18th Jan2022

ສະຫຼອງວັນສ້າງຕັ້ງກອງທັບ ຄົບຮອບ 73 ປີ.

by somchan

ວັນທີ 18 ມັງກອນ 2022 ນີ້, ທີ່ ສະໜາມຫັດແອບ ວິທະຍາຄານກົມມະດໍາ, ໄດ້ມີພິທີ ສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 73 ປີ (20 ມັງກອນ 1949-20 ມັງກອນ 2022) ໂດຍການເຂົ້າຮ່ວມຂອງ ທ່ານ ພັນຄຳ ວິພາວັນ ນາຍົນລັດຖະມົນຕີ ແຫ່ງ ສປປ ລາວ, ມີ ພົນເອກ ຈັນສະໝອນ ຈັນຍາລາດ ຮອງນາຍົກລັກຖະມົນຕີ, ລັດຖະມົນຕີກະຊວງປ້ອງກັນປະເທດ, ສະຫາຍ ສອນໄຊ ສີພັນດອນ ຮອງນາຍົກລັດຖະມົນຕ, ລັດຖະມົນຕີກະຊວງແຜນການ ແລະ ການລົງທຶນ, ມີບັນດາຄະນະນຳກະຊວງປ້ອງກັນປະເທດ, ຄະນະນໍາກະຊວງປ້ອງກັນຄວາມສະຫງົບ, ຄະນະນຳກົມໃຫຍ່ເສນາທິການກອງທັບ, ການນຳພັກ-ລັດ, ຄະນະຊີ້ນຳບັ້ນຊ້ອມຮົບ, ແຂກຖືກເຊີນ ແລະ ພະນັກງານ-ນັກຮົບເຂົ້າຮ່ວມ.

ການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວປີນີ້ ໄດ້ມີການສະແດງ ປະສານເຫຼົ່າຮົບສອງຂັ້ນຝ່າຍດຽວ ຍິງລູກປືນແທ້ ອັນເຕັມໄປດ້ວຍບັນຍາກາດຄຶກຄື້ນມ່ວນຊື່ນ ເຊິ່ງປະກອບມີຫຼາຍລາຍການສະແດງ, ຫຼາຍເນື້ອໃນທີ່ສຳຄັນ ຄື: ເຫຼົ່າຮົບ ຕີພິເສດ ເຮັດໜ້າທີ່ປິດລັບແຊມກາຍດັບສູນເປົ້າໝາຍ; ເຫຼົ່າຮົບສືບຂ່າວ ສົມທົບກັບທະຫານອາກາດ ຊີງຕົວປະກັນຢູ່ລົດບັດ; ທະຫານອາກາດ ນຳໃຊ້ຍົນ Yak-130, ຍົນ MI-17 ດັບສູນເປົ້າໝາຍໜ້າດິນ, ເຫຼົ່າຮົບ ປ້ອງກັນອາກາດ ຍິງດັບສູນເປົ້າໝາຍເທິງອາກາດ, ເຫຼົ່າຮົບປືນໃຫຍ່ ປະຕິບັດຍິງກຽມ, ຍິງຍົກຍ້າຍ; ເຫຼົ່າຮົບຊ່າງແຊງ ສົ່ງໂບກຝ່າບິນ ແລະ ເປີດທາງໄຂ; ກອງພັນໃຫຍ່ 11 ສົມທົບກັບເຫຼົ່າຮົບ ລົດຕັງ ປະຕິບັດບຸກຕີສັດຕູ; ເຫຼົ່າຮົບເຄມີ ລົບລ້າງເຄມີໃຫ້ພາຫະນະສູ້ຮົບທີ່ຖືກທາດພິດ.

