13th May2020

ຊີວະປະຫວັດຫຍໍ້

by somchan

 

ສະຫາຍ ພົອ ສີສະຫວາດ ແກ້ວບຸນພັນ ເກີດເມືອວັນທີ່ 1 ພຶດສະພາ 1928 ທີ່ບ້ານຫ້ວຍກະລືມ ເມືອງວຽງໄຊ ແຂວງຫົວພັນ, ເປັນບຸດຂອງ ທ່ານ ບຸນຊູ ແລະ ນາງ ປ້ານ ສະຫາຍໄດ້ສ້າງຄອບຄົວກັບ ນາງ ຫຼ້າ ແກ້ວບຸນທັນ ມີລູກນຳກັນ 4 ຄົນ ຍິງທັງໝົດ ປັດຈຸບັນຢູ່ ບ້ານ ໝອງບອນ ເມືອງ ໂຊເສດຖາ ນະຄອນຫຼວງວຽງຈັນ.

ການເຄື່ອນໄຫວປະຕິວັດ ທີ່ສຳຄັນແຕ່ລະໄລຍະມີດັ່ງນີ້:

  • ປີ 1947-1948 ເປັນນັກຮົບກອງຮ້ອຍໂຄສະນາປະກອບອາວຸດຕະລຸມບອນປະຈຳພາກເໜືອ.
  • ປີ 1948-1949 ເປັນພະນັກງານຄົ້ນຂວາຍກໍສ້າງພື້ນຖານລັບ ຢູ່ສັນກາງລຽບນ້ຳມ້າ ເພື່ອສ້າງຖານທີ່ໝັ້ນເຂົ້າພາກເໝືອຂອງລາວ.
  • ປີ 1950 ເຂົ້າເປັນສະມາຊິກພັກກອມມູນິດອິນດູຈີນ.
  • ປີ 1949 – 1952 ເປັນຫົວໜ້າການເມືອງກອງຮ້ອຍລາດສະວົງ.
  • ປີ 1952 – 1954 ເປັນຫົວໜ້າການທະຫານກອງຮ້ອຍລາດສະວົງ ທັງເປັນຮອງກອງພັນປະສົມ ລາວ-ຫວຽດນາມ ຂຶ້ນປົດປ່ອຍເມືອງ ຮ້ຽມ ປາກລາວ,ບ້ານແຊ້,ບ້ານຊ້ອນ ເປີດກ້ວາງເຂດທີ່ໝັ້ນເຂດທີ່ເໝືອນຂອງລາວ.
  • ປີ 1954 – 1955 ເປັນກໍາມະການ ຢຸດຍິງທົ່ວປະເທດ ລະຫວ່າງສາມຊາດອິນດູຈີນ ແລະ ຟຣັ່ງ.
  • ວັນທີ່ 22 /03/1955 ເຊິ່ງເປັນວັນສ້າງຕັ້ງພັກ ແລະ ດຳເນີນກອງປະຊຸມໃຫ່ຍຄັ້ງທີ່ I ຂອງພັກ ສະຫາຍໄດ້ຮັບການເລືອກຕັ້ງ ເປັນກຳທະການຄະນະບໍລິຫານງານສູນກາງພັກ ປະຊາຊົນລາວ ຊຸດທຳອິດ ໃນປີດຽວກັນນັ້ນ ຖືກເລືອກຕັ້ງເຂົ້າເປັນກຳມະການຄະນະພັກການທະຫານ,ທັງຖືກແຕ່ງຕັ້ງເປັນຮອງເສນາທິການກອງທັບປົດປ່ອຍປະຊາຊົນລາວ.
  • ປີ 1956 – 1960 ຖືກແຕ່ງຕັ້ງເປັນເລຂາຄະນະພັກ,ເປັນຜູ້ຊີນໍາການເລືອກຕັ້ງຜູ້ ແທນລາດສະດອນຂອງຝ່າຍປະຕິວັດ ແລະ ເປັນຜູ້ບັນຊາການປົດປ່ອຍ ແຂວງຫົວພັນ ເທືອທີ່ 2 ແລະ ບັນຊາປົດປ່ອຍທົງໄຫຫີນ.
  • ປີ 1962 ບັນຊາປົດປ່ອຍບັ້ນຮົບຫຼວງນ້ຳທາ.
  • ປີ 1960 – 1976 ຖືກແຕ່ງຕັ້ງເປັນເສນາທິການສູງສຸດ ກອງທັບປົດປ່ອຍປະຊາຊົນລາວ.
  • ປີ 1972 ໃນກອງປະຊຸມໃຫ່ຍຄັ້ງທີ່ 2 ຂອງພັກຖືກເລືອກຕັ້ງເປັນກຳມະການຄະນະບໍລປັນກຳມະການຄະນະບໍລິຫານງານສູນກາງພັກສະໄໝທີ່ 2 .
  • ປີ 1976 – 1980 ເປັນຫົວໜ້າເສນາທິການສູງສຸດ ກອງທັບປົດປ່ອຍປະຊາຊົນລາວ,ລັດຖະມົນຕີປະຈຳສຳນັກງານນາຍົກລັດຖະມົນຕີ,ເສຂາຄະນະພັກ,ປະທານຄະນະກຳມະການປົກຄອງນະຄອນຫຼວງວຽງຈັນ.
