28th Jan2022

ດຣ ບຸນຊູ ແກ້ວຫາວົງ ຫົວຫນ້າກົມອາຫານ ແລະ ຢາ ກະຊວງສາທາລະນະສຸກ ໄດ້ໃຫ້ສຳ ພາດຕໍ່ສື່ມວນຊົນກຳລັງປ້ອງກັນຄວາມສະຫງົບວ່າ :

by Peaung Thanonkeo

ດຣ ບຸນຊູ ແກ້ວຫາວົງ ຫົວຫນ້າກົມອາຫານ ແລະ ຢາ ກະຊວງສາທາລະນະສຸກ ໄດ້ໃຫ້ສຳ ພາດຕໍ່ສື່ມວນຊົນກຳລັງປ້ອງກັນຄວາມສະຫງົບວ່າ ເພື່ອຈັດຕັ້ງຜັນຂະຫຍາຍວາລະແຫ່ງຊາດ ກ່ຽວກັບ ການແກ້ໄຂບັນຫາຢາເສບຕິດ ໃຫ້ປະກົດຜົນເປັນຈິງ ແລະ ມີປະສິດທິຜົນສູງ ກົມອາຫານ ແລະ ຢາ ກະຊວງສາທາລະນະສຸກ ໄດ້ສຸມໃສ່ຄຸ້ມຄອງການເຄື່ອນໄຫວດຳເນີນການ ຜະລິດ, ນຳເຂົ້າ, ສົ່ງອອກ, ຈໍາໜ່າຍ, ຂາຍຍ່ອຍ,ເກັບຮັກສາ ແລະ ນຳໃຊ້ສານເຄມີຕົ້ນເຂົ້າໃນ ຂະແໜງການສາທາລະນະສຸກ ເຊັ່ນ ການປິ່ນປົວ, ບໍາບັດ, ການຜະລິດຢາ,ການຄົ້ວາວິທະຍາສາດຂອງທຸກອົງການຈັດຕັ້ງລັດ, ສາກົນ. ທຸລະກິດບໍ່ແຮ່ ໃຫ້ປະຕິບັດຕາມຂໍ້ກໍານົດກົດໝາຍ, ລະບຽບການ ແລະ ຫຼັກວິຊາການ ຂອງຂະແໜ ງການ ສາທາລະນະສຸກວາງອອກ ໃຫ້ມີປະສິດທິຜົນຮັດກຸມ ແລະ ນຳໃຊ້ຖືກຕາມປົ້າໝາຍ. (more…)

Off
28th Jan2022

ປກສ ແຂວງບໍ່ແກ້ວ ຢຶດຢາບ້າ 36 ລ້ານກວ່າເມັດ ແລະ ຢາໄອສ໌ 590 ກິໂລກຼາມ.

by Peaung Thanonkeo

ໃນວັນທີ 26 ມັງກອນ 2022 ເຈົ້າໜ້າພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ແຂວງບໍ່ແກ້ວ ໄດ້ມ້າງຄະດີຢາເສບຕິດລາຍໃຫຍ່ ຢູ່ເຂດເທດສະບານເມືອງຫ້ວຍຊາຍ ສາມາດຢຶດຢາເສບຕິດປະເພດຢາບ້າ 36.480.000 ເມັດ ແລະ ຢາໄອສ໌ 590 ກິໂລກຼາມ ພ້ອມທັງກັກຕົວຜູ້ຖືກຫາໄດ້ 4 ຄົນ.

ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ໃຫ້ຮູ້ວ່າ ຜູ້ຖືກຫາທັງ 4 ຄົນມີຄື: ທ້າວ ໄຊປໍທໍ ອາຍຸ 34 ປີ, ທ້າວ ມົວວາ ອາຍຸ 25 ປີ, ທັງ 2 ຄົນ ຢູ່ບ້ານ ກິ່ວລົມ, ເມືອງ ປາກທາ, ທ້າວ ລົງວື ອາຍຸ 26 ປີ ແລະ ນາງ ຈືເຮີ ອາຍຸ 29 ປີ, ທັງ 2 ຄົນຢູ່ບ້ານ ຮົ່ມເຢັນ, ເມືອງ ຕົ້ນເຜິ້ງ ທັງ 4 ຄົນຢູ່ແຂວງ ບໍ່ແກ້ວ.

ເຄື່ອງຂອງກາງທີ່ຢຶດໃນຄັ້ງນີ້້ ມີຢາເສບຕິດປະເພດຢາບ້າ 18.240 ມັດ ເທົ່າກັບ 36.480.000 ເມັດ, ໜັກ 3.848 ກິໂລກຼາມ, ຢາໄອສ໌ 590 ກິໂລກຼາມ, ເຮໂລອິນ 2 ແຫ່ງ, ລົດໃຫຍ່ 4 ຄັນ, ປືນສັ້ນ 1 ກະບອກ ແລະໂທລະສັບ 5 ເຄື່ອງ.

ຄະດີດັ່ງກ່າວ ເຈົ້າໜ້າທີ່ຕໍາຫຼວດພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ພວມສຶບຕໍ່ສືບສວນ-ສອບສວນຂະຫຍາຍຜົນຫາກຸ່ມແກ້ງເຄື່ອຂ່າຍ,ພັກພວກ ເພື່ອຕິດຕາມຈັບຕົວໄປດໍາເນີນຄະ ດີຕາມກົດໝາຍ

Off
28th Jan2022

ລາວ ກວດພົບຜູ້ຕິດເຊື້ອພະຍາດໂຄວິດ-19 ເພີ່ມ 551 ຄົນ ແລະ ເສຍຊີວິດ 4 ຄົນ

by Peaung Thanonkeo

ດຣ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ຕາງໜ້າກອງເລຂາຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ຖະແຫຼງຂ່າວກຽ່ວກັບສະພາບການລະບາດຂອງພະຍາດ  COVID-19  ຢູ່ ສ.ປ.ປ ລາວ ຈາກສູນປະຕິບັດງານຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19  ປະຈໍາ ວັນທີ່ 28 ມັງກອນ 2022 ນີ້ ວ່າ: (more…)

Off