ກໍ່ສ້າງຮາກຖານ ຊີນຳວຽດງານຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ຢູ່ ປກສ ແຂວງໄຊຍະບູລີ.

by somchan

ໃນທ້າຍເດືອນ ທັນວາ 2021 ຜ່ານມານີ້ ພັອ ໜູໄບ ອີນທິສານ ຫົວໜ້າກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ກະຊວງປ້ອງກັນຄວາມສະຫງົບ ໄດ້ລົງຊີ້ນຳວຽກງານຄຸມຄອງສຳມະໂນຄົວ ແລະ ກໍ່ສ້າງຮາກຖານ ຢູ່ກອງບັນຊາການ ປກສ ແຂວງໄຊຍະບູລີ ໂດຍ ມີທ່ານ ພັອ ບຸນຫລ້າ ສຸລິຍາ ຮອງຫົວໜ້າກອງບັນຊາການ ປກສ ແຂວງໄຊຍະບູລີ ພ້ອມດ້ວຍ ຄະນະພັກຄະບັນຊາ ຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ແລະ ພະງານນັກຮົບພາຍໃນຫ້ອງເຂົ້າຮ່ວມ.

ກ່ອນອື່ນໄດ້ຮັບຟັງການລາຍງານຫຍໍ້ການເຄື່ອນໄຫວວຽກງານໄລຍະຜ່ານມາຈາກ ພັທ ກຸ່ມແສງ ອີນນາມວົງ ຫົວໜ້າຫ້ອງ ຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ກອງບັນຊາການ ປກສ ແຂວງໄຊຍະບູລີ ໃນໄລຍະ 01 ປີຜ່ານມາ ແມ່ນຄະນະພັກ – ຄະນະບັນຊາ ກອງບັນຊາການ ກໍ່ຄືຫ້ອງຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ ໄດ້ເອົາໃຈໃສ່ຊຸກຍູ້ບັນດາເມືອງ, ປກສ ບໍລິການປະຊາຊົນ ແລະ ປກສ ບ້ານ ຕິດຕາມ , ກວດກາ ການເໜັງຕີງຂອງພົນລະເມືອງ. ພ້ອມທັງ ປັບປຸງສຳມະໂນຄົວໄດ້ທັງໝົດ 2,841 ຫົວ, ປ່ອນຂໍ້ມູນເຂົ້າລະບົບ PIM ໄດ້ທັງໝົດ 58,540 ຄອບຄົວ, ມີ 293,645 ຄົນ, ຍີງ 145,793 ຄົນ, ຕິດປ້າຍເຮືອນໄດ້ 72,801 ປ້າຍ, ຜະລິດບັດປະຈຳຕົວທັນສະໄໝໄດ້ 4,993 ບັດ, ຍີງ 2,412 ບັດ, ຜູ້ທີ່ເກນອາຍຸ 15 ປີຂື້ນໄປ 312,701 ຄົນ, ຍີງ 155,805 ຄົນ, ມີບັດປະຈຳຕົວແລ້ວ 185,116 ຄົນ, ຍີງ 87,107 ຄົນ, ບັງບໍ່ທັນມີບັດປະຈຳຕົວ 127,585 ຄົນ, ຍີງ 68,698 ຄົນ, ນອກຈາກນັ້ນກໍ່ໄດ້ເອົາໃຈໃສ່ ຕິດຕາມກວດກາ, ບຳລຸງສິດໜ້າທີ່ ແລະ ຊຸກຍູ້ ກຳລັງ ປກສ ບໍລິການປະຊາຊົນ ແລະ ປກສ ບ້ານ ເຄື່ອນໄຫວເຮັດໜ້າທີ່ຕາມພາລະບົດບາດ ຂອງຕົນຢ່າງເປັນປົກກະຕິ  ພ້ອມທັງລົງຕິດຕາມຊຸກຢູ້ ພະນັກງານ ທີ່ລົງປະຈຳແຕ່ລະຮາກຖານຕາມຈຸດສ່ຽງຂອງແຂວງ ເພື່ອເກັບກຳສະພາບການຕ່າງໆທີ່ເກີດຂື້ນລາຍງານໃຫ້ທາງຂັ້ນເທີງຢ່າງເປັນປົກກະຕິ ແລະ ຕໍ່ເນື່ອງ.

