12th Oct2020

ປກສ ນະຄອນຫລວງວຽງຈັນ ຈູດທຳລາຍຢາເສບຕິດ

by somchan

ກອງບັນຊາການ ປກສ ນະຄອນຫລວງວຽງຈັນ ໄດ້ຈັດພິທີ ຈູດທຳລາຍຢາເສບຕິດເພືອສະເຫຼີມສະຫລອງ ວັນແຫ່ງຊາດຕ້ານຢາເສບຕິດຄົບຮອບ 19 ປີ ໃນວັນທີ 12 ຕຸລາ 2020 ນີ້ ໂດຍການເປັນກຽດເຂົ້າຮ່ວມຂອງ  ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ເຈົ້າຄອງນະຄອນຫລວງວຽງຈັນ ແລະ. ພຈົວ ສົມວັນ ສາຍລ້ອງພາ ຫົວຫນ້າຫ້ອງວ່າການກະຊວງ ປກສ ພ້ອມດ້ວຍ ຜູ້ຕາງຫນ້າຈາກອົງການໄອຍາການ ສານ ອົງການປົກຄອງຂັ້ນທ້ອງຖີ່ນ ຊາວໜຸ່ມ ນັກຮຽນ ແລະ ປະຊາຊົນເຂົ້າຮ່ວມ.

ພັອ ສຸກພະຈັນ ບຸດດາຄຳ ຫົວຫນ້າ ກອງບັນຊາການ ປກສ ນະຄອນຫລວງວຽງຈັນ ໄດ້ ກ່າວວ່າ ຢາເສບຕິດເປັນມະຫັນຕະໄພທີ່ຮ້າຍແຮງຕໍ່ມວນມະນຸດ ແລະ ມີລັກສະນະເພີ່ມຂື້ນຢູ່ຫລາຍປະເທດໃນທົ່ວໂລກ ສຳລັບປະເທດລາວ ກໍ່ພວມປະເຊີນກັບບັນຫາດັ່ງກ່າວ   ໃນໄລຍະ 1 ປີຜ່ານມາ ເຈົ້າຫນ້າທີ່ທຸກພາກສ່ວນໄດ້ສຸມໃສ່ ປະຕິບັດຫນ້າທີ່ຢ່າງເອົາຈີງເອົາຈັງ. ໄດ້ເອົາໃຈໃສ່ສຶກສາອົບຮົມ ແລະໂຄສະນາເຜີຍແຜ່ປຸກຈິດສຳນຶກໃຫ້ຄົນໃນສັງຄົມໄດ້ຮັບຮູ້ເຂົ້າໃຈຕໍ່ລະບຽບກົດຫມາຍ ເຫັນໄດ້ຜົນຮ້າຍໄພອັນຕະລາຍຂອງຢາເສບຕິດ ຜ່ານສື່ຕ່າງໆ ເອົາໃຈໄສ່ຟື້ນຟູສະພາບຈິດໃຈ ແລະ ຮ່າງກາຍຂອງຜູ້ຕິດສີ່ງເສບຕິດ ຢູ່ສູນປີ່ນປົວ.ໂຮງຫມໍ.ຊຸມຊົນ ແລະ ຄອບຄົວເພື່ອໃຫ້ຜູ້ຖືກເຄາະຮ້າຍໄດ້ກັບຄືນສູ່ສະພາບປົກກະຕິ ຄຽງຄູ່ກັນນີ້ກໍ່ໄດ້ຝຶກວິຊາຊີບຂັ້ນພື້ນຖານເພື່ອສ້າງເງື່ອນໄຂໃຫ້ເຂົາເຈົ້າມີວຽກເຮັດງານທຳເມື່ອກັບຄືນສູ່ຄອບຄົວ . ປະຕິບັດບັນດາໂຄງການຂອງນະຄອນຫລວງວຽງຈັນວາງອອກ ເປັນຕົ້ນ ຂະບວນການ 4 ຫລຸດ 3 ເພີ່ມ 3 ຂະບວນການ ໃຫ້ປະກົດຜົນເປັນຈີງ ສ້າງບ້ານປ້ອງກັນຄວາມສະຫງົບດີ ມີ 3 ກິດຈະກຳ ຫນື່ງໃນນັ້ນກໍ່ແມ່ນແຜນປະເມີນບ້ານປອດຢາເສບຕິດ ໃນນີ້ຈັດຕັ້ງປະຕິບັດໄດ້ 481 ບ້ານ .ສ້າງໂຮງຮຽນປອດຢາເສບຕິດໄດ້ 156 ແຫ່ງ ກວມເອົາ 86% ໃນ 1 ປີຜ່ານມາສາມາດມ້າງລາຍຄະດີຢາເສບຕິດໄດ້ 951 ຄັ້ງ ກັກຕົວຜູ້ກະທຳຜິດໄດ້ 1.291 ຄົນ ຍີງ 147 ຄົນ ຕ່າງປະເທດ 24 ຄົນ ຢຶດ ຢາບ້າໄດ້ 2.662.498 ເມັດ. ເຮໂລອິນ 3 ແທ່ງ ນ້ຳຫນັກ  ເກຶອບສອງກິໂລ. ຢາໄອ 846 ກິໂລກຣາມ . ກັນຊາ 51.6 ກຼາມ. .ລົດໃຫຍ່ 8 ຄັນ ລົດຈັກ 38 ຄັນ ປືນສັ້ນ 2 ກະບອກ ເງີນກີບ 1 ລ້ານກວ່າກີບ ເງີນບາດ 267 000 ບາດ ເງີນໂດລາ 6.921 ໂດລາ ແລະ ເຄື່ອງອື່ນໆອີກຈຳນວນຫນື່ງ.

ສະເພາະຢາເສບຕິດທີ່ນຳມາຈູດທຳລາຍຖື້ມໃນຄັ້ງນີ້ແມ່ນ ໄດ້ມາຈາກກົມຕຳຫລວດສະກັດກັ້ນ ແລະ ຕ້ານຢາເສບຕິດ.ພະແນກຕຳຫລວດສະກັດກັ້ນ ແລະຕ້ານຢາເສບຕິດທີ  ໄດ້ຜ່ານຂະບວນຢຸດຕິທຳຕາມຂັ້ນຕອນແລະ ຖືກສານຕັດສິນຄະດີແລ້ວ ລວມມີ ເຮໂລອິນ 2 ກິໂລກຣາມ ກັບ 741 ກຼາມ ຢາບ້າ 152 ກິໂລກຣາມ ຢາໄອສ໌ 16 ກິໂລກຣາມ ໂຄເຄນ 3 ກິໂລກຣາມ ຝີ່ນ 19 ກຼາມ ຄັນຊາ 484 ກິໂລກຣາມ ແຮ້ງປະສົມໃນການຜະລິດຢາເສບຕິດ, ສານເຄມີ ແລະ ອື່ນໆ.

Off

Comments are closed.