14th May2020

ເດືອນ ເມສາ 2020 ທົ່ວປະເທດມີຜູ້ເສຍຊີວິດ 70 ກວ່າຄົນ ຍ້ອນອຸບັດເຫດ

by somchan

ອີງຕາມຂໍ້ມູນກົມຕຳຫຼວດຈະລາຈອນ ກົມໃຫ່ຍຕຳຫຼວດ ກະຊວງປ້ອງກັນຄວາມສະຫງົບ ໄດ້ໃຫ້ຮູ້ໃນວັນທີ່ 13 ພຶດສະພາ 2020 ນີ້ວ່າ: ໃນເດືອນ ເມສາ 2020 ທົ່ວປະເທດມີອຸບັດເຫດເກີດຂື້ນ 435 ລາຍ ມີຄົນເສຍຊີວິດ 71 ຄົນ ໂດຍນະຄອນຫຼວງວຽງຈັນ ແມ່ນມີການເກີດອຸບັດເຫດ ແລະ ຄົນເສຍຊີວິດຫຼາຍກ່ວາແຂວງອື່ນ ເຊິ່ງມີພາຫະນະເປເພ 719 ຄັນ ມີຄົນໄດ້ຮັບບາກເຈັບ 557 ຄົນ ແລະ ເສຍຊີວິດ 71 ຄົນ ຍິງ 8 ຄົນ ເຊິ່ງສາເຫດຕົ້ນຕໍຂອງການເກີດອຸບັດເຫດແມ່ນເມົາລະຂັບ, ຂັບຂີ່ໄວເກີນກຳນົດ, ບໍ່ເຄົາລົບກົດລະບຽບຈະລາຈອນ,ບໍ່ໃຫ້ກຽດກັບຜູ້ໃຊ້ເສັ້ນທາງຮ່ວມກັນ,ຊິງແຊງ ບໍ່ຮັບປະກັນ ແລະ ອື່ນໆ

ເພື່ອຫຼຸດຜ່ອນການເກີດອຸບັດເຫດ ກົມຕຳຫຼວດຈະລາຈອນ ກົມໃຫ່ຍຕຳຫຼວດ ກະຊວງປ້ອອງກັນຄວາມສະຫງົບ ໄດ້ຮຽກຮ້ອງໃຫ້ທຸກຄົນຮ່ວມໃຈກັນ ປະຕິບັດກົດລະບຽບການສັນຈອນທາງບົກ ໃຫ້ເຄັ່ງຄັດ,ມີສະຕິໃນການຂັບຂີ່ແຕ່ລະຄັ້ງ,ສິ່ງສຳຄັນແມ່ນບໍ່ໃຫ້ປະມາດ ເມົາແລ້ວຫ້າມຂັບ ຂັບຂີ່ລົດຈັກຕ້ອງໃສ່ໝວກກັນກະທົບ ແລະ ກວດກາສະພາບລົດໃຫ້ມີຄວາມພ້ອມຈິງອອກເດີນທາງ.

Off

Comments are closed.