ໂອກາດນີ້  ພັອ ໜູໄບ ອີນທີສານ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ ແລະ ພ້ອມທັງເນັ້ນໜັກ ໃຫ້ຄະພັກ ຄະນະບັນຊາ ເອົາໃຈໃສ່ສືກສາອົບຮົມການເມືອງແນວຄິດ ນາຍ ແລະ ພົນຕໍາຫຼວດ ທີ່ຢູ່ໃນຄວາມຮັບຜິດຊອບຂອງຕົນໃຫ້ເປັນປົກກະຕິ ແລະ ນຳພາປະຕິບັດໜ້າທີ່ວຽກງານດ້ວຍຄວາມຮັບຜິດຊອບສູງ ພ້ອມທັງລົງໄກສິດຕິດແທດ ກັບນາຍ ແລະ ພົນຕໍາຫຼວດ ທີ່ຢູ່ເຂດຫ່າງໄກສອກຫຼີກ ຕິດຕາມການເໜັງຕິງຂອງພົນລະເມືອງ ຢູ່ແຕ່ລະທ້ອງຖີ່ນໃຫ້ໄດ້ຢ່າງເປັນປົກກະຕິ, ພ້ອມທັງລົງຊີນຳໆພາ ບັນດາ ປກສ ກຸ່ມບ້ານເຮັດໜ້າທີ່ຕິດຕາມກວດກາການເຂົ້າອອກຂອງປະຊາຊົນ ແລະ ຄົນຕ່າງປະເທດທີ່ມາພັກເຊົາ ທັງນຳພາ ປກສ ບ້ານ ປ້ອງກັນ ການສະເຫຼີມສະຫຼອງ ວັນສຳຄັນຕ່າງໆຂອງຊາດ ຂອງພັກ ທີ່ຈະຈັດຂື້ນ ຕາມຂອບທີ່ຕົນຮັບຜິດຊອບ ໃຫ້ມີຄວາມສະຫງົບ ແລະ ປອດໄພ100%.

Off
31st Dec2021

ວັນທີ 31 ທັນວາ 2021 ພົບວ່າມີຜູ້ຕິດເຊື້ອໂຄວິດ-19 ເພີ່ມ 1.006 ຄົນ.

by somchan

ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງ ສາທາລະນະສຸກ ໄດ້ຕາງໜ້າກອງເລຂາຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19, ຖະແຫຼງຂ່າວສະພາບການການລະບາດຂອງພະຍາດ  COVID-19  ຢູ່ ສປປ ລາວ ຈາກສູນປະຕິບັດງານຄະນະສະເພາະກິດຄວບຄຸມໂຄວິດ-19 ປະຈໍາວັນຈັນ ວັນທີ 31 ທັນວາ 2021 ວ່າ:  ຜ່ານການກວດວິເຄາະຫາເຊື້ອພະຍາດໂຄວິດ-19 ຈາກການເກັບຕົວຢ່າງກຸ່ມສ່ຽງໃນຂອບເຂດທົ່ວປະເທດ  ໃນວັນທີ 30 ທັນວາ 2021 ທັງຫມົດ 5.100 ຕົວຢ່າງ, ພົບວ່າມີຜູ້ຕິດເຊື້ອໃຫມ່ເພີ່ມອີກ 1.006 ຄົນ; ໃນນີ້ ແມ່ນກໍລະນີຕິດເຊື້ອຢູ່ພາຍໃນ 1.005 ຄົນ, ກໍລະນີນໍາເຂົ້າ 1 ຄົນ, ມີຜູ້ເສຍຊີວິດໃຫມ່ 12 ຄົນ ແລະ ມີຜູ້ທີ່ໄດ້ຮັບການປີ່ນປົບຫາຍດີ 930 ຄົນ. ເຮັດໃຫ້ ສປປ ລາວ ໃນປັດຈຸບັນ ມີຈໍານວນຜູ້ຕິດເຊື້ອພະຍາດໂຄວິດ-19 ສະສົມທັງຫມົດ 111.060 ຄົນ ແລະ ຄົນເສຍຊີວິດສະສົມທັງຫມົດ 372  ຄົນ.

 

Off
31st Dec2021

ເອົາໃຈໃສ່ຈັດຕັ້ງປະຕິບັດມາດຕະການປ້ອງກັນການແຜ່ລະບາດພະຍາດໂຄວິດ-19 ຢ່າງເຂັ້ມງວດ ເພື່ອຮັບປະກັນເຮັດໃຫ້ການສົ່ງທ້າຍປີເກົ່າ ແລະ ຕ້ອນຮັບປີໃໝ່ສາກົນນີ້ ມີຄວາມປອດໄພ.

