24th Aug2020

ກອງປະຊຸມພົບປະຊຸກຍູ້ການກະກຽມເນື້ອໃນ ການດຳເນີນກອງປະຊຸມໃຫຍ່ຄັ້ງທີ 5 ຂອງອົງຄະນະພັກກະຊວງ ປກສ

by somchan

ໃນວັນທີ 24 ສິງຫາ 2020 ທີ່ກະຊວງ ປກສ ອານຸກຳມະການເນື້ອໃນກະກຽມໃຫ້ແກ່ກອງປະຊຸມໃຫຍ່ຄັ້ງທີ 5 ຂອງອົງຄະນະພັກກະຊວງ ປກສ ແລະ ກະກຽມໃຫ້ແກ່ກອງປະຊຸມໃຫຍ່ຄັ້ງທີ 11 ຂອງພັກໄດ້ຈັດກອງປະຊຸມປືກສາຫາລື ການກະກຽມເນື້ອໃນການດຳເນີນກອງປະຊຸມໃຫຍ່ຄັ້ງທີ 5 ຂອງອົງຄະນະພັກກະຊວງ ປກສ.  ໂດຍການເຂົ້າຮວ່ມຂອງ ພົນຕີ ປອ ສົມຫວັງ ທຳມະສິດ ຮອງລັດຖະມົນຕີກະຊວງ ປກສ ແລະ ສະຫາຍ ກິ່ງເພັດ ມົງຄົນວິໄລ ຮອງຫົວໜ້າຫ້ອງວ່າການສູນກາງພັກ ຫົວໜ້າໜວ່ຍງານຊວ່ຍວຽກເນື້ອໃນຂົງເຂດຄວາມໜັ້ນຄົງກະກຽມກອງປະຊຸມໃຫຍ່ຢູ່ບັນດາກະຊວງ-ອົງການແລະທ້ອງຖິ່ນ ພ້ອມດວ້ຍບັນດາຄະນະອານຸກຳມະການດ້ານເນື້ອໃນເຂົ້າຮວ່ມ.

ການຈັດກອງປະຊຸມຄັ້ງນີ້ກໍ່ເພື່ອເປັນການ ຈັດຕັ້ງຜັນຂະຫຍາຍກົດລະບຽບຂອງພັກ,ຄຳສັ່ງຂອງຄະນະເລຂາທິການສູນກາງພັກແລະແຜນການກະກຽມດຳເນີນກອງປະຊຸມໃຫຍ່ຜູ້ແທນອົງຄະນະພັກກະຊວງ ປກສ ຄັ້ງທີ 5 ໃຫ້ດຳເນີນຖືກຕ້ອງຕາມກົດລະບຽບຂອງພັກ,ຕິດພັນກັບການບູລະນະປັບປຸງການຈັດຕັ້ງ-ນຳພາ ຂອງພັກໃນກຳລັງປ້ອງກັນຄວາມສະຫງົບ ໃຫ້ມີຄວາມປອດໄສເຂັ້ມແຂງ,ໜັກແໜ້ນ ແນ່ໄສ່ຮັບປະກັນການນຳພາເດັດຂາດ ໂດຍກົງແລະ ຮອບດ້ານຂອງພັກຕໍ່ກຳລັງ ປກສ  ທັງເປັນການກະກຽມຄວາມພ້ອມແລະ ສ້າງເງື່ອນໄຂໃຫ້ແກ່ການດຳເນີນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ ອານຸກຳມະການເນື້ອໃນໄດ້ກະກຽມຄວາມພ້ອມທາງດ້ານເນື້ອໃນກໍ່ຄືບັນດາເອກະສານຮັບໃຊ້ກອງປະຊຸມ ເຊີ່ງມາຮອດປະຈຸບັນການກະກຽມບັນດາເອກະສານທາງດ້ານເນື້ອໃນຮັບໃຊ້ກອງປະຊຸມໃຫຍ່ແມ່ນໄດ້ສຳເລັດຂັ້ນພື້ນຖານ,ນອກນີ້ກໍ່ໄດ້ຈັດສົ່ງຮ່າງບົດລາຍງານການເມືອງ,ບົດສຳຫຼວດນຳພາຂອງຄະນະພັກກະຊວງ,ບົດໂອ້ລົມຂອງຂັ້ນເທີງ ໃຫ້ຫ້ອງວ່າການສູນກາງພັກ ກໍ່ຄືຄະນະຮັບຜິດຊອບ ໜວ່ຍງານຊວ່ຍວຽກເນື້ອໃນຂົງເຂດຄວາມໜັ້ນຄົງ ກະກຽມກອງປະຊຸມໃຫຍ່ກະຊວງ-ອົງການ ແລະ ຖ້ອງຖິ່ນ ເພື່ອພິຈາລະນາດ້ານເນື້ອໃນດັ່ງກ່າວ ໃຫ້ມີຄວາມພ້ອມຮອບດ້ານແລະເຮັດບົດລາຍງານກຽ່ວກັບການກະກຽມກອງປະຊຸມໃຫຍ່ຜູ້ແທນທົ່ງອົງຄະນະພັກ ກະຊວງ ປກສ ຄັ້ງທີ 5 ຕໍ່ເລຂາທິການໃຫຍ່ຄະນະບໍລິຫານງານສູນກາງພັກພິຈາລະນາ ແລະ ໃຫ້ທິດຊີ້ນຳ ເພື່ອເຮັດໃຫ້ການດຳເນີນກອງປະຊຸມໃຫຍ່ຄັ້ງທີ 5 ອົງຄະນະພັກກະຊວງ ປກສ ມີຜົນສຳເລັດຕາມຈຸດປະສົງແລະຄາດໜາຍທີ່ວາງໄວ້.

 

Off

Comments are closed.