15th Sep2020

ກົມກວດກາ-ກວດການ ກະຊວງ ປກສ ປະກາດປັບປຸງການຈັດຕັ້ງ

by somchan

ກົມກວດກາ-ກວດການ ກະຊວງ ປກສ ປະກາດປັບປຸງການຈັດຕັ້ງ ໃນວັນທີ 15 ກັນຍາ 2020 ນີ້, ໂດຍການເປັນປະທານຂອງ ພັອ ຄຳຜາສິດ ບົງມູນທອງ ຫົວໜ້າກົມກວດກາ-ກວດການ ມີບັນດາພະນັກງານຫຼັກແຫຼ່ງເຂົ້າຮ່ວມ.

ພັທ ບຸນຊູ ແກ້ວທະນູສິນ ຫົວໜ້າພະແນກການເມືອງ ກົມກວດກາ-ກວດການ ໄດ້ຜ່ານຂໍ້ຕົກລົງຂອງກົມໃຫຍ່ການເມືອງ ປກສ ວ່າດ້ວຍການຍົກຍ້າຍ ແລະ ແຕ່ງຕັ້ງຫົວໜ້າພະແນກ ທີ່ຂຶ້ນກັບກົມກວດກາ-ກວດການ. ໃນນີ້, ຍົກຍ້າຍ ພັທ ພູວອນ ຄຳວິໄລ ຈາກພະແນກການເມືອງໄປຮັບໜ້າທີ່ໃຫມ່ ເປັນຫົວໜ້າພະແນກພະລາທິການ, ແຕ່ງຕັ້ງພັທ ວິໄລທອງ ຈັນວົງສາ ເປັນຫົວໜ້າພະແນກ ແກ້ໄຂຄຳສະເໜີ ແລະ ຄຳຮ້ອງຟ້ອງ.

ໂອກາດນີ້, ພັອ ຄຳຜາສິດ ບົງມູນທອງ ຫົວໜ້າກົມກວດກາ-ກວດການ ໄດ້ກ່າວວ່າ: ການປັບປຸງກົງຈັກການຈັດຕັ້ງໃນຄັ້ງນີ້ ແມ່ນອີງໃສ່ຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃຫມ່ ໃຫ້ສອດຄ່ອງກັບສະພາບຄວາມເປັນຈິງ ເປັນການມອບໝາຍຄວາມຮັບຊອບໃຫ້ບຸກຄົນ. ສະນັ້ນຜູ້ທີ່ໄດ້ຮັບການແຕ່ງຕັ້ງໃນຄັ້ງນີ້ ຈົ່ງຍົກສູງສະຕິ, ມີຄວາມຮັບຜິດຊອບສູງຕໍ່ໜ້າທີ່ ທີ່ໄດ້ຮັບມອບໝາຍ, ມີຄວາມສະມັກຄີພາບໃນຄະນະ, ສືບຕໍ່ຊີ້ນຳ-ນຳພາພະນັກງານ-ນັກຮົບ ປະຕິບັດໜ້າທີ່ວິຊາສະເພາະ ໃຫ້ມີຜົນສຳເລັດສູງ.

Off

Comments are closed.