22nd Oct2020

ແຂວງຈໍາປາສັກ ຈູດທໍາລາຍຢາເສບຕິດເນື່ອງ ໃນໂອກາດວັນແຫ່ງຊາດຕ້ານຢາເສບຕິດ ຄົບຮອບ 19 ປີ

by somchan

ແຂວງຈໍາປາສັກ ໄດ້ຈູດທໍາລາຍຢາເສບຕິດ ເນື່ອງໃນໂອກາດວັນແຫ່ງຊາດຕ້ານຢາເສບຕິດ ຄົບຮອບ 19 ປີ ໃນທ້າຍອາທິດຜ່ານມາ ຢູ່ທີ່ສູນບໍາບັດ ຢາເສບຕິດ ( ຫຼັກ 21 ເມືອງປະທຸມພອນ ແຂວງຈໍາປາສັກ ) ໂດຍໃຫ້ກຽດເຂົ້າຮ່ວມຂອງ ພັອ ຖາວອນ ບຸນກອງພີມ ຫົວຫນ້າກອງບັນຊາການ ປກສ ແຂວງ ຈໍາປາສັກ ມີພະອາຈານ ຈາກ ອພສ ແຂວງ ມີແຂກທີ່ຖືກເຊີນຈາກພາກສ່ວນຕ່າງໆອອ້ມຂ້າງແຂວງ, ປກສ, ປກຊ ຕະຫຼອດຮອດນັກຮຽນ, ນັກສຶກສາ ຈາກພາກສ່ວນຕ່າງໆເຂົ້າຮ່ວມ.

ໃນພິທີ ພັທ ບຸນສົງ ຈັນທະວົງສັກ ຫົວຫນ້າຫ້ອງຕໍາຫຼວດ ປກສ ແຂວງຈໍາປາສັກ ໄດ້ລາຍງານ ການເຄື່ອນໄຫວໂຄງການສະກັດກັ້ນ ແລະ ຕ້ານຢາເສບຕິດຂອງແຂວງ, ໄລຍະຜ່ານມາ, ໂດຍໄດ້ມີການສົມທົບກັບພາກສ່ວນທີ່ກ່ຽວຂ້ອງຂອງແຂວງ, ເມືອງ, ໃນການລົງເຄື່ອນໄຫວເຮັດວຽກງານໂຄສະນາ ເຜີຍແຜ່ຜົນຮ້າຍຂອງຢາເສບຕິດໃຫ້ກັບຊາວຫນຸ່ມ,ໄວຫນຸ່ມ ຢູ່ຕາມສໍານັກງານອົງການ, ສະຖາບັນການສຶກສາຕ່າງໆ ລົງຮອດຮາກຖານບ້ານບ່ອນທີ່ມີຄວາມສຽງໃນການມົ້ວສຸມຢາເສບຕິດ, ເຊິ່ງໃນໄລຍະຜ່ານມາສາມາດເກັບກໍາຂື້ນສະຖິຕິເປົ້າຫນາຍຢາເສບຕິດໃນທົ່ວແຂວງ ໄດ້ທັງຫມົດ 6.787 ຄົນ , ຍິງ 215 ຄົນ, ໃນນັ້ນເປົ້າຫນາຍຄ້າຂາຍຢາເສບຕິດທັງຫມົດ 3.122 ຄົນ, ຍິງ 140 ຄົນ, ເປົ້າຫມາຍເສບຢາເສບຕິດມີ 5.465 ຄົນ, ຍິງ 75 ຄົນ, ພ້ອມນັ້ນຍັງໄດ້ ມ້າງຄະດີຢາເສບຕິດໄດ້ທັງ

ຫມົດ 738 ລາຍ, ກັກຕ້ອງຫາໄດ້ 1.302 ຄົນ, ຍິງ 132 ຄົນ, ຄົນຕ່າງປະເທດ 16 ຄົນ, ຍິງ 3 ຄົນ, ຢຶດຂອງ ກາງປະເທດຢາ ບ້າໄດ້ 833.234 ເມັດ, ຢາໄອ 65 ກິໂລກຣາມ, ກັນຊາ 5 ກິໂລກຣາມ, ເຮໂລອິນ 5ກຼາມ, ລົດໃຫ່ຍ 37 ຄັນ, ລົດຈັກ 349 ຄັນ, ໂທລະສັບ 966 ໜ່ວຍ, ແລະ ເຄື່ອງຂອງກາງອີກ ຈໍານວນຫນື່ງ

ສຳລັບຢາເສບຕິດທີນຳມາຈູດທຳລາຍໃນຄັ້ງນີ້ ມີຢາບ້າ 471,519 ເມັດ ,ຢາໄອ 2,185 ກຣາມ ແລະ ກັນຊາ 140 ກຣາມ ເຊີ່ງແມ່ນຂະດີທີ່ສານຕັດສີນແລ້ວ

 

ໂອກາດດັ່ງກ່າວ ພັອ ຖາວອນ ບຸນກອງພິມ ຫົວໜ້າກອງບັນຊາການ ປກສ ແຂວງ ຈຳປາສັກໄດ້ສະແດງຄວາມຍ້ອງຍໍຊົມເຊີຍຜົນງານການເຄື່ອນໄຫວ, ຈັດຕັ້ງປະຕິບັດຂອງ ວຽກງານເຈົ້າຫນ້າທີ່ຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ, ຕະຫຼອດຮອດພາກສ່ວນທີ່ກ່ຽວຂ້ອງ, ໃນ ໄລຍະຜ່ານມາເຊີ່ງມັນສະແດງໃຫ້ເຫັນຜົນງານການເຄື່ອນໄຫວໃນການຈັດຕັ້ງປະຕິບັດ ແລະ ໄດ້ຮັບຜົນສໍາເລັດຕາມການ ມອບຫມ າຍຈາກນັ້ນທ່ານຍັງໄດ້ຮຽກຮ້ອງໃຫ້ ທຸກພາກສ່ວນຕ້ອງໄດ້ເປັນເຈົ້າການ ໃນການປຣະກອບສ່ວນຢ່າງຕັ້ງຫນ້າໃນການ ເຮັດວຽກງານສະກັດກັ້ນ ແລະ ຕ້ານຢາເສບຕິດ, ເພື່ອແນໃສ່ເຮັດໃຫ້ບັນຫາຢາເສບຕິດໃນຂອບເຂດທົ່ວປະເທດເວົ້າລວມ, ເວົ້າ ສະເພາະ ຢູ່ແຂວງຈໍາປາສັກ ໃຫ້ຫຼຸດຫນ້ອຍຖອຍລົງເທື່ອລະກ້າວ.

Off

Comments are closed.