13th May2020

ນາຍົກລັດຖະມົນຕີ ແຫ່ງ ສສ ຫວຽດນາມ ເຂົ້າຮ່ວມວິທີ່ວາງພວງມາລາຕໍ່ການເສຍຊີວິດຂອງ ທ່ານ ພົອ ສີສະຫວາດ ແກ້ວບຸນພັນ

by somchan

ວັນທີ່ 13 ພຶດສະພາ 2020 ທີ່ສະໂມສອນກົມໃຫ່ຍການເມືອງກອງທັບ,ກະຊວງປ້ອງກັນປະເທດ,ສະຫາຍ ຫງວຽນ ຊວນ ຟຸກ  ,ນາຍົກລັດຖະມົນຕີແຫ່ງ ສສ ຫວຽດນາມພ້ອມດ້ວຍຄະນະ ໄດ້ຕ່າງໜ້າໃຫ້ພັກ,ລັດຖະບານ ແລະ ປະຊາຊົນ ສສ ຫວຽດນາມ ເຂົ້າຮ່ວມພິທີວາງພວງມາລາ ແລະ ໄຫ້ວອາໄລການເສຍຊີວິດຂອງ ສະຫາຍ ພົນເອກ ສີສະຫວາດ ແກ້ວບຸນພັນ, ອະດີດກຳມະການສູນກາງພັກ ສະໄໝທີ່ I,II,III,IV,V,VI,VII ແລະ VIII,ອະດີດສູນກາງພັກສະໄໝທີ່ III,IV,ອະດີດກຳມະການກົມການເມືອງສູນກາງພັກ ສະໄໝທີ່ IV,VI,VII ແລະ VIII,ອະດີດນາຍົກລັດຖະມົນຕີ ,ອາດີີດຮອງປະທານປະເທດ ,ອະດີດປະທານແນວລາວສ້າງຊາດ ,ອະດີດຫົວໜ້າເສນາທິການກົມໃຫ່ຍກອງທັບປົດປ່ອຍປະຊາຊົນລາວ,ອະດີດລັດຖະມົນຕີປະຈຳສຳນັກງານນາຍົກລັດຖະມົນຕີ,ອະດີດລັດຖະມົນຕີປ້ອງກັນຄວາມສະຫງົບ,ອະດີດເລຂາຄະນະພັກ,ອະດີດປະທານຄະນະກຳມະການປົກຄອງກຳແພງນະຄອນຫຼວງວຽງຈັນ,ອະດີດລັດຖະມົນຕີກະຊວງກະສິກຳ ແລະ ປ່າໄມ້ ແລະ ອະດີປະທານຄະນະຂົ້ນຂວາຍສ້າງຕັ້ງຄະນະຊາວໜຸ່ມປະຕິວັດລາວທີ່ໄດ້ເຖິງແກ່ມໍລະນະກຳໃນວັນທີ່ 12 ພຶດສະພາ 2020 ລວມອາຍຸໄດ້ 92 ປີ

