13th Aug2020

ສູນກາງແນວລາວສ້າງຊາດຈັດ ພິທີຍ້ອງຍໍຜົນງານ 10 ປີ

by somchan

ສູນກາງແນວລາວສ້າງຊາດຈັດ ພິທີຍ້ອງຍໍຜົນງານ 10 ປີເນື່ອງໃນໂອກາດສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 70 ປີ ( 13 ສິງຫາ 1950-13 ສິງຫາ 2020 )ໃຫ້ພະນັກງານລັດຖະກອນ ແລະຜູ້ທີ່ມີຜົນງານດີເດັ່ນໃນການປະກອບສ່ວນໃນວຽກງານ ໃນວັນທີ 12 ສິງຫາ 2020 ໂດຍການເປັນປະທານ ຂອງ ສະຫາຍ ປອ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ ມີບັນດາພະເຖລະນຸເຖລະ, ປະທານ-ຮອງປະທານແນວລາວສ້າງຊາດແຂວງ; ແຂກຖືກເຊີນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ

.

ທ່ານ ນາງ ຄໍາຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດ ໄດ້ຜ່ານດຳລັດຂອງປະທານປະເທດ ວ່າດ້ວຍການຍ້ອງຍໍຜົນງານ 10 ປີຂອງບຸກຄົນເນື່ອງໃນໂອກາດສະເຫຼີມສອງວັນສ້າງຕັ້ງແນວລາວສ້າງຊາດ ຄົບຮອບ 70 ປີ; ໃນນີ້ ມີຜູ້ໄດ້ຮັບຫຼຽນໄຊອິດສະຫຼະຊັ້ນ II ຈໍານວນ 5 ທ່ານ; ຫຼຽນໄຊອິດສະຫຼະ ຊັ້ນ III  2 ທ່ານ; ຫຼຽນໄຊແຮງງານຊັ້ນ I  18 ທ່ານ; ຫຼຽນໄຊແຮງງານ ຊັ້ນ II ຈໍານວນ 19 ທ່ານ ;ຫຼຽນໄຊແຮງງານ ຊັ້ນ III ຈໍານວນ 29 ທ່ານ; ຫຼຽນໄຊພັດທະນາ 1  ທ່ານ; ຫຼຽນກາແຮງງານ 28 ທ່ານ;; ໃບຍ້ອງຍໍລັດຖະບານ 41 ທ່ານ.ເປັນກຽດມອບໂດຍ ສະຫາຍ ປອ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ ພ້ອມທັງໂອ້ລົມຕໍ່ພິທີ ເຊີ່ງກ່ອນອື່ນທ່ານໃດ້ສະແດງຄວາມຊົມເຊີຍຕໍ່ຜົນງານທີ່ສາມາດຍາດມາໃດ້ໃນໄລຍະຜ່ານມາ ແລະ ໃດ້ເນັ້ນໜັກໃຫ້ ແນວລາວສ້າງຊາດແຂວງກໍ່ຄຶຜູ້ທີ່ໃດ້ຮັບການຍ້ອງຍໍຂັ້ນຕ່າງໆ ຈົ່ງເອົາໃຈໃສ່ປະຕິບັດຫນ້າທີ່ ດ້ວຍຄວາມຮັບຜິດຊອບສູງ ແລະມີຜົນວຳເລັດ ເປັນເຈົ້າການສຶກສາອົບຮົມ ເຕົ້າໂຮມຄວາມສາມັກຄີແລະກໍ່ສ້າງກ້ອນກຳລັງສາມັກຄີປອງດອງທົ່ວວົງສາຄະນະຍາດແຫ່ງຊາດ ປຸກລະດົມປະຊາຊົນເຂົ້າຮ່ວມຂະບວນການຕ່າງຂອງພັກ-ລັດຈັດຂື້ນ.ສ້າງຄວາມເຂັ້ມແຂງໃຫ້ອົງການແລະພະນັກງານທີ່ເຮັດວຽກງານນັບແຕ່ສູນກາງລົງຮອດທ້ອງຖີ່ນ. ເສີມຂະຫຍາຍສິດເປັນເຈົ້າຂອງປະຊາຊົນ ປົກປັກຮັກສາຮີດຄອງປະເພນີອັນດີງາມຂອງຊາດ.ເສີມຂະຫຍາຍບົດບາດເປັນໃຈກາງປາສານສົມທົບກັບອົງການພາຄີ.ກະຊວງ-ອົງການ ແລະ ທຸກພາກສ່ວນເພື່ອພ້ອມກັນເຄື່ອນໄຫວວຽກແນວໂຮມໃຫ້ມີປະສິດທິຜົນຫລາຍຂື້ນ.

Off

Comments are closed.