21st Aug2020

ກົມໃຫຍ່ການເມືອງ ປກສ ຮ່ວມກັນກົມຕຳຫຼວດຄຸມຂັງ-ດັດສ້າງ ສ້າງຂະບວນການກິລາມິດຕະພາບ

by somchan

ກົມໃຫຍ່ການເມືອງ ປ້ອງກັນຄວາມສະຫົງບ ກັບ ກົມຕໍາຫຼວດຄຸມຂັງ-ດັດສ້າງໄດ້ ຮ່ວມກັນສ້າງຂະບວນການແຂ່ງຂັນກິລາມິດຕະພາບ, ໃນວັນທີ 21 ສິງຫາ 2020 ນີ້ ທີ່ເດີ່ນກິລາ ກົມຕໍາຫຼວດຄຸມຂັງ-ດັດສ້າງ. ເປັນກຽດເຂົ້າຮ່ວມຂອງ ພົຕ ປອ ສົມຫັວງ ທໍາມະສິດ ຮອງລັດຖະມົນຕີ ກະຊວງປ້ອງກັນຄວາມສະຫົງບ.

ມີ ພົຕ ວັນທອງ ກອງມະນີ ຫົວຫນ້າກົມໃຫຍ່ ການເມືອງປກສ. ພົຈວ ສົມລິດ ດາວຮຸ່ງສຸລິ ຫົວຫນ້າກົມຕໍາຫຼວດຄຸມຂັງ-ດິດສ້າງ, ມີ ຄະນະພັກ-ຄະນະບັນຊາ, ພະນັກງານ-ນັກຮົບ ແລະ ນັກກິລາທັງສອງກົມເຂົ້າຮ່ວມ.

ພົຈວ ສົມລິດ ດາວຮຸ່ງສຸລິ ໄດ້ກ່າວວ່າ: ການຈັດຂະບວນການແຂ່ງຂັນກິລາຄັ້ງນີ້ເພື່ອ ຂ່ຳນັບຮັບຕ້ອນກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງປ້ອງກັນຄວາມສະ ຫົງບ, ວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 60 ປີ, ຍັງເປັນການຮັດແຫນ້ນ ຄວາມສາມັກຄີ ຮັກແພງລະຫ່ວາງສອງກົມ ແລະ ທັງເປັນການພັດທະນາກິລາຂອງກໍາລັງ ປກສ. ກິລາທີ່ແຂ່ງຂັນໃນຄັ້ງນີ້ມີ: ກິລາບານສົ່ງການນໍາ, ບານສົ່ງຊາວຫນຸ່ມ- ແມ່ຍິງ, ກິລາ ເປຕັງການນຳ, ເປຕັງຊາວຫນຸ່ມ-ແມ່ຍິງ.

 

 

 

Off

Comments are closed.