27th May2020

ກະຊວງ ປກສ ໄດ້ຮັບການຊ່ວຍເຫຼືອ ອຸປະກອນປ້ອງກັນພະຍາດໂຄວິດ-19

by somchan

ໃນວັນທີ 27 ພຶດສະພາ 2020 ນີ້ ອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກຳ ( UNODC ) ໃນຂົງເຂດພາກພື້ນ ປະຈໍາ ສປປ ລາວ ພ້ອມຄະນະ ໄດ້ນໍາເອົາເຄືອງອຸປະກອນ,ປ້ອງກັນພະຍາດ ໂຄວິດ- 19 ) ມາມອບໃຫ້ກະຊວງປ້ອງກັນຄວາມສະຫງົບ ກໍ່ຄືບັນດາຫ້ອງການ ປະສານງານລະຫວ່າງຊາຍແດນ ໃນທົ່ວປະເທດ ຈໍານວນ 24 ແຫ່ງ, ເພື່ອນໍາໃຊ້ເຂົ້າໃນການ ປ້ອງກັນພະຍາດ ( ໂຄວິດ-19) ທີ່ກໍາລັງແຜ່ລະບາດໃນທົ່ວໂລກ ລວມທັງ ສປປ ລາວ, ເຄື່ອງທີ່ນໍາມາ ມອບປະກອບມີ: ຫນ້າກາກອະນາໄມ; ແວ່ນຕາປ້ອງກັນ; ຖົງມື; ຊຸດປ້ອງກັນ ແລະ ເຄືອງກວດ ອຸນຫະພູມ ລວມມູນຄ່າ 25.900 ໂດລ້າສະຫະລັດ,ກ່າວມອບໂດຍ ທ່ານ ເອີເລີ້ນ, ອໍດັນສັນ ຟາດສ ຮັກສາການຫົວຫນ້າຫ້ອງການອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກຳປະຈໍາສປປ ລາວ ແລະ ກ່າວຮັບໂດຍທ່ານ ພົຈວ ປອ. ສຸວັນນີ ສີສູພາບມີໄຊ ຮອງຫົວຫນ້າກົມໃຫຍ່ການເມືອງ, ຫົວຫນ້າຄະນະຮັບຜິດຊອບປ້ອງກັນ ແລະ ຄວບຄຸມພະຍາດໂຄວິດ-19 ຂອງກະຊວງປ້ອງກັນຄວາມສະຫງົບ ພ້ອມດ້ວຍບັນດາພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມ.

ໃນ ໂອກາດນີ້ ພົຈວ ປອ.ສຸວັນນີ ສີສຸພາບມີໄຊ
ໄດ້ກ່າວສະແດງຄວາມຂອບໃຈ ມາຍັງອົງການສະຫະປະຊາຊາດເພື່ອຕ້ານຢາເສບຕິດ ແລະ ອາດສະຍະກຳ ທີໄດ້
ໃຫ້ການຊ່ວຍເຫຼືອທາງດ້ານເຄື່ອງອຸປະກອນທີ່ມີຄວາມຈໍາເປັນ ໃນຊ່ວງໄລຍະການແຜ່ລະບາດຂອງພະຍາດ
ໂຄວິດ 19 ແລະ ເຊື່ອຫມັ້ນວ່າ ການຊ່ວຍເຫຼືອໃນຄັ້ງນີ້ ຈະ ສາມາດສ້າງຄວາມເຂັ້ມແຂງ ແລະ
ເປັນກໍາລັງແຮງອີກດ້ານຫນຶ່ງ ໃຫ້ແກ່ເຈົ້າຫນ້າທີ່ຫ້ອງການປະສານງານ ລະຫວາງຊາຍແດນ
ໃນທົ່ວປະເທດ ທີ່ປະຕິບັດຫນ້າທີ່ວຽກງານ, ພ້ອມທັງ ຈະນໍາເອົາເຄື່ອງໄປຫມູນໃຊ້ເຂົ້າໃນ
ວຽກງານຕ້ານສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ໃຫ້ໄດ້ຮັບຜົນປະໂຫຍດສູງສຸດ

 

Off

Comments are closed.