07th Aug2020

ກອງປະຊຸມໃຫ່ຍຜູ້ແທນອົງຄະນະພັກ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ຄັ້ງທີ 5

by somchan

ກອງປະຊຸມໃຫ່ຍຜູ້ແທນອົງຄະນະພັກ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນຄັ້ງທີ 5 ໄດ້ໄຂຂື້ນໃນວັນທີ 30 ກໍລະກົດ 2020 ນີ້ ທີ່ສະໂມສອນກອງບັນຊາການ ປກສ ນະຄອນຫຼວງວຽງຈັນ ພາຍໃຕ້ການເປັນປະທານຂອງສະຫາຍ ພັອ ສຸກພະຈັນ ບຸດດາຄຳ ຮັກສາການເລຂາຄະນະພັກ ຫົວຫນ້າກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ໂດຍການໃຫ້ກຽດເຂົ້າຮ່ວມຂອງສະຫາຍ ປອ ສິນລິວົງ ຄຸດໄພທູນ ກຳມະການກົມການເມືອງສູນກາງພັກ ເລຂາຄະນະພັກ ເຈົ້າຄອງນະຄອນຫຼວງວຽງຈັນ ພົຕ ວັນທອງ ກອງມະນີ ຄະນະປະຈຳພັກກະຊວງ ເລຂາຄະນະພັກ ຫົວໜ້າກົມໃຫ່ຍການເມືອງປ້ອງກັນຄວາມສະຫງົບ ມີຄະນະປະຈຳພັກ ຜູ້ແທນສົມບູນ  ອ້ອມຂ້າງອົງຄະນະພັກ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ແລະ ແຂກຖືກເຊີນເຂົ້າຮ່ວມ.

ໃນການດຳເນີນກອງປະຊຸມ ພັອ ສຸກພະຈັນ ບຸດດາຄຳ ຮັກສາການເລຂາຄະນະພັກ ຫົວໜ້າກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ຜ່ານບົດລາຍງານການເມືອງຕີລາຄາຜົນການຈັດຕັ້ງ ປະຕິບັດມະຕິກອງປະຊຸມໃຫ່ຍຄັ້ງທີ 4  ໂດຍຍົກໃຫ້ເຫັນດ້ານດີຜົນງານ ແລະ ດ້ານອ່ອນຂໍ້ຄົງຄ້າງ ໃນການຈັດຕັ້ງປະຕິບັດໃນ 5 ປີ ຜ່ານມາເປັນຕົ້ນວຽກງານກໍ່ສ້າງພັກ-ກໍ່ສ້າງກຳລັງ ໄດ້ເອົາໃຈໃສ່ນຳພາບັນຊາ ແລະ ເປັນແບບຢ່າງນຳໜ້າຂອງສະມາຊິກພັກ ໄລຍະປີ 2015-2017 ສາມາດສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານໄດ້ 99 ໜ່ວຍພັກ ປີ 2018-2019 ສ້າງໜ່ວຍພັກປອດໃສເຂັ້ມແຂງ ໜັກແໜ້ນໄດ້ 77 ໜ່ວຍພັກ ເປີດຮຽນສະໜັບສະໜູນໃຫ້ແກ່ມະຫາຊົນຜູ້ກ້າວໜ້າ 5 ຄັ້ງ ມີ 477 ສະຫາຍ ຍີງ 113 ສະຫາຍ, ຮຽກກົດລະບຽບພັກ 5 ຄັ້ງ ມີ 453 ສະຫາຍ ຍີງ 103 ສະຫາຍ ແລະ ຂະຫຍາຍມະຫາຊົນກ້າວໜ້າເຂົ້າພັກສຳຮອງ ໄດ້ 352 ສະຫາຍ, ຍີງ 70 ສະຫາຍ, ເລື່ອນສຳຮອງຂື້ນສະມາຊິກສົມບູນ 379 ສະຫາຍດ ຍີງ 67 ສະຫາຍ  ພ້ອມນີ້ຍັງໄດ້ຄົ້ນຄ້ວາເລືອກເຟັ້ນສ້າງແຜນກຳນົດພະນັກງານ ໄປຮຽນຍົກລະດັບທິດສະດີວຽກງານວິຊາສະເພາະໄລຍະສັ້ນ ໄລຍະຍາວຢູ່ພາຍໃນຕ່າງປະເທດໄດ້ 1300 ສະຫາຍ ຍີງ 219 ສະຫາຍ ຄຽງຄູ່ກັນນີ້ຄະນະພັກ ຄະນະບັນຊາກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ໄດ້ສຸມໃສ່ຊີ້ນຳ-ນຳພາແຕ່ລະເລົ່າລົບວິຊາສະເພາະ ແກ້ໄຂປະກົດການຫຍໍ້ທໍ້ໃນສັງຄົມ ຮັບປະກັນໃຫ້ແກ່ສັງຄົມມີຄວາມສະຫງົບປອດໄພສະກັດກັ້ນແກ້ໄຂໜໍ່ແໜງປັດໄຈທີບໍ່ດີທີ່ກະທົບຕໍ່ຄວາມໝັ້ນຄົງຂອງຊາດ ນຳພາແກ້ໄຂປະກົດການຫຍໍ້ທໍ້ ຕາມຄຳສັ່ງເລກທີ 27 ຂອງນາຍົກລັດຖະມົນຕີ, ຄຳສັງເລກທີ 1470 ຂອງກະຊວງປ້ອງກັນຄວາມສະຫງົບ ວ່າດ້ວຍການເພີມທະວີສະກັດກັ້ນແກ້ໄຂປະກົດການຫຍໍ້ທໍ້ໃນສັງຄົມ ແລະ ສຸມໃສ່ແກ້ໄຂອຸປະຕິເຫດ, ຢາເສບຕິດ, ອັກຄີໄພ ແລະ ຂັດແຍ່ງທີດີນຕິດພັນກັບການຈັດຕັ້ງປະຕິບັດວຽກງານ ຄວາມພ້ອມໃນທຸກດ້ານ ສະແດງອອກໃນ 5 ປີຜ່ານມາ ມີລາຍຄະດີເກີດຂື້ນທັງໝົດ 14 000 ກ່ວາເລື່ອງ ແກ້ໄຂໄດ້ 10 000 ກ່ວາເລື່ອງ ກັກຕົວຜູ້ຖືກຫາດຳເນີນຄະດີໄດ້ 12,000 ກ່ວາຄົນ ຍີງ 1000 ກ່ວາຄົນ ເກັບກູ້ຊ້ບສີນ ແລະ ຂອງກາງຄະດີຄືນມາໄດ້ ແລະ ມອບຄືນໃຫ້ລັດລວມໝູ່ ແລະ ພົນລະເມືອງລວມເປັນເງີນ 3 ຕື້ກ່ວາກີບ, ຄຳຮູບປະພັນ 13 ກິໂລ ກັບ 26 ບາດ ,ລົດໃຫ່ຍ 25 ຄັນ, ລົດຈັກ 1874 ຄົນ ແລະ ອື່ນໆ

ກອງປະຊຸມຍັງໄດ້ປ້ອນບັດເລືອກເອົາຄະນະພັກກອງບັນຊາການ ປ້ອງກັນຄວາມສະຫງົບ ນະຄອນຫຼວງວຽງຈັນ ຊຸດໃໝ່ ເຊີ່ງມີຜູ້ລົງສະໝັກ 13 ສະຫາຍເລືອກເອົາ 11 ສະຫາຍ ໄດ້ຕາມລະດັບຄາດໝາຍ.

 

Off

Comments are closed.