19th Aug2020

ກອງປະຊຸມທາບທາມບຸກຄະລາກອນທີ່ຈະລົງ ສະຫມັກເລືອກຕັ້ງເຂົ້າໃນຄະນະບໍລິຫານງານພັກ ກະຊວງ ປກສ ສະໄຫມທີ V

by somchan

ກອງປະຊຸມທາບທາມບຸກຄະລາກອນທີ່ຈະລົງ ສະຫມັກເລືອກຕັ້ງເຂົ້າໃນຄະນະບໍລິຫານງານພັກ ກະຊວງປ້ອງກັນຄວາມສະຫົງບ ສະໄຫມທີ V ຮອບທີ 3. ໄດ້ຈັດໃນວັນທີ 19 ສິງຫາ 2020, ໂດຍການເປັນປະທານຂອງ ສະຫາຍ ພົທ ວິໄລ ຫຼ້າຄໍາຟອງ ເລຂາທິການສູນ ກາງພັກ ເລຂາຄະນະພັກ ລັດຖະມົນຕີກະຊວງ ປ້ອງກັນຄວາມສະຫົງບ, ມີຕາງຫນ້າຄະນະ ຈັດຕັ້ງສູນກາງພັກ, ຮອງເລຂາ, ຄະນະປະຈໍາພັກ, ຄະນະພັກກະຊວງ ແລະ ຜູ່ແທນ ສົມບູນເຂົ້າຮ່ວມ.

ສະຫາຍ ພົຕ ວັນທອງ ກອງມະນີ ຄະນະປະຈໍາພັກກະຊວງ ເລຂາຄະນະພັກ ຫົວ ຫນ້າກົມໃຫຍ່ການເມືອງປ້ອງກັນຄວາມສະຫົງບໄດ້ຜ່ານມາດຕະຖານ-ເງື່ອນໄຂຜູ້ຈະອອກ ສະຫມັກຮັບເລືອກຕັ້ງ ເຂົ້າໃນຄະນະບໍລິຫານງານພັກ ກະຊວງປ້ອງກັນຄວາມສະຫົງບ ສະໄຫມທີ V ຫຼັງຈາກນັ້ນ ສະຫາຍ ພົທ ວິໄລ ຫຼ້າຄໍາຟອງ ເລຂາທິການສູນກາງພັກ ເລຂາຄະນະພັກ ລັດຖະມົນຕີກະຊວງປ້ອງກັນຄວາມສະຫົງບ ໄດ້ມີຄໍາເຫັນ ແລະ ໃຫ້ທິດຊີ້ນໍາແກ່ຜູ້ ແທນໃນການໃຊ້ສິດປ່ອນບັດໃນຄັ້ງນີ້ ຢ່າງມີປະຊາທິປະໄຕ ດ້ວຍຄວາມຮັບຜິດຊອບສູງ, ເຫັນຜົນປະໂຫຍດສ່ວນລວມສູງກ່ວາຜົນປະໂຫຍດສ່ວນຕົວ, ໃຫ້ປະຕິບັດຕາມຫຼັກການ ແລະ ລະບຽບການຂອງຂັ້ນເທິງ ເພື່ອເຮັດໃຫ້ການປ່ອນບັດໃນຄັ້ງນີ້ໄດ້ຕາມຄາດຫມາຍທີ່ວາງໄວ້. ພ້ອມດຽວກັນນີ້ ສະຫາຍ ພັອ ຄໍາຜາສິດ ບົງມູນທອງ ຫົວຫນ້າກົມກວດກາ-ກວດການ ປ້ອງກັນຄວາມສະ ຫົງບ ໄດ້ແນະນໍາລະບຽບການປ່ອນບັດ ແລະ ໄດ້ດໍາເນີນການປ່ອນບັດທາບທາມບຸກ ຄະລາກອນທີ່ຈະສະຫມັກເລືອກຕັ້ງເຂົ້າໃນຄະນະບໍລິຫານງານພັກກະຊວງປກສ ສະໄຫມທີ V.

ໃນກອງປະຊຸມຍັງໄດ້ຜ່ານຮ່າງບົດລາຍງານການເມືອງ ແລະ ບົດສໍາຫຼວດການນໍາພາ ລວມຂອງຄະນະບໍລິຫານງານພັກກະຊວງ ປກສ ສະໄຫມທີ IV ແລະຜູ້ແທນກອງປະຊຸມກໍ່ ໄດ້ພ້ອມກັນຄົ້ນຄ້ວາປະກອບຄຳຄິດເຫັນໃສ່ຮ່າງບົດລາຍງານ ການເມືອງເພື່ອໃຫ້ມີເນື້ອໃນໜັກແໜ້ນຄົບຖ້ວນສົມບູນ.

Off

Comments are closed.