21st May2020

ຫົວຫນ້າການທະຫານກອງພົນທີ 2 ເຄື່ອນໄຫວເຮັດວຽກ ແລະ ມອບເຄື່ອງອຸປະກອນຕ້ານພະຍາດ ໂຄວິດ -19 ຢູ່ກອງພັນໃຫຍ່ 201

by somchan

 

ຫວ່າງບໍ່ດົນມານີ້, ສະຫາຍພັນເອກ ວຽງແກ້ວ ສີສຸລາດ ຫົວຫນ້າການທະຫານກອງພົນທີ 2 ພ້ອມດ້ວຍຄະນະໄດ້ລົງເຄື່ອນໄຫວເຮັດວຽກ ແລະ ມອບເຄື່ອງອຸປະກອນຕ້ານພະຍາດ ໂຄວິດ –19 ຢູ່ ກອງພັນໃຫຍ່ 201 ທີ່ຂື້ນກັບກອງພົນທີ 2 ໂດຍມີພັນໂທ ບຸນພົບ ວິໄລສັກ ຫົວຫນ້າການເມືອງ ກອງພັນໃຫຍ່ 201 ພ້ອມດ້ວຍຄະນະໃຫ້ການຕ້ອນຮັບ.

ໃນ ໂອກາດນີ້ ພັນໂທບຸນພົບ ວິໄລສັກ ຫົວຫນ້າການເມືອງກອງພັນໃຫຍ່ 201 ໄດ້ລາຍງານສະພາບການຈັດຕັ້ງຕິບັດຫນ້າທີ່ວຽກງານໂດຍຫຍໍ້ ເຊິ່ງໃນໄລຍະຜ່ານມາ, ຄະນະພັກ – ຄະນະບັນຊາ ໄດ້ຫັນເອົາພະນັກງານຫຼັກແຫຼ່ງລົງກໍ່ສ້າງ
ຮາກຖານການເມືອງ
, ສົມທົບແຫນ້ນກັບອໍານາດການປົກຄອງທ້ອງຖີ່ນ,ກໍາແຫນ້ນສະພາບຂອບເຂດ ກົມກອງຮັບຜິດຊອບໃຫ້ມີຄວາມສະຫງົບ; ເອົາໃຈໃສ່ສຶກສາອົບຮົມການເມືອງ – ນໍາພາແນວຄິດນາຍ ແລະ ພົນທະຫານໃນກົມກອງຢ່າງເປັນປົກກະຕິ ໄປພ້ອມກັບການປັບປຸງກໍ່ສ້າງກົມກອງມີການພັດທະນາດີຂື້ນ ແລະ ກໍ່ໄດ້ຖືສໍາຄັນໃນການສ້າງເສດຖະກິດ ແກ້ໄຂຊີວິດການເປັນຢູ່ຂອງກົມກອງເຮັດໃຫ້ນາຍ ແລະ ພົນທະຫານມີຊີວິດທີ່ດີ, ມີສຸຂະພາບແຂງແຮງກຽມພ້ອມເຮັດສໍາເລັດຫນ້າທີ່ສໍາລັບ ວຽກງານຕ້ານສະກັດກັ້ນພະຍາດໂຄວິດ 19 ແລະພະຍາດໄຂ້ເລືອດອອກ ກົມກອງ ໄດ້ປະຕິບັດຢ່າງ ເຂັ້ມງວດ, ດ້ວຍການຈັດຕັ້ງຈຸດກວດການາຍ ແລະ ພົນທະຫານທີ່ເຂົ້າ -ອອກຜ່ານປະຕູໂຂງ, ເພື່ອ ,ເປັນການສະກັດກັ້ນການແຜ່ລະບາດຂອງພະຍາດ ໂຄວິດ-19 ບໍ່ໃຫ້ເກີດຂື້ນໃນກົມກອງ.

ຈາກນັ້ນ ສະຫາຍພັນເອກ ວຽງແກ້ວ ສີສຸລາດ ຫົວຫນ້າການທະຫານກອງພົນທີ 2 ກໍໄດ້ເນັ້ນຫນັກໃຫ້ຄະນະພັກ-ຄະນະບັນຊາ ເອົາໃຈໃສ ສືກສາອົບຮົມການເມືອງ – ນໍາພາແນວຄິດໃຫ້ເປັນປົກກະຕິ,ຍົກສູງບົດບາດໃນການຊີ້ນໍາ-ນໍາພານາຍ ແລະ ພົນທະຫານໃຫ້ມີຄຸນທາດການເມືອງ ຄຸນສົມບັດສິນທໍາປະຕິວັດໄປພ້ອມກັບການສ້າງເສດຖະກິດແກ້ໄຂຊີວິດການເປັນຢູ່ ເພື່ອສ້າງໃຫ້ກົມກອງມີການພັດທະນາດີຢ່າງບໍ່ຢຸດຢັ້ງ ພ້ອມນັ້ນກໍ່ຕ້ອງເອົາໃຈໃສ່ຕິດຕາມກວດກາເຝົ້າລະວັງການແຜ່ ລະບາດຂອງພະຍາດໂຄວິດ 19ແລະ ພະຍາດໄຂ້ເລືອດອອກ ເພື່ອບໍ່ໃຫ້ເກີດຂື້ນຢູ່ໃນກໍາລັງປ້ອງຊາດ,ໂອກາດດັ່ງກ່າວສະຫາຍ ພັນເອກ ວຽງແກ້ວ ສີສຸລາດ ໄດ້ຕາງຫນ້າຄະນະພັກ-ຄະບັນຊາກອງພົນ ນໍາເອົາ ອຸປະກອນຕ້ານພະຍາດລະບາດ ໂຄວິດ 19 ຈໍານວນຫນື່ງໄປມອບໃຫ້ກອງພັນໃຫຍ່ 201 ແລະ ຄອມພິວເຕີ 1
ຊຸດ ມອບໃຫ້ກອງພັນນ້ອຍທີ 3 ທີ່ຂື້ນກັບກອງພັນໃຫຍ່201 ຕື່ມອີກ

 

Off

Comments are closed.