ໃນວັນດຽວກັນ,ສະຫາຍ ຫງວຽນ ຊວນ ຟຸກ ຍັງໄດ້ເຂົ້າຢຽມຂຳນັບ ທ່ານ ບຸນຍັງວໍລະຈິດ,ເລຂາທິການໃຫ່ຍ,ປະທານປະເທດແຫ່ງ ສປປ ລາວ ທີ່ຫ້ອງວ່າການສຳນັກງານປະທານປະເທດ ແລະ ພົບປະສອງຝ່າຍ ກັບສະຫາຍ ທອງລຸນ ສີສຸລິດ,ນາຍົກລັດຖະມົນຕີແຫຼ່ງ ສປປ ລາວ ທີ່ຫ້ອງວ່າການສຳນັກງານນາຍົກລັດຖະມົນຕີ ເພື່ອສະແດງຄວາມໂສກເສົ້າເສຍໃຈຕໍ່ການຈາກໄປຂອງ ສະຫາຍ ພົນເອກ ສີສະຫວາດ ແກ້ວບຸນພັນ ,ພ້ອມທັງນຳເອົາຄຳຢືຍາມຖາມຂ່າວ ແລະ ຄວາມເສົ້າສະຫຼົດໃຈຂອງ ສະຫາຍ ຫງວຽນ ຊວນ ຟຸກ ,ເລຂາການໃຫ່ຍກອມມູນິອິນດູຈີນ ແລະ ບັນດາການນຳຂັ້ນສູງພັກ – ລັດ ແລະ ປະຊາຊົນ ຫວຽດນາມ ມາຍັງພັກ – ລັດ ແລະ ປະຊາຊົນລາວຕໍ່ການຈາກໄປໂດຍບໍ່ມີວັນກັບຄືນມາຂອງ ສະຫາຍ ພົນເອກ ສີສະຫວາດ ແກ້ວບຸນພັນ ເປັນການສູນເສຍວິລະຊົນຄັ້ງຍິ່ງໃຫ່ຍຂອງຊາດ,ນັກຮົບປະຕິວັດຮຸ່ນອາວຸດໂສ ອະດີດການນຳທີ່ສຳຄັນຂອງຊາດລາວ. ສະຫາຍ ເປັນວິລະບູລຸດທີ່ສຳຄັນທີ່ໄດ້ປະກອບສ່ວນໃນການຕໍ່ສູ້ຢ່າງລະອິດລະອຽ້ວຮ່ວມກັບທະຫານອາສາສະມັກຫວຽດນາມ,ຮ່ວມຄຸມຄອງສູ້ຮົບອັນດຽວກັນ ເພື່ອຕໍ່ສູ້ກັບພວກລາເມືອງຂື້ນຟຣັ່ງ ແລະ ຈັກກະພັດອາເມລິກາ ໃນສະໄໝຕໍ່ສູ້ກູ້ຊາດຂອງລາວ. ພ້ອມກັນນີ້,ກໍມີບົດບາດທີ່ສຳຄັນໃນການຮັດແໜ້ນການຮ່ວມມືອັນສະນິດແໜ້ນ ແລະ ເສີມຂະຫຍາຍສາຍພົວພັນມິດຕະພາບອັນຍິ່ງໃຫ່ຍ,ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງລາວ ແລະ ຫວຽດນາມ ຕະຫຼອດມາຈົນເຖິງປັດຈຸບັນ.ເລຂາທິການໃຫ່ຍ,ປະທານປະເທດແຫ່ງ ສປປ ລາວ ຍັງໄດ້ສະແດງຄວາມຂອບໃຈ ແລະ ມີຄວາມຊາບຊື້ງເປັນຢ່າງຍິ່ງທີ່ຄະນະຜູ້ແທນຂັ້ນສູງພັກ – ລັດ ຫວຽດນາມໄດ້ຕ່າງໜ້າໃຫ້ຄະນະບໍລິຫານງານສູນກາງພັກກອມມູນິຫວຽດນາມ ,ລັດຖະບານແຫ່ງ ສສ ຫວຽດ ແລະ ປະຊາຊົນຫວຽດນາມ ທີ່ໄດ້ເດີນທາງມາຮ່ວມສະແດງຄວາມໄວ້ອາໄລອາວອນອັນສຸດຊື້ງ,ແບ່ງຄວາມທຸກໂສກຮ່ວມກັບພັກ,ລັດຖະບານ ແລະ ປະຊາຊົນລາວບັນດາເຜົ່າ,ຕໍ່ການຈາກໄປໂດຍບໍ່ມີວັນກັບຄືນຂອງ ສະຫາຍ ພົນເອກ ສີສະຫວາດ ແກ້ວບຸນພັນ,ເຊິ່ງເປັນການສະແດງເຖິງຄວາມມີຊີວິດຊີວາຂອງຄວາມສາມັກຄີພິເສດ ລາວ – ຫວຽດນາມ ທີ່ມີມູນເຊື້ອແຫ່ງຄວາມຜູກພັນແບບເມັດເຂົ້າຫັກ,ຜັກເສັ້ນແບ່ງ,ຮ່ວມເປັນຮ່ວມຕາຍຂຸມຄອງດຽວກັນ,ທຸກ – ສຸກ ພວກເຮົາຢູ່ຄຽງຂ້າງກັນສະເໝີມາ. ພ້ອມນີ້,ສະຫາຍ ເລຂາທິການໃຫ່ຍຍັງໄດ້ສະແດງຄວາມຂອບໃຈຢ່າງສູງທີ່ສູນກາງພັກກອມມູນິດຫວຽດນາມໄດ້ໃຫ້ຄວາມເປັນຫ່ວງເປັນໃຍຕໍ່ການປີນປົວຂອງ ສະຫາຍ ພົນເອກ ສີສະຫວາດ ແກ້ວບຸນພັນ ໃນໄລຍະທ້າຍຂອງຊິວິດຂອງສະຫາຍໂດຍເອົາໃຈໃສ່ສົ່ງຄະນະແພດມາປິ່ນປົວຢ່າງທັນການຕາມການສະເໝີຂອງຝ່າຍລາວ ແລະ ໄດ້ຊ່ວຍຢູກຢາເປັນຈຳນວນຫຼາຍຈົນວິນາທີ່ສຸດທ້າຍ.

 

 

