05th Jun2020

ຫ້ອງວ່າການກະຊວງ ປກສ ປະກາດປັບປຸງການຈັດຕັ້ງ

by somchan

ຫ້ອງວ່າການກະຊວງປ້ອງກັນຄວາມສະຫງົບ ປະກາດປັບປຸງກົງຈັກການຈັດຕັ້ງ ໃນວັນທີ 2 ມີຖຸນາ 2020 ນີ້ ທີ່ສະໂມສອນກະຊວງປ້ອງກັນຄວາມສະຫງົບ ພາຍໃຕ້ການເປັນປະທານ ຂອງ ພົຈວ ສັມວັນ ສາຍລອງພາ ຄະນະພັກກະຊວງ ຫົວໜ້າຫ້ອງວ່າການກະຊວງປ້ອງກັນຄວາມສະຫງົບ , ມີຄະນະພັກພະນັກງານຫຼັກແຫຼ່ງຫ້ອງ, ກົມກອງອ້ອມຂ້າງຫ້ອງວ່າການ ກະຊວງປ້ອງກັນຄວາມສະຫງົບເຂົ້າຮ່ວມ.

ພັທ ບຸນຫໍ ອິນທະວົງ ຮອງຫ້ອງການເມືອງ ຫ້ອງວ່າການກະຊວງປ້ອງກັນຄວາມສະຫງົບ, ໄດ້ຜ່ານຂໍ້ຕົກລົງຂອງລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍການຍົກຍ້າຍ ແລະ ແຕ່ງຕັ້ງນາຍຕຳຫຼວດ ຫ້ອງວ່າການກະຊວງປ້ອງກັນຄວາມສະຫງົບ ໄປຮັບໜ້າທີ່ໃໝ່ ໃນນີ້ໄດ້ປະກາດຍົກຍ້າຍ ພັອ ທອງບຸນ ຂຸນລະຜິດ ຫົວໜ້າກົມຄຸ້ມຄອງເອກະສານ ຫ້ອງວ່າການກະຊວງປ້ອງກັນຄວາມສະຫງົບ ໄປຮັບໜ້າທີໃຫ່ມຢູ່ ຫ້ອງການຄະນະກຳມະການປ້ອງກັນຊາດ-ປ້ອງກັນຄວາມສະຫງົບສູນກາງ, ປະກາດຍົກຍ້າຍ ພັອ ຄຳຫຼ້າ ບົວພະຄຸນ

ຫົວໜ້າກົມເລຂາຫ້ອງວ່າການກະຊວງປ້ອງກັນຄວາມສະຫງົບ ໄປຮັບໜ້າທີໃໝ່ ຢູ່ກົມໃຫ່ຍການເມືອງ ປ້ອງກັນຄວາມສະຫງົບ ພ້ອມນີ້ຍັງໄດ້ປະກາດແຕ່ງຕັ້ງ ພັອ ເຄນທະວີ ໄຊເພັດທະນາ ເປັນຫົວໜ້າກົມເລຂາ ປະກາດແຕ່ງຕັ້ງ ພັທ ໜູລິດ ຄຳພັນ ເປັນຫົວໜ້າກົມຄຸ້ມຄອງເອກກະສານ ຫ້ອງວ່າການກະຊວງປ້ອງກັນຄວາມສະຫງົບ ທັງນີ້ກໍ່ເພື່ອເປັນການປັບປຸງກົງຈັກ ຫ້ອງວ່າການກະຊວງປ້ອງກັນຄວາມສະຫງົບ ຢູ່ໃນແຕ່ລະຂັ້ນໃຫ້ມີຄວາມໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ ແລະ ສາມາດຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່.

ໃນໂອກາດດັ່ງກ່າວນີ້ ພົຈວ ສົມວັນ ສາຍລ້ອງພາ ຄະນະພັກກະຊວງ ຫ້ອງໜ້າຫ້ອງວ່າການກະຊວງປ້ອງກັນຄວາມສະຫງົບ ໄດ້ໃຫ້ກຽດໂອ້ລົມຕໍ່ການປັບປຸງ ກົງຈັກການຈັດຕັ້ງ ໃນຄັ້ງນີ້.

Off

Comments are closed.