19th Aug2020

ສາທາຢືນຢັນລາວ ບໍ່ພົບຜູ້ຕິດເຊື້ອໂຄວິດ-19 ເພີ່ມ ຮຽກຮ້ອງໃຫ້ປະຊາຊົນທົ່ວປະເທດ ມີສະຕິລະວັງຕົວ

by somchan

ກະຊວງສາທາລະນະສຸກ ຢືນຢັນວ່າ: ມາຮອດວັນທີ 17 ສິງຫາ 2020 ສປປ ລາວ ຍັງບໍ່ພົບຜູ້ຕິດເຊື້ອໂຄວິດ19 ເພີ່ມ ມີແຕ່ຜູ້ຕິດເຊື້ອສະສົມ 22 ຄົນ,ປິ່ນປົວຫາຍດີແລ້ວ19ຄົນແລະ ກໍາລັງສືບຕໍ່ປິ່ນປົວມີ 3 ຄົນ, ເຖິງຢ່າງໃດກໍ ຕາມ ປະຊາຊົນ ຈໍານວນບໍ່ຫນ້ອຍຍັງປະມາດ ແລະ ບໍ່ມີສະຕິລະວັງຕົວ ໃນການໃຊ້ຊີວິດ ສະແດງອອກ ເຊັ່ນ: ບໍ່ປະຕິບັດ ຕາມຄໍາແນະນໍາ ທີ່ຄະນະສະເພາະກິດວາງອອກ, ຖືເບົາການລ້າງມື ດ້ວຍນ້ໍາສະອາດ, ໃສ່ສະບູ ຫລື ໃຊ້ເຈວລ້າງມື, ການ ປະຕິບັດ ໄລຍະຫ່າງທາງສັງຄົມ, ບໍ່ໃສ່ຜ້າປິດປາກ-ດັ່ງ ເວລາອອກຈາກບ້ານ ຫລື ໄປສະຖານທີ່ ທີ່ມີຄວາມ ສ່ຽງຕໍ່ການ ຕິດເຊື້ອ ແລະ ອື່ນໆ.

ທ່ານ ສີສະຫວາດ ສຸດທານີລະໄຊ ຮອງຫົວຫນ້າກົມ ຄວບຄຸມພະຍາດເິດຕໍ່ ກະຊວງສາທາລະນະສຸກ ລາຍງານ ໃຫ້ຮູ້ວ່າ: ມາຮອດວັນທີ 16 ສິງຫາ 2020 ມີຜູ້ເດີນທາງເຂົ້າມາທັງຫມົດ 2.062 ຄົນ ໃນນັ້ນ ຜ່ານດານລາວໄທ 1.315 ຄົນ, ຜ່ານດ່ານ ລາວ-ຈີນ 15 ຄົນ, ດ່ານລາວ-ຫວຽດນາມ 731 ຄົນ, ທັງຫມົດໄດ້ແທກ ອຸນຫະພູມ

ຮ່າງກາຍ, ບໍ່ມີອາການເປັນໄຂ້ ແລະ ໄດ້ເກັບຕົວຢ່າງ ທັງຫມົດມາກວດ ເພື່ອຊອກຫາເຊື້ອໂຄວິດ-19 (ຍົກເວັ້ນແຕ່ຜູ້ຂັບ ເລົດຂົນສົ່ງ ແລະ ຜູ້ຕິດຕາມ). ຈາກນັ້ນໄດ້ນໍາສົ່ງໄປສະຖານທີ່ຈໍາກັດບໍລິເວນ 14 ວັນ ທີ່ຄະນະສະເພາະກິດກໍານົດໄວ້.

ທ່ານ ສີສະຫວາດ ສຸດທານີລະໄຊ ຍັງໃຫ້ຮູ້ຕື່ມວ່າ: ໃນວັນທີ 16 ສິງຫາ ໄດ້ເກັບຕົວຢ່າງມາ ກວດວິເຄາະທັງ ຫມົດ 322 ຄົນ, ໃນນັ້ນແຮງງານລາວມາແຕ່ໄທ 215 ຕົວຢ່າງ, ບຸກຄົນທົ່ວໄປທີ່ ບໍ່ມີ ອາການ 107 ແລະ ຜົນກວດ ວິເຄາະທັງຫມົດ ແມ່ນບໍ່ພົບເຊື້ອ, ສັງລວມການກວດ ວິເຄາະແຕ່ເດືອນ ມັງ ກອນ ຮອດ ວັນທີ 16 ສິງຫາ 2020 ໄດ້ ເກັບຕົວຢ່າງມາກວດທັງຫມົດ 34.386 ຕົວຢ່າງ, ກວດພົບ ເຊື້ອສະສົມ 22 ຄົນ

 

Off

Comments are closed.