ພ້ອມດຽວກັນນີ້,ສະຫາຍ ບຸນຍັງ ວໍລິຈິດ ຍັງໄດ້ຕ່າງໜ້າໃຫ້ ພັກ, ລັດ ແລະປະຊາຊົນລາວ ບັນດາເຜົ່າ ສະແດງຄວາມຂອບໃຈເປັນຢ່າງຍິ່ງ ແລະຄວາມຮູ້ບຸນຄຸນຢ່າງລົ້ນເຫລືອ ຕໍ່ ພັກ , ລັດຖະບານ ປະຊາຊົນຫວຽດນາມ ອ້າຍນ້ອງ ທີ່ໄດ້ໃຫ້າການຊ່ວຍເຫລືອອັນລ້ຳຄ່າໃນການສ້າງສາພັດທະນາປະເທດຊາດຕະຫຼອດມາ, ພິເສດ ແມ່ນໄລຍະການແຜ່ລະບາດຂອງເຊື້ອພະຍາດ ໂຄວິດ-19 ເຖິງວ່າຫວຽດນາມຍູ່ໃນໄລຍະຮັບມືກັບການແຜ່ລະບາດຂອງພະຍາດດັ່ງກ່າວ, ແຕ່ ພັກ,ລັດ ແລະປະຊາຊົນຫວຽດນາມໄດ້ແບ່ງນ້ຳໃຈ ແລະໃຫ້ການຊ່ວຍເຫລືອດ້ານວັດຖຸອຸປະກອນແພດ, ສົ່ງຄະນະແພດຊຽ່ວຊານ ແລະ ຖ່າຍທອດບົດຮຽນໃຫ້ແກ່ພວກຂ້າພະເຈົ້າ. ພ້ອມທັງໄດ້ຕີລາຄາສູງຕໍ່ບັນດາຜົນສຳເລັດທີ່ຫນ້າຊື່ນຊົມໃນການພັດທະນາເສດຖະກິດ-ສັງຄົມຂອງຫວຽດນາມ ໃນປະຈຸບັນ,ພິເສດແມ່ນການປ້ອງກັນ,ຄຸ້ມຄອງ ແລະ ຮັບມີກັບການແຜ່ລະຍາດຂອງພະຍາດໂຄວິດ -19 ໃນ ສສ. ຫວຽດນາມ ເຊິ່ງໄດ້ຮັບການຕີລາຄາສູງຈາກສາກົນສຳລັບ ສປປ ລາວ ກໍ່ໄດ້ສຸ້ມທຸກກຳລັງເພື່ອຮັບມືກັບພະຍາດດັ່ງກ່າວ. ປະຈຸບັນ ທົ່ວພັກພ້ອມຂຸ້ນຂຽ້ວກະກຽມໃສ່ການດຳເນີນກອງປະຊຸມໃຫຍ່ຂອງພັກ ແລະ ຂໍຢືນຢັນວ່າ ຈະເຮັດສຸດຄວາມສາມາດ ຂອງຕົນຮ່ວມກັບພັດ, ລັດ ແລະ ປະຊາຊົນຫວຽດນາມ ອ້າຍນ້ອງສືບຕໍ່ປົກປັກຮັກສາ ແລະ ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມີຮອບດ້ານລະຫວ່າງ ລາວ-ຫວຽດນາມ ໃຫ້ນັບມື້ຂະຫຍາຍຕົວ ແລະ ຍືນຍົງຄົງຕົວຕະຫລອດໄປ. ເພື່ອຜົນປະໂຫຍດຂອງປະຊາຊົນສອງຊາດ ກໍ່ຄື ເພື່ອສັນຕິພາບ, ມິດຕະພາບ ແລະ ການຮ່ວມມືໃນພາກພື້ນ ແລະ ໃນໂລກ.

ໃນໂອກາດພົບປະກັບນາຍົກລັດຖະມົນຕີແຫ່ງ ສປປ ລາວ ທັງສອງຝ່າຍໄດ້ເຫັນດີສືບຕໍ່ຊຸກຍູ້ການຈັດຕັ້ງປະຕິບັດຜົນການຕົກລົງຂອງກອງປະຊຸມ ຄະນະກຳມະການຮ່ວມທະວິພາຄີ ລະຫວ່າງ ສອງລັດຖະບານ ຄັ້ງທີ 42 ໃຫ້ປະກົດຜົນເປັນຈິງ.

ທ້າຍສຸດນີ້, ສະຫາຍ ເລຂາທີການໃຫຍ່ຍັງໄດ້ອວຍສະຫາຍລັດຖະມົນຕີ ສສ ຫວຽດນາມ ພ້ອມດ້ວຍຄະນະ ແລະ ຜ່ານສະຫາຍໄປຍັງ ສະຫາຍເລຂາທິການໃຫຍ່, ປະທານປະເທດ ຫງວຽນ ຟູ ຈອງ ແລະບັນດາສະຫາຍການນຳຂັ້ນສູງຂອງພັກ-ລັດຖະບານຫວຽດນາມຈົ່ງມີສຸກຂະພາບເຂັ້ມແຂງ ແລະ ປະສົບຜົນສຳເລັດໃຫມ່ໃຫຍ່ຫລວງກ່ວາເກົ່າໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄົ້ງທີ 12 ຂອງພັກຢ່າງມີໄຊ ແລະ ກ້າວສູ່ກອງປະຊຸມໃຫຍ່ຂອງພັກກອມມູນິດຫວຽດນາມ ຄັ້ງທີ 13 ໃນຕົ້ນປີ 2021, ບັນລຸເປົ້າຫມາຍເຮັດໃຫ້ປະຊາຊົນຮັ່ງມີຜາສຸກ, ປະເທດຊາດມັ່ງຄັ່ງເຂັ້ມແຂງ, ປະຊະທິປະໄຕ, ຍຸດຕິທຳ, ສີວິໄລ.

Off

Comments are closed.