05th Jun2020

ກະຊວງ ຖວທ ຈັດກອງປະຊຸມ ຮ່ວມມືຊື່ມວນຊົນໃນການໂຄສະນາ ກັບເຂົ້າໂຮຽຮງນຢ່າງປອດໄພ

by somchan

ກະຊວງຖະແຫລງຂ່າວວັດທະນະທໍາແລະທ່ອງທ່ຽວ ຮ່ວມກັບ ກະຊວງສຶກສາທິການ ແລະ ກິລາແລະອົງການຢູ່ນີເຊັບ ປະຈໍາ ສປປລາວ ຈັດ ກອງປະຊຸມ ການມີສ່ວນຮ່ວມຂອງສື່ມວນຊົນໃນການໂຄສະນາ ” ກັບເຂົາ ໂຮງຮຽນຢ່າງປອດໄພ” ໃນວັນທີ 5 ມິຖຸນາ 2020ນີ້ ທີ່ໂຮງແຮມດອນຈັນພາເລດ ນະຄອນຫຼວງວຽງຈັນ ໂດຍການເປັນກຽດເຂົ້າຮ່ວມຂອງ ທ່ານ ສະຫວັນຄອນ ຣາຊະມຸນຕີ ຮອງ ລ.ມ.ຕ ກະຊວງ ຖວທ ມີ ທ່ານ ຮສ ປອ ກອງສີ ແສງມະນີ ຮອງ ລ.ມ.ຕ ກະຊວງສຶກ ສາທິການແລະກິລາ ພ້ອມດ້ວຍຮັກສາການຜູ້ຕາງຫນ້າ ອົງການຢູນີເຊັບ ປະຈໍາ ສປປລາວ ແລະ ສື່ມວນຊົນອ້ອມຂ້າງເຂົ້າຮ່ວມ.

ທ່ານ ຮສປອ ກອງສີ ແສງມະນີ ຮອງ ລ.ມ.ຕ ກະຊວງສຶກສາທິການແລະກິລາ ໃດ້ກ່າວວ່າໃນໄລຍະຜ່ານມາໂຮງຮຽນໃນທົ່ວປະເທດໄດ້ປີດເປັນເວລາ8 ອາທິດ ໂດຍປະຕິບັດຕາມມາດຕະການສະກັດກັ້ນ ແລະ ຕ້ານການແຜ່ລະບາດຂອງພະຍາດໂຄວິດ 19 ຂອງລັດຖະບານລາວ.ມາຮອດປະຈຸບັນການແຜ່ລະບາດຂອງພະຍາດດັ່ງກ່າວຢູ່ ພາຍໃນປະເທດແມ່ນບໍ່ມີກໍລະນີເພີມຂື້ນ ໂດຍລວມແມ່ນສາມາດຄວບຄຸມໄດ້ ສະນັ້ນຄະນະຮັບຜິດຊອບຈື່ງໃດ້ຕັດສິນໃຈຮ່ວມກັນເພື່ອເປີດໂຮງຮຽນຄືນໄຫມ່ ໂດຍໄດ້ຮັບການສະຫນັບສະຫນູນຈາກອົງການຢູ່ນີເຊັບ ພາຍໄຕ້ຫົວຂໍ້ ” ການກັບເຂົ້າໂຮງຮຽນຢ່າງປອດໄພ” ໂດຍໃດ້ວາງມາດຕະການໃຫ້ໂຮງຮຽນທຸກແຫ່ງມີການອານາໄມໂຮງຮຽນແລະຂ້າເຊື້ອເປັນປະຈໍາ ພ້ອມທັງຕິດຕັ້ງບ່ອນລ້າງມື ເພື່ອຕ້ານການເເພ່ລະບາດຂອງພະຍາດໂຄວິດ 19ໃນກອງປະຊຸມບັນດາຜູ້ຕາງຫນ້າຈາກກະຊວງ
ສຶກສາທິການແລະກິລາ ໃດ້ແຈ້ງໃຫ້ຊາບວ່າ ປະຈຸບັນບັນດາໂຮງຮຽນໃນທົ່ວປະເທດແມ່ນໃດ້ມີມາດຕະການຄວາມປອດໄພໃນໂຮງຮຽນໂດຍອີງໃສ່ຄໍາແນະນໍາ ຂອງຄະນະສະເພາະກິດໄລຍະທີ 1ຂອງການເປີດໂຮງຮຽນຄືນໄຫມ ນັກຮຽນ ມໍ 4,5,ແລະນໍ?ໃດ້ກັບໄປຮຽນໃນວັນທີ 18ພຶດສະພາ 2020 ແລະ ໃນວັນທີ 2ມີຖຸນາ ແມ່ນອານຸຍາດໃຫ້ເປີດຮຽນໃນຊັ້ນລ້ຽງເດັກ ເຮືອນໄດເດັກ, ໂຮງຮຽນອານຸບານ, ຊັ້ນປະຖົມ ແລະ ມັດທະຍົມສຶກສາທີ່ຍັງເຫລືອ,ນັກສຶກສາປີສຸດທ້າຍຂອງວິຊາຊີບຂະແໜງຕ່າງໆກໍ່ໄດ້ກັບຄືນໄປຮຽນແລ້ວ ສ່ວນຫ້ອງຮຽນທີ່ຍັງເຫຼືອແມ່ນຈະໄດ້ເລີມການ ໃນວັນທີ່15 ມີຖຸນາ 2020 ເປັນຕົ້ນໄປ.

ໃນກອງປະຊຸມຄັ້ງນີ້ແມ່ນໄດ້ເນັ້ນໜັກໃຫ້ມວນຊົນໄດ້ມີຄວາມຮັບຮູ້ເຂົ້າໃຈຢ່າງເລີກເຊີ່ງຕໍ່ກັບບັນດາມາດຕະການຄວາມປອດໄພ ຕ່າງໆຕໍ່ການເປີດເທີມຄືນຂອງນັກຮຽນນັກສືກສາ ແລະ ເດັກກ່ອນໄວຮຽນເພື່ອໃຫ້ຊື່ມວນຊົນສືບຕໍ່ ໂຄສະນາເຜີຍແຜ່ຂໍ້ມູນຂ່າວສານທີ່ເປັນປະໂຫຍດ ໃຫ້ແກ່ປະຊາຊົນບັນດາເຜົ່າ ແລະ ນັກຮຍນນັກສືກສາໃຫ້ຮັບຮູ້ເຂົ້າໃຈ ແລະ ນຳໄປຈັດຕັ້ງປະຕິບັດ

 

Off

Comments are closed.