28th Oct2020

ກອງປະຊຸມສຳມະນາວິທະຍາສາດ ລະດົມແນວຄິດໃນການຮຽບຮຽງເນື້ອໃນປຶ້ມປະຫວັດມູນເຊື້ອ 60 ປີ

by somchan

ກອງປະຊຸມສຳມະນາວິທະຍາສາດ ລະດົມແນວຄິດໃນການຮຽບຮຽງເນື້ອໃນປຶ້ມປະຫວັດມູນເຊື້ອ 60 ປີ ຂອງກຳລັງປ້ອງກັນຄວາມສະຫົງບ. ໄດ້ຈັດໃນວັນທີ 28 ຕຸລານີ້ ເປັນກຽດເຂົ້າຮ່ວມຂອງ ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫົງບ, ມີຮອງປະທານສະພາວິທະຍາສາດກະຊວງ ປກສ , ຄະນະພັກ-ຄະນະບັນຊາ, ນັກວິທະຍາສາດ ກົມກອງອ້ອມຂ້າງເຂົ້າຮ່ວມ.

ກອງປະຊຸມຄັ້ງນີ້ເພື່ອປັບປຸງຮຽບຮຽງປຶ້ມປະຫັວດມູນເຊື້ອ 50 ປີ ມາເປັນປະຫັວດສາດ 60 ປີ ຂອງກຳລັງປ້ອງກັນຄວາມສະຫົງບ, ໃນໄລຍະ 60 ປີ ກຳລັງປ້ອງກັນຄວາມສະຫົງບ ແມ່ນໄດ້ສະສົມບົດຮຽນອັນປະເສີດ ແລະ ມີມູນຄ່າຢ່າງຫຼວງຫຼາຍໄວ້ໃຫ້ພວກເຮົາເພື່ອສຶກສາຮຽນຮູ້, ຄົ້ນຄ້ວາ ແລະ ນຳໃຊ້ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍ່ຄືການບຳລຸງ ແລະ ກໍ່ສ້າງກຳລັງປ້ອງກັນຄວາມສະຫົງບປະຊາຊົນໃຫ້ເປັນກຳລັງທີ່ປອດໃສ, ເຂັ້ມແຂງ ແລະ ໜັກແໜ້ນ, ມີແບບແຜນວິທີເຮັດວຽກທີ່ມີວິທະຍາສາດເຮັດສຳເລັດໜ້າທີ່ໃນການປົກປັກຮັກສາສະຖຽນລະພາບທາງດ້ານການເມືອງ, ຄວາມສະຫົງບ ແລະ ຄວາມເປັນລະບຽບຮຽບຮ້ອຍຂອງສັງຄົມ.

ເພື່ອເປັນການກະກຽມໃຫ້ແກ່ການສະເຫຼີມສະຫຼອງວັນສ້າງຕັ້ງກຳລັງປ້ອງກັນຄວາມສະຫົງບປະຊາຊົນຄົບຮອບ 60 ປີ ທີ່ຈະມາເຖິງນີ້ໃຫ້ມີເນື້ອໃນ ແລະ ຂະບວນການຟົດຟື້ນ. ໃນກອງປະຊຸມຜູ້ເຂົ້າຮ່ວມໄດ້ພ້ອມກັນປະກອບຄຳຄິດຄຳເຫັນດ້ວຍຄວາມຮັບຜິດຊອບສູງເພື່ອເຮັດໃຫ້ປະຫັວດສາດ 60 ປີ ຂອງກຳລັງປ້ອງກັນຄວາມສະຫົງບປະຊາຊົນ ມີເນື້ອໃນອຸດົມສົມບູນ, ຖືກຕ້ອງ, ພ້ອມຈັດພີມເປັນປື້ມ ແລະ ຈັດຕັ້ງເຜີຍແຜ່ໃຫ້ທົ່ວກຳລັງປ້ອງກັນຄວາມສະຫົງບ ແລະ ທົ່ວສັງຄົມໄດ້ຮັບຮູ້ເຂົ້າໃຈຢ່າງເລິກເຊີ່ງ.

Off

Comments are closed.