by somchan

ອີງຕາມຂໍ້ມູນການລາຍງານຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງເຊື້ອພະຍາດໂຄວິດ-19 ກໍຄື ກົມຄວບຄຸມພະຍາດຕິດຕໍ່ ກະຊວງ ສາທາລະນະສຸກ ໄດ້ໃຫ້ຮູ້ວ່າ: ປັດຈຸບັນ, ຫຼາຍປະເທດໃນທົ່ວໂລກກຳລັງພະເຊີນໜ້າກັບການລະບາດຢ່າງໜັກຂອງສາຍພັນໂອໄມຄຣອນ (more…)

Off
31st Dec2021

ກອງບັນຊາການປ້ອງກັນທີ່ຕັ້ງ ກະຊວງ ປກສ ສະຫຼຸບວຽກງານການເຄື່ອນໄຫວປະຈໍາປີ 2021

by somchan

ກອງບັນຊາການປ້ອງກັນທີ່ຕັ້ງ ກະຊວງ ປກສ ສະຫຼຸບວຽກງານການເຄື່ອນໄຫວປະຈໍາປີ 2021 ໃນວັນທີ 30 ທັນວາ 2021 ໂດຍການເປັນປະທານຂອງ ພົວຈ ໄຊສີ ແກ້ວສະຫ່ງາ ຫົວຫນ້າກອງບັນຊາການປ້ອງກັນທີ່ຕັ້ງ ກະຊວງ ປກສ ມີບັນດາ ຄະນະພັກ-ຄະນະບັນຊາ ແລະ ພະນັກງານຫຼັກແຫຼ່ງ ເຂົ້າຮ່ວມ. (more…)

Off
31st Dec2021

ກົມຄົ້ນຄວ້າວິທະຍາສາດ ແລະ ປະຫວັດສາດ ກະຊວງ ປກສ ສະຫລຸບການເຄື່ອນໄຫວວຽກງານປະຈໍາປີ 2021

by somchan

ກົມຄົ້ນຄວ້າວິທະຍາສາດ ແລະ ປະຫວັດສາດ ກະຊວງ ປກສ ສະຫລຸບການເຄື່ອນໄຫວວຽກງານປະຈໍາປີ 2021 ແລະ ວາງທິດທາງແຜນການ ປີ 2022. ໃນທ້າຍອາທິດທີ່ຜ່ານມາ, ໂດຍການເປັນປະທານຂອງ ພົຈວ ສະແຫວງ ພົມມະລີ ຫົວຫນ້າກົມຄົ້ນຄວ້າວິທະຍາສາດ ແລະ ປະຫວັດສາດກະຊວງ ປກສ, ມີຄະນະພັກ, ຄະນະບັນຊາ, ຄະນະກົມ-ຮອງກົມ, ນາຍ ແລະ ພົນຕໍາຫລວດເຂົ້າຮ່ວມ. (more…)

Off
31st Dec2021

ການລົງຝຶກແອບຕົວຈິງ ຫຼື ຈໍາລອງເຫດການ ເພື່ອຮັບມື້ໃນກໍລະນີພົບນັກທ່ອງທ່ຽວຕິດເຊື້ອໂຄວິດ-19.

by somchan

ກົມແຜນການ ແລະ ການຮ່ວມມືສາກົນ ກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ຮ່ວມກັບສະຫນາມບິນສາກົນວັດໄຕ ໄດ້ຝຶກແອບຕົວຈິງ ຫຼື ຈໍາລອງເຫດການ ເພື່ອຮັບມືໃນກໍລະນີພົບນັກທ່ອງທ່ຽວຕິດເຊື້ອ ໂຄວິດ-19 ແລະ ບັນຫາອື່ນໆທີ່ເກີດຂື້ນໃນເວລາທີ່ເດີນທາງມາທ່ອງທ່ຽວໃນເຂດທ່ອງທ່ຽວສີຂຽວ ໃນວັນທີ 30 ທັນວາ 2021 ໂດຍການນໍາພາຂອງ ທ່ານ ອຸ່ນທວງ ຂາວພັນ (more…)

Off
30th Dec2021

ສັງລວມຫຍໍ້ການທຳລາຍຝິ່ນ, ກັນຊາ ທີ່ປະຊາຊົນລັກລອບປູກ ຢູ່ເມືອງວຽງທອງ ແຂວງບໍລິຄຳໄຊ ສົກປີ 2021.

by somchan

ເພື່ອຜັນຂະຫຍາຍວາລະແຫ່ງຊາດ ໃນການແກ້ໄຂບັນຫາຢາເສບຕິດ ໂດຍ ປກສ ເມືອງວຽງທອງ ໄດ້ສຸມໃສ່ແກ້ໄຂບັນຫາຢາເສບຕິດ ໂດຍສະເພາະ ການລົງກວດກາພຶ້ນທີ່ ປູກຝິ່ນ, ກັນຊາ ຢູ່ພາຍໃນເມືອງວຽງທອງ ບ້ານອຸດົມໄຊ ເຂດນາຊວງ, ບ້ານວັງພຽງ ເຂດຈວນ, ບ້ານຜາບໍ່ ເຂດຜາທອງ ພົບສວນຝິ່ນ, ກັນຊາ ພ້ອມທັງ ທຳລາຍ ແລະ ຈັບເຈົ້າຂອງສວນໄດ້ 2 ຄົນ.

