09th Sep2020

ກະຊວງ ປກສ ຈັດກອງປະຊຸມຜ່ານແຜນແມ່ບົດປ້ອງກັນກອງປະຊຸມ, ງານສໍາຄັນຕ່າງໆຂອງພັກ-ຂອງ ຊາດໃນທ້າຍປີ 2020-2021..

by somchan

ໃນວັນທີ 8 ກັນຍາ 2020 ນີ້ ກະຊວງປ້ອງກັນຄວາມສະຫງົບໄດ້ຈັດກອງປະຊຸມ  ມອບຫມາຍຫນ້າທີ່ໃຫ້ບັນດາກົມ-ກອງ ອ້ອມຂ້າງກະຊວງ, ກອງບັນຊາການ ປກສ ແຂວງທົ່ວ ປະເທດ ແລະ ກອງບັນຊາການ ປກສ ນະຄອນຫຼວງວຽງຈັນ ໂດຍການເປັນກຽດເຂົ້າຮ່ວມຂອງ  ພົທ ວິໄລ ຫຼ້າຄໍາຟອງ ເລຂາທິການສູນກາງພັກ, ລັດຖະມົນຕີກະຊວງປ້ອງກັນຄວາມສະຫງົບ , ມີຮອງລັດຖະມົນຕີ, ຄະນະພັກ, ຄະນະບັນຊາ ຫ້ອງການ ປກຊ-ປກສ ສູນກາງ, ບັນດາກົມໃຫຍ່,ຫ້ອງວ່າການ, ກົມ-ກອງ ອ້ອມຂ້າງກະຊວງ, ກອງບັນຊາການ ປກສ ແຂວງ ທົ່ວປະເທດ ແລະ ກອງບັນຊາການ ປກສ ນະຄອນຫຼວງວຽງຈັນເຂົ້າຮ່ວມ.

ທ່ານ ພົຈວ ສົມວັນ ສາຍລ້ອງພາ ຫົວຫນ້າຫ້ອງວ່າການ ກະຊວງປ້ອງກັນຄວາມສະຫງົບ ໄດ້ຜ່ານບັນດານິຕິກໍາ ຂອງກົມການເມືອງສູນກາງພັກ ແລະ ນິຕິກໍາຂອງລັດຖະມົນຕີກະຊວງປ້ອງ ກັນຄວາມສະຫງົບ ວ່າດ້ວຍການແຕ່ງຕັ້ງຄະນະຊີ້ນໍາລະດັບຊາດ ແລະ ຄະນະຊີ້ນໍາບັນຊາກໍາລັງປ້ອງ ກັນຄວາມສະຫງົບ ເພື່ອກະກຽມປ້ອງກັນກອງປະຊຸມ, ງານສໍາຄັນຕ່າງໆ ຂອງພັກຂອງຊາດ ໃນ ທ້າຍປີ 2020-2021.

ພົຕ ປອ ສົມຫວັງ ທໍາມະສິດ ຮອງລັດຖະມົນຕີກະຊວງປ້ອງກັນຄວາມສະຫງົປີຜ່ານ ແຜນມອບຫມາຍຫນ້າທີ່ໃຫ້ກໍາລັງ ປກສ ທົ່ວປະເທດ ເພື່ອນໍາໄປຜັນຂະຫຍາຍ ແລະ ຈັດຕັ້ງປະຕິບັດ ວຽກງານ ປກສ ເຮັດໃຫ້ສູນກາງ ແລະ ທ້ອງຖິ່ນ ມີຄວາມສະຫງົບປອດໄພຮອບດ້ານ.

ໃນໂອກາດທີ່ມີຄວາມຫມາຍຄວາມສໍາຄັນນີ້,  ພົທ ວິໄລ ຫຼ້າຄໍາຟອງ ເລຂາທິການ ສູນກາງພັກ ເລຂາຄະນະພັກ ລັດຖະມົນຕີກະຊວງ ປກສ ກໍໄດ້ໂອ້ລົມ ແລະ ເນັ້ນຫນັກໃຫ້ທຸກ ພາກສ່ວນທີ່ເຂົ້າຮ່ວມກອງປະຊຸມ ຈົ່ງພ້ອມກັນນໍາເອົາເນື້ອໃນຈິດໃຈ ແຜນແມ່ບົດດັ່ງກ່າວນີ້ໄປຈັດ ຕັ້ງຜັນຂະຫ໊າຍຢູ່ໃນກົມກອງທີ່ຕົນຮັບຜິດຊອບໃຫ້ມີຜົນສໍາເລັດມີປະສິດທິພາບປະສິດທິຜົນສູງສຸດ ເປັນຕົ້ນແມ່ນ: ເອົາໃຈໃສ່ວຽກງານສຶກສາອົບຮົມການເມືອງແນວຄິດ-ຕິດພັນກັບວຽງການວິຊາ ສະເພາະ ໃຫ້ຄະນະພັກ, ພະນັກງານ-ນັກຮົບ ຢ່າງຕໍ່ເນື່ອງລຽນຕິດ, ປຸກລະດົມໃຫ້ພໍ່ແມ່ປະຊາຊົນ ບັນດາເຜົ່າເຂົ້າຮ່ວມວຽກງານປ້ອງກັນຊາດ-ປ້ອງກັນຄວາມສະຫງົບຢ່າງແຂງແຮງຮອບດ້ານ, ເອົາໃຈໃສ່ລົງກໍ່ສ້າງຮາກຖານການເມືອງ, ສຸມໃສ່ປະຈໍາການຕະຫຼອດ 24 ຊົ່ວໂມງ, ສືບຕໍ່ເກັບກໍາ ສະພາບການທີ່ອາດຈະເກີດຂຶ້ນ ໃຫ້ທັນກັບສະພາບການ ແລະ ພ້ອມກັນເອົາໃຈໃສ່ລົງຊຸກຍູ້ກໍາລັງ ໃຫ້ປະຕິບັດຫນ້າທີ່ເປັນັກະຕິ, ທັງນີ້ກໍ່ເພື່ອເຮັດໃຫ້ປະເທດຊາດ ກໍ່ຄື ສັງຄົມໃນຂອບເຂດທົ່ວປະເທດ, ມີຄວາມສະຫງົບ ຄວາມເປັນລະບຽບຮຽບຮ້ອຍ ປອດໄພ ຮ້ອຍສ່ວນຮ້ອຍ.

 

Off

Comments are closed.