ມື້ນີ້, ທ່າມກາງບັນຍາກາດທີ່ທົ່ວພັກ ທົ່ວກອງທັບ ແລະ ທົ່ວປວງຊົນລາວເຮົາ ພວມເບີກບານມ່ວນຊື່ນຜັນຂະຫຍາຍ ຜົນສຳເລັດຮອບດ້ານ ແລະມີຄວາມໝາຍໃນປີ 2015ທີ່ຜ່ານມາ,
ພົຈວ ດຣ ທອງສະຫວັນ ວົງສະຫວັດ ຮອງຫົວໜ້າກົມໃຫຍ່ຕຳຫຼວດ ຄະນະຊີ້ນຳອະນຸກຳມະການ ກອງປະຊຸມໃຫຍ່ຜູ້ແທນທົ່ວປະແທນ ຄັ້ງທີ10 ຂອງພັກປະຊາຊົນປະຕິວັດລາວ ໄດ້ກ່າວວ່າ: ໂດຍປະຕິບັດຕາມແຜນແມ່ບົດ ປ້ອງກັນກອງປະຊຸມໃຫຍ່ຂອງກະຊວງ ປກສ ດັ່ງນັ້ນທາງອະນຸກຳມະການ ຈຶ່ງໄດ້ຈັດວາງກຳລັງເຂົ້າປ້ອງກັນຕາມຈຸດຕ່າງໆ ໂດຍປະສານສົມທົບກັນກຳລັງປ້ອງກັນຊາດ
ເມື່ອທ້າຍເດືອນທັນວາ 2015 ຜ່ານມາ ເຈົ້າໜ້າທີ່ຕຳຫຼວດສ້າງມະຄີໄຊແຂວງອັດຕະປື ແກ້ໄຂຄະດີຄ້າຂາຍຢາເສບຕິດຢູ່ບ້ານກະຍື ເມືອງສາມະຄີໄຊ ແຂວງອັດຕະປື ສາມາດຍຶດຢາບ້າໄດ້ 6ພັນເມັດ ພ້ອມທັງກັກຕົວຜູ້ກະທຳຜິດໄດ້ 1ຄົນຄື: ນາງຫຼ້າ ອາຍຸ 60ປີ ປະຊາຊົນບ້ານປາກຢວນ ເມືອງໃໝ່ແຂວງຜົ້ງສາລີ ໃນຄະນະທີ່ຜູ້ກ່ຽວກຳລັງນຳສົ່ງຢາບ້າ ໃຫ້ລູກຄ້າໃນເຂດບ້ານດັ່ງກ່າວ.
ກະຊວງປ້ອງກັນຄວາມສະຫງົບ ຜ່ານແຜນການປ້ອງກັນກອງປະຊຸມໃຫຍ່ຄັ້ງທີ 10ຂອງພັກ ໃນວັນທີ 11ມັງກອນ 2016 ໂດຍພາຍໃຕ້ການເປັນປະທານຂອງ ພົນຕີ ກົງທອງ ພົງວິຈິດ ລັດຖະມົນຕີຊ່ວຍວ່າການ ກະຊວງປ້ອງກັນຄວາມສະຫງົບ, ມີບັນດາຄະນະພັກ-ຄະນະນຳກະຊວງ ແລະ ພະນັກງານກົມກອງອ້ອມຂ້າງກະຊວງ ປກສ ເຂົ້າຮ່ວມ.
ໃນວັນທີ 7 ມັງກອນ 2016ນີ້ ເຈົ້າໜ້າທີ່ຕຳຫຼວດສະກັດກັ້ນ ແລະ ຕ້ານຢາເສບຕິດໄດ້ມ້າງຄະດີຄ້າຂາຍຢາເສບຕິດ ຢູ່ເຂດບ້ານນາສາງໄພ ເມືອງໄຊເຊດຖາ ນະຄອນຫຼວງວຽງຈັນສາມາດກັກຕົວຜູ້ກະທຳຜິດໄດ້ 4ຄົນ, ພ້ອມຂອງກາງຢາເສບຕິດປະເພດຢາບ້າ 48 ມັດເທົ່າກັບ 96.000ເມັດ, ໂທລະສັບ 4 ໜ່ວຍ ແລະ ລົດໃຫຍ່ 1ຄັນ.