  • ປີ 1982 ໃນກອງປະຊຸມໃຫ່ຍຄັ້ງທີ່ 3 ຂອງພັກຖືກເລືອກຕັ້ງເປັນກຳທໍມະການສູນກາງພັກ ສະໄມທີ່ 3 ,ເປັນເສຂາທິການສູນກາງພັກ,ຫົວໜ້າເສນາທິການສູງສຸດກອງທັບປົດປ່ອຍປະຊາຊົນລາວ,ລັດຖະມົນຕີ ກະຊວງປ້ອງກັນຄວາມສະຫງົບ,ເລຂາຄະນະພັກ,ປະທານຄະນະກຳມະການປົກຄອງກຳແພງນະຄອນຫຼວງວຽງຈັນ.
  • ປີ 1982 ຖືກແຕ່ງຕັ້ງເປັນຫົວໜ້າຄະນະຮັບຜິດຊອບຊີ້ນຳກະກຽມກອງປະຊຸມໃຫ່ຍຊາວໜຸ່ມ ສປປລາວ ຄັ້ງທີ່ 1 .
  • ປີ 1983 ສູນກາງພັກ – ລັດຖະບານ ໄດ້ຕົກລົງປະດັບຊັ້ນພົນເອກໃຫ້ແກ່ສະຫາຍ.
  • ປີ 1983 – 1984 ໄປຮຽນທິດສະດີການເມືອງຊັ້ນສູງທີ່ ຮາ່ໂນ້ຍ ສສ ຫວຽດນາມ
  • ປີ 1985 ຖືກແຕ່ງຕັ້ງເປັນເລຂາຄະນະພັກ,ປະທານຄະນະກຳມະການປົກຄອງກຳແພງນະຄອນຫຼວງວຽງຈັນ.
  • ປີ 1986 ໃນກອງປປະຊຸມໃຫ່ຍຄັ້ງທີ່ 4 ຂອງພັກຖືກເລືອກຕັ້ງເປັນກຳມະການສູນກາງພັກ ທັງຄືກເລືອກຕັ້ງເປັນກຳມະການກົມໃຫ່ຍການເມືອງ ແລະ ເລຂາທິການສູນກາງພັກ ເປັນເລຂາຄະນະພັກ,ປະທານຄະນະກຳມະການປົກຄອງ ນະຄອນຫຼວງວຽງຈັນ.
  • ປີ 1987 – 1988 ເປັນຫົວໜ້າຄະນະເຈລະຈາຢຸດຍິງກັບປະເທດໄທ.
  • ປີ 1991 ໃນກອງປະຊຸມໃຫ່ຍຄັ້ງທີ່ 5 ຂອງພັກເລືອກຕັ້ງເປັນກຳມະການສູນກາງພັກ,ຖືກແຕ່ງຕັ້ງເປັນລັດຖະມົນຕີກະຊວງກະສິກຳ ແລະ ປ່າໄມ້.
  • ປີ 1996 ໃນກອງປະຊຸມໃຫ່ຍຄັ້ງທີ່ 6 ຂອງພັກ ຖືກແຕ່ງຕັ້ງເປັນກຳມະການສູນກາງພັກ ທັງເລືອກຕັ້ງເປັນກຳມະການສູນກາງເມືອງສູນກາງພັກ.
  • ປີ 1996 – 1998 ຖືກເລືອກຕັ້ງເປັນຮອງປະທານປະເທດ.
  • ປີ 1998 -2001 ຖືກເລືອກຕັ້ງເປັນນາຍົກລັດຖະມົນຕີແຫ່ງ ສປປລາວ .
  • 2002 – 2010 ໃນກອງປະຊຸມໃຫ່ຍຄັ້ງທີ່ 7 ,ຄັ້ງທີ່ 8 ຂອງພັກຖືກເລືອກຕັ້ງເປັນກໍາມະການສູນກາງພັກ,ທັງຖືກເລືອກຕັ້ງເປັນກຳມະການກົມໃຫ່ຍການເມືອງສູນກາງພັກ ແລະ ຖືກເລືອກຕັ້ງເປັນປະທານສູນກາງແນວລາວສ້າງຊາດ.
  • ປີ 2011 ອີງໃສ່ສຸຂະພາບ ອາຍຸກະສຽນແລະຄວາມມຸງມາດປາດຖະນາຂອງສະຫາຍເອງ,ສະຫາຍຈິງໄດ້ຮັບການເຫັນດີໃຫ້ພັກຜ່ອນຕາມນະໂຍບາຍຂອງພັກ ແລະ ລັດພາຍຫຼັງໃຫ້ໄດ້ຮັບນະໂຍບາຍໃຫ້ພັກການ ສະຫາຍ ພົນເອກ ສີສະຫວາດ ແກ້ວບຸນພັນ ຍັງໄດ້ປະກອບສ່ວນລົງຊີນຳ ,ຕິດຕາມຊຸກຊູ້ການປະຕິບັດວຽກງານຢູ່ບັນດາຂະແໜງ ແລະ ທ້ອງຖິ່ນຕາມເງື່ອນໄຂ ແລະ ສຸຂະພາບຕົວຈິງ.

