20th Oct2020

ຮອງລັດຖະມົນຕີ ກະຊວງ ປກສ ຕ້ອນຮັບການເຂົ້າຢ້ຽມອຳລາ ເອກອັກຄະລັດຖະທູດເກົາຫລີ

by somchan

ໃນວັນທີ 19 ຕຸລາ 2020 ນີ້ ພົຕ ກົງທອງ ພົງວິຈິດ ຮອງລັດທະມົນຕີ ກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມອຳລາ ຂອງທ່ານ ຊິນຊັງຊຸນ ເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງສາທາລະນະລັດ ເກົາຫລີ ປະຈຳລາວ ພ້ອມດ້ວຍຄະນະ.

 

ໂອກາດນີ້ ທ່ານ ຮອງລັດຖະມົນຕີກະຊວງປ້ອງກັນຄວາມສະຫງົບ ກໍ່ໄດ້ຕີລາຄາສູງ ໃນການເຂົ້າຢ້ຽມອຳລາໃນຄັ້ງນີ້ ເຊິ່ງທ່ານໄດ້ກ່າວວ່າ: ຕະຫລອດໄລຍະການປະຕິບັດຫນ້າທີ່ຂອງທ່ານເອກອັກຄະລັດຖະທູດຢູ່ລາວ ແມ່ນໄດ້ປະກອບສ່ວນຢ່າງໃຫຍ່ຫລວງໃຫ້ແກ່ກຳລັງ ປກສ ເປັນຕົ້ນແມ່ນການພົວພັນຮ່ວມມືຮອບດ້ານຂອງ 2 ລັດຖະບານ ເຮັດໃຫ້ເສດຖະກິດຂອງປະເທດລາວນັບມື້ນັບດີຂື້ນ ສະເພາະກຳລັງ ປກສ ລັດຖະບານສາທາລະນະລັດເກົາຫລີ ກໍ່ໄດ້ໃຫ້ການຊ່ວຍເຫລືອຕະຫລອດມາ ເປັນຕົ້ນແມ່ນການໃຫ້ທຶນປຸກສ້າງໂຮງຫມໍ 5 ເມສາ ທັນສະໄຫມ ເຊີ່ງເປັນການອຳນວຍຄວາມສະດວກໃນການປະຕິບັດຫນ້າທີ່ຂອງເເພດຫມໍ ໃຫ້ໄດ້ຮັບຄຸນນະພາບສູງຂື້ນ ພ້ອມນີ້ກໍ່ຍັງ ໄດ້ຝືກອົບຮົມຍົກລະດັບຄວາມຮູ້ຄວາມສາມາດໃຫ້ແກ່ບຸກຄະລາກອນທາງການເເພດໃຫ້ສູງຂື້ນ ສາມາດປະຕິບັດຫນ້າທີ່ໃຫ້ໄດ້ດີກວ່າເກົ່າ.

ພ້ອມນີ້ ທ່ານຮອງ ລັດຖະມົນຕີ ກໍ່ໄດ້ອວຍພອນໃຫ້ທ່ານເອກອັດຄະລັດຖະທູດ ພ້ອມດ້ວຍຄະນະ ເດີນທາງກັບຄືນປະເທດ ດ້ວຍຄວາມສະຫວັດດີພາບ.

Off

Comments are closed.