14th Oct2020

ຮອງລັດຖະມົນຕີກະຊວງ ປກສ ລົງຊີ້ນໍາວຽກງານຢູ່ກອງບັນຊາການ ປກສ ແຂວງໄຊຍະບູລີ

by somchan

ວັນທີ 13 ຕຸລາ 2020 ນີ້, ພົຕ ປອ ທອງເຫຼັກ ມັງຫນໍ່ເມກ ຮອງລັດຖະມົນຕີກະຊວງ ປ້ອງ ກັນຄວາມສະຫງົບ ພ້ອມດ້ຍຄະນະ ໄດ້ລົງເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບຢູ່ ກອງບັນຊາການ ປກສ ແຂວງໄຊຍະບູລີ ໂດຍມີ ພ້ອ ຄໍາແພງ ເພັດ ຫົວຫນ້າກອງບັນຊາການ ປກສ ແຂວງໄຊຍະບູລີ ພ້ອມດ້ວຍຄະນະ ແລະ ພະນັກງານຫຼັກແຫຼ່ງໃຫ້ການຕ້ອນຮັບຢ່າງອົບອຸ່ນ.

ໂອກາດທີ່ລົງເຄື່ອນໄຫວດັ່ງກ່າວ ທາງຄະນະເຜີຍແຜ່ນິຕິກໍາທີ່ສໍາຄັນຕ່າງໆ ຂອງກົມການເມືອງສູນກາງພັກ ແລະ ຂອງກະຊວງ ປ້ອງກັນຄາມສະຫງົບ ເພື່ອ ໃຫ້ບັນດາສະຫາຍຄະນະພັກ – ຄະນະບັນຊາແຕ່ລະຂັ້ນ ແລະ ພະນັກງານຫຼັກແຫຼ່ງໄດ້ຮັບຮູ້, ເຂົ້າໃຈ ຢ່າງເລີກເຊິ່ງ ແລະ ກໍາແຫນ້ນບັນດາເນື້ອໃນ, ພ້ອມກັນນໍາໄປຜັນຂະຫຍາຍເປັນແຜນງານອັນ ລະອຽດ ແລະ ຈັດຕັ້ງເຜີຍແຜ່ຢູ່ບັນດາກົມກອງຢ່າງທົ່ວເຖິງ.

ຈາກນັ້ນ, ທ່ານຮອງລັດຖະມົນຕີກະຊວງ ປ້ອງກັນຄວາມສະຫງົບ ໄດ້ໃຫ້ກຽດມີຄໍາເຫັນຊີ້ນໍາຕໍ່ ຄະນະພັກ – ຄະນະບັນຊາ ແລະ ພະນັກງານ ຫຼັກແຫຼ່ງ ກອງບັນຊາການ ປກສ ແຂວງໄຊຍະບູລີ ກ່ອນອື່ນທ່ານໄດ້ຍົກໃຫ້ເຫັນສະພາບການອັນ ພົ້ນເດັ່ນທີ່ເກີດຂື້ນຢູ່ໃນສາກົນ, ພາກພື້ນ ແລະ ພາຍໃນປະເທດເຮົາ; ພ້ອມທັງເນັ້ນຫນັກຄະນະພັກ – ຄະນະບັນຊາແຕ່ລະຂັ້ນ ເພີ່ມທະວີສືກສາອົບຮົມການເມືອງ – ແນວຄິດນາຍ ແລະ ພົນຕໍາຫຼວດ ໃນທົ່ວກໍາລັງໃຫ້ຫນັກແຫນ້ນເຂັ້ມແຂງ; ເດັດດ່ຽວສະກັດກັ້ນ ແລະ ແກ້ໄຂປະກົດການຫຍໍ້ທໍ້ພາຍໃນ ກໍາລັງໃຫ້ເຂັ້ມງວດ; ເອົາໃຈໃສ່ຕິດຕາມ, ກວດກາ ແລະ ຄຸ້ມຄອງຄວາມເປັນລະບຽບຮຽບຮ້ອຍ ຂອງສັງຄົມ, ຄຸ້ມຄອງສະພາບການເຫນັງຕີງຂອງພົນລະເມືອງ;ກໍາແຫນ້ນບັນດາເປົ້າຫມາຍທີ່ເປັນ ປັດໃຈຫນໍ່ແຫນ່ງກໍ່ຄວາມບໍ່ສະຫງົບໃນສັງຄົມ; ພ້ອມທັງຈັດຕັ້ງກໍາລັງອອກເຄື່ອນໄຫວສະກັດກັ້ນ, ແກ້ໄຂເປົ້າຫມາຍປະເພດຕ່າງໆ ແລະ ເພີ່ມທະວີສະຕິກຽມພ້ອມປະຕິບັດຫນ້າທີ່ໃນທຸກສະຖານະການ ຮັບປະກັນໃຫ້ທົ່ວແຂວງ ມີສະຖຽນລະພາບທໍາງດ້ານເມືອງຢ່າງຫນັກແຫນ້ນ, ສັງຄົມມີຄວາມ ສະຫງົບ ແລະ ມີຄວາມເປັນລະບຽບຮຽບຮ້ອຍໂດຍພື້ນຖານ.

ໃນວັນດຽວກັນ ທ່ານຮອງລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມຄະນະພັກ – ຄະນະບັນຊາ, ນາຍ ແລະ ພົນຕໍາຫຼວດ ກອງພັນປ້ອງກັນ ເຄື່ອນທີ່ ປກສ ແຂວງ ໄຊຍະບູລີ ແລະ ຢ້ຽມຢາມຄ້າຍຄຸມຂັງ – ດັດສ້າງ ປກສ ແຂວງຕື່ມອີກ.

 

Off

Comments are closed.