ໃນໂອກາດນີ້ ທ່ານ ພັນຄໍາ ວິພາວັນ ໄດ້ມີຄໍາເຫັນໂອ້ລົມ ໂດຍໄດ້ສະແດງຄວາມຍ້ອງຍໍຊົມເຊີຍຕໍ່ການເອົາໃຈໃສ່ຂອງຄະນະຊີ້ນໍາຊ້ອມຮົບ ໄດ້ເອົາໃຈໃສ່ຊີ້ນຳ-ນຳພາ ບັນດາກົມກອງທີ່ເຂົ້າຮ່ວມການຊ້ອມຮົບ-ເຝິກແອບຜ່ານຜ່າຄວາມຫຍຸ້ງຍາກ, ມີຄວາມສໍານິຊໍານານ, ຄ່ອງແຄ້ວ ໃນການປະສານບັນຊາ ຍິງລູກປືນແທ້, ເຮັດໃຫ້ການຊ້ອມຮົບໃນຄັ້ງນີ້ ສຳເລັດຕາມຄາດໝາຍທີ່ວາງໄວ້ ແລະ ຮັບປະກັນໄດ້ຄວາມປອດໄພ 100%, ພ້ອມທັງສະແດງຄວາມຍ້ອງຍໍສັນລະເສີນມາຍັງບັນດາສະຫາຍ ນາຍ ແລະ ພົນທະຫານ ທີ່ໄດ້ ພ້ອມກັນເຮັດສຳເລັດໜ້າທີ່ອັນມີກຽດສະຫງ່າຂອງຕົນ.

ໃນຕະຫຼອດໄລຍະ 73 ປີ ແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວຂອງກຳລັງປະກອບອາວຸດ, ພາຍໃຕ້ການນຳພາໂດຍກົງ, ເດັດຂາດ, ຮອບດ້ານ ຈາກພັກປະຊາຊົນປະຕິວັດລາວ ແມ່ນປະຫວັດສາດແຫ່ງການທົດສອບອັນໃຫຍ່ຫຼວງ ໃນການຕໍ່ສູ້ອັນຍືດເຍື້ອຍາວນານ ເພື່ອຍາດເອົາຄວາມເປັນເອກະລາດແຫ່ງຊາດ, ຕະຫຼອດໄລຍະອັນລະອິດລະອ້ຽວ, ຫຍຸ້ງຍາກລຳບາກທີ່ສຸດນັ້ນ, ແຕ່ກໍປ່ຽມລົ້ນໄປດ້ວຍຜົນງານ ແລະ ໄຊຊະນະອັນສະຫງ່າລາສີ ພາຍໃຕ້ການນໍາພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ, ກຳລັງປະກອບອາວຸດ ໄດ້ ສາມັກຄີເປັນຈິດໜຶ່ງໃຈດຽວ ສູ້ຮົບຢ່າງພິລະອາດຫານ, ອອກແຮງປັບປຸງກໍ່ສ້າງກໍາລັງຂອງຕົນ ໃຫ້ນັບມື້ເຂັ້ມແຂງ ແລະ ຂະຫຍາຍຕົວເປັນລໍາດັບມາ.

