07th Aug2020

ກອງບັນຊາການປ້ອງກັນສູນກາງ ແລະ ກົມສື່ສານ ປະກາດແຕ່ງຕັ້ງຫົວຫນ້າຄົນໃຫມ່

by somchan

ໃນວັນທີ 27 ກໍລະກົດ 2020 ນີ້ ໄດ້ປະກາດແຕ່ງຕັ້ງ ຫົວຫນ້າ ກົມສື່ສານ ກະຊວງປ້ອງກັນ ຄວາມສະຫົງບ, ເປັນກຽດເຂົ້າຮ່ວມຂອງ ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫົງບ, ມີ ຄະນະພັກ-ຄະນະບັນຊາ ແລະ ພະນັກງານຫຼັກແຫຼ່ງເຂົ້າຮ່ວມ.

ພັທ ສົມພອນ ແກ້ວພູທອນ ຮອງຫົວຫນ້າກົມຈັດຕັ້ງພະນັກງານ ກົມໃຫຍ່ ການເມືອງປກສ ໄດ້ຜ່ານ ດໍາລັດຂອງນາຍົກລັດຖະມົນຕີ ວ່າດ້ວຍການແຕ່ງຕັ້ງຫົວຫນ້າກົມ ສື່ສານ ກະຊວງປ້ອງກັນຄວາມສະຫົງບ ໃນນີ້ ໄດ້ແຕ່ງຕັ້ງ ພັອ ແສງປະເສີດ ສຸທໍາມະວົງ ເປັນຫົວຫນ້າກົມສື່ສານ ກະຊວງປ້ອງກັນຄວາມສະຫົງບ, ໂອກາດດຽວນີ້ ພົຕ ກົງທອງ ພົງ ວິຈິດ ຮອງລັດຖະມົນຕີ ກະຊວງ ປກສ ໄດ້ມີຄໍາເຫັນໂອ້ລົມ ແລະ ໃຫ້ທິດຊີ້ນໍາແກ່ ຄະນະ

ພັກ-ຄະນະບັນຊາ ໂດຍສະເພາະແມ່ນຜູ້ທີ່ໄດ້ຮັບການແຕ່ງຕັ້ງໃນຄັ້ງນີ້ ຕ້ອງເພີ່ມທະວີ ຄວາມສາມັກຄີ ເປັນເອກະພາບພາຍໃນຫມູ່ຄະນະຕິດພັນກັບການເຊີດຊູ ນ້ໍາໃຈຮັກຊາດ, ສະຕິເປັນເຈົ້າຕົນເອງ, ເພີ່ມທະວີບົດບາດການນໍາພາຂອງພັກເຂົ້າໃນທຸກຂົງເຂດວຽກງານ, ສີ່ງສໍາຄັນແມ່ນປັບປຸງແບບແຜນວິທີເຮັດວຽກ ແລະ ແບບແຜນດໍາລົງຊີວິດໃຫ້ມີຄວາມປອດ ໃສ ແລະ ເຂັ້ມງວດ.

ໃນວັນດຽວກ້ນນີ້ ກໍ່ໄດ້ປະກາດແຕ່ງຕັ້ງຫົວໜ້າກອງບ້ນຊາການ ປ້ອງກັນສູນກາງຜູ້ໃໝ່ ໂດຍການເປັນກຽດເຂົ້າ ຮວມຂອງ ພົຕ ປອ ທອງເຫລັກ ມັງຫນໍ່ເມກ ຮອງ ລັດຖະມົນຕີກະຊວງປ້ອງກັນຄວາມສະຫງົບ ມີ ບັນດາຄະນະພັກຄະນະບັນຊາ ຄະນະກອງຮ້ອຍ, ໂຮງຮຽນ ພະນັກງານຫລັກ ແຫລ່ງເຂົ້າຮ່ວມ

ພັທ ເກໄຊ ລໍວັ້ນຮຽນ ຮອງຫົວຫນ້າກົມຈັດຕັ້ງພະນ໌ກງານ ກົມໃຫຍ່ການເມືອງ ປກສ ໃດ້ ຜ່ານດໍາລັດຂອງນາຍຍົກລັດຖະມົນຕີ ວ່າດ້ວຍການແຕ່ງຕັ້ງຫົວຫນ້າກອງບັນຊາການປ້ອງກັນສູນກາງ ກະຊວງ ປກສ ໃນນີ້ແຕ່ງຕັ້ງ ພ້ອ ສົມພົງ ຂ່າວິລຸນ ເປັນຫົວຫນ້າກອງບັນຊາການປ້ອງກັນສູນກາງ 5 ນີ້ໃນອີງໄສ່ຄວາມຮຽກຮ້ອງຕ້ອງການຂອງຫນ້າທີ່ການເມືອງໃນໄລຍະໄຫມເພື່ອສືບຕໍ່ຊີ້ນໍານໍາພາ | ສະມາຊິກແຕ່ລະຂັ້ນປະຕິບັດຫນ້າທີ່ວິຊາສະເພາະໃຫ້ມີຜົນສໍາເລັດ

ໂອກາດນີ້ທ່ານຮອງ ລ.ມ.ຕ ຍັງໃດ້ເນັ້ນຫນັກໃຫ້ຫົວຫນ້າກອງບັນຊາການຜູ້ໄຫມເອົາໃຈໄສ່ ປັບປຸງກໍ່ສ້າງກໍາລັງໃຫ້ເຕີບໄຫຍ່ເຂັ້ມແຂງມີແບບແຜນທີ່ທັນສະໄຫມ ເພື່ອຮັບໄຊ້ຊາດ-ຮັບໄຊ້ ປະຊາຊົນໃຫ້ມີຄວາມປອດໄພໂດຍພື້ນຖານ.ເພີ່ມຄວາມສາມັກຄີພາຍໃນໃຫ້ເປັນຈິດຫນຶ່ງໃຈດຽວ ສຶກສາອົບຮົມການເມືອງແນວຄິດໃຫ້ພະນັກງານນັກຮົບເປັນປົກກະຕິແລະຕໍ່ ເນື່ອງ ມີນ້ໍາໃຈ ເສຍສະຫລະ ຮັບປະກັນຄວາມປອດໄພຮອບດ້ານໃຫ້ແກ່ການນໍາພັກ-ລັດແຂກຂັ້ນສູງ.ກອງປະຊຸມ ລະດັບຊາດ-ສາກົນ ໃຫ້ມີຄວາມສະຫງົບປອດໄພ100%

 

Off

Comments are closed.