ຄັ້ງທີ 1 ວັນທີ 2 ພະຈິກ 2021 ໄດ້ທຳລາຍສວນກັນຊາ ຢູ່ຂອບເຂດບ້ານອຸດົມໄຊ  ນຳໃຊ້ກຳລັງ 21 ຄົນ ມີ 5 ພາກສ່ວນເຂົ້າຮ່ວມ ຄື: ໄອຍະການ, ທະຫານເມືອງ, ປກສ ເມືອງ, ກອງພັນ 617 ແລະ ອຳນາດການປົກຄອງບ້ານ ສາມາດທຳລາຍໄດ້ 8 ຕອນ ເນື້ອທີ່ປະມານ 4,2 ເຮັກຕາ, 4.447 ຂຸມ, ນ້ຳໜັກປະມານ 22.235 ກິໂລກຣາມ.

ຄັ້ງທີ 2 ວັນທີ 23 ພະຈິກ 2021 ໄດ້ທຳລາຍສວນກັນຊາ ຢູ່ຂອບເຂດບ້ານອຸດົມໄຊ ນຳໃຊ້ກຳລັງ 5 ພາກສ່ວນ ຄື: ປກສ ເມືອງ, ທະຫານເມືອງ, ໄອຍະການການ, ຊາວໜຸ່ມເມືອງ ແລະ ອຳນາດການປົກຄອງບ້ານ ສາມາດທຳລາຍໄດ້ 17 ຕອນ, ເນື້ອທີ່ 9,9 ເຮັກຕາ ນ້ຳໜັກປະມານ 54.195 ກິໂລກຣາມ.

ຄັ້ງທີ 3 ວັນທີ 3 ທັນວາ 2021 ໄດ້ທຳລາຍສວນກັນຊາຢູ່ຂອບເຂດບ້ານອຸດົມໄຊ ນຳໃຊ້ກຳລັງ 5 ພາກສ່ວນຄື: ປກສ ເມືອງ, ທະຫານເມືອງ, ໄອຍະການການ, ຊາວໜຸ່ມເມືອງ ແລະ ອຳນາດການປົກຄອງບ້ານ ສາມາດທຳລາຍໄດ້ 8 ຕອນ ມີ 2,535 ຂຸມ ນ້ຳໜັກປະມານ 8,593 ກິໂລກຣາມ.

ຄັ້ງທີ 4 ວັນທີ 7 ທັນວາ 2021 ໄດ້ທຳລາຍສວນກັນຊາຢູ່ຂອບເຂດບ້ານຜາບໍ່ ນຳໃຊ້ກຳລັງ 2 ພາກສ່ວນຄື: ທະຫານເມືອງ, ປກສ ເມືອງ, ສາມາດທຳລາຍໄດ້ 4 ຕອນ ເນື້ອທີ່ 1,5 ເຮັກຕາ ມີ 1.333 ຂຸມ, ນ້ຳໜັກປະມານ 5.174 ກິໂລກຣາມ.

ຄັ້ງທີ 5 ວັນທີ 18 ທັນວາ 2021ໄດ້ທຳລາຍກັນຊາແຫ້ງ ຢູ່ຂອບເຂດບ້ານຜາບໍ່ ນຳໃຊ້ກຳລັງ 2 ພາກສ່ວນຄື: ປກສ ເມືອງ, ທະຫານເມືອງ, ສາມາດທຳລາຍໄດ້ 303 ກິໂລກຣາມ.

ຄັ້ງທີ 6 ວັນທີ 25 ພະຈິກ 2021 ໄດ້ທຳລາຍສວນຝິ່ນ ຢູ່ຂອບເຂດບ້ານວັງພຽງມີ 3 ພາກສ່ວນເຂົ້າຮ່ວມຄື: ປກສ ກຸ່ມ ພະນັກງານຮາກຖານປະຈຳບ້ານ  ແລະ ອຳນາດການປົກຄອງບ້ານ ສາມາດທຳລາຍໄດ້ 4 ຕອນ ເນື້ອທີ່ 2 ເຮັກຕາ.