ທ່ານ ພັນຄໍາ ວິພາວັນ ຍັງໄດ້ກ່າວອີກຕື່ມວ່າ: ເພື່ອສືບຕໍ່ປະຕິບັດ 2 ໜ້າທີ່ຍຸດທະສາດ: ປົກປັກຮັກສາ ແລະ ພັດທະນາປະເທດຊາດ ກໍຄື 4 ໜ້າທີ່ໃຫຍ່ 26 ແຜນງານຂອງອົງຄະນະພັກກະຊວງປ້ອງກັນປະເທດວາງອອກ ຮຽກຮ້ອງ ບັນດາສະຫາຍຕ້ອງໄດ້ເພີ່ມທະວີ ແລະ ເອົາໃຈໃສ່ ເຊີດຊູສະຕິລະວັງຕົວ, ມີສະຕິໃນການປົກປັກຮັກສາແນວທາງນະໂຍບາຍຂອງພັກ-ລັດ, ປົກປັກຮັກສາໝາກຜົນຂອງການປະຕິວັດ, ປົກປັກຮັກສາລະບອບໃໝ່ປະຊາທິປະໄຕ ປະຊາຊົນໄວ້ໃຫ້ໝັ້ນຄົງ, ສົມທົບ     ແໜ້ນວຽກງານປ້ອງກັນຊາດ, ປ້ອງກັນຄວາມສະຫງົບ ກັບການສ້າງສາພັດທະນາເສດຖະກິດ-ສັງຄົມ, ກອງທັບຕ້ອງເປັນຫຼັກແຫຼ່ງ, ເປັນພາຫະນະອັນແຫຼມຄົມຂອງພັກ ໃນການນຳພາທົ່ວປວງຊົນ ເຮັດວຽກງານປ້ອງກັນຊາດ ປ້ອງກັນຄວາມສະຫງົບ, ສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມຂອງກອງທັບ ຕັ້ງໜ້າປັບປຸງກຳລັງໃນທຸກດ້ານໃຫ້ເຂັ້ມແຂງໜັກແໜ້ນ ເອົາໃຈໃສ່ປັບປຸງລະບອບການຄຸ້ມຄອງບັນຊາ, ປັບປຸງບັນດາກຳລັງປະເພດຕ່າງໆ ໂດຍຖືເອົາຄຸນນະພາບເປັນຕົ້ນ, ໃນນັ້ນຖືເອົາ ຄຸນນະພາບການເມືອງ-ແນວຄິດເປັນກົກ, ເອົາຄວາມສາມາດດ້ານວິຊາສະເພາະ, ຫົວຄິດປະດິດສ້າງ ແລະ ການຈັດຕັ້ງບັນຊາເປັນສິ່ງສຳຄັນຕ້ອງມີແຜນການ ແລະ ປະຕິບັດລະບອບການຫັດແອບ ເພື່ອຍົກສູງຄວາມສາມາດ ທາງດ້ານສິນລະປະຍຸດ-ຍຸດທະວິທີ, ລະດັບວິຊາສະເພາະໃຫ້ສູງຂື້ນ, ທັງຍົກສູງສະຕິໃນການຈັດຕັ້ງລະບຽບວິໃນໃຫ້ເຂັ້ມງວດ ພ້ອມກັນນີ້ ກໍຕ້ອງຕັ້ງໜ້າປະກອບສ່ວນ ຊ່ວຍເຫຼືອກຳລັງທ້ອງຖິ່ນຢູ່ຮາກຖານ ໃນການປັບປຸງລະບົບການຈັດຕັ້ງ, ການອົບຮົມຫັດແອບ ສຶກສາປ້ອງກັນຊາດໃຫ້ກວ້າງຂວາງ ເພື່ອໃຫ້ເຂົາເຈົ້າເຮັດຫຼ້ອນໜ້າທີ່ໃນການປົກປັກຮັກສາທ້ອງຖິ່ນຂອງຕົນ, ຕ້ອງສຸມທຸກເງື່ອນໄຂຄວາມສາມາດເພື່ອກ້າວໄປເຖິງໃນການກຸ້ມຕົນເອງ, ເພີ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງຢ່າງຮອບດ້ານ ໃຫ້ຖືເອົາວຽກງານຄຸ້ມຄອງ, ລ້ຽງດູກອງທັບ ດ້ວຍການສ້າງພະລາທິການກັບທີ່ເປັນວຽຕົ້ນຕໍ ເພື່ອແກ້ໄຂຄວາມຫຍຸ້ງຍາກດ້ານ ຊີວິດການເປັນຢູ່, ປະຕິບັດແນວທາງການຕ່າງປະເທດ ສັນຕິພາບ, ເອກະລາດ, ມິດຕະພາບ ແລະ ການຮ່ວມມືກັບປະເທດຕ່າງໆ, ປັບປຸງ ແລະ ເພີ່ມທະວີການຮ່ວມມືຮອບດ້ານກັບກອງທັບ ເພື່ອນມິດຍຸດທະສາດ (ສ.ສ ຫວຽດນາມ ແລະ ສ.ປ ຈີນ) ແລະ ການຮ່ວມມືກັບບັນດາປະເທດສັງຄົມນິຍົມອ້າຍນ້ອງກໍຄືເພື່ອນມິດທີ່ກ້າວໜ້າໃຫ້ດີ, ຍາດແຍ່ງເອົາການ ຊ່ວຍເຫຼືອຈາກສາກົນ, ປັບປຸງກໍ່ສ້າງກອງທັບໃຫ້ກ້າວໜ້າ, ເຂັ້ມແຂງ ແລະ ທັນສະໄໝ.