ສະຫາຍ ພົນເອກ ແກ້ວບຸນພັນ ແມ່ນຜູ້ຊີນຳຮຸ່ນທຳອິດຂອງພັກ ແລະ ລັດເຮົາໄດ້ອຸທິດຊີວິດຂອງຕົນຕິດພັນກັບການຕໍ່ສູ້ກູ້ຊາດຕ້ານຈັກກະພັດລ່າເມື່ອງຂື້ນແບບເກົ່າ ແລະ ໃໝ່ ສະຫາຍແມ່ນນັກຮົບປະຕິວັດຜູ້ອົງອາດທີ່ເກັ່ງກ້າສາມາດ,ມີນ້ຳໃຈເສຍສະລະອັນສູງສົ່ງ, ເປັນໜື່ງໃນບັນດານາຍທະຫານນຳພາ – ບັນຊາ ທີ່ດີເດັ່ນເປັນທີ່ຄົບລົບຮັກຂອງກຳລັງປະກອບອາວຸດ ແລະ ປະຊາຊົນລາວບັນດາເຜົ່າ, ແມ່ນພະນັກງານ ການນຳທີ່ມີແບບແຜນນຳພາທີ່ດີ, ມີຄວາມສາມັກຄີເປັນເອກະພາບພາຍໃນພັກ ແລະ ຢຶດມັນໃນອຸດົມການປະຕິວັດຢ່າງສູງສົ່ງ ໃນພາລະກິດປະຕິວັດປົດປ່ອຍຊາດປົກປັກຮັກສາ ແລະ ສ້າງສາລະບອບໃໝ່.

ດ້ວຍຜົນງານ ແລະ ຄຸນງາມຄວາມດີທີ່ສະແດງອອກເຖິງຄຸນສັມບັດສິນທຳປະຕິວັດອັນພອ່ງໃສ ແລະ ຄວາມຮັກເຊື້ອແພງຊາດສະຫາຍໄດ້ຮັບຄວາມໄວ້ເນື້ອເຊື່ຶອໃຈ ແລະ ຄວາມເຄົາລົບຮັກຈາກສະມາຊິກພັກ, ພະນັກງານ, ນັກຮົບ ແລະ ປະຊາຊົນລາວບັນດາເຜົ່າກໍຄືປະເທດເພື່ອນມິດຢ່າງກ້ວາງຂວາງ, ເພື່ອເປັນການສັນລະເຊີນກຽດຕິຄຸນຂອງສະຫາຍ, ແລະ ລັດຖະບານ ໄດ້ຕົກລົງມອບຫຼຽນໄຊຊັ້ນສູງປະເພດຕ່າງໆໃຫ້ແກ່ສະຫາຍດັ່ງນີ້:

  • ຫຼຽນຄຳແຫ່ງຊາດ ສປປ ລາວ 1 ຫຼຽນ.
  • ຫຼຽນ ແຫ່ງຊາດ ສສ ຫວຽດນາມ 1 ຫຼຽນ.
  • ຫຼຽນ ໄຊ ອິດສະລະຊັ້ນ I 4 ຫຼຽນ.
  • ຫຼຽນ ໄຊ ອິດສະລະຊັ້ນII 2 ຫຼຽນ.

ນອກຈາກນັ້ນ ຍັງໄດ້ຮັບຫຼຽນ ໄຊ ,ຫຼຽນກາ,ຫຼຽນລະນຶກ ແລະ ຫຼຽນ ມິດຕະພາບ ທີ່ສຳຄັນເປັນຈຳນວນຫຼວງຫຼາຍ ຈາກພາຍໃນ ແລະ ຕ່າງປະເທດ.

 

 

 

 

 

 

 

 

 

 

 

 

 

 

 

Off

Comments are closed.