15th May2020

ຜູ້ປະສານວຽກງານຕຳຫຼວດ ກະຊວງ ປກສ ແຫ່ງ ສປປ ຈີນ ປະຈຳ ສປປ ລາວ ມອບອຸປະກອນໜ້າກາກໃຫ້ກະຊວງ ປກສ ເພື່ອຕ້ານໂຄດວິດ 19

by somchan

ວັນທີ່ 15 ພຶດສະພາ 2020 ນີ້ ຜູ້ປະສານວຽກງານຕຳຫຼວດ ກະຊວງ ປກສ ແຫ່ງສາທາລະນະລັດ ປະຊາຊົນຈີນ ປະຈຳລາວ ໄດ້ນຳເອົາເຄື່ອງອຸປະກອນການແພດເພື່ອປ້ອງກັນ ສະກັດກັ້ນການແຜ່ລະບາດຂອງພະຍາດໂຄວິດ 19 ມອບໃຫ້ ກະຊວງປ້ອງກັນຄວາມສະຫງົບລາວ ເຊິ່ງປະກອບມີ ຜ້າອັດປາກ – ດັງ ,N95 ຈຳນວນ 10,000 ອັນ,ຜ້າອັດປາກ-ອັດດັງ ການແພດຈຳນວນ 50,000 ອັນ,ຊຸດປ້ອງກັນພະຍາດຈຳນວນ 500ຊຸດ,ຖົງມືການແພດຈຳນວນ 10,000ຄູ່ ແລະ ແວ່ນຕາການແພດຈຳນວນ 500ອັນ ລວມມູນຄ່າ 6 ລ້ານຢວນ ການມອບໂດຍ ທ່ານ ນາງ ລີເຄີອິ ຜູ້ປະສານງານວຽກງານຕຳຫຼວດກະຊວງປ້ອງກັນຄວາມສະຫງົບ ແຫ່ງ ສາທາລະນະລັດ ປະຊາຊົນຈີນ ປະຈຳລາວ ແລະຕາງໜ້າຄະນະພັກຄະນະນຳກະຊວງປ້ອງກັນຄວາມສະຫງົບລາວຮັບໂດຍ ພົຈວ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫ່ຍການເມືອງປ້ອງກັນຄວານສະຫງົບ,ທັງເປັນຫົວໜ້າຄະນະສະເພາະກິດປ້ອງກັນການແຜ່ລະບາດຂອງພະຍາດໂຄວິດ 19 ຂອງກະຊວງປ້ອງກັນຄວາມສະຫງົບລາວ ມີພະນັກງານ-ນັກຮົບ ທັງສອງຝ່າຍເຂົ້າຮ່ວມ.

ໃນໂອກາດທີ່ມີຄວາມໝາຍຄວາມສຳຄັນນີ້ ພົຈວ ປອ ສຸວັນນີ ສີສຸພາບມີໄຊ ໄດ້ຕາງໜ້າໃຫ້ແກ່ຄະນະພັກຄະນະນຳ ກະຊວງປ້ອງກັນຄວາມສະຫງົບລາວໄດ້ສະແດງຄວາມຂອບໃຈ ແລະ ຄວາມຮູ້ບຸນຄຸນເປັນຢ່າງສູງທີ່ກະຊວງປ້ອງກັນຄວາມສະຫງົບແຫ່ງ ສາທາລະນະລັດ ປະຊາທິປະໄຕ ປະຊາຊົນຈີນ ກໍຄືຜູ້ປະສານງານວຽກງານຕຳຫຼວດ ກະຊວງປ້ອງກັນຄວາມສະຫງົບ ສາທາລະນະລັດ ປະຊາທິປະໄຕ ປະຊາຊົນຈີນ ປະຈຳ ສປປ ລາວ ທີ່ໄດ້ມອບເຄື່ອງອຸປະກອນການແພດ ເພື່ອປ້ອງກັນການແຜ່ລະບາດຂອງພະຍາດໂຄວິດ 19 ໃຫ້ກະຊວງປ້ອງກັນຄວາມສະຫງົບ ສປປ ລາວ ໃນຄັ້ງນີ້,ຊື້ງເປັນການຊ່ວຍເຫຼື່ອຄວາມສຳຄັນເປັນຢ່າງຍິ່່ງ ແລະ ເປັນຂີດໝາຍອັນສຳຄັນ ໃນການພົວພັນຮ່ວມມືຊ່ວຍເຫຼື່ອເຊິ່ງກັນ ລະຫວ່າງສອງປະເທດກໍຄື ກະຊວງປ້ອງກັນຄວາມສະຫງົບລາວ – ຈີນ ທີ່ມີມູນເຊື່ອມາແຕ່ດົນນານໃຫ້ແໜ້ນແຟ້ນຍິ່ງໆຂື້ນ .

ເຄື່ອງທີ່ນຳມາມອບໃຫ້ໃນຄັ້ງນີ້ຈະນຳໄປແຈກຢາຍໃຫ້ນາຍຕຳຫຼວດກົມກອງວິຊາສະເພາະຕ່າງໆອອ້ມຂ້າງກະຊວງປ້ອງກັນຄວາມສະຫງົບປະກອບສ່ວນເຂົ້າໃນການປະຕິບັດໜ້າທີ່ວຽກງານວິຊາສະເພາະທີ່ພັກ-ລັດການຈັດຕັ້ງຂັ້ນເທິງ ແລະ ປະຊາຊົນມອບໝາຍໃຫ້ ໄດ້ຮັບໜາກຜົນສູງສຸດ.

Off

Comments are closed.