 

Off
18th Jan2022

ເລຂາທິການໃຫຍ່, ປະທານປະເທດ ຢ້ຽມຢາມໂອ້ລົມ ນາຍ ແລະ ພົນທະຫານກອງພົນທີ 4.

by somchan

ໃນວັນທີ 18 ມັງກອນ 2022 ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານສູນກາງພັກ, ປະທານປະເທດແຫ່ງ ສປປ ລາວ ພ້ອມຄະນະ ໄດ້ລົງຢ້ຽມຢາມ ແລະ ພົບປະໂອ້ລົມ ນາຍ ແລະ ພົນທະຫານກອງພົນທີ 4 ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 73 ປີ (20/1/1949-20/1/2022), ໂດຍການຕ້ອນຮັບຢ່າງອົບອຸ່ນ ຈາກການນຳແຂວງສະຫວັນນະເຂດ, ຄະນະພັກ-ຄະນະບັນຊາ, ພະນັກ ງານຫລັກແຫລ່ງທົ່ວກອງພົນທີ 4, ມີບັນດາຄະນະນຳກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ແລະ ອຳນາດການປົກຄອງແຂວງ ເຂົ້າຮ່ວມ.

ສະຫາຍ ພົນຈັດຕະວາ ສົມຈິດ ກິດຕິຍະລາດ ຫົວໜ້າການເມືອງກອງພົນທີ 4 ໄດ້ລາຍງານໂດຍຫຍໍ້ ກ່ຽວກັບຜົນງານການເຄື່ອນໄຫວຕະຫລອດໃນໄລຍະຜ່ານມາ, ຄະນະພັກ-ຄະນະບັນຊາ ແລະ ພະນັກງານ-ນັກຮົບທົ່ວກອງພົນທີ 4 ໄດ້ເປັນເຈົ້າການເຄື່ອນໄຫວເຮັດໜ້າທີ່ການເມືອງຂອງຕົນຢ່າງຕັ້ງໜ້າ ໂດຍສະເພາະແມ່ນການຈັດປະຕິບັດ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກສໍາເລັດເປັນກ້າວໆມາ. ໃນນີ້ໄດ້ປະສານສົມທົບກັບກົມກອງ, ອໍານາດການປົກຄອງແຂວງ, ບັນດາເມືອງ ເພື່ອຫັນເອົາກໍາລັງລົງກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ແລະ ສ້າງທ່າສະໜາມປະຊາຊົນ ໂດຍສະເພາະແມ່ນສຸ່ມໃສ່ຂອບເຂດກົມກອງຮັບຜິດຊອບ, ເຊິ່ງມີ 65 ບ້ານ 7 ເມືອງ, ລົງເຮັດໜ້າທີ່ກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານໃນທ່າມກາງການລະບາດຂອງເຊື້ອພະຍາດໂຄວິດ-19. ພ້ອມນັ້ນ, ໄດ້ສຸມໃສ່ການປັບປຸງພື້ນຖານໂຄງລ່າງ, ປະຕິບັດຕາມທິດກໍ່ສ້າງກອງທັບ ໃຫ້ມີຄວາມໜັກແໜ້ນເຂັ້ມແຂງໃນທຸກດ້ານ ຄຽງຄູ່ກັບການກໍ່ສ້າງກອງປອດໃສ ປອດໄພ ປອດຄະດີ ສຸມໃສ່ວຽກງານຮັບປະກັນແກ້ໄຂຊີວິດການເປັນຢູ່ ບົນພື້ນຖານຍົກສູງນໍ້າໃຈເພິ່ງຕົນເອງ ກຸ້ມຕົນເອງສ້າງຄວາມເຂັ້ມແຂງດ້ວຍຕົນເອງ.