ລວມທັງໝົດ 6 ຄັ້ງ ສາມາດທຳລາຍໄດ້ 41 ຕອນ ເນື້ອທີ່ ປະມານ 19,9 ເຮັກຕາ, ຈຳນວນຂຸມ 18.405 ຂຸມ, ລວມນ້ຳໜັກ 90,866 ກິໂລກຣາມ, ທຳລາຍກັນຊາແຫ້ງ ໄດ້ 699 ກິໂລກຣາມນຳໃຊ້ກຳລັງ ທັງມົດ 178 ເທື່ອຄົນ.

Off
30th Dec2021

ວັນທີ 30 ທັນວາ 2021 ລາວພົບຜູ້ຕິດເຊື້ອພະຍາດ  COVID-19 ເພີ່ມອີກ 1.272  ຄົນ.

by somchan

ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງ ສາທາລະນະສຸກ ໄດ້ຕາງໜ້າກອງເລຂາຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19, ຖະແຫຼງຂ່າວສະພາບການການລະບາດຂອງພະຍາດ  COVID-19  ຢູ່ ສປປ ລາວ ຈາກສູນປະຕິບັດງານຄະນະສະເພາະກິດຄວບຄຸມໂຄວິດ-19 ປະຈໍາວັນຈັນ ວັນທີ 30 ທັນວາ 2021 ວ່າ:  ຜ່ານການກວດວິເຄາະຫາເຊື້ອພະຍາດໂຄວິດ-19 ຈາກການເກັບຕົວຢ່າງກຸ່ມສ່ຽງໃນຂອບເຂດທົ່ວປະເທດ  ໃນວັນທີ 29 ທັນວາ 2021 ທັງຫມົດ 5.405 ຕົວຢ່າງ, ພົບວ່າມີຜູ້ຕິດເຊື້ອໃຫມ່ເພີ່ມອີກ 1.272  ຄົນ; ໃນນີ້ ແມ່ນກໍລະນີຕິດເຊື້ອຢູ່ພາຍໃນທັງຫມົດ, ມີຜູ້ເສຍຊີວິດໃຫມ່ 5 ຄົນ ແລະ ມີຜູ້ທີ່ໄດ້ຮັບການປີ່ນປົບຫາຍດີ 854  ຄົນ. ເຮັດໃຫ້ ສປປ ລາວ ໃນປັດຈຸບັນ ມີຈໍານວນຜູ້ຕິດເຊື້ອພະຍາດໂຄວິດ-19 ສະສົມທັງຫມົດ 110.054 ຄົນ ແລະ ຄົນເສຍຊີວິດສະສົມທັງຫມົດ 360 ຄົນ.

 

Off
30th Dec2021

ກອງປະຊຸມ ຄົບຄະນະພັກຮາກຖານຫ້ອງການເມືອງ ປກສ ແຂວງບໍລິຄໍາໄຊ ຄັ້ງທີ 2 ສະໄໝທີ 3.

by somchan

ກອງປະຊຸມ ຄົບຄະນະພັກຮາກຖານ ຫ້ອງການເມືອງ ປກສ ແຂວງບໍລິຄໍາໄຊ ຄັ້ງທີ 2 ສະໄໝທີ 3 ໄດ້ໄຂຂື້ນຢ່າງເປັນທາງການ ໃນຕອນເຊົ້າ ວັນທີ 29 ທັນວາ 2021 ນີ້, ຢູ່ທີ່ຫ້ອງປະຊຸມ ປກສ ແຂວງ, ໂດຍການເປັນປະທານ ຂອງສະຫາຍ ພັນໂທ ຄໍາໄມ ແກ່ນຄໍາຈັນ ຮອງເລຂາຄະນະພັກຮາກຖານ ຮອງຫົວໜ້າຫ້ອງການເມືອງ ປກສ ແຂວງ, ໂດຍການເປັນກຽດເຂົ້າຮ່ວມ ຂອງສະຫາຍ ພັນເອກ ຜາຂົງ ດອກມະນີຈັນ ຮອງເລຂາຄະນະບໍລິຫານງານພັກ ຮອງຫົວໜ້າກອງບັນຊາການ ປກສ ແຂວງ, ມີບັນດາຄະນະພັກ-ຄະນະຫ້ອງ ຕະຫຼອດຮອດສະມາຊິກພັກ ສົມບູນ-ສໍາຮອງ ເຂົ້າຮ່ວມ.

 

Off
Pages:1234567...16»