21st Oct2020

31 ບ້ານ ຂອງນະຄອນໄກສອນ ພົມວິຫານ ໄດ້ຮັບຮອງ ເປັນບ້ານປອດຢາເສບຕິດ ສະໄຫມທີ 2

by somchan

ໃນວັນທີ 20 ຕຸລາ 2020ນີ້,ກອງບັນຊາການ ປກສ ນະຄອນໄກສອນ ພົມວິຫານ ແຂວງສະຫວັນນະເຂດ,ຈັດພິທີມອບ-ຮັບ ໃບຢັ້ງຢືນ ບ້ານ ປອດຢາເສບຕິດ ສະໄຫມທີ II ຈໍານວນ 31 ບ້ານ ປະຈໍາປີ 2020 ໂດຍການເຂົ້າຮ່ວມຂອງ ທ່ານ ປອ ແສງທອງ ວັງແກ້ວ ມະນີ ເຈົ້ານະຄອນໄກສອນພົມວິຫານ, ພັທ ຄໍາສີ ທູນທະວົງສັກ ຫົວຫນ້າ ກອງບັນຊາການ ປກສ ນະຄອນໄກສອນພົວິຫານ ພ້ອມ ຄະນະ, ມີຫົວຫນ້າພະແນກ,ແຂກຮັບເຊີນ,ປກສ ກຸ່ມ,ນາຍບ້ານ ແລະ ພໍ່-ແມ່ປະຊາຊົນທັງ 31 ບ້ານເຂົ້າຮ່ວມ.

ພັທ ຄໍາພູນ ຊອບບຸບຜາ ຫົວຫນ້າພະແນກຕໍາຫຼວດ ປກສ ນະຄອນ,ໄດ້ຂຶ້ນຜ່ານບົດສະຫຼຸບວຽກງານການກວດກາປະເມີນ ຄົນ,ບ້ານ ປອດຢາເສບຕິດ ສະໄຫມທີ II ປະຈໍາປີ 2020,ຂອງປກສນະຄອນໄກສອນພົມວິຫານແລະວາງທິດທາງແຜນການປີ2021,ເຊິ່ງ ໄດ້ຍົກໃຫ້ເຫັນຈຸດພິເສດທີ່ຕັ້ງ, ຄວາມສະຫງົບທາງດ້ານການເມືອງ, ຄວາມເປັນລະບຽບທາງດ້ານສັງຄົມ,ເຈົ້າຫນ້າທີ່ພະແນກຕໍາຫຼວດ, ກໍາລັງປກສ ກຸ່ມບ້ານ,ພະນັກງານກໍ່ສ້າງຮາກຖານ,ອໍານາດການປົກຄອງ ແລະ ການຈັດຕັ້ງທຸກຂັ້ນຂອງບ້ານເປັນເຈົ້າການຮ່ວມມືໃນການ ນໍາພາພໍ່-ແມ່ປະຊາຊົນ,ສ້າງຂະບວນການຕ້ານ ແລະສະກັດກັ້ນຕ້ານຢາເສບຕິດຢ່າງຕັ້ງຫນ້າ, ໂດຍສະເພາະແມ່ນໄດ້ເອົາຂໍ້ກໍານົດ,ລະບຽບກົດ. ຫມາຍ ແລະ ເອກະສານຕ່າງໆນໍາໄປຈັດຕັ້ງໂຄສະນາສຶກສາອົບຮົມການເມືອງ-ນໍາພາແນວຄິດໃຫ້ພໍ່-ແມ່ປະຊາຊົນໃນແຕ່ລະບ້ານຢ່າງເປັນ ປົກກະຕິ ແລະ ຮັກສາໄດ້ຕາມມາດຖານ, ເຊິ່ງສາມາດຕີລາຄາບ້ານ ປອດຢາເສບຕິດ ຈໍານວນ 31 ບ້ານດັ່ງກ່າວ,ເຊິ່ງລວມມີ 1.480 ຫຼັງຄາເຮືອນ, 10,226 ຄອບຄົວ, 652ຫນ່ວຍ,ມີປະຊາກອນທັງຫມົດ 61,333 ຄົນ, ສ້າງເປັນຄອບຄົວບ້ານປອດຢາເສບ ຕິດໄດ້ 9,822 ຄອບຄົວ,ເທົ່າກັບ 96% ຍັງບໍ່ທັນສ້າງ 404 ຄອບຄົວເທົ່າກັບ 3, %.

ໃນພິທີ ພັຕ ຫມອນຄໍາ ຫານສະນະ ຮອງກອງບັນຊາການ ປກສ ນະຄອນໄກສອນພົມວິຫານ, ໄດ້ຜ່ານຂໍ້ຕົກລົງ ຂອງ ທ່ານເຈົ້າແຂວງສະຫວັນນະເຂດ ວ່າດ້ວຍການຮັບຮອງບ້ານປອດຢາເສບຕິດ ພ້ອມດຽວກັນນີ້ກໍ່ໄດ້ ມອບໃບຢັ້ງຢືນບ້ານ ປອດຢາເສບຕິດ ສະໄຫມທີ II ຈໍານວນ 31 ບ້ານ ເປັນກຽດມອບໂດຍ ທ່ານ ປອແສງທອງວັງແກ້ວມະນີ ເຈົ້ານະຄອນ ໄກສອນ ພົມວິຫານ.

 

Off

Comments are closed.