ໂອກາດນີ້, ສະຫາຍ ເລຂາທິການໃຫຍ່ຄະນະບໍລິຫານສູນກາງພັກ, ປະທານປະເທດແຫ່ງ ສປປ ລາວ ກໍໄດ້ສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດຫລາຍດ້ານ ທີ່ກອງພົນທີ 4 ຍາດມາໄດ້ ຕະຫລອດໄລຍະທີ່ຜ່ານມາ ແລະ ເພື່ອຕອບສະໜອງກັບຄວາມຮຽກ ຮ້ອງຕ້ອງການ ກັບໜ້າທີ່ການເມືອງຂອງກົມກອງໃນໄລຍະໃໝ່, ຄະນະພັກ-ຄະນະບັນຊາ ພ້ອມພະນັກງານທຸກຂັ້ນ ກອງພົນທີ 4 ຕ້ອງຍົກສູງການນໍາພາຢ່າງຮອບດ້ານ ເພື່ອຮັບປະກັນໃຫ້ຂອບເຂດກົມກອງຮັບຜິດຊອບ ມີຄວາມສະຫງົບໂດຍພື້ນຖານ, ສຸມໃສ່ຫັນເອົາກໍາລັງລົງກໍ່ສ້າງຮາກຖານການເມືອງຢ່າງແຂງແຮງ, ເອົາໃຈໃສ່ປັບປຸງກໍ່ສ້າງກໍາລັງໃຫ້ໜັກແໜ້ນທາງດ້ານການເມືອງ-ນໍາພາແນວຄິດ ພາຍໃນມີຄວາມເຂັ້ມແຂງ, ຕັ້ງໜ້າເສີມຂະຫຍາຍມູນເຊື້ອພິລະອາດຫານ, ດຸໝັ່ນຂະຫຍັນພຽນ ບົນຈິດໃຈເພິ່ງຕົນເອງກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ແນໃສ່ເຮັດໃຫ້ຊີວິດການເປັນຢູ່ຂອງພະນັກງານ-ນັກຮົບ ນັບມື້ດີຂຶ້ນເລື້ອຍໆ ເພື່ອພ້ອມກັນສ້າງກອງທັບ ໃຫ້ກາຍເປັນກອງທັບປະຕິວັດ ມີແບບແຜນທັນສະໄໝເທື່ອລະກ້າວໆ. ພ້ອມກັນນັ້ນ, ກໍຕ້ອງຍົກສູງສະຕິລະວັງຕົວ, ກໍາແໜ້ນທຸກສະພາບການ ເພື່ອສະກັດກັ້ນສະພາບການທີ່ອາດເກີດຂຶ້ນໃຫ້ທັນກັບເວລາ, ຍົກສູງວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ສູງຂຶ້ນກວ່າເກົ່າ ແຕ່ປັດໄຈສຳຄັນ ຕ້ອງຍົກສູງຄວາມສາມັກຄີເປັນເອກະພາບພາຍໃນໃຫ້ແໜ້ນແຟ້ນ, ມີແບບແຜນວີທີເຮັດວຽກ ຕາມຫລັກການລວມສູນປະຊາທິປະໄຕ ເປັນໝູ່ຄະນະ, ແບ່ງບຸກຄົນຮັບຜິດຊອບຢ່າງຈະແຈ້ງ, ເປັນແບບຢ່າງໃນທຸກຂົງເຂດວຽກງານ, ພ້ອມກັນປັບປຸງກໍ່ສ້າງກໍາລັງຂອງຕົນໃຫ້ໜັກແໜ້ນເຂັ້ມແຂງ, ສືບຕໍ່ປັບປຸງກໍ່ສ້າງກົມກອງໃຫ້ເປັນລະບຽບຮຽບຮ້ອຍ ເພື່ອໃຫ້ມີບາດກ້າວໃໝ່, ສຸມໃສ່ຝຶກແອບຮໍ່າຮຽນທາງດ້ານສິລະປະຍຸດ-ຍຸດທະວິທີ ເພື່ອໃຫ້ມີຄວາມຊໍານິຊໍານານ, ມີໄຫວພິກທີ່ຄ່ອງແຄ້ວ ພ້ອມກັນເຮັດສໍາເລັດໜ້າທີ່ ທີ່ຂັ້ນເທິງມອບໝາຍໃຫ້.

