27th Oct2020

ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ ຊຸດທີ 8 ໄດ້ໄຂຂື້ນຢ່າງເປັນທາງການ

by somchan

ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ 8 ໄດ້ໄຂຂື້ນຢ່າງເປັນທາງການໃນວັນທີ 27 ຕຸລາ 2020ນີ້ ໂດຍການເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ໃຫ້ກຽດເຂົ້າຮ່ວມຂອງທ່ານ ບຸນຍັງ ວໍລະຈິດ ປະທານປະເທດ, ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາຄະນະລັດຖະບານ, ອົງການຕຸລາການ, ສະມາຊິກສະພາແຫ່ງຊາດ ແລະ ແຂກຖືກເຊີນເຂົ້າຮ່ວມ.

ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໄດ້ກ່າວສູນທອນພົດ ເປີດກອງປະຊຸມໃນຄັ້ງນີ້ວ່າ: ກອງປະຊຸມສະໄໝສາມັນເທື່ອທີ່ໍ 10 ຂອງສະພາແຫ່ງຊາດຊຸດທີ 8 ຈະໄດ້ພ້ອມກັນຄົ້ນຄວ້າ, ພິຈາລະນາຮັບຮອງເອົາຫຼາຍບັນຫາທີ່ສຳຄັນຂອງຊາດ ເປັນຕົ້ນແມ່ນພິຈາລະນາຮັບຮອງເອົາວຽກງານຂອງລັດຖະບານ, ອົງການກວດສອບແຫ່ງລັດ, ອົງການກວດກາລັດຖະບານ, ອົງການໄອຍະການປະຊາຊົນສູງສຸດ, ສານປະຊາຊົນສູງສຸດວຽກງານຂອງສະພາແຫ່ງຊາດ, ພິຈາລະນາຮັບຮອງເອົາຮ່າງກົດໝາຍຈຳນວນໜຶ່ງ ແລະ ວຽກງານອື່ນໆທີ່ສຳຄັນຂອງຊາດ.

ສຳລັບກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ 8 ແມ່ນຈະດຳເນີນໄປຈົນເຖິງວັນທີ 17 ພະຈິກ 2020.

Off

Comments are closed.