21st May2020

ກອງປະຊຸມໃຫ່ຍອົງຄະນະພັກ ກົມໃຫ່ຍສັນຕິບານ ກະຊວງ ປກສ ຄັ້ງທີ 6

by somchan

ກອງປະຊຸມໃຫຍ່ຜູ້ແທນຂອງຄະນະພັກ ກົມໃຫຍ່ສັນຕິບານ ກະຊວງ ປກສ ຄັ້ງທີ VI ໄດ້ຈັດຂຶ້ນໃນວັນທີ 20 ພຶດສະພາ 2020, ເປັນປະທານຂອງ ພົຈວ ປອ ບົວວັນ ວົງສາວັນທອງ ເລຂາຄະນະພັກ ຮັກສາການ ຫົວຫນ້າກົມໃຫຍ່ສັນຕິບານ , ເປັນກຽດເຂົ້າຂອງ ພົຕ ກົງທອງ ພົງວິຈິດ ຮອງເລຂາຄະນະພັກ ຮອງລັດຖະມົນຕີ ກະຊວງປ້ອງກັນຄວາມສະຫງົບ,ມີບັນດາຄະນະພັກ ແຂກຖືກເຊີນ ແລະ ຜູ້ແທນສົມບູນເຂົ້າຮ່ວມ.

ພັອ ຈູມມະນີ ວົງມະນີ ຄະນະປະຈໍາກົມໃຫຍ່ ຮອງຫົວຫນ້າກົມໃຫຍ່ສັນຕິບານ ໄດ້ກ່າວວ່າ: ໃນ ໄລຍະ 5 ຜ່ານມາ, ຄະນະພັກກົມໃຫຍ່ສັນຕິບານ ໄດ້ເອົາໃຈໃສ່ຊີ້ນໍາ 10 ກົມວິຊາສະເພາະ, 3 ຫ້ອງການ ແລະ ອົງການຈັດຕັ້ງມະຫາຊົນ ເຄື່ອນໄຫວປະຕິບັດຫນ້າທີ່ວິຊາສະເພາະຂອງຕົນຕາມພາລະບົດບາດ, ສິດໜ້າທີຢ່າງຕັ້ງໜ້າ ເປັນເສນາທິການໃນການຄົ້ນຄວ້າວາງແຜນການ, ສືບຊອກຮູ້ກໍາແຫນ້ນສະພາບການແຫຼ່ງຂ່າວ,ກົນອຸບາຍເລ້ຫຼ່ຽມຮູບການເຄື່ອນໄຫວມ້າງເພທໍາລາຍຂອງສັດຕູ,ສຸມໃສ່ການຄຸັມຄອງຄົນຕ່າງປະເທດ ຕິດຕາມກວດກາຄົນເຂົ້າ-ອອກເມືອງ ເພື່ອຮັບປະກັນຄວາມສະຫງົບປອດ ໄພທາງດ້ານການເມືອງ, ຄວາມຫມັ້ນຄົງຂອງຊາດ ແລະ ການປະກອບສ່ວນຮັກສາຄວາມເປັນ ລະບຽບຮຽບຮ້ອຍຂອງສັງຄົມໃນຂອບເຂດທົ່ວປະເທດ, ສ້າງເງື່ອນໄຂສະດວກແກ່ການສ້າງສາພັດທະນາຢ່າງຮອບດ້ານ, ຜ່ານການຈັດຕັ້ງປະບັດວຽກງານໃນໄລຍະຜ່ານມາ ແມ່ນສ້າງໄດ້ຜົນງານຫຼາຍດ້ານອັນໄດ້ເຮັດໃຫ້ກຳລັງສັນຕິບານ ກະຊວງ ປກສ ໄດ້ຮັບການປະຕິບັດນະໂຍບາຍດ້ານຕ່າງໆສະແດງອອກ ທົ່ວກົມໃຫຍ່ສັນຕິບານໄດ້ຮັບການເລື່ອນຊັ້ນຂັ້ນຕ່າງໆ ຈໍານວນ 959 ສະຫາຍ, ຍິງ 244 ສະຫາຍ, ເຂົ້າຮັບອຸດຫນູນບໍານານ 68 ສະຫາຍ ຍິງ 22 ສະຫາຍ, ຮັບບໍາເນັດ 2 ສະຫາຍ ຍິງ 1 ສະຫາຍ, ນະໂຍບາຍສ້າງຄອບຄົວໃຫມ່243 ຄູ່ ແລະ ຮັບການຍ້ອງຍໍປະເພດຕ່າງໆ ຈໍານວນ 83 ສະຫາຍ, ນອກນັ້ນຍັງ ສາມາດຕີລາຄາໄດ້ຫນ່ວຍພັກປອດໃສ, ເຂັ້ມແຂງ, ຫນັກແຫນ້ນ ມີ 9 ຫນ່ວຍ, ໃນນີ້ໄດ້ຮັບນາມມະຍົດຫນ່ວຍພັກປອດໃສ, ເຂັ້ມແຂງຫນັກແຫນ້ 5 ປີ ຕໍ່ກັນມາ ມີ 2 ຫນ່ວຍ ຄືຫນ່ວຍພັກ ກົມ201 ແລະ ຫນ່ວຍພັກ ກົມ204.

ໃນຕໍ່ຫນ້າ, ຄະນະພັກກົມໃຫຍສັນຕິບານ ຈະສືບຕໍ່ສຶກສາອົບຮົມການເມືອງແນວຄິດຢ່າງເປັນ ປົກກະຕິກໃຫ້ສະມາຊິກພັກ, ນາຍ ແລະ ພົນຕໍາຫລວດ ໃຫ້ມີຄຸນທາດການເມືອງຫນັກແຫນ້ນ,ເຂັ້ມແຂງດ້ານການຈັດຕັ້ງ, ມີແບບແຜນວິທີການນໍາພາທີ່ສອດຄອງກັບທຸກສະພາບການ, ມີຄວາມຊໍ້າ ນານ ແລະ ແຫຼມຄົມທາງດ້ານວິຊາສະເພາະ, ສ້າງສະຕິລະວັງຕົວກຽມພ້ອມສູ້ຮົບຢູ່ສະເຫມີ, ເປັນເຈົ້າ ການເຄົາລົບ, ປະຕິບັດກົດລະບຽບຂອງພັກ, ກົດຫມາຍຂອງລັດ, ລະບຽບວິໄນຂອງກໍາລັງປ້ອງກັນ ຄວາມສະຫງົບ ແລະ ປະຕິບັດຫນ້າທີ່ວຽກງານດ້ວຍຄວາມຮັບຜິດຊອບສູງ ກອງປະຊຸມໄດ້ປ່ອນບັດຄັດເລືອກເອົາຄະນະພັກກົມໃຫຍ່ສັນຕິບານຊຸດໃຫມ່ ໃນນັ້ນມີຜູ້ສະຫມັກ 17 ສະຫາຍ, ເລືອກເອົາ15 ສະຫາຍ

Off

Comments are closed.