     ໂອກາດມາຢ້ຽມຢາມຂອງ ສະຫາຍ ເລຂາທິການໃຫຍ່ຄະນະບໍລິຫານສູນກາງພັກ, ປະທານປະເທດແຫ່ງ ສປປ ລາວ  ໃນຄັ້ງນີ້ຍັງໄດ້ນຳເອົາວັດຖຸ-ປັດໄຈ ຈໍານວນໜຶ່ງ ມາມອບໃຫ້ກອງພົນທີ 4 ຈາກນັ້ນ, ກໍໄດ້ລົງຢ້ຽມຢາມ ສູນເຕັກນິກກອງພົນທີ 4 ຕື່ມອີກ.

 

Off
18th Jan2022

ຮອງປະທານປະເທດຕ້ອນຮັບ ຮອງລັດຖະມົນຕີ ກະຊວງປ້ອງກັນປະເທດ ເຂົ້າອວຍພອນວັນສ້າງຕັ້ງກອງທັບ ຄົບຮອບ 73 ປີ.

by somchan

ໃນວັນທີ 18 ມັງກອນ 2022 ທີ່ຫ້ອງວ່າການສູນກາງພັກ , ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ຈຳປະການຄະນະເລຂາທິການສູນກາງພັກ, ຮອງປະທານປະເທດແຫ່ງ ສປປ ລາວ ໄດ້ໃຫ້ກຽດຕ້ອນຮັບ ສະຫາຍ ພົນຕີ ວົງຄຳ ພມມະກອນ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ ພ້ອມດ້ວຍຄະນະ ໄດ້ນໍາເອົາກະຕ່າດອກໄມ້ ແລະ ກະຕ່າຂອງຂວັນ ເຂົ້າອວຍພອນ, ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 73 ປີ (20 ມັງກອນ 1949 – 20 ມັງກອນ 2022).

ໃນໂອກາດດັ່ງກ່າວ ສະຫາຍ ບຸນທອງ ຈິດມະນີ ໄດ້ກ່າວຄຳອວຍພອນຜ່ານຄະນະນຳ ກະຊວງປ້ອງກັນປະເທດ ໄປຍັງພະນັກງານນັກຮົບ, ນາຍ ແລະ ພົນທະຫານ ໃນຂອບເຂດທົ່ວປະເທດ, ໂດຍສະເພາະ ແມ່ນຜູ້ທີ່ກຳລັງປະຕິບັດໜ້າທີ່ວຽກງານ, ກໍຄື ຜູ້ທີ່ກຳລັງປະຕິບັດໜ້າທີ່ ຢູ່ໃນເຂດຊາຍແດນ ແລະ ຈຸດຕ່າງໆ ໃນຂອບເຂດທົ່ວປະເທດ, ຂໍໃຫ້ທຸກສະຫາຍ ພ້ອມດ້ວຍຄອບຄົວ, ຈົ່ງມີສຸຂະພາບແຂງແຮງ, ມີຄວາມຜາສຸກ ແລະ ປະສົບຜົນສຳເລັດ ໃນການຈັດຕັ້ງປະຕິບັດໜ້າທີ່ວຽກງານຕາມການມອບໝາຍຂອງການຈັດຕັ້ງ, ເພື່ອຄວາມໝັ້ນຄົງຂອງປະເທດຊາດ, ຄວາມສະຫງົບສຸກ, ຄວາມເປັນລະບຽບຮຽບຮ້ອຍຂອງສັງຄົມ ແລະ ເພື່ອການພັດທະນາຂອງປະເທດຊາດ.

