12th Oct2020

ຊາວໜຸ່ມ ກະຊວງ ປກສ ສ້າງຂະບວນການອອກແຮງງານລວມ

by somchan

ໃນວັນທີ 9 ຕຸລາ 2020 ຄະນະບໍລິຫານງານຊາວໜຸ່ມ ກະຊວງ ປກສ ໄດ້ສ້າງຂະບວນການອອກແຮງງານ ຢູ່ທີສູນຮັບຕ້ອນກຳລັງໃໝ່ສະໝາມມ້າ ເພື່ອຊົມເຊີຍຜົນສຳເລັດກອງປະຊຸມໃຫ່ຍ ອົງຄະນະພັກ ກະຊວງ ປກສ ຄັ້ງທີ 5 ແລະ ຂໍ່ານັບຮັບຕ້ອນກອງປະຊຸມໃຫ່ຍ ຜູ້ແທນຊາວໜຸ່ມທົ່ວປະເທດ ຄັ້ງທີ 8, ໂດຍການເຂົ້າຮ່ວມ ແລະ ນຳພາຂອງທ່ານ ພົຈວ ຄຳສາຍ ຈັນທະວົງ ຮອງຫົວໜ້າກົມໃຫ່ຍການເມືອງ ປກສ ແລະ ພັທ ບຸນຈັນ ອິນພົມມາ ເລຂາຄະນະບໍລິຫານງານຊາວໜຸ່ມ ກະວງ ປກສ, ມີຄະນະບໍລິຫານງານຊາວໜຸ່ມ, ຫ້ອງຊາວໜຸ່ມ 18 ກົມ, ກອງອ້ອມຂ້າງກະຊວງ ປກສເຂົ້າຮ່ວມ.

ພັທ ສີສົມບັດ ໄຊປັນຍາ ຮອງເລຂາຄະນະບໍລິຫານງານຊາວໜຸ່ມ ກະຊວງ ປກສ ໄດ້ກ່າວວ່າ ຈຸດປະສົງຂອງການອອກແຮງງານຄັ້ງນີ້ ເພື່ອເປັນການຊົມເຊີຍຜົນສຳເລັດກອງປະຊຸມໃຫ່ຍ ອົງຄະນະພັກ ກະຊວງ ປກສ ຄັ້ງທີ 5 ແລະ ຂໍ່ານັບຮັບຕ້ອນກອງປະຊຸມໃຫ່ຍ ຜູ້ແທນຊາວໜຸ່ມທົ່ວປະເທດ ຄັ້ງທີ 8, ພ້ອມທັງ ຂໍ່ານັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີທີ່ຈະມີເຖິງໃນມໍ່ໆນີ້ ໃຫ້ເປັນຂະບວນການຟົດຟື້ນມວນຊື່ນຢ່າງກວ້າງຂວາງ, ການອອກແຮງງານຄັ້ງນີ້ ແມ່ນໄດ້ມີການອານາໄມຕາມເດີ່ນ ແລະ ອ້ອມຂ້າງອາຄານ, ໄດ້ມີການຖາງຫຍ້າ, ຕັດຫຍ້າ, ອານາໄມຕາມສະຖານທີ່ຕ່າງໆອ້ອມຂ້າງອາຄານ ໃຫ້ມີຄວາມສະອາດຈົບງາມ, ນອກນັ້ນ ກໍ່ເພື່ອເປັນການທຳລາຍແຫຼ່ງເພາະພັນຂອງຍຸລາຍ ທີ່ເປັນຕົ້ນເຫດຂອງພະຍາດໄຂຍຸງລາຍ ເຮັດໃຫ້ນາຍ ແລະ ພົນຕຳຫຼວດມີສຸຂະພາບແຂງແຮງ ປະສະຈາກໂລກໄພໄຂ້ເຈັບ, ທັງເປັນການຫັດແໜ້ນຄວາມສາມັກຄີລະຫວ່າງຊາວໜຸ່ມ 18 ກົມກອງອ້ອມຂ້າງກະຊວງ ປກສ ໃຫ້ມີຄວາມສາມະຄີແໜ້ນແຟ້ນຍິ່ງຂື້ນ ແລະ ໃນວັນດຽວກັນນີ້ ແມ່ຍີງ ກົມຊື່ມວນຊົນ ປກສ ນຳໂດຍ ພັທ ພອນພິລຸນ ປັນຍາສິລິ ຮອງຫົວໜ້າກົມສື່ມວນຊົນ ປກສ ກໍ່ໄດ້ພ້ອມກັນອອກແຮງງານລວມຖາງຫຍ້າ-ຕັດຫຍ້າ ປັດກວດເດີນ ລ່ວງຮ່ອງລະບາຍນ້ຳ ທັງນີ້ກໍ່ເພື່ອເຮັດໃຫ້ຫ້ອງການມີຄວາມສະອາດຈົບງາມ.

Off

Comments are closed.