ເຈົ້າໜ້າທີ່ຕຳຫຼວດເມືອງໄຊທານີ ນະຄອນຫຼວງວຽງຈັນໄດ້ກັກຕົວທ້າວ ພອນສະຫວັນ ຫຼືຕົ້ນ ອາຍຸ 34 ປີ ພັກເຊົາຢູບ້ານດອນໜູນ ເມືອງໄຊທານີ ໃນຂໍ້ຫາຄ້າຂາຍຢາເສບຕິດ ພ້ອມຢາບ້າ 1 ພັນກວ່າເມັດ
ກົມຕຳຫຼວດສະກັດກັ້ນ ແລະຕ້ານການຄ້າມະນຸດ ກົມໃຫຍ່ຕຳຫຼວດກະຊວງ ປກສລາວ ຮ່ວມກັບຜູ້ຕາງໜ້າຮ່ວມງານແອັດທິບ ປະເທດອົດສະຕາລີ ປະຈຳລາວ ຈັດກອງປະຊຸມກ່ຽວກັບການຄົ້ນຄ້ວາ ສ້າງຖານຂໍ້ມູນຄະດີຄ້າມະດີໃນວັນທີ 6 ມັງກອນ 2016ນີ້ ຢູ່ໂຮມແຮມ ລ່ອງງື່ມວິວ ລີສອດ ແຂວງວຽງຈັນ ເປັນກຽດເຂົ້າຮ່ວມມີ ພັທ ວາດສະໜາ ວິລະວົງ ຮອງຫົວໜ້າກົມສະກັດກັ້ນ ແລະ ຕ້ານການຄ້າມະນຸດ
ເຈົ້າໜ້າທີ່ຕຳຫຼວດເມືອງສີສັດຕະນາກ ນະຄອນຫຼວງວຽງຈັນ ສາມາດຕິດຕາມ ຈັບຕົວສອງຜົວ-ເມຍເພື່ອດຳເນີນຄະດີ ຕາມລະບຽບກົດໝາຍໃນສະຖານຮ່ວມກໍ່ເຫດ ດຶງສາຍຄໍຄຳໜັກ 10 ບາດ ຂອງນາງ ຈ້ອມ ອາຍຸ 32ປີ ອາຊີບຄ້າຂາຍ ຢູບ້ານຫຼັກ 52 ເມືອງໂພນໂຮງແຂວງວຽງຈັນ ທີ່ພວມຢືນລໍຖ້າຊື້ຂອງກິນຢູ່ແຄມທາງ ບ້ານຄູວຽງ ເມືອງສີສັດຕະນາກໃນ ວັນທີ 3ມັງກອນ 2016ນີ້
ກົມໃຫຍ່ສັນຕິບານກະຊວງ ປກສ ໄດ້ປະກາດເລື່ອນຊັ້ນ ໃຫ້ນາຍຕຳຫຼວດ ໃນວັນທີ 7 ມັງກອນ 2016ນີ້ ໂດຍການເຂົ້າຮ່ວມເປັນກຽດ ພົຈວ ບຸນມີ ແສງຄຳຢອງ ຄະນະປະຈຳພັກກະຊວງ ຫົວໜ້າກົມໃຫຍ່ສັນຕິບານ, ມີຄະນະພັກ ພະນັກງານຫຼັກແຫຼ່ງ ແລະຜູ້ໄດ້ຮັບການເລື່ອນຊັ້ນເຂົ້າຮ່ວມ.
ຄະນະຮັບຜິດຊອບສ້າງຮ່າງກົດໝາຍຂອງກະຊວງ ປກສ ໄດ້ຈັດກອງປະຊຸມຄົ້ນຄວ້າ, ປັບປຸງບາງເນື້ອໃນ, ມາດຕາຂອງກົດໝາຍວ່າດ້ວຍ ການຕ້ານການຄ້າມະນຸດ ລະຫວ່າງວັນທີ 6-7 ມັງກອນ 2016ນີ້ ໂດຍການເປັນປະທານຂອງສຈ ດາວອນ ຫວ່າງວິຈິດ ຄະນະປະຈຳສະພາແຫ່ງຊາດ, ພົຈວ ສິນທະວົງ ໄຊຍະກອນ ລັດຖະມົນຕີ ຊ່ວຍວ່າການກະຊວງ ປກສ