Off
18th Jan2022

ຫົວໜ້າຄະນະພົວພັນຕ່າງປະເທດສູນກາງພັກ ຕ້ອນຮັບເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສ. ຕວັກກີ ປະຈໍາ ສ ປປ ລາວ.

by somchan

ວັນ​ທີ 17 ມັງ​ກອນ 2022, ທ່ານ ທອງສະຫວັນ ພົມວິຫານ ​ກຳ​ມະ​ການ​ສູນ​ກາງ​ພັກ, ຫົວ​ໜ້າ​ຄ​ະ​ນະ​ພົວ​ພັນ ​ຕ່າງ​ປະ​ເທດສູນ​ກາງ​ພັກໄດ້​ຕ້ອນຮັບການ​ເຂົ້າ​ຢ້ຽມ​ຂ່ຳ​ນັບຂອງ​ທ່ານໂອ​ຣ​ຮັນ ເອີ​ເຊິກ    (Orhan Isik), ເອກອັກຄະລັດຖະທູດ ວິ​ສາ​ມັນຜູ້​ມີ​ອຳ​ນາດ​ເຕັມ ແຫ່ງ ສ.ຕວັກກີ ປະຈໍາ ສປປ ລາວ. (more…)

Off
18th Jan2022

ຫົວໜ້າກອງບັນຊາການ ປກສ ແຂວງຈຳປາສັກ ລົງຊີ້ນຳວຽກງານປ້ອງກັນຄວາມສະຫງົບຢູ່ກອງບັນຊາການ ປກສ ນະຄອນປາກເຊ.

by somchan

ທ້າຍອາທິດຜ່ານມານີ້ ພັທ ສຸກພະຈັນ ສີລາເພັດ ຫົວໜ້າກອງບັນຊາການ ປກສ ແຂວງຈຳປາສັກ ໄດ້ລົງຊີ້ນຳວຽກງານປ້ອງກັນຄວາມສະຫງົບຢູ່ກອງບັນຊາການ ປກສ ນະຄອນປາກເຊ       ເຂົ້າຮ່ວມມີ ພັທ ຄຳຜອງ ສິງສັກເມືອງ ຫົວໜ້າກອງບັນຊາການ ປກສ ນະຄອນປາກເຊ ພ້ອມຄະນະ ມີພະນັກງານຫຼັກແຫຼ່ງ ຕະຫຼອດຮອດພະນັກງານ-ນັກຮົບ ທົ່ວກອງບັນຊາການ ປກສ ນະຄອນປາກເຊ ເຂົ້າຮ່ວມ. (more…)

Off
18th Jan2022

ກອງພັນ 205 ສະຫຼຸບວຽກງານປ້ອງກັນສໍານັກງານ-ອົງການ ປະຈໍາປີ 2021

by somchan

ວັນທີ 18 ມັງກອນ 2022ນີ້ ກອງພັນ 205 ກອງບັນຊາການ ປ້ອງກັນທີ່ຕັ້ງ ກະຊວງ ປກສ ສະຫຼຸບວຽກງານປ້ອງກັນສໍານັກງານ-ອົງການ, ພື້ນຖານເສດຖະກິດ ປະຈໍາປີ 2021, ໂດຍການໃຫ້ກຽດ ເຂົ້າຮ່ວມຂອງ ພັອ ບຸນແພງ ທິລະສັກ ຮອງຫົວໜ້າກອງບັນຊາການ ປ້ອງກັນທີ່ຕັ້ງ, ມີຫົວໜ້າ-ຮອງກອງພັນ 205 ແລະ ກອງຮ້ອຍ ເຂົ້າຮ່ວມ. (more…)

Off
18th Jan2022

ກອງປະຊຸມວຽກງານໄອຍະການປະຊາຊົນ ທົ່ວປະເທດ ປະຈຳປີ 2021

by somchan

ກອງປະຊຸມວຽກງານໄອຍະການປະຊາຊົນທົ່ວປະເທດ ປະຈຳປີ 2021 ໄຂຂຶ້ນຢ່າງເປັນທາງການ ດ້ວຍຮູບເເບບກອງປະຊຸມທາງໄກ ໃນ ວັນທີ 18 ມັງກອນ 2022 ທີ່ອົງການໄອຍະການປະຊາຊົນສູງສຸດ ໂດຍພາຍໃຕ້ການເປັນປະທານ ຂອງ ທ່ານ ໄຊຊະນະ ໂຄດພູທອນ ຫົວໜ້າອົງການໄອຍະການປະຊາຊົນສູງສຸດ, ມີບັນດາຮອງຫົວໜ້າອົງການໄອຍະການປະຊາຊົນສູງສຸດ, (more…)

Off
18th Jan2022

4 ພາກສ່ວນ ເຊັນບົດບົດບັນທຶກການຮ່ວມມືຕ້ານການໃຊ້ຄວາມຮຸນແຮງບົນພື້ນຖານທາງເພດ.

by somchan

ກົມຂະບວນການ ສູນກາງຊາວໜຸ່ມ ປະຊາຊົນ ປະຕິວັດລາວ, ພະແນກຍຸຕິທຳນະຄອນຫຼວງວຽງຈັນ,ສະມາຄົມພັດທະນາບົດບາດຍີງ-ຊາຍ ແລະ ສະມາຄົມສຸຂະພາບຊຸມຊົນ ແລະ ການມີສ່ວນຮ່ວມ ຈັດພິທີເຊັນບົດບັນທຶກ ການຮ່ວມມືຕ້ານການໃຊ້ຄວາມຮຸນແຮງບົນພື້ນຖານທາງເພດ ຂື້ນໃນວັນທີ່ 18 ມັງກອນ 2022  ທີ່ສູນກາງຊາວໜຸ່ມ ປະຊາຊົນ ປະຕິວັດລາວ, (more…)

Off
18th Jan2022

ວັນທີ 18 ມັງກອນ 2022 ລາວ ກວດພົບຜູ້ຕິດເຊື້ອພະຍາດໂຄວິດ-19 ເພີ່ມ 733 ຄົນ.

by somchan

ດຣ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ຕາງໜ້າກອງເລຂາຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ຖະແຫຼງຂ່າວກຽ່ວກັບສະພາບການລະບາດຂອງພະຍາດ  COVID-19  ຢູ່ ສ.ປ.ປ ລາວ ຈາກສູນປະຕິບັດງານຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19  (more…)

Off
18th Jan2022

ກອງປະຊຸມແລກປ່ຽນບົດຮຽນວຽກງານປ້ອງກັນຄວາມສະຫງົບ ລະຫວ່າງ ສປປ ລາວ ກັບ ສປ ຈີນ.

by somchan

ກອງປະຊຸມແລກປ່ຽນວຽກງານວິຊາສະເພາະ ລະຫວ່າງ ກອງບັນຊາການ ປກສ 05 ແຂວງ ພາກເຫນືອຂອງ ສປປລາວ ກັບ ກອງບັນຊາການຕໍາຫຼວດກິ່ງ ແຂວງສິບສອງພັນນາ ແຫ່ງ ສປຈີນ ໄດ້ຈັດຂຶ້ນໃນ ວັນທີ 12 ມັງກອນ 2022 ໃນຮູບແບບທາງໄກ, ເຂົ້າຮ່ວມມີກອງ ບັນຊາການ ປກສ 05 ແຂວງພາກເຫນືອ ຄື: ແຂວງອຸດົມໄຊ, (more…)

Off
Pages:12»